سنن ابو داؤد: کتاب: نماز شروع کرنے کے احکام ومسائل (باب: جب دو یا تین رکعات میں شک ہو تو شک کو چھوڑ دے)

ترجمۃ الباب:

1027.

زید بن اسلم نے مالک کی سابقہ سند سے بیان کیا کہ نبی کریم ﷺ نے فرمایا: ”جب تم میں سے کسی کو اپنی نماز میں شک ہو تو اگر اسے یقین ہو کہ اس نے تین رکعات پڑھی ہیں تو چاہیئے کہ کھڑا ہو اور ایک رکعت سجدوں سمیت پوری کرے‘ پھر بیٹھ جائے اور تشہد پڑھے۔ جب فارغ ہو جائے اور صرف سلام کہنا باقی ہو تو چاہیئے کہ دو سجدے کرے پھر سلام کہے۔“ پھر مالک کی حدیث کے ہم معنی بیان کیا۔ امام ابوداؤد ؓ کہتے ہیں کہ اس روایت کو ابن وہب نے مالک‘ حفص بن میسرہ‘ داود بن قیس اور ہشام بن سعد سے اسی طرح (مرسل) روایت کیا ہے‘ مگر ہشام نے سیدنا ابو سعید خدری ؓ سے موصولاً بیان کی ہے۔