التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ الجِهَادِ وَالسِّيَرِ (بَابُ التَّحْرِيضِ عَلَى الرَّمْيِ)

حکم : أحاديث صحيح البخاريّ كلّها صحيحة 

ترجمة الباب: وَقَوْلِ اللَّهِ تَعَالَى: {وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ} [الأنفال: 60]

2899. حَدَّثَنَا عَبْدُ اللَّهِ بْنُ مَسْلَمَةَ، حَدَّثَنَا حَاتِمُ بْنُ إِسْمَاعِيلَ، عَنْ يَزِيدَ بْنِ أَبِي عُبَيْدٍ، قَالَ: سَمِعْتُ سَلَمَةَ بْنَ الأَكْوَعِ رَضِيَ اللَّهُ عَنْهُ، قَالَ: مَرَّ النَّبِيُّ صَلَّى اللهُ عَلَيْهِ وَسَلَّمَ عَلَى نَفَرٍ مِنْ أَسْلَمَ يَنْتَضِلُونَ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «ارْمُوا بَنِي إِسْمَاعِيلَ، فَإِنَّ أَبَاكُمْ كَانَ رَامِيًا ارْمُوا، وَأَنَا مَعَ بَنِي فُلاَنٍ» قَالَ: فَأَمْسَكَ أَحَدُ الفَرِيقَيْنِ بِأَيْدِيهِمْ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «مَا لَكُمْ لاَ تَرْمُونَ؟»، قَالُوا: كَيْفَ نَرْمِي وَأَنْتَ مَعَهُمْ؟ قَالَ النَّبِيُّ صَلَّى اللهُ عَلَيْهِ وَسَلَّمَ: «ارْمُوا فَأَنَا مَعَكُمْ كُلِّكُمْ»

مترجم:

ترجمۃ الباب:

( اور سورہ انفال میں ) اللہ تعالیٰ کا ارشاد کہ ” اور ان ( کافروں ) کے مقابلے کے لیے جس قدر بھی تم سے ہو سکے سامان تیار رکھو ، قوت سے اور پلے ہوئے گھوڑوں سے ، جس کے ذریعہ سے تم اپنا رعب رکھتے ہو اللہ کے دشمنوں اور اپنے دشمنوں پر “ ۔

2899.

حضر ت سلمہ بن اکوع  ؓسے روایت ہے، انھوں نے کہا کہ نبی کریم ﷺ قبیلہ اسلم کے چند صحابہ کرام  ؓکے پاس سے گزرے جو تیر اندازی کی مشق کررہے تھے۔ نبی کریم ﷺ نے فرمایا: ’’اے اولاد اسماعیل!تیر اندازی کروکیونکہ تمہارے بزرگ دادا حضرت اسماعیل ؑ بھی تیر انداز تھے۔ ہاں تم تیر اندازی کرو، میں بنو فلاں کی طرف ہوں۔‘‘ جب آپ ایک فریق کے ساتھ ہوگئے تو دوسرے فریق نے ہاتھ روک لیے۔ رسول اللہ ﷺ نے فرمایا: ’’ کیابات ہے، تم تیر اندازی کیوں نہیں کرتے؟‘‘ دوسرے فریق نے عرض کیا: جب آپ ایک فریق کے ساتھ ہیں تو ہم کس طرح مقابلہ کرسکتے ہیں؟ اس پر نبی کریم ﷺ نے فرمایا: ’’اچھا تم تیر اندازی جاری رکھو، میں تم سب کے ساتھ ہوں۔‘‘

×
ترجمۃ الباب:

ارشاد باری تعالیٰ ہے: "کفار کے مقابلے کے لیے جس قدر بھی تم سے ہوسکے سامان تیار رکھو، خواہ تیراندازی ہو یا گھوڑے باندھنا ہو۔ اس تیاری کے ساتھ تم اللہ کے دشمنوں اور اپنے دشمنوں کوہراساں کرو۔ "


حدیث ترجمہ:

