Sahi-Bukhari:
Knowledge
(Chapter: The writing of knowledge)
مترجم: ١. شیخ الحدیث حافظ عبد الستار حماد (دار السلام)
ترجمۃ الباب:
116.
حضرت ہمام بن منبہ سے روایت ہے، انہوں نے کہا: میں نے حضرت ابوہریرہ ؓ کو یہ فرماتے ہوئے سنا کہ نبی ﷺ کے صحابہ کرام رضی اللہ عنھم میں حضرت عبداللہ بن عمرو ؓ کے علاوہ اور کوئی مجھ سے زیادہ حدیثیں بیان کرنے والا نہیں، کیونکہ وہ لکھا کرتے تھے میں لکھتا نہیں تھا۔ دوسری سند سے حضرت معمر نے وہب بن منبہ کی متابعت کی ہے، وہ حضرت ابوہریرہ ؓ سے بواسطہ ہمام بن منبہ روایت کرتے ہیں۔
تشریح:
1۔ امام بخاری رحمۃ اللہ علیہ کا مقصود یہ ہے کہ زمانہ نبوی میں کتابت احادیث کا عمل جاری ہوچکا تھا کیونکہ رسول اللہ صلی اللہ علیہ وسلم نے حضرت عبداللہ بن عمرو رضی اللہ عنہما کی درخواست پر انھیں احادیث لکھنے کی اجازت دی تھی، چنانچہ حدیث میں ہے کہ حضرت عبداللہ بن عمرو رضی اللہ تعالیٰ عنہما نے عرض کیا: یارسول اللہ صلی اللہ علیہ وسلم! ہم آپ کی بہت سی احادیث سنتے ہیں لیکن یاد نہیں کر پاتے، کیا ہم انھیں لکھ لیا کریں؟ آپ نے فرمایا: ’’ہاں،ضرور لکھ لیا کرو۔‘‘(مسنداحمد: 215/1) ایک روایت میں ہے کہ انھو ں نے عرض کیا: یا رسول اللہ صلی اللہ علیہ وسلم! کیا آپ کی خوشی اور غصہ دونوں حالتوں کی باتیں لکھ لیا کروں؟ آپ نے ارشاد فرمایا:’’ہاں۔میں دونوں حالتوں میں حق اوردرست بات ہی کہتاہوں۔‘‘(مسند احمد: 207/2) ایک اور روایت میں ہے کہ حضرت عبداللہ بن عمرو آپ کی ہر بات لکھ لیا کرتے تھے، قریش نے ان سے کہا: آپ جو کچھ سنتے ہیں لکھ لیتے ہیں، رسول اللہ صلی اللہ علیہ وسلم ایک بشر ہیں، آپ کبھی غصے میں ہوتے ہیں کبھی خوشی میں، حضرت عبداللہ بن عمرو نے یہ واقعہ رسول اللہ صلی اللہ علیہ وسلم کی خدمت میں عرض کیا تو آپ نے اپنی دہن مبارک کی طرف اشارہ کرکے فرمایا: ’’مجھے اس ذات کی قسم جس کے ہاتھ میں میری جان ہے! میری اس زبان سے حق کے سوا کوئی بات نہیں نکلتی،لہذا تم لکھتے رہو۔‘‘(مسند احمد: 162/2) 2۔ حضرت عبداللہ بن عمرو بن عاص رضی اللہ عنہما نے رسول اللہ صلی اللہ علیہ وسلم سے اجازت لے کر جو مجموعہ احادیث تیار کیا تھا، اس کا نام (الصحیفة الصادقة) تجویز کیا تھا۔اس کی تائید درج ذیل واقعے سے بھی ہوتی ہے: حضرت عبداللہ بن عمرو رضی اللہ عنہما سے کچھ لوگوں نے سوال کیا کہ کون سا شہر پہلے فتح ہوگا: قسطنطنیہ یا رومیہ؟ اس پر انھوں نےایک پرانا صندوق منگوایا، اس سے ایک کتاب نکال کر اس پر ایک نظر ڈالی، پھر فرمایا: ایک دن ہم رسول اللہ صلی اللہ علیہ وسلم کے پاس بیٹھے تھے اور جو کچھ آپ فرمارہے تھے۔ ہم لکھتے جارہے تھے۔ اسی اثناء میں آپ سے سوال ہوا کہ کون سا شہر پہلے فتح ہوگا: قسطنطنیہ یا رومیہ؟ اس پر آپ نے فرمایا: ’’ہرقل کا شہر، یعنی قسطنطنیہ پہلے فتح ہوگا۔‘‘(مسند احمد: 176/2) یہ نسخہ حضرت عبداللہ بن عمرو رضی اللہ عنہما کے خاندان کے پاس عرصے تک محفوظ رہا، چنانچہ ان کے پوتے حضرت عمرو بن شعیب اس صحیفے کو ہاتھ میں رکھ کر روایت کرتے اور درس دیتے تھے۔ حضرت امام احمد بن حنبل رحمۃ اللہ علیہ نے اس نسخے کو اپنی مسند میں مدغم فرما کر ہمارے لیے محفوظ فرما دیا جسے آج بھی دیکھا جا سکتا ہے۔ اس تفصیل سے منکرین حدیث کے اس خیال کی تردید ہوتی ہے کہ حدیث کی تدوین رسول اللہ صلی اللہ علیہ وسلم کے اڑھائی سوسال بعد ہوئی ہے، اس بنا پر قابل وثوق نہیں۔ یہ ان حضرات کی خام خیالی ہے۔ 3۔ اس حدیث سے معلوم ہوتا ہے کہ حضرت ابوہریرہ رضی اللہ تعالیٰ عنہ احادیث لکھا نہیں کرتے تھے بلکہ اپنے حافظے میں انھیں محفوظ کرلیتے تھے، جبکہ حسن بن عمرو بن امیہ بیان کرتے ہیں کہ میں نے حضرت ابوہریرۃ رضی اللہ تعالیٰ عنہ سے ایک حدیث ذکر کی تو انھوں نے کچھ تردد کا اظہار کیا، چنانچہ وہ میرا ہاتھ پکڑ کر گھر لے گئے اور ہمیں بہت سی کتابیں دکھائیں، جو انھوں نے احادیث سے مرتب کی تھیں، کتابیں دیکھنے کے بعد وہ حدیث مل گئی۔ اس سے معلوم ہوتا ہے کہ حضرت ابوہریرہ رضی اللہ تعالیٰ عنہ احادیث لکھتے تھے۔ ممکن ہے کہ انھوں نے کتابت حدیث کا سلسلہ رسول اللہ صلی اللہ علیہ وسلم کی وفات کے بعد شروع کیا ہو۔ یہ بھی ممکن ہے کہ انھوں نے کسی دوسرے شخص سے مرتب کرائی ہوں۔ (فتح الباري: 274/1) 4۔ اس حدیث کو ابوہریرہ رضی اللہ تعالیٰ عنہ سے بیان کرنے والے ان کے ایک ہونہار شاگرد حضرت ہمام بن منبہ ہیں جو حضرت ابوہریرۃ رضی اللہ تعالیٰ عنہ کے وطن مالوف یمن ہی کے باشندے تھے۔ جب وہ حصول تعلیم کے لیے مدینہ منورہ آئے تو اپنے ممتاز ہم وطن حضرت ابوہریرہ رضی اللہ تعالیٰ عنہ کے پاس حاضر ہوئے۔ حضرت ابوہریرہ رضی اللہ تعالیٰ عنہ نے اس نوجوان ہم وطن کے لیے رسول اللہ صلی اللہ علیہ وسلم کی ڈیڑھ سواحادیث کا انتخاب کیا جو تربیت اخلاق سے متعلق تھیں۔ ان احادیث کو مرتب کر کے اپنے شاگرد حضرت ہمام کو لکھوا دیا اور اس کا نام (الصحیفة الصحیحة) تجویز کیا۔ ہم پہلے بیان کر آئے ہیں کہ حضرت ابوہریرہ رضی اللہ تعالیٰ عنہ کو اگر کسی صحابی کی حدیث دانی پر رشک تھا تو وہ حضرت عبداللہ بن عمرو بن العاص رضی اللہ عنہما تھے جنھوں نے (الصحیفة الصادقة) کے نام سے احادیث کا ایک مجموعہ تیارکیا تھا۔ ممکن ہے حضرت ابوہریرہ رضی اللہ تعالیٰ عنہ نے ان کی دیکھا دیکھی اپنی تالیف کا نام (الصحیفة الصحیحة) رکھا ہو۔ بہرحال حضرت ہمام بن منبہ نے اپنے استاد حضرت ابوہریره رضی اللہ تعالیٰ عنہ سے احادیث کا جو مجموعہ حاصل کیا تھا، اسے نہ تو ضائع کیا اور نہ اپنی ذات تک محدود رکھا بلکہ اپنی پیرانہ سالی تک اس کی روایت وتدریس کا مشغلہ جاری رکھا۔ خوش قسمتی سے انھیں ایک صاحب ذوق شاگرد معمر بن راشد یمنی مل گئے جنھوں نے اس رسالے کو اپنے شاگردوں تک پہنچایا، پھر انھیں بھی ایک شاگرد حضرت عبدالرزاق بن ہمام حمیری مل گئے جنھوں نے المصنف نامی ایک ضخیم کتاب مرتب فرمائی۔ انھوں نے اس کی روایت کا سلسلہ جاری رکھا۔ ان کے لیے دو شاگرد صدقہ جاریہ ثابت ہوئے: ایک امام احمد بن حنبل رحمۃ اللہ علیہ اور دوسرے ابوالحسن احمد بن یوسف السلمی۔ ان دونوں حضرات نے صحیفہ ہمام کی بڑی خدمت انجام دی۔ امام احمد بن حنبل رحمۃ اللہ علیہ نے اپنی عظیم کتاب"المسند" میں اس صحیفے کو شامل کرلیا۔ جب تک مسند امام احمد بن حنبل رحمۃ اللہ علیہ دنیا میں باقی ہے یہ صحیفہ بھی باقی رہے گا۔ یہ صحیفہ دستیاب نہ تھا، بالآخر دستیاب ہوگیا جس پر ڈاکٹر حمید اللہ مرحوم نے بڑی عرق ریزی سے کام کرکے اسے شائع کردیا۔ اب جو لوگ محدثین کرام کو جعلساز قرار دیتے ہیں، ان کے لیے لمحہ فکریہ ہے کہ یہ لوگ اس صحیفے کے مندرجات پر غور وفکر کی زحمت گوارا کریں، شاید انھیں توبہ کی توفیق مل جائے۔ امام بخاری رحمۃ اللہ علیہ نے حدیث کے آخر میں ایک دوسری سند کا حوالہ دیا ہے۔ دراصل انھوں نے رائی سے پہاڑ کی طرف اشارہ دیا ہے۔ اس پر بہت کچھ لکھا جاسکتاہے مگر تنگی دامن کی وجہ سے ہم اسی پر اکتفا کرتے ہیں۔ 6۔ حضرت ابوہریرہ رضی اللہ تعالیٰ عنہ کی ایک اور تالیف کا بھی کتب حدیث سے سراغ ملتا ہے۔ ان کے شاگرد حضرت نہیک بن بشیر کا بیان ہے کہ میں حضرت ابوہریرہ رضی اللہ تعالیٰ عنہ سے جوکچھ سنتا تھا اسے تحریر کر لیتا تھا۔ جب میں نے اپنی تعلیم مکمل کر لی اور ان سے رخصت ہونا چاہا توان کے پاس ان کی کتاب لایا اور انھیں پڑھ کر سنائی اوران سے عرض کیا: یہ وہی چیز ہے جو میں نے آپ سے سنی ہے، انھوں نے اس کی تصدیق فرمائی۔ (سنن الدارمي، حدیث: 498 ورجاله ثقات) 7۔ حضرت ابوہریرہ رضی اللہ تعالیٰ عنہ نے احادیث کے متعلق جن خیالات کا اظہار فرمایا، وہ حضرت عبداللہ بن عمر رضی الله عنہما کی کتابت حدیث کہ وجہ سے تھا کیونکہ استاد کے ارشادات لکھنے والے کے پاس عام طور پر ارشادات کا ذخیرہ زیادہ جمع ہوجاتا ہے لیکن جب محدثین کرام نے جانچ پڑتال کی تو معاملہ بالکل اس کےبرعکس نکلا۔ حضرت ابوہریرہ رضی اللہ تعالیٰ عنہ کی مرویات حضرت عبداللہ بن عمرو رضی اللہ عنہما سے کہیں زیادہ ہیں۔ حضرت امام بخاری رحمۃ اللہ علیہ فرماتے ہیں کہ حضرت ابوہریرۃ رضی اللہ تعالیٰ عنہ سے تقریباً آٹھ سو تلامذہ نے کسب فیض کیا ہے اور یہ علمی برتری ان کے علاوہ کسی اور صحابی کو نہیں ملی۔ محدثین کرام نے اس کے مختلف اسباب ذکر فرمائے ہیں جن کا خلاصہ حسب ذیل ہے: (1)۔ حضرت ابوہریرہ رضی اللہ تعالیٰ عنہ نے مرکزعلم وعرفان مدینہ منورہ میں اپنے آپ کو تعلیم وتعلم کے لیے وقف کر رکھا تھا جبکہ حضرت عبداللہ بن عمرو رضی اللہ عنہما مدینہ منورہ سے مصر چلے گئےتھے جسے علمی لحاظ سے مرکزیت حاصل نہ تھی، اس لیے حضرت عبداللہ رضی اللہ تعالیٰ عنہ سے بہت کم روایات منقول ہیں۔ (2)۔ حضرت عبداللہ بن عمرو رضی اللہ تعالیٰ عنہ کا رجحان طبعی طور پر کثرت عبادت کی طرف رہا۔ آپ عبادت زیادہ کرتے تھے اور تعلبم وتدریس میں مشغولیت بہت کم ہوتی تھی جبکہ حضرت ابوہریرہ رضی اللہ تعالیٰ عنہ کارجحان تعلیم وتدریس کی طرف تھا۔ حصول تعلیم کے ایام میں بھی آپ کا یہ حال تھا۔ اسی بناء پر حضرت ابوہریرہ رضی اللہ تعالیٰ عنہ کی مرویات بہت زیادہ ہیں۔ (3)۔ شام میں حضرت عبداللہ بن عمرو رضی اللہ عنہما کو اہل کتاب کی کتابوں کا ایک ذخیرہ مل گیا تھا، آپ انھی کے مطالعے میں مصروف رہتے اور ان سے روایات بھی بیان کرتے تھے۔ اسی بنا پر بہت سے تابعین رحمۃ اللہ علیہ نے ان سے روایات لینے کا سلسلہ بند کردیا۔ (4)۔ حضرت ابوہریرہ رضی اللہ تعالیٰ عنہ کو رسول اللہ صلی اللہ علیہ وسلم کی دعا حاصل تھی جس کی برکت سے ان کے علوم اور ان کی روایات کو سب سے زیادہ فروغ حاصل ہوا اور یہ شرف حضرت عبداللہ بن عمرو رضی اللہ عنہما کو حاصل نہ ہوسکا۔ (فتح الباري: 274/1) مختصر یہ کہ حضرت ابوہریرہ رضی اللہ تعالیٰ عنہ نے حصول تعلیم اور اشاعت تعلیم پر زیادہ وقت لگایا اور اپنے قیام کے لیے مرکزی جگہ کا انتخاب کیا جبکہ حضرت عبداللہ بن عمرو رضی اللہ عنہما کا رجحان تعلیم وتدریس کی طرف زیادہ نہ تھا اور نہ انھوں نے مرکزی جگہ پر قیام ہی اختیار فرمایا۔ اس بنا پر حضرت ابوہریرہ رضی اللہ تعالیٰ عنہ کی روایات زیادہ ہیں جن کی تعداد 5 ہزار سے زیادہ ہے۔ اور حضرت عبداللہ بن عمرو رضی اللہ عنہما کی روایات تعداد میں اس درجے کو نہ پہنچ سکیں۔ (ان کی روایات 700 سے زائد نہیں) واللہ أعلم۔
ترقیم حرف کمپنی (خادم الحرمین الشریفین حدیث ویب سائٹ)
115
٧
ترقيم دار طوق النّجاة (جامع خادم الحرمين للسنة النبوية)
ترقیم دار طوق النجاۃ (خادم الحرمین الشریفین حدیث ویب سائٹ)
113
٨
ترقيم فؤاد عبد الباقي (دار السلام)
ترقیم فواد عبد الباقی (دار السلام)
113
١٠
ترقيم فؤاد عبد الباقي (داود راز)
ترقیم فواد عبد الباقی (داؤد راز)
113
تمہید کتاب
امام بخاری رحمۃ اللہ علیہ نے علم کی طرف توجہ دلائی ہے کیونکہ علم، جہالت کی ضد ہے اور جہالت تاریکی کا نام جس میں واضح چیزیں بھی چھپی رہتی ہیں اور جب علم کی روشنی نمودار ہوتی ہے تو چھپی چیزیں بھی واضح ہونے لگتی ہیں۔ انھوں نے علم کی تعریف سے تعرض نہیں کیا، اس لیے کہ علم کو تعریف کی ضرورت نہیں۔عطرآں باشد کہ خود بیویدانہ کہ عطاربگوید نیز اشیاء کی حقیقت و ماہیت بیان کرنا اس کتاب کا موضوع نہیں ہے۔ایمانیات کے بعد کتاب العلم کا افتتاح کیا کیونکہ ایمان کے بعد دوسرا درجہ علم کا ہے۔اس کا ارشاد کلام الٰہی سے بھی ملتا ہے ارشاد باری تعالیٰ ہے:(يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ)( المجادلۃ 58۔11۔)"اللہ تعالیٰ تم میں سے اہل ایمان اور اہل علم کے درجات بلند کردے گا۔"اس آیت کریمہ میں پہلے اہل ایمان اور پھر اہل علم کا تذکرہ ہے چونکہ ایمان کی پابندی ہر مکلف پر سب سے پہلے عائد ہوتی ہے نیز ایمان سب سے افضل و اعلیٰ اور ہر علمی اور عملی خیر کا اساسی پتھر ہے، اس لیے علم سے پہلے ایمان کا تذکرہ ضروری تھا۔ ایمانیات کے بعد کتاب العلم لانے کی ایک وجہ یہ بھی ہے کہ جو چیزیں ایمان میں مطلوب ہیں اور جن پر عمل کرنے سے ایمان میں کمال پیدا ہوتا ہے۔ ان کا حصول علم کے بغیر ممکن نہیں۔ پھر ایمان اور علم میں ایک گہرا رشتہ بھی ہے وہ یہ کہ علم کے بغیر ایمان میں روشنی اور بالیدگی پیدا نہیں ہوتی اور نہ ایمان کے بغیر علوم و معاررف ہی لائق اعتنا ہیں۔کتاب العلم کو دیگر ابواب سے پہلے بیان کرنے کی ایک وجہ یہ بھی ہے کہ دیگر ابواب کا تعلق انسان کی عملی زندگی سے ہے اور اللہ کے ہاں اس عمل کو قبولیت کا درجہ حاصل ہوگا جوعلی وجہ البصیرت کیا جائے گا۔واضح رہے کہ امام بخاری رحمۃ اللہ علیہ کے نزدیک دنیاوی علوم میں مہارت پیدا کرنا کوئی پسندیدہ اور کار آمد مشغلہ نہیں کیونکہ ان کا فائدہ عارضی اور چند روز ہے۔ ان کے نزدیک اصل علم قرآن و حدیث کا علم ہے۔ پھر ان دونوں کے متعلق اللہ کی عطا کردہ فہم و فراست ہے کیونکہ ایسے معارف کا نفع مستقل اور پائیدار ہے پھر اگر اس علم کو اخلاص و عمل سے آراستہ کر لیا جائے تو آخرت میں ذریعہ نجات ہے۔ اللہ تعالیٰ نے لوگوں کی اکثریت کے متعلق بایں الفاظ شکوہ کیا ہے:(يَعْلَمُونَ ظَاهِرًا مِّنَ الْحَيَاةِ الدُّنْيَا وَهُمْ عَنِ الْآخِرَةِ هُمْ غَافِلُونَ)"وہ تو دنیا وی زندگی کے ظاہر ہی کو جانتے ہیں۔اور اخروی معاملات سے تو بالکل ہی بے خبر ہیں۔"( الروم :30۔7۔)اس بنا پر امام بخاری رحمۃ اللہ علیہ نے کتاب العلم میں حقیقی علم کی اہمیت و حیثیت ،افادیت ،علم حدیث، اس کے آداب وفضائل ، اس کی حدود و شرائط ، آداب تحمل حدیث ،آداب تحدیث ، صیغ ادا، رحلات علمیہ، کتابت حدیث،آداب طالب ، آداب شیخ ، فتوی ، آداب فتوی اور ان کے علاوہ بے شمار علمی حقائق و معارف کو بیان کیا ہے جن کی مکمل تفصیل اس تمہیدی گفتگو میں بیان نہیں کی جا سکتی۔ آئندہ صفحات میں موقع و محل کے مطابق ایسے علمی جواہرات کی وضاحت کی جائے گی۔ قارئین کرام سے درخواست ہے کہ وہ ان تمہیدی گزارشات کو ذہن میں رکھتے ہوئے کتاب العلم کا مطالعہ کریں۔
تمہید باب
کتابت چونکہ علم کی حفاظت کا سب سے قوی ،تبلیغ کے لیے سب سے زیادہ نفع بخش اور اشاعت علم کا سب سے آسان طریقہ ہے،اس لیے امام بخاری رحمۃ اللہ علیہ اس طریق عمل کو احادیث کی روشنی میں ثابت کرنا چاہتے ہیں۔
حضرت ہمام بن منبہ سے روایت ہے، انہوں نے کہا: میں نے حضرت ابوہریرہ ؓ کو یہ فرماتے ہوئے سنا کہ نبی ﷺ کے صحابہ کرام رضی اللہ عنھم میں حضرت عبداللہ بن عمرو ؓ کے علاوہ اور کوئی مجھ سے زیادہ حدیثیں بیان کرنے والا نہیں، کیونکہ وہ لکھا کرتے تھے میں لکھتا نہیں تھا۔ دوسری سند سے حضرت معمر نے وہب بن منبہ کی متابعت کی ہے، وہ حضرت ابوہریرہ ؓ سے بواسطہ ہمام بن منبہ روایت کرتے ہیں۔
حدیث حاشیہ:
1۔ امام بخاری رحمۃ اللہ علیہ کا مقصود یہ ہے کہ زمانہ نبوی میں کتابت احادیث کا عمل جاری ہوچکا تھا کیونکہ رسول اللہ صلی اللہ علیہ وسلم نے حضرت عبداللہ بن عمرو رضی اللہ عنہما کی درخواست پر انھیں احادیث لکھنے کی اجازت دی تھی، چنانچہ حدیث میں ہے کہ حضرت عبداللہ بن عمرو رضی اللہ تعالیٰ عنہما نے عرض کیا: یارسول اللہ صلی اللہ علیہ وسلم! ہم آپ کی بہت سی احادیث سنتے ہیں لیکن یاد نہیں کر پاتے، کیا ہم انھیں لکھ لیا کریں؟ آپ نے فرمایا: ’’ہاں،ضرور لکھ لیا کرو۔‘‘(مسنداحمد: 215/1) ایک روایت میں ہے کہ انھو ں نے عرض کیا: یا رسول اللہ صلی اللہ علیہ وسلم! کیا آپ کی خوشی اور غصہ دونوں حالتوں کی باتیں لکھ لیا کروں؟ آپ نے ارشاد فرمایا:’’ہاں۔میں دونوں حالتوں میں حق اوردرست بات ہی کہتاہوں۔‘‘(مسند احمد: 207/2) ایک اور روایت میں ہے کہ حضرت عبداللہ بن عمرو آپ کی ہر بات لکھ لیا کرتے تھے، قریش نے ان سے کہا: آپ جو کچھ سنتے ہیں لکھ لیتے ہیں، رسول اللہ صلی اللہ علیہ وسلم ایک بشر ہیں، آپ کبھی غصے میں ہوتے ہیں کبھی خوشی میں، حضرت عبداللہ بن عمرو نے یہ واقعہ رسول اللہ صلی اللہ علیہ وسلم کی خدمت میں عرض کیا تو آپ نے اپنی دہن مبارک کی طرف اشارہ کرکے فرمایا: ’’مجھے اس ذات کی قسم جس کے ہاتھ میں میری جان ہے! میری اس زبان سے حق کے سوا کوئی بات نہیں نکلتی،لہذا تم لکھتے رہو۔