التخريج

قسم الحديث (القائل): موقوف ، اتصال السند: متصل ، قسم الحديث: قولی

‌صحيح البخاري: کِتَابُ مَنَاقِبِ الأَنْصَارِ (بَابُ حَدِيثِ زَيْدِ بْنِ عَمْرِو بْنِ نُفَيْلٍ)

حکم : أحاديث صحيح البخاريّ كلّها صحيحة 

3827. قَالَ مُوسَى حَدَّثَنِي سَالِمُ بْنُ عَبْدِ اللَّهِ وَلَا أَعْلَمُهُ إِلَّا تَحَدَّثَ بِهِ عَنْ ابْنِ عُمَرَ أَنَّ زَيْدَ بْنَ عَمْرِو بْنِ نُفَيْلٍ خَرَجَ إِلَى الشَّأْمِ يَسْأَلُ عَنْ الدِّينِ وَيَتْبَعُهُ فَلَقِيَ عَالِمًا مِنْ الْيَهُودِ فَسَأَلَهُ عَنْ دِينِهِمْ فَقَالَ إِنِّي لَعَلِّي أَنْ أَدِينَ دِينَكُمْ فَأَخْبِرْنِي فَقَالَ لَا تَكُونُ عَلَى دِينِنَا حَتَّى تَأْخُذَ بِنَصِيبِكَ مِنْ غَضَبِ اللَّهِ قَالَ زَيْدٌ مَا أَفِرُّ إِلَّا مِنْ غَضَبِ اللَّهِ وَلَا أَحْمِلُ مِنْ غَضَبِ اللَّهِ شَيْئًا أَبَدًا وَأَنَّى أَسْتَطِيعُهُ فَهَلْ تَدُلُّنِي عَلَى غَيْرِهِ قَالَ مَا أَعْلَمُهُ إِلَّا أَنْ يَكُونَ حَنِيفًا قَالَ زَيْدٌ وَمَا الْحَنِيفُ قَالَ دِينُ إِبْرَاهِيمَ لَمْ يَكُنْ يَهُودِيًّا وَلَا نَصْرَانِيًّا وَلَا يَعْبُدُ إِلَّا اللَّهَ فَخَرَجَ زَيْدٌ فَلَقِيَ عَالِمًا مِنْ النَّصَارَى فَذَكَرَ مِثْلَهُ فَقَالَ لَنْ تَكُونَ عَلَى دِينِنَا حَتَّى تَأْخُذَ بِنَصِيبِكَ مِنْ لَعْنَةِ اللَّهِ قَالَ مَا أَفِرُّ إِلَّا مِنْ لَعْنَةِ اللَّهِ وَلَا أَحْمِلُ مِنْ لَعْنَةِ اللَّهِ وَلَا مِنْ غَضَبِهِ شَيْئًا أَبَدًا وَأَنَّى أَسْتَطِيعُ فَهَلْ تَدُلُّنِي عَلَى غَيْرِهِ قَالَ مَا أَعْلَمُهُ إِلَّا أَنْ يَكُونَ حَنِيفًا قَالَ وَمَا الْحَنِيفُ قَالَ دِينُ إِبْرَاهِيمَ لَمْ يَكُنْ يَهُودِيًّا وَلَا نَصْرَانِيًّا وَلَا يَعْبُدُ إِلَّا اللَّهَ فَلَمَّا رَأَى زَيْدٌ قَوْلَهُمْ فِي إِبْرَاهِيمَ عَلَيْهِ السَّلَام خَرَجَ فَلَمَّا بَرَزَ رَفَعَ يَدَيْهِ فَقَالَ اللَّهُمَّ إِنِّي أَشْهَدُ أَنِّي عَلَى دِينِ إِبْرَاهِيمَ

مترجم:

3827.

حضرت عبداللہ بن عمر ؓ ہی سے روایت ہے کہ زید بن عمرو بن نفیل شام کی طرف گئے اور وہ دین حق کی تلاش میں تھے کہ وہ اسے عمل میں لائیں۔ اس سلسلے میں وہ ایک یہودی عالم سے ملے اور اس سے دین یہود کے متعلق دریافت کیا اور کہا کہ شاید میں تمہارا دین اختیار کر لوں، لہذا مجھے اپنا دین بتاؤ۔ یہودی عالم نے کہا: تم ہمارے دین کو نہیں اختیار کر سکتے حتی کہ اللہ کے غضب کا کچھ حصہ لو۔ زید نے کہا: میں اللہ کے غضب ہی سے بھاگا ہوا ہوں اور میں کبھی بھی غضب الہٰی سے کچھ نہیں برداشت کر سکتا اور نہ مجھ میں اس کی طاقت ہی ہے۔ کیا مجھے کسی اور کا پتہ بتا سکتے ہو؟ اس نے کہا: میں دین حنیف کے علاوہ اور کوئی مذہب نہیں جانتا۔ زید نے کہا: دین حنیف کیا ہے؟ اس نے کہا: دین ابراہیم ہی حنیف ہے۔ وہ یہودی یا نصرانی نہیں تھے۔ وہ صرف اللہ ایک کی عبادت کرتے تھے۔ یہ سن کر زید وہاں سے روانہ ہوئے تو ایک نصرانی عالم سے ملاقات کی اور اس سے بھی اسی طرح ذکر کیا۔ نصرانی نے کہا:تم ہمارے دین پر نہیں رہ سکتے حتی کہ اللہ کی لعنت سے کچھ حصہ لو۔ زید نے کہا: میں اللہ کی لعنت سے دور بھاگا ہوں۔ میں اسے برداشت نہیں کر سکتا اور نہ اس کے غضب ہی سے کچھ لے سکتا ہوں اور نہ مجھ میں اس کی طاقت ہی ہے۔ کیا مجھے کسی اور مذہب کی رہنمائی کر سکتے ہو؟ نصرانی نے کہا: میں دین حنیف کے علاوہ کوئی مذہب نہیں جانتا (جو تمہارے مناسب ہو)۔ زید نے پوچھا: دین حنیف کیا ہے؟ نصرانی نے کہا: وہ دین ابراہیم ہے۔ حضرت ابراہیم ؑ یہودی یا نصرانی نہ تھے، وہ صرف ایک اللہ کی عبادت کرتے تھے۔ جب زید نے حضرت ابراہیم ؑ کے متعلق ان کی گفتگو سنی تو وہاں سے روانہ ہوئے اور جنگل میں پہنچے، وہاں اپنے دونوں ہاتھ اٹھا کر کہا: اے اللہ! میں تجھے گواہ بناتا ہوں کہ میں دین ابراہیم پر ہوں۔