ہم سے عبداللہ بن مسلمہ نے بیان کیا، کہا ہم سے حاتم بن اسماعیل نے بیان کیا، ان سے یزید بن ابی عبید نے بیان کیا، انہوں نے سلمہ بن اکوع ؓ سے سنا، انہوں نے بیان کیا کہ نبی کریم ﷺ کا قبیلہ بنو اسلم کے چند لوگوں پر گزر ہوا جو تیراندازی کی مشق کر رہے تھے۔ آپ ﷺ نے فرمایا اسماعیل ؑ کے بیٹو! تیراندازی کرو کہ تمہارے بزرگ دادا اسماعیل ؑ بھی تیرانداز تھے۔ ہاں ! تیراندازی کرو، میں بنی فلاں (ابن الاورع ؓ) کی طرف ہوں۔ بیان کیا، جب آپ ﷺ ایک فریق کے ساتھ ہو گئے تو (مقابلے میں حصہ لینے والے) دوسرے ایک فریق نے ہاتھ روک لیے۔ آپ ﷺ نے فرمایا کیا بات پیش آئی، تم لوگوں نے تیراندازی بند کیوں کردی؟ دوسرے فریق نے عرض کیا جب آپ ﷺ ایک فریق کے ساتھ ہو گئے تو بھلا ہم کس طرح مقابلہ کر سکتے ہیں۔ اس پر آنحضور ﷺ نے فرمایا اچھا تیراندازی جاری رکھو میں تم سب کے ساتھ ہوں۔

حدیث حاشیہ:

سیرۃ طیبہ کے مطالعہ کرنے والوں پر واضح ہے کہ آپﷺ نے اپنے پیروکاروں کو ہمیشہ سپاہی بنانے کی کوشش فرمائی اور مجاہدانہ زندگی گزارنے کے لئے شب و روز تلقین فرماتے رہے جیسا کہ اس حدیث سے بھی واضح ہے۔ ساتھ ہی یہ بھی واضح ہوا کہ عربوں کے جد امجد حضرت اسماعیل  ؑ بھی بڑے زبردست سپاہی تھے اور نیزہ بازی ہی ان کا مشغلہ تھا۔ آج کل بندوق‘ توپ‘ ہوائی جہاز اور جتنے بھی آلات حرب وجود میں آچکے ہیں وہ سب اسی ذیل ہیں۔ ان سب میں مہارت پیدا کرنا سب کو اپنانا یہ خدا پرستی کے خلاف نہیں ہے بلکہ ہر مسلمان پر ان کا سیکھنا فرض ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم2919
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)2899
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2684
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)2899
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)2743
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)2795
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)2899
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)2899
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)2899

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

قرآنی آیت میں لفظ (قُوَّۃ) عام ہے،جس سے میدان جنگ میں کام آنے والی ہرقسم کی قوت مراد ہے۔اس میں تمام آلات جنگ شامل ہیں جواب تک وجود میں آچکے ہیں اور قیامت تک جو وجود میں آئیں گے۔مسلمانوں کا فرض ہے کہ وہ تمام جنگی ہتھیار مہیا کریں۔ان سے پوری پوری واقفیت حاصل کریں،انھیں خود بنائیں،ان کا استعمال سیکھیں۔اس ایٹمی دور میں تمام جنگی قوتیں اس آیت کی تفسیر ہوسکتی ہیں۔آیت کا آخری حصہ بھی توجہ طلب ہے کہ آلات جنگ کا استعمال محض ملک حاصل کرنےکے لیے نہ ہوبلکہ ان کا مقصد یہ ہونا چاہیے کہ اللہ کے دشمن اور مسلمانوں کے دشمن دباؤ میں رہیں تاکہ اللہ کی زمین امن اورعافیت کاگہوارہ بن جائے اور لوگ چین اور سکون سے زندگی بسرکریں۔واللہ اعلم۔

