Muslim | صحیح مسلم

موضوعات

شجرۂ موضوعات

ایمان (21744)

اقوام سابقہ (2945)

سیرت (18127)

قرآن (6291)

اخلاق و آداب (9781)

عبادات (51705)

کھانے پینے کے آداب و احکام (4168)

لباس اور زینت کے مسائل (3643)

نجی اور شخصی احوال ومعاملات (6566)

معاملات (9251)

عدالتی احکام و فیصلے (3434)

جرائم و عقوبات (5051)

جہاد (5360)

علم (9478)

نیک لوگوں سے اللہ کے لیے محبت کرنا

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْقَسَامَةِ وَالْمُحَارِبِينَ وَالْقِصَاصِ وَالدِّيَاتِ (بَابُ مَا يُبَاحُ بِهِ دَمُ الْمُسْلِمِ)

حکم : صحیح

4474 . حَدَّثَنَا ابْنُ نُمَيْرٍ، حَدَّثَنَا أَبِي، ح وحَدَّثَنَا ابْنُ أَبِي عُمَرَ، حَدَّثَنَا سُفْيَانُ، ح وحَدَّثَنَا إِسْحَاقُ بْنُ إِبْرَاهِيمَ، وَعَلِيُّ بْنُ خَشْرَمٍ، قَالَا: أَخْبَرَنَا عِيسَى بْنُ يُونُسَ، كُلُّهُمْ عَنِ الْأَعْمَشِ، بِهَذَا الْإِسْنَادِ مِثْلَهُ

صحیح مسلم:

کتاب: قتل کی ذمہ داری کی تعیین کے لیے اجتماعی قسموںاور لوٹ ےمار کرنے والوں(کی سزا)قصاص اور دیت کے مسائل

(

باب: مسلمان کا خون کس وجہ سے مباح ہو سکتا ہے

)

مترجم: ١. الشيخ محمد يحيىٰ سلطان محمود جلالبوري (دار السّلام)

4474. عبداللہ بن نمیر، سفیان (ابن عیینہ) اور عیسیٰ بن یونس سب نے اعمش سے اسی سند کے ساتھ اسی کے مانند حدیث بیان کی۔

Sharing Link:

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	4474
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	1676.02
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	3175.01
٤	ترقيم فؤاد عبد الباقي (برنامج الكتب التسعة)	ترقیم فواد عبد الباقی (کتب تسعہ پروگرام)	1676.02
٦	ترقيم شرکة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	4408
٧	ترقيم دار إحیاء الکتب العربیة (جامع خادم الحرمين للسنة النبوية)	ترقیم دار احیاء الکتب العربیہ (خادم الحرمین الشریفین حدیث ویب سائٹ)	1676.02
٨	ترقيم دار السلام	ترقیم دار السلام	4376

