جامع ترمذی: كتاب: جنازے کے احکام ومسائل (باب: انبياء ؑ كہاں دفنائے جاتے ہیں؟)

ترجمۃ الباب:

1052.

ام المومنین عائشہ‬ ؓ ک‬ہتی ہیں کہ جب رسول اللہ ﷺ کی وفات ہوئی تو آپﷺ کی تدفین کے سلسلے میں لوگوں میں اختلاف ہوا ۱؎ ابوبکر ؓ نے کہا: میں نے رسول اللہ سے ایک ایسی بات سنی ہے جو میں بھولا نہیں ہوں، آپﷺ نے فرمایا: ’’جتنے بھی نبی ہوئے ہیں اللہ نے ان کی روح وہیں قبض کی ہے جہاں وہ دفن کیا جانا پسند کرتے تھے (اس لیے) تم لوگ انہیں ان کے بسترہی کے مقام پردفن کرو‘‘۔
امام ترمذی کہتے ہیں:
۱۔ یہ حدیث غریب ہے، عبدالرحمن بن ابی بکر ملیکی اپنے حفظ کے تعلق سے ضعیف گردانے جاتے ہیں۔
۲۔ یہ حدیث اس کے علاوہ طریق سے بھی مروی ہے۔ ابن عباس نے ابوبکر صدیق سے اور انہوں نے نبی اکرمﷺ سے روایت کی ہے۔