تمہید کتاب

×

جہاد،لغوی طور پر جہد سے مشتق ہے۔اس کے معنی کسی مقصد کے حصول کے لیے انتہائی محنت،کوشش اورطاقت صرف کرنے کے ہیں۔لفظ جہد دوطرح سے پڑھا جاتا ہے:اگر اسے جیم کی پیش کے ساتھ پڑھاجائے تو اس کے معنی طاقت صرف کرنا اور اگر جیم کے زبر کے ساتھ پڑھا جائے تو اس کے معنی مشقت اٹھاناہے۔لفظ اجتہاد میں انتہائی ذہنی کوشش کا مفہوم ملحوظ خاطر رکھاجائےگا۔قرآن کریم میں بھی لفظ جہاد اپنے لغوی معنی میں استعمال ہوا ہے۔ارشاد باری تعالیٰ ہے:(وَوَصَّيْنَا الْإِنْسَانَ بِوَالِدَيْهِ حُسْنًا ۖ وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۚ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ)"ہم نے انسان کو اپنے والدین کے ساتھ حسن سلوک کی وصیت کی ہے اور اگر وہ تجھ پر زوردیں کہ تو میرے ساتھ اس چیز کو شریک ٹھہرائے جس کاتجھے کوئی علم نہیں تو ان کا کہنامت مان،تمھیں میری طرف ہی لوٹ کر آناہے،پھر میں تمھیں بتاؤں گا جوتم کیا کرتے تھے۔"(العنکبوت 29/8)شرعی اصطلاح میں جہاد اس محنت وکوشش کانام ہے جو دین اسلام کی سربلندی کے لیے کی جاتی ہے،خواہ یہ کوشش انفرادی ہو یا اجتماعی ،زبانی ہو تحریری اور مالی ہو یا جانی۔لیکن واضح رہے کہ اس انتہائی جدوجہد میں نصب العین دین اسلام کی سربلندی ہوناچاہیے۔اگر یہ مقصود نہیں تو شرعی طور پر ایسی محنت وکوشش کو جہاد قرارنہیں دیا جاسکتا،البتہ غلبہ دین کی مذکورہ صورتوں میں سے جانی جدوجہد(قتال) تمام قسموں سے افضل ہے لیکن اسے ایک ہی صورت(قتال) کے ساتھ خاص کرلینا اسی طرح غلط ہے جس طرح غلبہ سوین کے علاوہ ہر قسم کی کوشش کوجہاد کرنا غلط ہے،چنانچہ قرآن کریم میں لفظ جہاد صرف قتال کے لیے نہیں بلکہ اس وسیع مفہوم کو اداکرنے کے لیے بھی استعمال ہواجس میں غلبہ دین کے لیے کی جانے والی ہرکوشش شامل ہے۔ارشاد باری تعالیٰ ہے:(وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ)"اور وہ لوگ جنھوں نے ہمارے بارے میں پوری کوشش کی ہم انھیں اپنی راہیں ضرور دکھائیں گے اور بلاشبہ اللہ یقیناً نیکی کرنے والوں کےساتھ ہے۔"(العنکبوت:29/69)نیز اللہ تعالیٰ نے فرمایا:(فَلَا تُطِعِ الْكَافِرِينَ وَجَاهِدْهُمْ بِهِ جِهَادًا كَبِيرًا)"آپ ان کافروں کا کہنا مت مانیں اور قرآن کے ذریعے سے ان سے پوری طاقت کے ساتھ جہاد کریں۔"(الفرقان؛25/52)یہ دونوں آیات مکی سورتوں سے تعلق رکھتی ہیں جبکہ جہاد بمعنی قتال مدنی دور کے آغاز میں شروع ہوا۔مکی دور  میں جہاد غلبہ دین کی خاطر دشمنان اسلام کے خلاف کی جانے والی ہرکوشش ومحنت کے لیے عام ہے۔