Muslim | صحیح مسلم

موضوعات

شجرۂ موضوعات

ایمان (21675)

اقوام سابقہ (2925)

سیرت (18010)

قرآن (6272)

اخلاق و آداب (9763)

عبادات (51486)

کھانے پینے کے آداب و احکام (4155)

لباس اور زینت کے مسائل (3633)

نجی اور شخصی احوال ومعاملات (6547)

معاملات (9225)

عدالتی احکام و فیصلے (3431)

جرائم و عقوبات (5046)

جہاد (5356)

علم (9419)

نیک لوگوں سے اللہ کے لیے محبت کرنا

قسم الحديث (القائل): مرفوع ، اتصال السند: متصل ، قسم الحديث: فعلی

صحيح مسلم: كِتَابُ الزُّهْدِ وَالرَّقَائِقِ (بَابٌ «الدُّنْيَا سِجْنُ الْمُؤْمِنِ، وَجَنَّةُ الْكَافِرِ»)

حکم : صحیح

2966 . حَدَّثَنَا يَحْيَى بْنُ حَبِيبٍ الْحَارِثِيُّ حَدَّثَنَا الْمُعْتَمِرُ قَالَ سَمِعْتُ إِسْمَعِيلَ عَنْ قَيْسٍ عَنْ سَعْدٍ ح و حَدَّثَنَا مُحَمَّدُ بْنُ عَبْدِ اللَّهِ بْنِ نُمَيْرٍ حَدَّثَنَا أَبِي وَابْنُ بِشْرٍ قَالَا حَدَّثَنَا إِسْمَعِيلُ عَنْ قَيْسٍ قَالَ سَمِعْتُ سَعْدَ بْنَ أَبِي وَقَّاصٍ يَقُولُ وَاللَّهِ إِنِّي لَأَوَّلُ رَجُلٍ مِنْ الْعَرَبِ رَمَى بِسَهْمٍ فِي سَبِيلِ اللَّهِ وَلَقَدْ كُنَّا نَغْزُو مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ مَا لَنَا طَعَامٌ نَأْكُلُهُ إِلَّا وَرَقُ الْحُبْلَةِ وَهَذَا السَّمُرُ حَتَّى إِنَّ أَحَدَنَا لَيَضَعُ كَمَا تَضَعُ الشَّاةُ ثُمَّ أَصْبَحَتْ بَنُو أَسَدٍ تُعَزِّرُنِي عَلَى الدِّينِ لَقَدْ خِبْتُ إِذًا وَضَلَّ عَمَلِي وَلَمْ يَقُلْ ابْنُ نُمَيْرٍ إِذًا

صحیح مسلم:

کتاب: زہد اور رقت انگیز باتیں

(

باب: دنیا میں مومن کے لیے قید خانہ اور کافر کے لیے جنت ہے

)

مترجم: ١. الشيخ محمد يحيىٰ سلطان محمود جلالبوري (دار السّلام)

2966. معمر عبداللہ بن نمیر اور ابن بشر نے کہا: ہمیں اسماعیل بن قیس نے حدیث سنائی، کہا: میں نے حضرت سعد بن ابی وقاص رضی اللہ تعالیٰ عنہ کو فرماتے ہوئے سنا: اللہ کی قسم! میں عربوں میں سے پہلا شخص ہوں جس نے اللہ کی راہ میں تیر چلایا ہم رسول اللہ ﷺ کے ہمراہ اس طرح جنگیں لڑتے تھے کہ ہمارے پاس کھانے کو خاردار درخت کے پتوں اور اس کیکر (کےپتوں) کے سوا کچھ نہیں ہوتا تھا۔ یہاں تک کہ قم میں سے کوئی بکری کی مینگنیوں کی طرح پاخانہ کرتا تھا پھر اب بنو اسد کے لوگ دین کے معاملے میں میری تادیب کرنے لگےہیں!(اگر اب میں دین سے اس قدر نابلد ہو گیا ہوں) تب تو میں بالکل ناکام ہو گیا اور میرےعمل ضائع ہو گئے۔ اور ابن نمیر نے اپنی روایت میں ’’تب تو‘‘ نہیں کہا۔