‘‘(مسند احمد: 162/2) 2۔ حضرت عبداللہ بن عمرو بن عاص رضی اللہ عنہما نے رسول اللہ صلی اللہ علیہ وسلم سے اجازت لے کر جو مجموعہ احادیث تیار کیا تھا، اس کا نام (الصحیفة الصادقة) تجویز کیا تھا۔اس کی تائید درج ذیل واقعے سے بھی ہوتی ہے: حضرت عبداللہ بن عمرو رضی اللہ عنہما سے کچھ لوگوں نے سوال کیا کہ کون سا شہر پہلے فتح ہوگا: قسطنطنیہ یا رومیہ؟ اس پر انھوں نےایک پرانا صندوق منگوایا، اس سے ایک کتاب نکال کر اس پر ایک نظر ڈالی، پھر فرمایا: ایک دن ہم رسول اللہ صلی اللہ علیہ وسلم کے پاس بیٹھے تھے اور جو کچھ آپ فرمارہے تھے۔ ہم لکھتے جارہے تھے۔ اسی اثناء میں آپ سے سوال ہوا کہ کون سا شہر پہلے فتح ہوگا: قسطنطنیہ یا رومیہ؟ اس پر آپ نے فرمایا: ’’ہرقل کا شہر، یعنی قسطنطنیہ پہلے فتح ہوگا۔‘‘(مسند احمد: 176/2) یہ نسخہ حضرت عبداللہ بن عمرو رضی اللہ عنہما کے خاندان کے پاس عرصے تک محفوظ رہا، چنانچہ ان کے پوتے حضرت عمرو بن شعیب اس صحیفے کو ہاتھ میں رکھ کر روایت کرتے اور درس دیتے تھے۔ حضرت امام احمد بن حنبل رحمۃ اللہ علیہ نے اس نسخے کو اپنی مسند میں مدغم فرما کر ہمارے لیے محفوظ فرما دیا جسے آج بھی دیکھا جا سکتا ہے۔ اس تفصیل سے منکرین حدیث کے اس خیال کی تردید ہوتی ہے کہ حدیث کی تدوین رسول اللہ صلی اللہ علیہ وسلم کے اڑھائی سوسال بعد ہوئی ہے، اس بنا پر قابل وثوق نہیں۔ یہ ان حضرات کی خام خیالی ہے۔ 3۔ اس حدیث سے معلوم ہوتا ہے کہ حضرت ابوہریرہ رضی اللہ تعالیٰ عنہ احادیث لکھا نہیں کرتے تھے بلکہ اپنے حافظے میں انھیں محفوظ کرلیتے تھے، جبکہ حسن بن عمرو بن امیہ بیان کرتے ہیں کہ میں نے حضرت ابوہریرۃ رضی اللہ تعالیٰ عنہ سے ایک حدیث ذکر کی تو انھوں نے کچھ تردد کا اظہار کیا، چنانچہ وہ میرا ہاتھ پکڑ کر گھر لے گئے اور ہمیں بہت سی کتابیں دکھائیں، جو انھوں نے احادیث سے مرتب کی تھیں، کتابیں دیکھنے کے بعد وہ حدیث مل گئی۔ اس سے معلوم ہوتا ہے کہ حضرت ابوہریرہ رضی اللہ تعالیٰ عنہ احادیث لکھتے تھے۔ ممکن ہے کہ انھوں نے کتابت حدیث کا سلسلہ رسول اللہ صلی اللہ علیہ وسلم کی وفات کے بعد شروع کیا ہو۔ یہ بھی ممکن ہے کہ انھوں نے کسی دوسرے شخص سے مرتب کرائی ہوں۔ (فتح الباري: 274/1) 4۔ اس حدیث کو ابوہریرہ رضی اللہ تعالیٰ عنہ سے بیان کرنے والے ان کے ایک ہونہار شاگرد حضرت ہمام بن منبہ ہیں جو حضرت ابوہریرۃ رضی اللہ تعالیٰ عنہ کے وطن مالوف یمن ہی کے باشندے تھے۔ جب وہ حصول تعلیم کے لیے مدینہ منورہ آئے تو اپنے ممتاز ہم وطن حضرت ابوہریرہ رضی اللہ تعالیٰ عنہ کے پاس حاضر ہوئے۔ حضرت ابوہریرہ رضی اللہ تعالیٰ عنہ نے اس نوجوان ہم وطن کے لیے رسول اللہ صلی اللہ علیہ وسلم کی ڈیڑھ سواحادیث کا انتخاب کیا جو تربیت اخلاق سے متعلق تھیں۔ ان احادیث کو مرتب کر کے اپنے شاگرد حضرت ہمام کو لکھوا دیا اور اس کا نام (الصحیفة الصحیحة) تجویز کیا۔ ہم پہلے بیان کر آئے ہیں کہ حضرت ابوہریرہ رضی اللہ تعالیٰ عنہ کو اگر کسی صحابی کی حدیث دانی پر رشک تھا تو وہ حضرت عبداللہ بن عمرو بن العاص رضی اللہ عنہما تھے جنھوں نے (الصحیفة الصادقة) کے نام سے احادیث کا ایک مجموعہ تیارکیا تھا۔ ممکن ہے حضرت ابوہریرہ رضی اللہ تعالیٰ عنہ نے ان کی دیکھا دیکھی اپنی تالیف کا نام (الصحیفة الصحیحة) رکھا ہو۔ بہرحال حضرت ہمام بن منبہ نے اپنے استاد حضرت ابوہریره رضی اللہ تعالیٰ عنہ سے احادیث کا جو مجموعہ حاصل کیا تھا، اسے نہ تو ضائع کیا اور نہ اپنی ذات تک محدود رکھا بلکہ اپنی پیرانہ سالی تک اس کی روایت وتدریس کا مشغلہ جاری رکھا۔ خوش قسمتی سے انھیں ایک صاحب ذوق شاگرد معمر بن راشد یمنی مل گئے جنھوں نے اس رسالے کو اپنے شاگردوں تک پہنچایا، پھر انھیں بھی ایک شاگرد حضرت عبدالرزاق بن ہمام حمیری مل گئے جنھوں نے المصنف نامی ایک ضخیم کتاب مرتب فرمائی۔ انھوں نے اس کی روایت کا سلسلہ جاری رکھا۔ ان کے لیے دو شاگرد صدقہ جاریہ ثابت ہوئے: ایک امام احمد بن حنبل رحمۃ اللہ علیہ اور دوسرے ابوالحسن احمد بن یوسف السلمی۔ ان دونوں حضرات نے صحیفہ ہمام کی بڑی خدمت انجام دی۔ امام احمد بن حنبل رحمۃ اللہ علیہ نے اپنی عظیم کتاب"المسند" میں اس صحیفے کو شامل کرلیا۔ جب تک مسند امام احمد بن حنبل رحمۃ اللہ علیہ دنیا میں باقی ہے یہ صحیفہ بھی باقی رہے گا۔ یہ صحیفہ دستیاب نہ تھا، بالآخر دستیاب ہوگیا جس پر ڈاکٹر حمید اللہ مرحوم نے بڑی عرق ریزی سے کام کرکے اسے شائع کردیا۔ اب جو لوگ محدثین کرام کو جعلساز قرار دیتے ہیں، ان کے لیے لمحہ فکریہ ہے کہ یہ لوگ اس صحیفے کے مندرجات پر غور وفکر کی زحمت گوارا کریں، شاید انھیں توبہ کی توفیق مل جائے۔ امام بخاری رحمۃ اللہ علیہ نے حدیث کے آخر میں ایک دوسری سند کا حوالہ دیا ہے۔ دراصل انھوں نے رائی سے پہاڑ کی طرف اشارہ دیا ہے۔ اس پر بہت کچھ لکھا جاسکتاہے مگر تنگی دامن کی وجہ سے ہم اسی پر اکتفا کرتے ہیں۔ 6۔ حضرت ابوہریرہ رضی اللہ تعالیٰ عنہ کی ایک اور تالیف کا بھی کتب حدیث سے سراغ ملتا ہے۔ ان کے شاگرد حضرت نہیک بن بشیر کا بیان ہے کہ میں حضرت ابوہریرہ رضی اللہ تعالیٰ عنہ سے جوکچھ سنتا تھا اسے تحریر کر لیتا تھا۔ جب میں نے اپنی تعلیم مکمل کر لی اور ان سے رخصت ہونا چاہا توان کے پاس ان کی کتاب لایا اور انھیں پڑھ کر سنائی اوران سے عرض کیا: یہ وہی چیز ہے جو میں نے آپ سے سنی ہے، انھوں نے اس کی تصدیق فرمائی۔ (سنن الدارمي، حدیث: 498 ورجاله ثقات) 7۔ حضرت ابوہریرہ رضی اللہ تعالیٰ عنہ نے احادیث کے متعلق جن خیالات کا اظہار فرمایا، وہ حضرت عبداللہ بن عمر رضی الله عنہما کی کتابت حدیث کہ وجہ سے تھا کیونکہ استاد کے ارشادات لکھنے والے کے پاس عام طور پر ارشادات کا ذخیرہ زیادہ جمع ہوجاتا ہے لیکن جب محدثین کرام نے جانچ پڑتال کی تو معاملہ بالکل اس کےبرعکس نکلا۔ حضرت ابوہریرہ رضی اللہ تعالیٰ عنہ کی مرویات حضرت عبداللہ بن عمرو رضی اللہ عنہما سے کہیں زیادہ ہیں۔ حضرت امام بخاری رحمۃ اللہ علیہ فرماتے ہیں کہ حضرت ابوہریرۃ رضی اللہ تعالیٰ عنہ سے تقریباً آٹھ سو تلامذہ نے کسب فیض کیا ہے اور یہ علمی برتری ان کے علاوہ کسی اور صحابی کو نہیں ملی۔ محدثین کرام نے اس کے مختلف اسباب ذکر فرمائے ہیں جن کا خلاصہ حسب ذیل ہے: (1)۔ حضرت ابوہریرہ رضی اللہ تعالیٰ عنہ نے مرکزعلم وعرفان مدینہ منورہ میں اپنے آپ کو تعلیم وتعلم کے لیے وقف کر رکھا تھا جبکہ حضرت عبداللہ بن عمرو رضی اللہ عنہما مدینہ منورہ سے مصر چلے گئےتھے جسے علمی لحاظ سے مرکزیت حاصل نہ تھی، اس لیے حضرت عبداللہ رضی اللہ تعالیٰ عنہ سے بہت کم روایات منقول ہیں۔ (2)۔ حضرت عبداللہ بن عمرو رضی اللہ تعالیٰ عنہ کا رجحان طبعی طور پر کثرت عبادت کی طرف رہا۔ آپ عبادت زیادہ کرتے تھے اور تعلبم وتدریس میں مشغولیت بہت کم ہوتی تھی جبکہ حضرت ابوہریرہ رضی اللہ تعالیٰ عنہ کارجحان تعلیم وتدریس کی طرف تھا۔ حصول تعلیم کے ایام میں بھی آپ کا یہ حال تھا۔ اسی بناء پر حضرت ابوہریرہ رضی اللہ تعالیٰ عنہ کی مرویات بہت زیادہ ہیں۔ (3)۔ شام میں حضرت عبداللہ بن عمرو رضی اللہ عنہما کو اہل کتاب کی کتابوں کا ایک ذخیرہ مل گیا تھا، آپ انھی کے مطالعے میں مصروف رہتے اور ان سے روایات بھی بیان کرتے تھے۔ اسی بنا پر بہت سے تابعین رحمۃ اللہ علیہ نے ان سے روایات لینے کا سلسلہ بند کردیا۔ (4)۔ حضرت ابوہریرہ رضی اللہ تعالیٰ عنہ کو رسول اللہ صلی اللہ علیہ وسلم کی دعا حاصل تھی جس کی برکت سے ان کے علوم اور ان کی روایات کو سب سے زیادہ فروغ حاصل ہوا اور یہ شرف حضرت عبداللہ بن عمرو رضی اللہ عنہما کو حاصل نہ ہوسکا۔ (فتح الباري: 274/1) مختصر یہ کہ حضرت ابوہریرہ رضی اللہ تعالیٰ عنہ نے حصول تعلیم اور اشاعت تعلیم پر زیادہ وقت لگایا اور اپنے قیام کے لیے مرکزی جگہ کا انتخاب کیا جبکہ حضرت عبداللہ بن عمرو رضی اللہ عنہما کا رجحان تعلیم وتدریس کی طرف زیادہ نہ تھا اور نہ انھوں نے مرکزی جگہ پر قیام ہی اختیار فرمایا۔ اس بنا پر حضرت ابوہریرہ رضی اللہ تعالیٰ عنہ کی روایات زیادہ ہیں جن کی تعداد 5 ہزار سے زیادہ ہے۔ اور حضرت عبداللہ بن عمرو رضی اللہ عنہما کی روایات تعداد میں اس درجے کو نہ پہنچ سکیں۔ (ان کی روایات 700 سے زائد نہیں) واللہ أعلم۔
ترجمۃ الباب:
حدیث ترجمہ:
ہم سے علی بن عبداللہ نے بیان کیا، ان سے سفیان نے، ان سے عمرو نے، وہ کہتے ہیں کہ مجھے وہب بن منبہ نے اپنے بھائی کے واسطے سے خبر دی، وہ کہتے ہیں کہ میں نے حضرت ابوہریرہ ؓ کو کہتے ہوئے سنا کہ رسول اللہ ﷺ کو صحابہ میں عبداللہ بن عمرو ؓ کے علاوہ مجھ سے زیادہ کوئی حدیث بیان کرنے والا نہیں تھا۔ دوسری سند سے معمر نے وہب بن منبہ کی متابعت کی، وہ ہمام سے روایت کرتے ہیں، وہ حضرت ابوہریرہ ؓ سے۔
حدیث حاشیہ:
اس سے مزید وضاحت ہوگئی کہ زمانہ نبوی میں احادیث کو بھی لکھنے کا طریقہ جاری ہو چکا تھا۔ حضرت ابوہریرہ رضی اللہ عنہ یہ سمجھے کہ عبداللہ بن عمرو نے مجھ سے زیادہ احادیث روایت کی ہوں گی، مگربعد کی تحقیق سے معلوم ہوا کہ حضرت ابوہریرہ رضی اللہ عنہ کی مرویات پانچ ہزار سے زائد احادیث (5376احادیث) ہیں۔ جبکہ عبداللہ بن عمرو کی مرویات سات سو سے زائد نہیں ہیں۔ حضرت ابوہریرہ رضی اللہ عنہ کو یہ علمی مرتبہ آنحضرت صلی اللہ علیہ وسلم کی دعا کے صدقہ میں ملا تھا۔
ترجمۃ الباب:
حدیث ترجمہ:
Narrated Abu Hurairah (RA): There is none among the companions of the Prophet (ﷺ) who has narrated more Hadiths than I except 'Abdallah bin Amr (bin Al-'As) who used to write them and I never did the same.