رسول اللہ صلی اللہ علیہ وسلم  کا ارشاد گرامی ہے:"تم مشرکین کے خلاف اپنے مالوں،اپنی جانوں اور اپنی زبانوں سے جہاد کرو۔"(سنن ابی داؤد الجھاد حدیث 2504)زبان سے جہاد کرنے کو کوئی بھی عقل مند قتال نہیں کہتا۔ہمارے رجحان کے مطابق غلبہ دین کے لیے ہر قسم کی جدوجہد جہاد کے دائرے میں آتی ہے،چنانچہ حافظ ابن تیمیہ رحمۃ اللہ علیہ  کہتے ہیں:"جہاد،دل سے ہوتا ہے جیساکہ اسلام پر ثابت قدم رہنے کا پختہ عزم کرنا،لوگوں کو اسلام اور اسلامی شریعت کی طرف دعوت دینا بھی جہاد ہے۔باطل پرستوں کے خلاف حجت قائم کرنا ،حق کا واضح کرنا اورشبہات کو دور کرنا بھی جہاد ہے۔مسلمانوں کے اجتماعی مفاد کے لیے تدبیر وتنظیم کرنا بھی جہاد ہے۔اس کے علاوہ دشمنانِ اسلام کے خلاف جنگ(قتال) کرنابھی جہاد ہے۔اس بنا پر مذکورہ بالاتمام صورتوں میں سے جو صورت بھی ممکن ہواس کے مطابق جہاد کرنا واجب ہے۔(مجموع الفتاویٰ 38/5)حافظ ابن حجر رحمۃ اللہ علیہ  کے نزدیک کفار کے خلاف جنگ لڑنا بھی جہاد ہے اور اس کے علاوہ غلبہ دین کے لیے کی جانے والی ہرجدوجہد بھی جہاد میں شامل ہے،چنانچہ وہ لکھتے ہیں:"کفار کے خلاف جنگ لڑنے کے لیے کوشش اورطاقت صرف کرنا جہاد ہے،اسی طرح نفس،شیطان اور فساق کے خلاف جدوجہد کرنے پر بھی جہاد کااطلاق ہوتا ہے۔جہاد بالنفس یہ ہے کہ دین کی بنیادی تعلیمات کو حاصل کیا جائے،پھر ان پر عمل کیا جائے ،نیز دوسرے لوگوں کو بھی ان کی دعوت دی جائے۔جہاد بالشیطان یہ ہے کہ شیطان کی طرف سے جو شبہات ووساوس پیدا کیے جاتے ہیں انھیں دور کرنے کے لیے محنت اور مشقت اٹھائی جائے،اس کے علاوہ کفار کے خلاف اپنے ہاتھ ،مال،زبان اور دل سے جہاد کیا جائے ،نیز فساق ومنافقین کے خلاف بھی اپنے ہاتھ یا پھر دل اور زبان سے جہاد کیا جائے۔"(فتح الباری 5/6)اس اقتباس سے معلوم ہوتاہے کہ حافظ ابن حجر رحمۃ اللہ علیہ  کے نزدیک جہاد اور قتال دو الگ الگ اصطلاحات ہیں،چنانچہ وہ مزید وضاحت کرتے ہوئے لکھتے ہیں:تحقیقی طور پر یہ بات بھی ثابت ہے کہ کفار کے خلاف  جہاد کرنا ہر مسلمان پر فرض ہے،خواہ وہ اپنے ہاتھ کے ساتھ جہاد کرے یا زبان کے ساتھ یامال کے ساتھ یا اپنے دل کےساتھ۔"(فتح الباری 47/6)ظاہر ہےکہ زبان ،مال اور دل کے ساتھ کی جانے والی جدوجہد کو قتال نہیں کہا جاسکتا۔البتہ اسے جہاد سے تعبیر کیا جاسکتا ہے،نیز ہر مسلمان تو کافروں کے خلاف قتال نہیں کرسکتا،البتہ جہاد کسی نہ کسی صورت میں کیا جاسکتا ہے۔امام ابن قیم رحمۃ اللہ علیہ  نے اس موضوع پر تفصیل سے گفتگو کی ہے۔انھوں نے جہاد کو محض قتال تک محدود کرنے کےبجائے اسے وسیع مفہوم میں استعمال کیاہے۔