Sahih Bukhari | صحیح بخاری

ترجمۃ الباب:

سورۃ نباءمیں جو لفظ غساقا آیا ہے اس کا معنی پیپ لہو ، عرب لوگ کہتے ہیں غسقت عینہ اس کی آنکھ بہہ رہی ہے ۔ یغسق الجرح زخم بہہ رہا ہے ۔ غساق اور غسیق دونوں کے ایک ہی معنی ہیں ۔ غِسلیِن کا لفط جو سورۃ حاقہ میں ہے اس کا معنی دھوون یعنی کسی چیز کے دھونے میں جیسے آدمی کا زخم ہو یا اونٹ کا جو نکلے فِعلِین کے وزن پر غسل سے مشتق ہے ۔ عکرمہ نے کہا حصب کا لفظ جو سورۃ انبیاء میں ہے معنی حطب یعنی ایندھن کے ہیں ۔ یہ لفظ حبشی زبان کا ہے ۔ دوسروں نے کہا ، حاصبا کا معنی جو سورۃ بنی اسرائیل میں ہے تند ہوا ، آندھی اور حاصب اس کو بھی کہتے ہیں جو ہوا اڑا کر لائے ۔ اسی سے لفظ حصب جہنم نکلا ہے جو سورۃ انبیاءمیں ہے ۔ یعنی دوزخ میں جھونکے جائیں گے وہ اس کے ایندھن بنیں گے ۔ عرب لوگ کہتے ہیں حصب فی الارض یعنی وہ زمین میں چلاگیا ۔ حصب حصباء سے نکلا ہے ۔ یعنی پتھریلی کنکریاں ۔ صدید کا لفظ جو سورۃ ابراہیم میں ہے اس کا معنی پیپ اور لہو کے ہیں ۔ خبت کا لفظ جو سورۃ بنی اسرائیل میں ہے اس کا معنی بجھ جائے گی ۔ تورون کا لفظ جو سورۃ واقعہ میں ہے اس کا معنی آگ سلگاتے ہو ، کہتے ہیں اَرُویت یعنی میں نے آگ سلگائی ۔ مقوین کا لفظ جو سورۃ واقعہ میں ہے یہ لفظ قی سے نکلا ہے قی اجاڑ زمین کو کہتے ہیں اور عبداللہ بن عباس رضی اللہ عنہما نے سواء الجحیم کی تفسیر میں کہا جو سورۃ صافات میں ہے دوزخ کا بیچوں بیچ کا حصہ ، لشوبامن حمیم ( جو اسی سورۃ میں ہے ) اس کا معنی یہ ہے کہ دوزخیوں کے کھانے میں گرم کھولتا ہوا پانی ملایا جائے گا ۔ الفاظ زفیر اور شہیق جو سورۃ ہود میں ہیں ان کے معنی آواز سے رونا اور آہستہ سے رونا ، لفظ وردا جو سورۃ مریم میں ہے یعنی پیاسے ، لفظ غیا جو اسی سورۃ میں ہے ۔ یعنی ٹوٹا نقصان ، اورمجاہد نے کہا لفظ یسجرون جو سورۃ مؤمن میں ہے ، یعنی آگ کا ایندھن بنیں گے ۔ لفظ نحاس جو سورۃ رحمن میں ہے اس کا معنی تانبا جو پگھلا کر ان کے سروں پر ڈالا جائے گا ۔ لفظ ذوقوا جو کئی سورتوں میں آیا ہے اس کا معنی یہ ہے کہ عذاب کو دیکھو ، منھ سے چکھنا مراد نہیں ہے ۔ لفظ ماٰرج جو سورۃ رحمن میں ہے یعنی خالص آگ ۔ عرب لوگ کہتے ہیں ، مرج الامیر رعیتہ یعنی بادشاہ اپنی رعیت کو چھوڑ بیٹھا ، وہ ایک دوسرے پر ظلم کر رہے ہیں ۔ لفظ مریج جو سورۃ ق میں ہے ، یعنی ملا ہوا ، مشتبہ ۔ کہتے ہیں مرج امرالناس اختلط یعنی لوگوں کا معاملہ سب خلط ملط ہوگیا ۔ لفظ مرج البحرین جو سورۃ رحمن میں ہے مرجت دابتک سے نکلا ہے ، یعنی تو نے اپنا جانور چھوڑ دیا ہے ۔

حدیث ترجمہ:

حضرت ابو سعید خدری ؓسے روایت ہے، انھوں نے کہا کہ نبی ﷺ نے فرمایا: ‘‘نماز (ظہر) ٹھنڈےوقت میں پڑھا کرو کیونکہ گرمی کی شدت دوزخ کے جوش وخروش سے ہے۔‘‘

حدیث حاشیہ:

مذکورہ احادیث پہلے کتاب المواقیت میں گزر چکی ہیں۔ ان احادیث کو یہاں بیان کرنے سے مقصود یہ ہے جہنم اب بھی موجود ہے اور اس میں آگ جلتی ہے اور اس کے جوش و خروش سے دنیا میں گرمی بڑھ جاتی ہے جیسا کہ آئندہ حدیث میں اس کی مزید وضاحت ہے۔

ترجمۃ الباب:

غَسَّاقًااہل جہنم کے جسم سے نکلنےوالے بدبو دار مادے کو کہتے ہیں۔ کہا جاتا ہے کہ اس کی آنکھ بہہ رہی ہے، زخم بہہ رہا ہے۔ غساق اورغسيق دونوں ایک ہی چیز ہیں۔ غِسْلِينٍ کسی چیز دھویا جائے تو جو چیز برآمد ہو وہ غِسْلِينٍ ہےفعلينِ کے وزن پر غسل سے مشتق ہے، جو آدمی یا اونٹ کے زخم سے نکلے۔

حضرت عکرمہ نے کہا: حَصَبُ جَهَنَّمَ حبشی زبان میں اس کے معنی ایندھن کے ہیں۔ دوسروں نے کہا: اس کے معنی ہیں: تند ہوا اور آندھی۔ اور حاصب اس کو بھی کہتے ہیں جو ہوا اڑا کر لائے، اسی سے حَصَبُ جَهَنَّمَ بناہے، یعنی دوزخ میں جھونکے جائیں گے۔ وہ اس کا ایندھن بنیں گے۔ کہا جا تا ہے۔ حصب في الأرض وہ زمین میں دورچلا گیا حصب‘حصباء‘حِجَارَةً سے نکلا ہے، یعنی پتھریلی کنکریاں۔ سديد"خون اور پیپ۔ خَبَتْ "وہ بجھ جائے گی۔ تُورُونَ تم سلگاتے ہو۔ "کہا جاتا ہے اوريت یعنی میں نے آگ سلگائی۔ لِّلْمُقْوِينَ مسافروں کے لیے۔ یہ لفظ "قي" سے نکلا ہے جس کے معنی ہیں۔ چٹیل میدان۔

حضرت ابن عباس رضی اللہ تعالیٰ عنہ نے صِرَاطِ الْجَحِيمِ کے متعلق کہا: اس کے معنی ہیں۔ دوزخ کا بیچ اور دوزخ کا وسط۔ لَشَوْبًا مِّنْ حَمِيمٍ ان کے کھانے میں گرم پانی ملایا جائے گا جو کھولتا ہو گا۔ " زَفِيرٌ وَشَهِيقٌ بآوازبلند رونا اور آہستہ سے رونا ہے وِرْدًا "پیاسے" غَيًّا "نقصان اور خسارہ۔ "

امام مجاہد نے کہا: يُسْجَرُونَ ان پر آگ جلائی جائے گی، یعنی وہ ایندھن بنیں گے۔ نُحَاسٌ کے معنی ہیں: تانبا، جو (پگھلا کر)ان کے سروں پر ڈالا جائےگا۔ ذُوقُوا کے معنی ہیں: دیکھو اور تجربہ کرو۔ یہ منہ سے چکھنے کے معنی میں نہیں ہے مَّارِجٍ "خالص آگ۔ "مرج الامير رعيته اس وقت کہا جا تا ہے جب امیر اپنی رعیت کو چھوڑ دے کہ وہ ایک دوسرے پر ظلم کریں۔ مَّرِيجٍ "ملاہوا۔ مشتبہ"کہاجاتا ہے۔ مرج امرالناس لوگوں کا معاملہ خلط ملط ہو گیا۔ مَرَجَ الْبَحْرَيْنِ دونوں سمندروں کو ملادیا۔ "یہ لفظ مَرَجْتَ دَابَّتَكَ سے مشق ہے۔ اس کے معنی ہیں۔ "تونے اپنا جانور چھوڑدیا۔

حدیث ترجمہ:

ہم سے محمد بن یوسف نے بیان کیا، کہا ہم سے سفیان ثوری نے بیان کیا، ان سے اعمش نے، ان سے ذکوان نے اور ان سے ابوسعید خدری ؓ نے بیان کیا کہ نبی کریم ﷺ نے فرمایا، نماز ٹھنڈے وقت میں پڑھا کرو، کیوں کہ گرمی کی شدت جہنم کی بھاپ سے پیدا ہوتی ہے۔

حدیث حاشیہ:

حدیث ترجمہ:

Narrated Abu Sad (RA): The Prophet (ﷺ) said, "Delay the (Zuhr) Prayer till it gets cooler, for t