Sharing Link:

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	7624
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	2966
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	5267
٤	ترقيم فؤاد عبد الباقي (برنامج الكتب التسعة)	ترقیم فواد عبد الباقی (کتب تسعہ پروگرام)	2966
٦	ترقيم شرکة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	7532
٧	ترقيم دار إحیاء الکتب العربیة (جامع خادم الحرمين للسنة النبوية)	ترقیم دار احیاء الکتب العربیہ (خادم الحرمین الشریفین حدیث ویب سائٹ)	2966
٨	ترقيم دار السلام	ترقیم دار السلام	7433

یہ دنیا بنو آدم کا اصل وطن نہیں ۔یہ جگہ تکلیفوں ،صدموں،خطروں اور آفتوں سے بھری ہوئی ہے ۔ٖآدم ﷤ اور ان کی اولاد کا وطن وہی جگہ ہے جسے حاصل کرنے خواہش اس کے خون میں موجزن ہے آدم ﷤کے جس بیٹے بیٹی نے اپنی فطرت کی حفاظت کی اپنے خالق و مالک پالنے والے اور نعمتوں سے نوازے والے پروردگار سے اپنا تعلق نہیں توڑا اسے معلوم ہے کہ اس کا اصل وطن کونسا ہے اور اس نے وہاں پہنچنے کے لیے کون سا راستہ اختیار کرنا ہے ،کہ اس دارالمحن میں اسے ہر صورت ایک متعین مدت کے لیے گزارنا ہے اور جب یہ میعاد پوری ہو جائے گی تو وہ اس قید خانے سے پرواز کر یگا اور اپنے خوبصورت ترین ،ابدی نعمتوں سے بھرے ہوئے اور ہر طرح کی تکلیفوں سے محفوظ وطن میں پہنچ جائے گا ۔وہاں سے ہمیشہ اپنے محبت کرنے والے انتہائی محبوب اور رحیم و کریم رب کے انتہائی قرب میں زندگی گزارے گا،جہاں ہر آن نئے سے نیا انعام اس کا منتظر ہو گا۔ دوسری طرف آدم ﷤ کا وہ بیٹا /بیٹی جس نے اپنی فطرت کو اپنے بدترین دشمن کے پاس گروی رکھ دیا اپنے رحیم وکریم پروردگار سے اپنا ناتا توڑ لیا اور اپنے بدترین دشمن کے اس جھوٹ کا اعتبار کر لیا کہ اس دنیا میں جو کچھ ہے لذت کا سامان صرف وہی ہے ، وہ اس دنیا کے متاع فریب کا شکار ہو جائے گا،اپنی منزل کو بھلا دے گا،حقیقی وطن کے طرف جانے والے راستے کو چھوڑ دے گا اور اس گٹھیا زندگی کی جھوٹی اور عارضی دلفریبیوں کے پیچھے چلتا ہوا تباہی کے گڑھے میں گر جائے گا۔اپنے دشمن کے فریب میں آ کر اس نے جس جھوٹی جنت میں دل لگایا تھا وہ بھی اس سے چھن جائے گی۔یہ دنیا حقیقتاً ایک قید خانہ ہے جس کی اصلیت سے مومن آگاہ ہے اور کافر کے لیے جنت ہے جس کے فریب ہونے اسے تب پتہ چلے گا جب وہ حتمی بتاہی کا شکار ہو چکا ہوگا۔ رسول اللہ ﷺ نے اس دنیا کی اصلیت کو واشگاف کرنے والی ایک مثال سے اولاد آدم کو اس دنیا کے فریب سے بچانے کی کوشش فرمائی ۔