التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ فَضَائِلِ الصَّحَابَةِؓ (بَابُ مِنْ فَضَائِلِ سَلْمَانَ وَصُهَيْبٍ وَبِلَالٍؓ)

حکم : صحیح

ترجمة الباب:

2504 .   حَدَّثَنَا مُحَمَّدُ بْنُ حَاتِمٍ، حَدَّثَنَا بَهْزٌ، حَدَّثَنَا حَمَّادُ بْنُ سَلَمَةَ، عَنْ ثَابِتٍ، عَنْ مُعَاوِيَةَ بْنِ قُرَّةَ، عَنْ عَائِذِ بْنِ عَمْرٍو، أَنَّ أَبَا سُفْيَانَ، أَتَى عَلَى سَلْمَانَ، وَصُهَيْبٍ، وَبِلَالٍ فِي نَفَرٍ، فَقَالُوا: وَاللهِ مَا أَخَذَتْ سُيُوفُ اللهِ مِنْ عُنُقِ عَدُوِّ اللهِ مَأْخَذَهَا، قَالَ فَقَالَ أَبُو بَكْرٍ: أَتَقُولُونَ هَذَا لِشَيْخِ قُرَيْشٍ وَسَيِّدِهِمْ؟، فَأَتَى النَّبِيَّ صَلَّى اللهُ عَلَيْهِ وَسَلَّمَ فَأَخْبَرَهُ، فَقَالَ: «يَا أَبَا بَكْرٍ لَعَلَّكَ أَغْضَبْتَهُمْ، لَئِنْ كُنْتَ أَغْضَبْتَهُمْ، لَقَدْ أَغْضَبْتَ رَبَّكَ» فَأَتَاهُمْ أَبُو بَكْرٍ فَقَالَ: يَا إِخْوَتَاهْ أَغْضَبْتُكُمْ؟ قَالُوا: لَا يَغْفِرُ اللهُ لَكَ يَا أَخِي

صحیح مسلم:

کتاب: صحابہ کرامؓ کے فضائل ومناقب

 

تمہید کتاب  (

باب: حضرت سلیمان ،حضرت بلال اور حضرت صہیبؓ کے فضائل

)  

مترجم: ١. الشيخ محمد يحيىٰ سلطان محمود جلالبوري (دار السّلام)

2504.   معاویہ بن قرہ نے عائذ بن عمرو رضی اللہ تعالیٰ عنہ سے روایت کی کہ ابوسفیان رضی اللہ تعالیٰ عنہ چند اور لوگوں کی موجودگی میں حضرت سلیمان، حضرت صہیب اور حضرت بلال رضوان اللہ عنھم اجمعین کے پاس سے گزرے تو انھوں نے کہا: اللہ کی قسم! اللہ کی تلواریں اللہ کے دشمن کی گردن میں اپنی جگہ تک نہیں پہنچیں۔ کہا: اس پر ابوبکر رضی اللہ تعالیٰ عنہ نے فرمایا: تم لوگ قریش کے شیخ اور سردار کے متعلق یہ کہتے ہو۔ پھر حضرت ابو بکر رضی اللہ تعالیٰ عنہ نبی ﷺ کے پاس آئے اور آپ کو یہ بات بتائی تو آپﷺ نے فرمایا: ’’ابو بکر رضی اللہ تعالیٰ عنہ! شاید تم نے ان کو ناراض کر دیا ہے۔ اگر تم نے ان کو ناراض کر دیا ہے تو اپنے رب کو ناراض کر دیا ہے۔‘‘ حضرت ابو بکر رضی اللہ تعالیٰ عنہ ان کے پاس آئے اور کہا: میرے بھائیو! کیا میں نے تم کو ناراض کر دیا؟ انھوں نے کہا: نہیں بھائی! اللہ آپ کی مغفرت فرمائے۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 6577
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 2504
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 4559
٤ ترقيم فؤاد عبد الباقي (برنامج الكتب التسعة) ترقیم فواد عبد الباقی (کتب تسعہ پروگرام) 2504
٦ ترقيم شرکة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 6494
٧ ترقيم دار إحیاء الکتب العربیة (جامع خادم الحرمين للسنة النبوية) ترقیم دار احیاء الکتب العربیہ (خادم الحرمین الشریفین حدیث ویب سائٹ) 2504
٨ ترقيم دار السلام ترقیم دار السلام 6412
ترجمۃ الباب:


حدیث ترجمہ:

معاویہ بن قرہ نے عائذ بن عمرو رضی اللہ تعالیٰ عنہ سے روایت کی کہ ابوسفیان رضی اللہ تعالیٰ عنہ چند اور لوگوں کی موجودگی میں حضرت سلیمان، حضرت صہیب اور حضرت بلال رضوان اللہ عنھم اجمعین کے پاس سے گزرے تو انھوں نے کہا: اللہ کی قسم! اللہ کی تلواریں اللہ کے دشمن کی گردن میں اپنی جگہ تک نہیں پہنچیں۔ کہا: اس پر ابوبکر رضی اللہ تعالیٰ عنہ نے فرمایا: تم لوگ قریش کے شیخ اور سردار کے متعلق یہ کہتے ہو۔ پھر حضرت ابو بکر رضی اللہ تعالیٰ عنہ نبی ﷺ کے پاس آئے اور آپ کو یہ بات بتائی تو آپﷺ نے فرمایا: ’’ابو بکر رضی اللہ تعالیٰ عنہ! شاید تم نے ان کو ناراض کر دیا ہے۔ اگر تم نے ان کو ناراض کر دیا ہے تو اپنے رب کو ناراض کر دیا ہے۔‘‘ حضرت ابو بکر رضی اللہ تعالیٰ عنہ ان کے پاس آئے اور کہا: میرے بھائیو! کیا میں نے تم کو ناراض کر دیا؟ انھوں نے کہا: نہیں بھائی! اللہ آپ کی مغفرت فرمائے۔
ترجمۃ الباب:


حدیث ترجمہ:

حضرت عائذ بن عمرو رضی اللہ تعالیٰ عنہ بیان کرتے ہیں: کہ ابوسفیان رضی اللہ تعالیٰ عنہ حضرت سلیمان، حضرت صہیب اور حضرت بلال رضوان اللہ عنھم اجمعین کے پاس سے گزرہوا جبکہ وہ چند ساتھیوں میں بیٹھے ہوئے تھے تو  ان حضرات نے کہا، اللہ کی قسم! اللہ کی تلواریں ابھی تک اللہ کے دشمن کی گردن میں اپنی جگہ تک نہیں پہنچیں۔ کہا: تو حضرت ابوبکر رضی اللہ تعالیٰ عنہ نے ان ساتھیوں سے کہا: کیا تم یہ بات قریش کے معزز فرد اور ان کے سردار کے بارے میں کہہ رہے ہو۔؟ پھر حضرت ابو بکر نے آ کر یہ بات نبی اکرم ﷺ کو بتائی تو آپ نے فرمایا: ’’اے ابوبکر ! شاید تونے ان ساتھیوں کو ناراض کر لیا ہے۔ اگرتونے ان کوغصہ دلا دیا ہے تو تو نے اپنے رب کو ناراض کر لیا ہے؟ چنانچہ ابو بکر رضی اللہ تعالی عنہ ان کے پاس آئے اور ان سے پوچھا، اے میرے بھائیو! میں نے تمہیں ناراض کر لیا ہے؟ انہوں نے کہا، نہیں، اللہ تمہیں معاف فرمائے۔۔۔۔ اے محبوب بھائی۔
حدیث حاشیہ:

فوائد ومسائل

یہ واقعہ صلح حدیبیہ کے دوران کا ہے، جبکہ ابو سفیان ابھی مسلمان نہیں ہوئے تھے چونکہ وہ اپنی قوم کے سردار اور لیڈر تھے، اس لیے ابوبکر نے کہا، تمہیں یہ انداز اختیار نہیں کرنا چاہیے تو حضور اکرم صلی اللہ علیہ وسلم نے ابوبکر سے فرمایا، یہ بات انہوں نے دینی غیرت و حمیت کے تحت کہی ہے، اس لیے تمہیں ان کی حوصلہ شکنی نہیں کرنی چاہیے تھی، جس سے معلوم ہوا ہے، اہل دین کو کم حیثیت لوگوں کی دل شکنی نہیں کرنی چاہیے، بلکہ ان سے نرمی اور اکرام سے پیش آنا چاہیے، دعائیہ کلمات سے پہلے، لا، اس انداز سے نہیں کہنا چاہیے کہ وہ بددعا بن جائے، اس لیے ابوبکر، اس انداز سے منع فرماتے تھے، وہ فرماتے تھے، عافاك الله، رحمك الله کہو، ان سے پہلے، لا، استعمال نہ کرو۔
ترجمۃ الباب:


حدیث ترجمہ:

'A'idh bin Amr reported that Abu Sufyan (RA) came to Salman, Suhaib and Bilal (RA) in the presence of a group of persons. They said: By Allah, the sword of Allah did not reach the neck of the enemy of Allah as it was required to reach. Thereupon Abu Bakr (RA) said: Do you say this to the old man of the Quraish and their chief? Then he came to Allah's Apostle (ﷺ) (may peace be upon'him) and informed him of this. Thereupon he (the Holy Prophet) said: Abu Bakr, you have perhaps annoyed them and if you annoyed them you have in fact annoyed your Lord. So Abu Bakr (RA) came to them and said: O my brothers, I have annoyed you. They said: No, our brother, may Allah forgive you

الحكم على الحديث

اسم العالمالحكم
١. إجماع علماء المسلمينأحاديث صحيح مسلم كلها صحيحة