ان کے نزدیک غلبہ دین کے لیے کی جانے والی ہرکوشش،محنت اور جدوجہد جہاد ہے،چنانچہ وہ لکھتے ہیں:"اللہ کے دشمنوں،یعنی کفار کے خلاف جہاد کرنا اس بات پر منحصر ہے کہ وہ مسلمان پہلے اللہ کے لیے اپنے نفس کے خلاف  جہاد کرے جیسا کہ ارشاد نبوی ہے:"جس نے اللہ کی اطاعت میں رہتے ہوئے اپنے نفس کے خلاف جہاد کیا وہ مجاہد ہے۔"(مسند احمد 22/4)اس کامطلب یہ ہے کہ خارجی دشمن کے خلاف جہاد کرنے سے پہلے اپنے نفس کے خلاف جہاد کرنا انتہائی ضروری ہے کیونکہ جو انسان اپنے نفس کو اللہ کے اوامرونواہی اوردیگر احکام شرعیہ کا پابند نہیں بناتا،اس کے لیے دشمن کے خلاف میدان جنگ میں جہاد کرنا ممکن ہی نہیں رہتا کیونکہ جب وہ اپنے پہلو کے دشمن کے ہاتھوں مغلوب ہواور اس کے خلاف جہاد نہ کرے،وہ خارجی دشمن کے خلاف جہاد کیسے کرسکتا ہے؟علاوہ ازیں ایک تیسرا دشمن بھی ہے جب تک انسان اس کے خلاف علم بغاوت بلند نہ کرے کفار اور نفس کے خلاف جہاد نہیں ہوسکتا اور وہ شیطان ہے جس کے متعلق ارشاد باری تعالیٰ ہے:(إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا.......)"یقیناً شیطان تمہارا دشمن ہے،لہذا تم اسے دشمن ہی سمجھو۔"(الفاطر 35/6)شیطان کو دشمن خیال کرنے کا اللہ تعالیٰ نے حکم دیاہے،اس کامطلب یہ ہے کہ اس کے خلاف جنگ کرنے میں پوری توانائی صرف کی جائے اور کسی قسم کی کوتاہی نہ کی جائے۔ابن قیم رحمۃ اللہ علیہ  مزید لکھتے ہیں کہ جہاد کے چار مراتب ہیں:1۔نفس کے خلاف جہاد۔2۔شیطان کے خلاف جہاد۔3۔کفار کے خلاف جہاد۔4۔منافقین کے خلاف جہاد۔1۔نفس کے خلاف جہاد کے چاردرجے ہیں:الف۔دین اسلام کی ضروری ہدایات حاصل کرکے اپنے نفس کے خلاف جہاد کرے کیونکہ دینی رشدوہدایت کے بغیر اخروی نجات ممکن نہیں۔ب۔حاصل کردہ بنیاد معلومات پر عمل پیراہوکرنفس کے خلاف جہاد کرے کیونکہ اس علم کا کوئی فائدہ نہیں جس پر عمل نہ کیاجائے۔ج۔پھر حاصل کردہ دینی معلومات ان لوگوں تک پہنچائے جو ان سے بےخبر ہیں بصورت دیگر اسے ان لوگوں میں شمار کیا جائے گا جو علم چھپانے کے مرتکب ہیں۔د۔دعوت حق کے راستے میں جو مشکلات اور تکلیفیں درپیش ہوں انھی خوشی سے برداشت کرتے ہوئے اپنے نفس کے خلاف جہاد کرے۔جب انسان چار مراتب کو مکمل کرلے گا تو اسے علمائے ربانیین میں شمار کیاجائے گا۔2۔شیطان کے خلاف جہاد کے دو مرتبے ہیں:الف۔شیطان کی طرف سے بندے کے ایمان کو ختم کرنے کے لیے اس کے دل میں شکوک وشہات پیدا ہوں ان کو دور کرنے کے لیے جدوجہد کرنا۔ب۔شیطان کی طرف سے بندے کے ایمان کو کمزور کرنے کے لیے جو بری خواہشات اس کے دل میں ڈالی جاتی ہیں ان کے خلاف جہاد کرنا۔پہلے مرتبے کے لیے یقین اور دوسرے مرتبے کے لیے صبر کی انتہائی ضرورت ہے۔