یہ اس بدصورت کان کٹے بکری کے بچے سے بھی زیادہ حقیر ہے جسے اپنی مختصر زندگی کے بعد مر کر متعفن ہو جانا اور گندگی میں بدل جانا ہے اس دنیا کی ساری نعمتیں اسی طرح کی ہیں تھوڑی دیر کے لیے دلکش اور جلد ہی بدل جانے والی ہیں سب سے زیادہ وہ دانا اور سب سے کامیاب انسان وہی ہو سکتا ہے جو اسی وقت میں اس نعمت سے فائدہ اٹھائے جبکہ وہ نہیں بدلی ،کھائے ،پہن لے اور جو بچے اسے نسخہ کیمیا کے ذریعے سے انتہائی بیش قیمت اور لافانی بنا کر ایسے ذریعے سے اپنے حقیقی وطن اور اپنے دائمی گھر کی زیب و زینت بنانے کے لیے آگے روانہ کر دے کہ وہاں پہنچے تک وہ لمحہ بیش قیمتی اور عظیم تر ہوتا جائے نسخہ کیمیا یہ ہے کہ ہر نعمت کو اپنے رب کی رضا کے ساتھ وابستہ کر دے اور اس کے راستے میں دے کر اسے آگے بھجوا دے۔اگر وہ ایسا نہیں کرے گا تو یہ نعمتیں اس قبر تک پہنچا کر واپس ان لوگوں کے پاس آجائیں گی جو انہیں سینت سینت کر رکھیں گے اور وہ گندگی میں بدلتی فنا ہوتی جائیں گی یا پھر ان کی قسمت اچھی ہوئی تو جو کام یہ جانے والا نہیں کر سکا وہ کر گزریں گے اور انھیں آگے روانہ کرنے میں کامیاب ہو جائیں گے دنیا کی اکثر نعمتیں اسی دنیا میں گندگی میں بدلتی رہتی ہیں اور جو نہیں بدلتیں وہ تپ کر انگارہ بنتی رہتی ہیں ، اسی کو جلا ڈالتی ہیں ،وہ ان سے چمٹا رہتا ہے ۔رسول اللہﷺ نے ہر موقع پر اپنی امت کو کامیابی کے ان سنہرے اصولوں سے آگاہ کیا اور بہترین تربیت فرمائی۔ جب فاقوں میں زندگی گزار کر ایثار کرنے والے انصار بحرین سے مال آجانے کی خبر سن کر فاقے اور احتیاج کی شدت سے بچنے کی امید لے کر آپ کی خدمت میں آبیٹھے تو آپ نے انھیں اس مال میں سے اپنے حصے کی نوید بھی عطا کی اور اس سے کروڑ زیادہ قیمتی اس حقیقت سے آگاہ کیا کہ فاقے میں جو امتحان ہوتا ہے وہ اس امتحان سے بہت آسان ہے جو مال کی فراوانی کے ذریعہ سے ہوتا ہے وہی اہل ایمان جو فاقوں کے عالم میں ایثار اور مواسات کے راستے پر چل رہے ہیں مال آجانے کے بعد ان میں سے بہت لوگ دنیا داری میں مقابلے کا شکار ہو جائیں گے ،ایثار کے بجائے ایک دوسرے سے منہ موڑ لیں گے اور مواسات کے بجائے باہمی حسد اور بغض کا شکار ہو جائیں گے۔