التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْأَيْمَانِ (بَابُ النَّهْيِ عَنِ الْحَلِفِ بِغَيْرِ اللهِ تَعَالَى)

حکم : صحیح

ترجمة الباب:

1646 .   وحَدَّثَنِي أَبُو الطَّاهِرِ أَحْمَدُ بْنُ عَمْرِو بْنِ سَرْحٍ، حَدَّثَنَا ابْنُ وَهْبٍ، عَنْ يُونُسَ، ح وحَدَّثَنِي حَرْمَلَةُ بْنُ يَحْيَى، أَخْبَرَنَا ابْنُ وَهْبٍ، أَخْبَرَنِي يُونُسُ، عَنِ ابْنِ شِهَابٍ، عَنْ سَالِمِ بْنِ عَبْدِ اللهِ، عَنْ أَبِيهِ، قَالَ: سَمِعْتُ عُمَرَ بْنَ الْخَطَّابِ، يَقُولُ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «إِنَّ اللهَ عَزَّ وَجَلَّ يَنْهَاكُمْ أَنْ تَحْلِفُوا بِآبَائِكُمْ»، قَالَ عُمَرُ: «فَوَاللهِ مَا حَلَفْتُ بِهَا مُنْذُ سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ نَهَى عَنْهَا ذَاكِرًا، وَلَا آثِرًا

صحیح مسلم:

کتاب: قسموں کا بیان

 

تمہید کتاب  (

باب: غیر اللہ کی قسم کھانے کی ممانعت

)  

مترجم: ١. الشيخ محمد يحيىٰ سلطان محمود جلالبوري (دار السّلام)

1646.   یونس نے ابن شہاب سے، انہوں نے سالم بن عبداللہ سے اور انہوں نے اپنے والد سے روایت کی، انہوں نے کہا: میں نے حضرت عمر بن خطاب رضی اللہ تعالی عنہ سے سنا، وہ کہہ رہے تھے: رسول اللہ ﷺ نے فرمایا: ’’بلاشبہ اللہ تعالیٰ تمہیں اپنے آباء و اجداد کی قسم کھانے سے منع کرتا ہے۔‘‘ حضرت عمر رضی اللہ تعالی عنہ نے کہا: اللہ کی قسم! جب سے میں نے رسول اللہ ﷺ سے سنا کہ آپﷺ نے اس سے منع فرمایا ہے، میں نے نہ (اپنی طرف سے) نہ (کسی کی) پیروی کرتے ہوئے کبھی ان (آباء و اجداد کی) قسم کھائی۔ (آباء و اجداد کی قسم کے الفاظ ہی زبان سے ادا نہیں کیے۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 4346
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 1646
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 3104
٤ ترقيم فؤاد عبد الباقي (برنامج الكتب التسعة) ترقیم فواد عبد الباقی (کتب تسعہ پروگرام) 1646
٦ ترقيم شرکة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 4280
٧ ترقيم دار إحیاء الکتب العربیة (جامع خادم الحرمين للسنة النبوية) ترقیم دار احیاء الکتب العربیہ (خادم الحرمین الشریفین حدیث ویب سائٹ) 1646
٨ ترقيم دار السلام ترقیم دار السلام 4254
ترجمۃ الباب:


حدیث ترجمہ:

یونس نے ابن شہاب سے، انہوں نے سالم بن عبداللہ سے اور انہوں نے اپنے والد سے روایت کی، انہوں نے کہا: میں نے حضرت عمر بن خطاب رضی اللہ تعالی عنہ سے سنا، وہ کہہ رہے تھے: رسول اللہ ﷺ نے فرمایا: ’’بلاشبہ اللہ تعالیٰ تمہیں اپنے آباء و اجداد کی قسم کھانے سے منع کرتا ہے۔‘‘ حضرت عمر رضی اللہ تعالی عنہ نے کہا: اللہ کی قسم! جب سے میں نے رسول اللہ ﷺ سے سنا کہ آپﷺ نے اس سے منع فرمایا ہے، میں نے نہ (اپنی طرف سے) نہ (کسی کی) پیروی کرتے ہوئے کبھی ان (آباء و اجداد کی) قسم کھائی۔ (آباء و اجداد کی قسم کے الفاظ ہی زبان سے ادا نہیں کیے۔
ترجمۃ الباب:


حدیث ترجمہ:

حضرت عمر بن خطاب رضی اللہ تعالی عنہ بیان کرتے ہیں کہ رسول اللہ صلی اللہ علیہ وسلم نے فرمایا: ’’اللہ تعالیٰ تمہیں اس بات سے روکتا ہے کہ تم اپنے آباؤ اجداد کی قسم اٹھاؤ۔‘‘ حضرت عمر رضی اللہ تعالی عنہ بیان کرتے ہیں، اللہ کی قسم! جب سے میں نے رسول اللہ صلی اللہ علیہ وسلم سے اس بات کی ممانعت سنی ہے، میں نے یہ قسم اپنی طرف سے یا بطور نقل بھی نہیں اٹھائی۔
حدیث حاشیہ:

مفردات الحدیث

(1) ايمان، يمين کی جمع ہے، جس کا معنی ہے، قوت و طاقت، اس بنا پر دائیں ہاتھ کو یمین کہتے ہیں، کیونکہ اس میں زور و قوت زیادہ ہے، اور قسم کو بھی یمین کہتے ہیں، کیونکہ عرب آپس میں قسم اٹھاتے وقت اپنا دایاں ہاتھ دوسرے کے دائیں ہاتھ پر مارتے تھے، اور یمین سے مقصود تاکید و مبالغہ ہوتا ہے۔
(2) ذاكرا: اپنی طرف سے، اثرا: دوسرے کی قسم کی نقل و حکایت کرتے ہوئے۔ صحیح اور واضح معنی یہی ہے اگرچہ امام بلقینی دو اور احتمال پیدا کرتے ہیں۔
(3) آثرا کا معنی ہے مختارا کیونکہ آثرا کا معنی ہوتا ہے اس کو پسند کرنا، تو معنی ہو گا دوسری چیز پر ترجیح دیتے ہوئے اس کو پسند کرتے ہوئے۔ آثرا کا معنی آباو اجداد کے مفاخر اور مکارم بیان کرنا، اس سے ماثرة اور ماثر ہے یعنی میں نے آباؤ اجداد کے مفاخر بیان کرتے ہوئے ان کی قسم نہیں اٹھائی۔

فوائد ومسائل

ائمہ اربعہ اور اکثر فقہاء کے نزدیک غیر اللہ کی قسم اٹھانا جائز نہیں ہے، اور بقول علامہ ابن عبدالبر، هذا اصل مجمع عليه: یہ اتفاقی قاعدہ و ضابطہ، کیونکہ شاذ قول کا اعتبار نہیں ہوتا اور بعض احادیث میں آپﷺ نے وابيه کا لفظ فرمایا ہے، تو علماء نے اس کے مختلف جوابات دئیے۔
(1) بقول علامہ ابن عبدالبر، حدیث میں یہ لفظ صحیح احادیث کے خلاف ہے، اس لیے منکر ہے لیکن یہ جواب درست نہیں۔
(2) یہ اس وقت کی بات ہے، جب ابھی غیراللہ کی قسم، یا آباؤ و اجداد کی قسم اٹھانا جائز تھا، بعد میں منسوخ ہو گیا، لیکن اس کی بھی کوئی دلیل نہیں۔
(3) عرب یہ لفظ بعض دفعہ تکیہ کلام استعمال کر لیتے تھے قسم اٹھانا مقصود نہیں ہوتا تھا، اس لیے یہ لفظ غیر شعوری طور پر زبان سے نکل جاتا تھا۔
(4) اس سے مقصود قسم نہیں ہوتا، یہ لفظ محض تقریر و تاکید کے لیے بڑھا دیتے ہیں، جس طرح محض اختصاص کے لیے، حرف نداء کا اضافہ کر دیتے ہیں، حالانکہ نداء مقصود نہیں ہوتی۔
(5) قسم تنظیم و توقیر کے لیے اٹھانا جائز نہیں ہے، تاکید و مبالغہ کے لیے قسمیہ الفاظ کا استعمال درست ہے۔
(6) وابيه یا وابيك، یہ الفاظ بعض دفعہ حیرت و تعجب کا اظہار کرنے کے لیے استعمال ہوتے ہیں، قسم مقصود نہیں ہوتی، قسم کے لیے ان کا استعمال ممنوع ہے، بطور تعجب ممنوع نہیں ہے۔
(7) آپ کے لیے جائز تھا، امت کے لیے جائز نہیں ہے۔ (فتح الباری، ج 11، مکتبہ دارالسلام، ص 650-651)
ترجمۃ الباب:


حدیث ترجمہ:

'Umar bin al-Khattab reported Allah's Messenger (ﷺ) as saying: Allah, the Great and Majestic, forbids you to swear by your fathers. Umar said: By Allah. I have never sworn (by my father) since I heard Allah's Messenger (ﷺ) forbidding it mentioning them "on my behalf" nor on behalf of someone else.

الحكم على الحديث

اسم العالمالحكم
١. إجماع علماء المسلمينأحاديث صحيح مسلم كلها صحيحة