سی مقتول کی لاش کسی علاقے میں پائی جائے اور قاتل کے بارے میں واضح شہادت موجود نہ ہوتو قتل کی ذمہ داری کے تعین کے لیے مقتول کے ورثا ء پچاس اجتماعی قسمیں کھا سکتے ہیں ۔ اگر وہ قسمیں نہ کھائیں تو جن کے خلاف دعویٰ کیا گیا ہے وہ پچاس اجتماعی قسمیں کھا کر ذمہ داری سے بری ہو سکتے ہیں ۔ ان اجتماعی قسموں کو اور بعض لوگوں کے بقول قسمیں کھانے والوں کو اور بعض کے نزدیک اجتماعی قسم کھانے کے اس عمل کو قسامہ کہا جا تا ہے۔ یہ دستور جاہلی دور سے چلا آرہا تھا۔ لوگ اندھے قتل میں، حصول انصاف کے اس طریقے کو قبول کرتے تھے، اس میں عدل و انصاف کے تقاضے بھی پامال نہ ہوتے تھے بلکہ مقتول کے ورثاء کی داد رسی کی صورت نکل سکتی تھی، اس لیے رسول اللهﷺ نے اس طریق کار کو برقرار رکھا۔ آپ کے عہد مبارک میں اگر چہ عملااجتماعی قسموں کی نوبت نہ آئی ، لیکن خلفاء کے عہد میں اس طریق کار پر عمل بھی ہوا۔ اگر دیکھا جائے تو اسے کسی حد تک جرگے سے ملتا جلتا طریقہ کہا جاسکتا ہے۔ لیکن رسول اللہﷺ نے مقتول کے ورثا کوقسامہ کے جس طریق کار کی پیش کش فرمائی، اس میں ہر پہلو سے احتیاط اور عدل کا قیام مقدم ہے۔ رسول اللہ ﷺ کے سامنے جب عبداللہ بن سہل بن زید انصاری کے خیبر میں ، یہود کی آبادیوں کے پاس قتل ہو جانے کا معاملہ پیش کیا گیا تو قوی شبہ یہود پر تھا۔ آپﷺ نے اس کے بھائی اور دیگر عزیزوں سے پوچھا: تم لوگوں کے پاس کوئی گواہ یا شہادت ہے؟‘‘ انھوں نے جواب دیا نہیں۔ (بخاری، حدیث:6898) آپ نے ان سے پوچھا: کیا تم لوگ پچاس قسمیں کھاؤ گےکہ اس کو فلاں نے قتل کیا ہے تو اسے تمھارے سپرد کر دیا جائے؟، بعض روایات میں یہ الفاظ ہیں:’یا تم اپنے ساتھی کے خون (بها) کے حقدار ہو جاو ؟ تو انھوں نے کہا: ہم نے قتل ہوتے نہیں دیکھا تو قسم کیسے کھا سکتے ہیں؟ آپ ﷺ فرمایا: پھر یہود (جوقتل کے ارتکاب کا انکار کر رہے تھے ) پچاس قسمیں کھائیں گے اور تمھیں قسم کھانے کے التزام کا اہتمام سے بری کر دیں گے ۔‘‘ مقتول کے گھر والوں کو بھی قبول نہ تھا، انھوں نے کہا: وہ تو اس سے بھی بڑی باتوں کی جرات کرتے ہیں، بعض روایات میں ہے: وہ جھوٹی قسمیں کھا لیں گے اور بعد میں کفارے دے دیں گے۔ قسامہ سے چونکہ مسئلے کا ایسا حل نہ نکل رہا تھا جس سے مقتول کے اعزہ کی داد رسی ہو سکے تو رسول اللهﷺ نے کمال رحمت سے مقتول کا خون بہا، سو اونٹ ، ورثاء کو اپنی طرف سے ادا کر دیے۔ قسامہ ، دادرسی اور مصالح انسانی کے تحفظ کا ایک اہم ذریعہ ہے۔ صحابہ و تابعین ، حجاز، شام ، عراق کے اکثر ائمہ، علماء اور سلف ضرورت کے وقت قسامہ پرعمل کرنے کے قائل ہیں۔ دوسری طرف کچھ اہل علم جن میں حضرت سالم بن عبد اللہ بن عمر اور حضرت عمر بن عبدالعز بز﷜ نمایاں ہیں، اس سے اختلاف کرتے ہیں ۔ حضرت ابن عباس ؓ سے منقول ہے کہ وہ قسامہ کی بنیاد پر قصاص میں خون کسی کو قتل کرنے کے قائل نہ تھے۔ اس اختلاف کے حوالے سے یہ بات اہم ہے کہ فقہائے حجاز کی اکثریت اور زہری، ربیہ، ابوز ناد لیث ، اوزاعی ، اسحاق، ابوثور اوداود کے علاوہ امام مالک، امام شافعی ( ایک قول کے مطابق) اور امام احمد﷫ اسی کے قائل ہیں کہ اگر تمام شرائط پوری ہو جائیں تو جس کے بارے میں شرائط پوری ہوں اسے قصاص میں قتل کیا جاسکتا ہے۔ حضرت ابن عباس ﷜اور دیگر حضرات جو صرف دیت کے قائل ہیں ان کا استدلال رسول الله ﷺ کے ان الفاظ سے ہے: یہود اس کی دیت دیں گے یا جنگ کے لیے تیار ہوں گے۔“ (حدیث: 4349) جو قصاص کے بھی قائل ہیں ان کا استدلال آپ ﷺکے ان الفاظ سے ہے: تم میں سے پچاس آدمی ان میں سے ایک آدمی پرقسمیں کھائیں گے تو وہ اپنی رسی سمیت جس میں وہ بندھا ہو گا تمھارے حوالے کر دیا جائے گا ۔