آپ نے اس امتحان میں سرخرو ہونے کا نسخہ یہ بتایا کہ دنیا اور مال کے معاملے میں اس کی طرف دیکھنے کی بجائے جو تم سے اوپر ہے،اس کی طرف دیکھنا جو تم سے کم تر ہے اور اپنی حالت کو یاد رکھنا جو دنیا کی نعمتیں ملنے سے پہلے تھی اور یاد ر کھنا کہ تم خود اپنی خوبصورت شکل و صورت ، صحت و عافیت ،سننے ، بولنے ،دیکھنے کی صلاحیت اور مال و دولت خود بنا کر ساتھ نہیں لائے ، نہ تمہارے پاس ایسا کرنے کی طاقت ہے یہ سب کچھ تمھیں دینے والے نے دیا ہے یہ اسی کے کام آئے گا جس نے آنکھوں سے دیکھنے کے ساتھ دل سے دیکھنے کی صلاحیت سے فائدہ اٹھایا۔ دینے والے کا احسان یاد رکھا ، اس کے نام پر دینے کو بوجھ نہ سمجھا۔ رسول اللہ ﷺ نے کسی سابقہ امت کے تین آدمیوں کا قصہ سنا کر اپنی امت کو منزل کا پتہ بتایا اور وہاں تک پہنچانے والے راستے پر لا کھڑا کیا ۔وہ اپنے نصیب کو روئے جو آپ کے بتائے ہوئے راستے کو چھوڑ کر دشمن کے پیچھے چل پڑ۔ جنھوں نے آپ ﷺکے راستے کو نہ چھوڑا وہ حضرت سعد بن ابی وقاص ﷜ جیسے ہیں انھوں نے یاد رکھا کہ رسول اللہ ﷺ نے فرمایا تھا :اللہ اپنے اس بندے سے محبت رکھتا ہے جو متقی ہو ،غنی اور گم نام و گوشہ نشین ہو ۔وہ عتبہ بن غزوان ﷜جیسے تھے جو فقرو فاقہ کے عالم میں رسول اللہ ﷺ کی رفاقت میں گزاری ہوئی زندگی کی لذتوں کو بھلا نہ پائے تھے اور دوسروں کی بھی یہی راستہ دکھاتے رہتے تھے ۔حضرت ابوہریرہ اور حضرت انس ﷜ نے بھی امت کے سامنے اس سبق کو دہرایا جو رسول اللہ ﷺ نے ان لوگوں کے انجام کے حوالے سے لکھایا تھا جو دنیا کے فریب میں آکر اپنے رب کو بھلا دیتے ہیں اور اس سے تعلق توڑ لیتے ہیں۔حضرت انس ،ابوہریرہ،نعمان بن بشیر﷢ اور سب سے بڑھ کر ام المومنین حضرت عائشہ ؓ نے کھول کھول کر بتایا کہ رسول اللہ ﷺ امت کو دیے ہوئے سبق پر خود کس طرح عمل فرماتے تھے رزق تک کے معاملے میں آپ کی دعا ہی یہ تھی ’’ کہ الے اللہ آل محمد کا رزق زندگی بر قرار رکھنے جتنا کر دے ‘‘اور یہ زندگی اس طرح برقرار رہتی ہے کہ مہینوں چولہا نہ جلتا تھا ساراگھر کبھی مسلسل وہ راتیں جو کی روٹی پیٹ بھر کے نہ کھاتا تھا ۔ بہت خوش حالی میں میں بھی مسلسل تین راتوں سے زیادہ گندم کی روٹی نہ کھائی تھی گزر ان دو چیزوں پر تھی کھجور اور پانی پر، بلکہ جب آپ کے گھر والوں کو یہ دونوں چیزیں پیٹ بھر کر ملنے لگیں تو آپ دنیا چھوڑ کر آگے روانہ ہوئے۔ یہاں کی زندگی میں تو ردی کھجور بھی اتنی میسر نہ تھی کہ پیٹ بھر جاتا،آپ کے تربیت یافتہ صحابہ مکھن اور ایک سے زیادہ قسم کی کھجوروں کو تعیش خیال کرتے تھے اور جس گھر میں بیوی کے ساتھ کوئی خدمت گزار بھی میسر ہوتا تو اسے بادشاہ قرار دیتے تھے فقیری میں فائدہ یہ تھا کہ فقرا،مسلمان اغنیاء سے چالیس سال پہلے جنت میں جا بستے ہیں رسول اللہ ﷺ نے دنیا کی لذتو ں میں غرق ہو کر عذاب کا شکار ہونے والوں کے کنویں کے پانی سے گندھا ہوا آٹا بھی اپنے ساتھیوں کو استعمال نہ کرنے دیا اور سواری کے اونٹوں کے آگے ڈال دیا اور یہ نکتہ سکھایا کہ سوچو جو شخص اپنی زندگی ہی ثمود والوں کی طرح دینا کی لذتوں میں غرق ہو کر گزار دے گا وہ کس طرح اللہ کے غضب کا شکار ہوگا۔ اس کے بعد امام مسلم ﷫ نے وہ احادیث بیان کیں جن میں سکھایا گیاکہ اپنے مال کے ذریعے سے اللہ کی رضا اور اس کا قرب کیسے حاصل ہو سکتا ہے ۔بیوہ عورتوں،مسکینوں اور یتیموں کی خبر گیری کا کیا انعام ملتا ہے ،مسجدیں بنانے اور مسافروں کا خیال رکھنے کا اجر کیا ہے ساتھ ہی وہ احادیث بیان کیں جن میں بتایا کیا ہے کہ یہ اچھے کام ضائع کس وجہ سے ہوتے ہیں بلکہ برے اور قابل سزا ہو جاتے ہیں ۔ریاکاری کیا ہے زبان کو بے احتیاطی سے استعمال کرنے پر کیا تباہی آتی ہے دوسروں کو اچھی تلقین کرنے اور خود عمل نہ کرنے کا نتیجہ کیا ہوتا ہے ،تکبر کا شکار ہو کر اپنے گناہوں کا اشتہار لگانے والا کس انجام کو پہنچا ہے ، اللہ کی رضا کے لیے چھوٹے چھوٹے کام کرنے پر کتنے بڑے انعامات مل سکتے ہیں اس کے بر عکس جس کی فطرت مسخ ہو جائے ،بعید نہیں کہ اس کی خلقت بھی مسخ ہو جائے ،اسے انسان سے تبدیل کر کے کوئی حقیر جانور بنا دیا جائے ۔ انسان خود بھی تکبر سے بچے،دوسروں کو بھی تکبر کا نشانہ نہ بننے دے۔ ہر بڑے چھوٹے کا حق ادا کرے فرامین رسول ﷺ پر مشتمل عمل و حکمت کا یہ خزانہ انسانیت کی ہدایت اور فلاح کا ضامن ہے اس کا صحیح تحفظ بھی عظیم اجر کا سبب ہے ۔ اس کے بعد ان لوگوں کا ذکر ہے جنھیں پغمبروں کی تعلیمات اور سچی ہدایت کی حقیقی قدر معلوم تھی۔وہ زندہ آگ میں جل گئے اور ہدایت سے دستبردار نہ ہوئے۔ پھر امام مسلم ﷫ نے حضرت ابویسر اور حضرت جابر﷜ کی زبانی اس زندگی کے نمونے پیش کیے جو رسول اللہ ﷺ کی رفاقت میں بسر ہوئی ،پھر رسول اللہ ﷺ کی حیات مبارکہ کی جھلکیاں، آپ کی سکھائی ہوئی حکمت کے نمونے ،آپ کی دنیا سے بے رغبتی اللہ کی راہ میں مستعدی اور آپ کے بے کنار فیض اور آپ کی عظیم ترین برکتوں اور اس زندگی اور اس کے بعد امت کے ہر فرد سے آپ کی یہ جھلکیاں اور زندگی کے ہر مرحلے حتی کہ اللہ کی راہ میں ہجرت کے ہر موڑ پر آپ کے طر عمل اور رویے کے جمال انسان کے دل کو موم بنانے کا سامان ہے آپ کی سیرت کا ہر نقش آپ کے ساتھ اہل ایمان کی محبت کو فروزاں تر کرنے کا یقینی ذریعہ ہے ۔