ارشاد باری تعالیٰ ہے:"ہم نے ان میں سے کچھ پیشوا بنائے جو ہمارے حکم سے رہنمائی کرتے تھے۔جب انھوں نے صبر کیا اور وہ ہماری آیتوں پر یقین رکھتے تھے۔"صبر کے ذریعے سے شہوات اور یقین کےذریعے شبہات کو دور کیا جاتاہے۔3۔4۔کفار اور منافقین کے خلاف جہاد کرنے کے چار مراتب ہیں:1۔دل سے جہاد کرنا۔2۔زبان سے جہاد کرنا۔3۔مال سے جہادکرنا۔4۔جان سے جہاد کرنا۔ان میں سے دل اور مال کے ذریعے سے کفار اور منافقین دونوں کے خلاف جہاد کیا جاسکتا ہے جبکہ طاقت اور جان کے ساتھ جہاد کرنا کفار کے ساتھ خاص ہے اور منافقین کے ساتھ زبان سے جہاد کیاجائےگا۔ان کے خلاف تلوار نہیں اٹھائی جائےگی۔علاوہ ازیں ظلم پیشہ اور اہل بدعت کے خلاف بھی جہاد کیا جاتا ہے۔اس جہاد کے تین مراتب ہیں:©۔اگر طاقت ہوتو ہاتھ کے ساتھ ان کے خلاف جہاد کیا جائے،یعنی قوت سے انھیں روکاجائے۔©۔اگر ہاتھ سے روکنے کی طاقت نہ ہوتو زبان سے اس برائی کے خلاف اظہار کیاجائے۔©۔اگر زبانی جہاد کی ہمت نہ ہوتو دل سے ان کے خلاف جہادکیا جائے ،یعنی ظلم اور اہل ظلم سے دلی نفرت کی جائے۔اس تفصیل سے معلوم ہوا کہ جہاد کے تیرہ درجات ہیں۔ارشاد نبوی ہے:"جو شخص اس حال میں فوت ہوا کہ اس نے کبھی جہاد نہ کیا اور نہ اس کے دل میں کبھی جہاد کا خیال ہی پیدا ہواتو وہ گویا انفاق کی شاخ پر فوت ہوا ہے۔(صحیح مسلم الامارۃ حدیث 4931(1910)نفس اورشیطان کے خلاف جہاد کرنا ہرمسلمان پر فرض عین ہے جبکہ کفار ومنافقین کے خلاف جہاد کرنا فرج کفایہ ہے۔اگرامت کے کچھ افراد اس میں شریک ہوں تو دوسروں کو بھی کفایت کرجائےگا۔(زادالمعاد 3/9۔11)ہماری اس تفصیل کا مقصد یہ ہے کہ قرآن وحدیث میں بیشتر مقامات پر جہاد" قتال فی سبیل اللہ" کے معنی میں استعمال ہوا ہے کیونکہ اللہ تعالیٰ کے کلمے کی سربلندی کے لیے آخری کوشش مقدس جہاد کی یہی قسم ہے لیکن کتاب وسنت میں جہاد جنگ کے علاوہ تحفظ دین کی دوسری کوششوں پر بھی جابجا بولاگیا ہے۔بالخصوص منافقین سے جہاد کی بیشتر صورتیں تلوار کے بغیر ہیں۔اسی طرح مکی سورتوں میں جہاد کا ذکر قطعاً جنگ کے معنی میں نہیں آیا،اس لیے ہر مقام پر جہاد کو قتال فی سبیل اللہ کے معنی میں لینا اس کی غلط تعبیر ہے۔انسانی سوسائٹی میں حکم اور قانون کا درجہ انسانی خواہشات اور عقل وگمان کو نہیں بلکہ اللہ تعالیٰ کے احکام اور آسمانی تعلیمات کوحاصل ہوناچاہیے۔اورکلمۃ اللہ کی اسی سربلندی کے لیے دین اسلام میں دینی معرکہ آرائی کے تسلسل کو باقی رکھا گیا ہے تاکہ کسی دور میں بھی انسانی خواہشات کو آسمانی تعلیمات پر غلبہ حاصل نہ ہونے پائے۔