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

ترقیم کوڈ	اسم الترقيم	نام ترقیم	رقم الحديث (حدیث نمبر)
١.	ترقيم موقع محدّث	ویب سائٹ محدّث ترقیم	3280
٢.	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	3259
٣.	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	3019
٤.	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	3259
٥.	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	3086
٦.	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	3136
٧.	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	3259
٨.	ترقيم فؤاد عبد الباقي (دار السلام)	ترقیم فواد عبد الباقی (دار السلام)	3259
١٠.	ترقيم فؤاد عبد الباقي (داود راز)	ترقیم فواد عبد الباقی (داؤد راز)	3259

اسم العالم	الحكم
١. إجماع علماء المسلمين	أحاديث صحيح البخاريّ كلّها صحيحة

محدثین کرام نے کتب حدیث کو مضامین کے اعتبار سے مختلف قسموں میں تقسیم کیا ہے جن میں سے ایک"الجامع"ہےاس سے مرادوہ کتاب ہے جس میں مؤلف نے عقائد عبادات ، معاملات، سیرت ، جہاد مناقب ، رقاق ، آداب ، فتن تاریخ اورا حوال آخرت سے متعلقہ احادیث کو ایک خاص ترتیب سے جمع کیا ہو۔ امام بخاری رحمۃ اللہ علیہ کی تالیف بھی"الجامع"کہلاتی ہے جس میں مختلف قسم کے علوم و فنون جمع ہیں۔ ان میں سے ایک تاریخ بھی ہے۔ امام بخاری رحمۃ اللہ علیہ نے یہاں سے تاریخ بیان کرنا شروع کی ہے۔ یہ سلسلہ کتاب التفسیر تک چلے گا۔ ہمارے نزدیک کتاب المغازی کوئی الگ نوعیت کی مستقل کتاب نہیں بلکہ وہ رسول اللہ صلی اللہ علیہ وسلم کی سیرت طیبہ ہی کا ایک حصہ ہے چونکہ اس کے ابواب بہت پھیلے ہوئے ہیں اس لیے اسے الگ کتاب کا نام دیا گیا ہے یہی وجہ ہے کہ اس میں رسول اللہ صلی اللہ علیہ وسلم کی بیماری اور آپ کی وفات کے ابواب بھی بیان ہوئے ہیں کیونکہ یہ سب سیرت طیبہ کے احوال کا تکملہ ہے بہر حال اسے آغاز تخلیق سے شروع کیا ہے۔اس کے بعد احادیث انبیاء پھر مناقب وغیرہ بیان ہوں گے اس کے بعد مغازی کا ذکر ہوگا۔ بہر حال امام بخاری رحمۃ اللہ علیہ نے تاریخی حقائق بیان کرنے کے لیے ایک سو ساٹھ احادیث کا انتخاب کیا ہے جن میں بائیس معلق اور باقی ایک سواڑتیس احادیث متصل سند سے مروی ہیں ان مرفوع احادیث میں ترانوے احادیث مکرر اور تریسٹھ خالص ہیں پندرہ احادیث کے علاوہ دیگر احادیث کو امام مسلم رحمۃ اللہ علیہ نے بھی روایت کیا ہے۔ مرفوع احادیث کے علاوہ صحابہ کرام رضوان اللہ عنھم اجمعین اورتابعین عظام رحمۃ اللہ علیہ سے مروی چالیس آثار بھی ہیں امام بخاری رحمۃ اللہ علیہ نے ان احادیث و آثار پر تقریباً سترہ چھوٹے چھوٹے عنوان قائم کیے ہیں جن سے مختلف تاریخی حقائق پرروشنی ڈالنا مقصود ہے۔اس میں تاریخ کا وہ حصہ بیان کیا گیا ہے جس کا تعلق اللہ تعالیٰ کی تخلیق سے ہے۔ اس کے بعد حضرات انبیاء کا ذکر ہوگا جسے ایک الگ عنوان سے بیان کیا جائے گا۔ بہر حال آغاز تخلیق اور مخلوقات کے متعلق امام بخاری رحمۃ اللہ علیہ نے جو احادیث پیش کی ہیں وہ دلچسپ اور معلومات افزا ہیں ان کے متعلق تشریحی فوائد بھی ہم نے بڑی محنت سے مرتب کیےہیں۔قارئین کرام سے درخواست ہے کہ وہ خلوص نیت سے پیش کردہ احادیث اور تشریحی فوائد کا مطالعہ کریں۔ امید ہے کہ یہ مطالعہ آپ کی معلومات میں اضافے کا باعث ہوگا۔ اللہ تعالیٰ سے دعا ہے کہ وہ ہمیں قیامت کے دن گروہ محدثین سے اٹھائے اور خدام حدیث کی رفاقت اور ان کا ساتھ نصیب کرے۔آمین۔

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

ڈیفالٹ سیٹنگ منتخب کریں

موضوعات

المواضيع

Topics

المواضيع

موضوعات

Topics

الحكم على الحديث

تمہید باب

تمہید کتاب

تمہید باب عربی

تمہید کتاب عربی