حدیث ترجمہ:

معمر عبداللہ بن نمیر اور ابن بشر نے کہا: ہمیں اسماعیل بن قیس نے حدیث سنائی، کہا: میں نے حضرت سعد بن ابی وقاص رضی اللہ تعالیٰ عنہ کو فرماتے ہوئے سنا: اللہ کی قسم! میں عربوں میں سے پہلا شخص ہوں جس نے اللہ کی راہ میں تیر چلایا ہم رسول اللہ ﷺ کے ہمراہ اس طرح جنگیں لڑتے تھے کہ ہمارے پاس کھانے کو خاردار درخت کے پتوں اور اس کیکر (کےپتوں) کے سوا کچھ نہیں ہوتا تھا۔ یہاں تک کہ قم میں سے کوئی بکری کی مینگنیوں کی طرح پاخانہ کرتا تھا پھر اب بنو اسد کے لوگ دین کے معاملے میں میری تادیب کرنے لگےہیں!(اگر اب میں دین سے اس قدر نابلد ہو گیا ہوں) تب تو میں بالکل ناکام ہو گیا اور میرےعمل ضائع ہو گئے۔ اور ابن نمیر نے اپنی روایت میں ’’تب تو‘‘ نہیں کہا۔

حدیث حاشیہ:

فائدہ:

بنو اسد بن خزیمہ بن مدرکہ اسلام لانے کے بعد مرتد ہو کر نبوت کے جھوٹے دعویدار طلیحہ بن خویلد کے پیروکار بن گئے۔ پھر طلیحہ اور ان لوگوں نے تائب ہو کردوبارہ اسلام قبول کرلیا اور کوفہ میں مقیم ہو گئے۔ انہی لوگوں نے حضرت سعد رضی اللہ تعالی عنہ پر نماز درست طریقے سے نہ پڑھانے سمیت غلط الزامات لگا کرحضرت عمر رضی اللہ تعالی عنہ سے ان کے خلاف شکایت کردی۔ امیرالمومنین نےحضرت سعد رضی اللہ تعالی عنہ پر بھرپور اعتماد ہونے کے باوجود اپنا فرض منصبی پورا کرتے ہوئے انہیں معزول کرکے ان کے خلاف تحقیقات کروائیں۔ بنو اسد کے سب الزامات جھوٹے ثابت ہوئے۔

حدیث ترجمہ:

حضرت سعد بن ابی وقاص رضی اللہ عنہ بیان کرتے ہیں واللہ! میں پہلا عرب انسان ہوں جس نے اللہ کی راہ میں تیر چلایا، اور ہم (بعض دفعہ) رسول اللہ صلی اللہ علیہ وسلم کی معیت میں جہاد کے لیے نکلتے اور ہمارے پاس کھانے کے لئے جنگلی درختوں کو حبلہ کے پتے یا کیکرتکلے اور ببول کے سوا کچھ نہ ہوتا۔ حتی کہ ہم قضائے حاجت بکریوں کی مینگنیوں کی صورت میں کرتے، پھر اب بنو اسد کے لوگ مجھے دین کی تعلیم دیتے ہیں یا دین سے آگاہ کرتے ہیں۔ ایسی صورت میں تو میں نامراد اور ناکام ہوگیا اور میرے عمل میں رائیگاں گئے۔ ابن نمیر کی روایت میں خَبِئت میں ناکام ہوگیا بعد إذاً کا لفظ نہیں ہے۔

حدیث ترجمہ:

Sa'd bin Abu Waqqas is reported to have, said: By Allah, I am the first person amongst the Arabs to throw an arrow in the cause of Allah and we used to go with Allah's Messenger (ﷺ) and there was no food for us to eat but only the leaves of hubla and samur trees (they are wild trees) and as a result thereof one amongst us would relieve himself as does the goat. (How strange it is) that now the people of Banu Asad (the progeny of Zubair) instruct me in religion and try to impose punishment upon me (in regard to it). If it is so (that I am so ignorant of religion), then indeed, I am undone and my deeds have been lost. Ibn Numair, however, did not make a mention of the word (idhan) thus (in his narration).

اسم العالم	الحكم
١. إجماع علماء المسلمين	أحاديث صحيح مسلم كلها صحيحة

موضوعات

المواضيع

Topics

فائدہ:

المواضيع

موضوعات

Topics

رابطہ کریں

ہمارے دیگر پراجیکٹ

موضوعات

المواضيع

Topics

فائدہ:

المواضيع

موضوعات

Topics

تمہید کتاب

تمہید باب

فائدہ:

الحكم على الحديث