لیکن دور حاضر میں خواہشات اور محدود عقل نے ہر طرف ڈیرے ڈال رکھے ہیں اور آسمانی تعلیمات سے رہنمائی حاصل کرنے کے بجائے اس کے نشانات کو بھی ختم کرنے کی عالمی سطح پر کوشش شروع ہے۔ایسے حالات میں اللہ کے دین کو سربلند کرنے کے یہ معنی ہیں کہ نسل انسانی کو خواہشات کی غلامی اور عقل محض کی پیروی سے نکالا جائے اور اسے آسمانی تعلیمات کی ضرورت کا احساس دلاتے ہوئے وحی الٰہی کے دائرے میں لانے کی بھر پور کوشش کی جائے ،نیز دنیا کے مختلف خطوں میں مسلمان جس مظلومیت کا شکار ہیں اور انھیں بڑی سنگ دلی کے ساتھ ان کے مذہبی تشخص سے محروم کیاجارہا ہے،ان مسلط قوتوں کے خلاف کلمہ حق بلند کرنا اورمظلوم مسلمانوں کو ظلم وجبر کے ماحول سے نکالنے کے لیے جو کچھ ممکن ہوا سے کرگزرنا بھی اعلائے کلمۃ اللہ کا تقاضاہے ۔ایسے حالات میں جس طرح قتال دفاع دین کے لیے ہوتا ہے اسی طرح کافرانہ معاشرے میں قائم ظلم وزیادتی کے خاتمے کے لیے بھی ہوتاہے۔امام بخاری رحمۃ اللہ علیہ  نے اس بڑے عنوان کے تحت جہاد کے متعلق ایک پورا نظام پیش کیا ہے جس میں جہاد کی فرضیت وفضیلت ،اہمیت وافادیت،غرض وغایت اور اس کے آداب  وشرائط کو بیان کیا ہے۔اس سلسلے میں انھوں نے تین سوچھہتراحادیث ذکر کی ہیں۔جن میں چالیس معلق اور باقی متصل سند سے مروی ہیں۔ان کےعلاوہ ستائیس ےکے قریب صحابہ کرام رضوان اللہ عنھم اجمعین  اور تابعین رحمۃ اللہ علیہ  عظام سے مروی آثار بھی ذکر کیے ہیں۔ان مرفوع احادیث میں دوسوچھیاسٹھ احادیث مکرر اور ایک سودس خالص ہیں،نیز امام بخاری رحمۃ اللہ علیہ  نے روایت کردہ احادیث وآثار پر جہاد کے متعلق دوسو کے لگ بھگ چھوٹے چھوٹے عنوان قائم کیے ہیں،جن سے ان کی دقت فہم اور قوت استنباط کا پتہ چلتا ہے،جن میں جنگ سے پہلے کے آداب ،میدان جنگ کے آداب،جنگ کے بعد کے آداب کو تفصیل سے بیان کیا ہے۔اس کے علاوہ مال غنیمت کے حقوق وشرائط پر،پھر جنگی قیدیوں کے متعلق آداب وشرائط کو بھی ذکر کیا ہے۔جہاد سے متعلق رسول اللہ صلی اللہ علیہ وسلم  سے منقول کچھ پیش گوئیاں بھی بیان کی ہیں۔اُمید ہے کہ امام بخاری رحمۃ اللہ علیہ  کے قائم کردہ عنوان اور پیش کردہ احادیث ہمارے لیے ایمان کی تازگی اور جذبہ جہاد کی بیداری کا باعث ہوں گے۔ہماری پیش کردہ معروضات کو  سامنے رکھتے ہوئے ان احادیث کا مطالعہ کریں تاکہ عاقبت نااندیش مسلم منکرین اور عقل عیار کے پیروکار دانشوروں کے جہاد سے متعلق پھیلائے ہوئے زہریلے شکوک وشبہات کا مداوا ہوسکے ۔دعا ہے کہ اللہ تعالیٰ ہمیں یقین کامل کی نعمت عطا فرمائے تاکہ ہم اپنی کھوئی ہوئی عظمت کو دوبارہ حاصل کرسکیں۔

تمہید باب عربی

×

تمہید کتاب عربی

×