التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الرِّضَاعِ (بَابٌ فِي الْمَصَّةِ وَالْمَصَّتَيْنِ)

حکم : أحاديث صحيح مسلم كلها صحيحة 

1451.05. حَدَّثَنِي أَحْمَدُ بْنُ سَعِيدٍ الدَّارِمِيُّ، حَدَّثَنَا حَبَّانُ، حَدَّثَنَا هَمَّامٌ، حَدَّثَنَا قَتَادَةُ، عَنْ أَبِي الْخَلِيلِ، عَنْ عَبْدِ اللهِ بْنِ الْحَارِثِ، عَنْ أُمِّ الْفَضْلِ، سَأَلَ رَجُلٌ النَّبِيَّ صَلَّى اللهُ عَلَيْهِ وَسَلَّمَ أَتُحَرِّمُ الْمَصَّةُ؟ فَقَالَ: «لَا

مترجم:

1451.05.

ہمام نے ہمیں حدیث بیان کی، کہا: ہمیں قتادہ نے باقی ماندہ اسی سند کے ساتھ ام فضل‬ رضی اللہ تعالیٰ عنہا س‬ے روایت کی کہ ایک آدمی نے نبی صلی اللہ علیہ وسلم سے سوال کیا: کیا ایک مرتبہ دودھ چوسنا (رشتے کو) حرام کر دیتا ہے؟ تو آپ صلی اللہ علیہ وسلم نے جواب دیا: "نہیں۔‘‘

×
حدیث ترجمہ:

حضرت ام الفضل رضی اللہ تعالیٰ عنہا سے روایت ہے، ایک آدمی نے رسول اللہ صلی اللہ علیہ وسلم سے پوچھا، کیا ایک دفعہ چوسنا حرام قرار دیتا ہے؟ آپ صلی اللہ علیہ وسلم نے فرمایا: ’’نہیں۔‘‘

حدیث حاشیہ:

فوائد ومسائل

1۔ حدیث میں رضاعت کے لیے تین لفظ استعمال ہوئے۔
مَصَّةٌ: اس کامعنی ہوتا ہے، پستان چوسنا۔ بچہ جب ایک دفعہ عورت کا دودھ چوس لیتا ہے، چاہے وہ ایک قطرہ ہی ہو، تو یہ مَصَّہ کہلاتا ہے۔
اِمْلاَجَةٌ: اس کا معنی ہوتا ہے، عورت کا بچے کہ منہ میں اپنا پستان ڈال دینا۔ جب عورت نے پستان بچہ کے منہ میں ڈال دیا، پھر بچہ نے نکال دیا تو یہ املاجہ ہوگا۔
مُرْضِعَةٌ: اس کا معنی علامہ شیرازی نے مہذب میں اورابن قدامہ نے المغنی میں اورحافظ ابن قیم نے (زادلمعاد ،ج5 ص 511 مکتبہ الفرقان) میں یہ بیان کیا ہے کہ بچہ جب عورت کا پستان منہ میں ڈال کر پینا شروع کردے اور سیر ہوکر اپنی مرضی سے بلا کسی سبب اور وجہ کے چھوڑ دے تو یہ ایک مرضعہ ہو گا، اگرسانس لینے کے لیے یا کسی چیز کو دیکھ کر اس میں دلچسپی لیتے ہوئے چھوڑا اور پھر فوراً دوبارہ پینا شروع کر دیا یا ایک پستان کو چھوڑ کر فوراً دوسرا شروع کر دیا تو یہ ایک ہی رضعہ ہو گا جس طرح انسان کھانا کھاتا ہے درمیان میں پانی بھی پی لیتا ہے۔ ایک کھانا چھوڑ کر دوسری قسم کا کھانا کھانا شروع کر دیتا ہے تو یہ ایک دفعہ کھانا (اَکْلَةٌ) ہی تصور ہوتا ہے۔
2۔ مقدار رضاعت میں ائمہ کا اختلاف ہے مشہور اقوال اور مسالک تین ہیں۔
     1۔ رضاعت کم  ہو یا زیادہ ہرصورت میں حرمت ثابت ہو گی ایک گھونٹ جس سے روزہ افطار ہو جاتا ہے وہ باعث حرمت ہے، امام ابوحنیفہ رحمۃ اللہ علیہ۔ امام مالک رحمۃ اللہ                   علیہ کا یہی مؤقف ہے۔ امام احمد رحمۃ اللہ علیہ کا ایک قول بھی یہی ہے۔ امام بخاری رحمۃ اللہ علیہ نے بھی اسی کو اختیار کیا ہے بلکہ امام لیث بن سعد نے اس کو اجماعی مسئلہ               قرار دیا ہے (زادالمعاد ج5 ص 507)  لیکن امام شوکانی رحمۃ اللہ علیہ نے لیث بن سعد کو امام شافعی رحمۃ اللہ علیہ کا ہمنوا قرار دیا ہے۔ (الدراری المضیہ ج2 ص 212) بہرحال                      اکثریت کا مؤقف یہی ہے۔
    2۔ ایک دو دفعہ رضعہ سے حرمت ثابت نہیں ہوتی تین اور اس سے زائد رضعہ سے حرمت ثابت ہو گی۔ امام ابوثور۔ ابوعبیدہ۔ ابن المنذ ر۔ داؤد ظاہری کا نظریہ یہ ہے۔ اور امام احمد              رحمۃ اللہ علیہ کا ایک قول بھی یہی ہے۔
   3۔ حرمت کے لیے کم ازکم پانچ رضعات ہونا ضروری ہے، امام شافعی رحمۃ اللہ علیہ۔ امام احمد رحمۃ اللہ علیہ کا راجح قول امام ابن حزم اور اسحاق بن راہویہ کا یہی موقف ہے اور               صحیح احادیث کی روس سے جیسا کہ آ گے آ رہی ہے۔ یہ راجح قول ہے کیونکہ رضاعت سے اصل مقصود یہی ہے کہ وہ بچے کے جسم کی تعمیرانہ تشکیل میں اثر انداز ہو اس کے         گوشت وپوست اور ہڈیوں میں اس کا دخل ہو۔ تفصیل کے لیے دیکھئے (حجۃ اللہ ج2ص 131۔132۔4) حرمت کے لیے دس رضعات کی ضرورت ہے۔ حضرت عائشہ رضی اللہ تعالیٰ              عنہا اور حفصہ رضی اللہ تعالیٰ عنہا سے منقول ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3665
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1451.05
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2633
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1451.05
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3603
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1451.05
٨. ترقيم دار السلامترقیم دار السلام3596