“(حدیث 4343 حوالے کر دیا جائے گا‘ کا فوری طور پر ذہن میں آنے والا معنی یہی ہے کہ اسے قصاص میں قتل کیا جائے گا۔ لیکن یہ مفہوم بھی لیا جاسکتا ہے کہ وہ دیت کی ادائیگی تک بطور ضمانت مقتول کے خاندان کے پاس رہے گا۔ امام عبدالرزاق نے اپنی مصنف میں لکھا ہے۔ میں نے عبید اللہ بن عمر العمری سے کہا: کیا آپ کو معلوم ہے کہ کبھی رسول اللہﷺ نے قسامہ کی بنیاد پر قصاص دلوایا؟ کہا: نہیں، میں نے کہا: حضرت ابوبکر ﷜ نے ؟ کہا: نہیں، میں نے کہا: پھر حضرت عمر ﷜نے؟ کہا: نہیں، میں نے کہا: پھر تم لوگ کس طرح اس کی جرات کرتے ہو؟ معروف تابعی ابوقلابہ ﷫نے بھی حضرت عمر بن عبدالعزیز کے سامنے، قسامہ کی بنیاد پر قصاع میں قتل کرنے کے خلاف زور دار دلائل دیے۔ یہ حد یث صحیح بخاری، کتاب الديات، باب القسامه میں بیان ہوئی ہے۔ (مزید تفصیلات اور اختلافات کے حوالے سے دلائل کے لیے فتح الباری: 12/288 - 298 کی طرف رجوع کیا جاسکتا ہے۔ معاملہ کیا ہے ایک اندھے قتل کا ہو، کوئی ذمہ دار معاشرہ مقتول کے خون کو رائگاں قرار دینا گوارا نہیں کر سکتا۔ اس صورت میں قسامہ کا طریقہ ہی ذمہ داری کے تعین اور مقتول کے خاندان کی داد رسی کا معقول ترین دستیاب طریقہ ہے، کیا برادری یا بستی کے لوگوں کے خلاف ظاہری قرائن موجود ہوں لیکن قطعی شہادت موجود نہ ہو تو اس صورت میں ان لوگوں میں پچاس قابل اعتماد لوگوں سے قسم لینے کا طریقہ ہی مناسب ترین دستیاب طریقہ ہے۔ اگر کسی برادری یا آبادی کے پچاس قابل اعتبارلوگوں کوقسم کے لیے بلایا جائے تو اس بات کا قوی امکان موجود ہے کہ اگر ان میں سے کسی بھی شخص کو اپنی برادری اور اپنے محلے کے لوگوں میں سے کسی پر بھی شک ہو تو وہ اس بات کی قسم نہ کھائے کہ اسے قاتل کے بارے میں کچھ معلوم نہیں۔ ہاں اگر کوئی معاشرہ اس حد تک گر چکا ہو کہ اس میں دو فیصد لوگ بھی سچ کہنے والے یا کم از کم جھوٹی قسم سے احتراز کرنے والے موجود نہ ہوں تو ایسے معاشرے، برادری سے نپٹنے کے لیے فطرت کے دوسرے قوانین موجود ہیں۔ یہ سب انتظامات انسانی جان کی حرمت کو یقینی بنانے کے لیے ہیں۔ اپنی ترتیب کو آگے بڑھاتے ہوئے ، قسامہ کے بعد امام مسلم﷫ نے قتل و غارت اور ڈاکہ زانی کے مجرموں اور دائرہ اسلام سے خارج ہونے والوں کی سزا کے بارے میں احادیث بیان کیں ۔ ایسے مجرم کسی ایک کے مرتکب نہیں ہوتے بلکہ معمولی مالی فائدے کے لیے بہت سے لوگوں کو انتہائی ظالمانہ طریقوں سے تباہ و ہلاک کرتے ہیں۔ یہ لوگ اس نظام ہی کے منکر اور دشمن ہوتے ہیں جو انسانی جانوں کے تحفظ کا بنیادی ذریعہ ہوتا ہے۔ ایک مرتد ان تمام حرمتوں کا منکر ہوتا ہے جو اللہ کی طرف سے انسانیت کے تحفظ کے لیے مقرر کی گئی ہیں ۔ ان کی سزا بھی ان کے جرائم کی سنگینی کےمطابق ہے۔ پھر بے گناہ انسانی جان یا اس کے کسی عضو کو تلف کرنے کی سزا کا ذکر ہے جو قصاص یادیت کی صورت میں ہوتی ہے۔ امام مسلم﷫نے ان اسباب کے حوالے سے بھی احادیث بیان کی ہیں جن کی وجہ سے کسی انسان کا خون حلال ہو جاتا ہے۔ ان کے علاوہ سب کی جانوں کو تحفظ حاصل ہے۔ اس کے بعد یہ بیان کیا گیا ہے کہ آخرت میں بھی سب سے پہلے خون کے حوالے سے محاسبہ اور رسی اور سزا کا اہتمام ہوگا۔ انسانی جان کے ساتھ ساتھ اس کی عزت اور اس کے مال کو بھی حرمت حاصل ہے، اس بات کو رسول اللہ ﷺکے خطبہ حجۃ الوداع کے ذریعے سے واضح کیا گیا ہے۔ اللہ تعالی نے ابھی پیدا نہ ہونے والے پیٹ کے بچے کی بھی ویت رکھی ہے۔ انسانی جانوں کے تحفظ کا یہ ایک مکمل نظام ہے جو اللہ کی طرف سے انسانوں کو عطا کیا گیا ہے۔

