سنن ابو داؤد: کتاب: سترے کے احکام ومسائل (باب: نمازی کو یہ حکم کہ اپنے آگے سے گزرنے والے کو روکے)

ترجمۃ الباب:

700.

جناب ابوصالح نے کہا میں نے سیدنا ابوسعید ؓ سے جو دیکھا سنا ہے تمہیں بتاتا ہوں۔ ابوسعید ؓ مروان کے پاس گئے اور بیان کیا کہ میں نے رسول اللہ ﷺ سے سنا، آپ ﷺ فر رہے تھے: ”جب تم میں سے کوئی کسی چیز کی طرف نماز پڑھ رہا ہو، جو اس کے لیے لوگوں سے سترہ ہو اور کوئی اس کے آگے سے گزرنے کی کوشش کرے تو اس کے سینے کے آگے ہاتھ کر کے اسے روک دے۔ اگر وہ انکار کرے تو اس سے لڑائی کرے، بلاشبہ وہ شیطان ہے۔“ امام ابوداؤد ؓ نے بیان کیا کہ سفیان ثوری نے کہا: ایک آدمی تکبر کرتے ہوئے میرے آگے سے نماز کی حالت میں گزرتا ہے تو میں اسے روک لیتا ہوں اور کبھی کوئی ضعیف انسان ہوتا ہے تو اسے منع نہیں کرتا۔