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

رضاعت دودھ پلانے کو کہتے ہیں حقیقی ماں کے علاوہ بھی بچہ جس  عورت کا دودھ پیتا ہے وہ اس کا جز بدن بنتا ہے اس سے بچے کا گوشت پوست بنتا ہے،اس کی ہڈیاں نشونما پاتی ہیں وہ رضاعت کے حوالے سے بچے کی ماں بن جاتی ہے اس لیے اس کے ذریعے سے دودھ پلانے والی عورت کا بچے  کے ساتھ ایسا رشتہ قائم ہوتا ہے جس کی بنا پر نکاح کا رشتہ حرام ہو جاتا ہے۔رضاعت کی بنا پر یہ حرمت دودھ پلانے والی عورت ، اس کی اولاد،اس کے بہن بھائیوں اور ان کی اولادوں تک اسی طرح پہنچتی ہے جس طرح ولادت کی بنا پر پہنچتی ہے عورت کا دودھ تب اترتا ہے جب بچہ ہو حمل اور بچے کی پیدائش کے ساتھ ، دودھ اترنے کے عمل میں خاوند شریک ہوتا ہے اس لیے دودھ پینے والے بچے کی رضاعت کا رشتہ ،دودھ پلانے والی ماں کے خاوند اور آگے اس کے خونی رشتوں تک چلا جاتا ہے وہ بچے یا بچی کا رضاعی باپ ہوتا ہے ۔ اس کا بھائی چچا ہوتا ہے اس کا والد دادا ہوتا ہے اس کی والدہ دادی ہوتی ہے  اس کی بہن پھوپھی ہوتی ہے علی ھٰذا القیاس ان تمام کی حرمت کا رشتہ اسی بچے کا قائم ہوتا ہے جس نے دودھ پیا یا براہِ راست اس کی اولاد  کا رضاعت نکاح کی حرمت کا سبب بنتی ہے میراث قصاص،دیت کے سقوط اور گواہی رد ہونے کا سبب نہیں بنتی اس حصے میں امام مسلم  نے رضاعت کے علاوہ نکاح، خاندان اور خواتین کی عادت کو حوالے سے کچھ دیگر مسائل بھی بیان کیے ہیں کتاب الرضاع حقیقت میں کتاب النکاح ہی کا ایک ذیلی حصہ ہے جس میں رضاعت کے رشتوں کے حوالے سے نکاح کے جواز اور عدم جواز اور عدم جواز کے مسائل بیان ہوئے ہیں اس کا آخری حصہ کتاب النکاح کا تتمہ ہے۔

تمہید باب عربی

×

تمہید کتاب عربی

×