حدیث ترجمہ:

عبداللہ بن نمیر، سفیان (ابن عیینہ) اور عیسیٰ بن یونس سب نے اعمش سے اسی سند کے ساتھ اسی کے مانند حدیث بیان کی۔

حدیث ترجمہ:

امام صاحب یہی روایت اپنے چار اساتذہ کی تین سندوں سے، اعمش ہی کی مذکورہ بالا سے بیان کرتے ہیں۔

حدیث حاشیہ:

فوائد ومسائل

اسلام انسان کی پانچ چیزوں کی حفاظت کرتا ہے، اور ان تمام اشیاء اور افعال سے روکتا ہے، جو ان میں خلل اور فساد و بگاڑ کا باعث بنیں، اور ان میں بعض کی حفاظت کی خاطر، وہ لوگ جو ان کی حرمت کو پامال کریں یا ان کے تلف و ضیاع کا باعث ہوں، ان کو قتل کرنے کی سزا دیتا ہے، وہ پانچ اصولی اشیاء جن کی اسلام نے حفاظت کی ہے، اگرچہ ان کی حفاظت کے مدعی دیگر مذاہب یا انسانی وضعی قوانین بھی ہیں، لیکن ان کے اندر وہ جامعیت اور تاثیر نہیں ہے، جو اسلامی قوانین میں ہے۔
(1) دین
(2) انسانی جان
(3) مال
(4) نسل یعنی انسانی عزت و ناموس
(5) عقل
اسلام چونکہ خالق کائنات اور خالق انسان کا دین یا دستور زندگی ہے، اس لیے جو انسان اس کو قبول کرتا ہے، لیکن پھر اس کا انکار کر دیتا ہے، یا دعویٰ اسلام کے باوجود الحاد و زنادقہ اختیار کر کے، ضروریات دین جن کا اسلامی امر ہونا قطعی اور یقینی ہے، ان کا انکار کرتا ہے، وہ مرتد ہے، اسلام کا انکار کر کے (یا ضروریات دین کا انکار کر کے مسلمانوں کے اجماع کو چھوڑ کر) اگر وہ اس پر اصرار کرتا ہے، تو آدمی ہونے کی صورت میں وہ بالاتفاق واجب القتل ہے، اور جمہور کے نزدیک اگر وہ عورت ہے، تب بھی واجب القتل ہے، اور صحیح موقف یہی ہے، لیکن امام ابو حنیفہ کے نزدیک اس کو قید میں ڈالا جائے گا، اور اس کو اسلام کی طرف رجوع کرنے پر مجبور کیا جائے گا، وہ اسلام کی طرف لوٹ آئے یا پھر قید میں مر جائے۔اس طرح جو انسان زنا کا ارتکاب کرتا ہے، وہ نسل انسانی کی حرمت کو پامال کرتا ہے، اپنے اور دوسرے خاندان کی عزت و ناموس کو تباہ کرتا ہے، اس لیے اگر وہ غیر شادی شدہ ہے، تو پھر اس کو سو کوڑے لگائے جائیں گے، اور ایک سال کے لیے جلا وطن کیا جائے گا، (مزید تفصیل آگے آئے گی) اور اگر شادی شدہ ہے، تو اس کو سنگسار کیا جائے گا، اس پر علمائے امت کا اجماع ہے۔ اس طرح، جان کی حفاظت کے لیے، قاتل کی سزا، قتل رکھی ہے، تاکہ کوئی کسی کو قتل کرنے کی جرأت نہ کرے، آج مسلمانوں نے ان اسلامی سزاؤں کو جو حدود ہیں، اور ان میں تغیر و تبدل کا حق، کسی شخص یا جماعت بلکہ پوری امت کو بھی حاصل نہیں ہے، چونکہ نظرانداز کر دیا ہے، بلکہ ایسے نام نہاد دانشور بھی موجود ہیں، جو ان کو وحشیانہ سزائیں یا ظالمانہ سزائیں قرار دیتے ہیں، اس کا نتیجہ ہے کہ دہشت گردی، قتل و غارت، اغوا، زنا، الحاد و ارتداد کا دروازہ جوپٹ کھلا ہے، اور ان کے مرتکب ہر طرف دندناتے پھرتے ہیں، اور انسانی دین، جان و مال اور عزت و ناموس کی کوئی قدر و قیمت نہیں رہی ہے، اور یہ چیزیں سرعام نیلام ہو رہی ہیں۔

حدیث ترجمہ:

This hadith has been narrated on the authority of A'mash.

اسم العالم	الحكم
١. إجماع علماء المسلمين	أحاديث صحيح مسلم كلها صحيحة

موضوعات

المواضيع

Topics

المواضيع

موضوعات

Topics

رابطہ کریں

کتب احادیث

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

فوائد ومسائل

الحكم على الحديث