×
حدیث ترجمہ:

موسیٰ نے بیان کیا، ان سے سالم بن عبداللہ نے بیان کیا اور مجھے یقین ہے کہ انہوں نے یہ ابن عمرؓماسے بیان کیا تھا کہ زید بن عمرو بن نفیل شام گئے، دین (خالص) کی تلاش میں نکلے، وہاں وہ ایک یہودی عالم سے ملے تو انہوں نے ان کے دین کے بارے میں پوچھا اور کہا ممکن ہے کہ میں تمہارادین اختیارکرلوں، اس لیے تم مجھے اپنے دین کے متعلق بتاو، یہودی عالم نے کہا کہ ہمارے دین میں تم اس وقت تک داخل نہیں ہو سکتے جب تک تم اللہ کے غضب کے ایک حصہ کے لیے تیار نہ ہوجاؤ، اس پر زیدؓ نے کہا کہ واہ میں اللہ کے غضب ہی سے بھاگ کرآیاہوں، پھرخداکے غضب کو میں اپنے اوپرکبھی نہ لوںگا اورنہ مجھ کو اسے اٹھانے کی طاقت ہے! کیا تم مجھے کسی اور دوسرے دین کا کچھ پتہ بتا سکتے ہو؟ اس عالم نے کہا میں نہیں جانتا (کوئی دین سچاہو تو دین حنیف ہو) زیدؓ نے پوچھادین حنیف کیا ہے؟ اس عالم نے کہا کہ ابراہیم ؑ کا دین جو نہ یہودی تھے اور نہ نصرانی اور وہ اللہ کے سوا کسی کی عبادت نہیں کرتے تھے، زیدوہاں سے چلے آئے اور ایک نصرانی پادری سے ملے، ان سے بھی اپنا خیال بیان کیا اس نے بھی یہی کہا کہ تم ہمارے دین میں آوگے تو اللہ تعالیٰ کی لعنت میں سے ایک حصہ لوگے، زیدؓ نے کہا میں اللہ کی لعنت سے ہی بچنے کے لیے تو یہ سب کچھ کررہاہوں، اللہ کی لعنت اٹھانی کی مجھ میں طاقت نہیں اورنہ میں اس کا یہ غضب کس طرح اٹھا سکتاہوں! کیا تم میرے لیے اس کے سواکوئی اور دین بتلا سکتے ہو، پادری نے کہا کہ میری نظرمیں ہو تو صرف ایک دین حنیف سچادین ہے زیدنے پوچھا دین حنیف کیا ہے؟ کہا کہ وہ دین ابراہیم ؑ ہے جو نہ یہودی تھے اور نہ نصرانی اور اللہ کے سوا وہ کسی کی پوجا نہیں کرتے تھے، زیدنے جب دین ابراہیم ؑ کے بارے میں ان کی یہ رائے سنی تو وہاں سے روانہ ہوگئے، اور اس سرزمین سے باہر نکل کر اپنے دونوں ہاتھ آسمان کی طرف اٹھائے اور یہ دعاکی، اے اللہ! میں گواہی دیتاہوں کہ میں دین ابراہیم پر ہوں۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3857
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)3827
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)3541
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)3828
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)3616
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3685
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)3827
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)3827
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)3827

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

زید بن عمرو بن نفیل،حضرت عمر رضی اللہ تعالیٰ عنہ کے چچازاد اور حضرت سعید بن زید رضی اللہ تعالیٰ عنہ کے باپ ہیں۔حضرت سعید رضی اللہ تعالیٰ عنہ عشرہ مبشرہ رضوان اللہ عنھم اجمعین سے ہیں۔زید ،توحید کے طالب تھے۔بتوں کی پوجا سے اظہار بے زاری کرتے اور شرک سے بھی الگ تھلک رہتے تھے۔رسول اللہ صلی اللہ علیہ وسلم کی بعثت سے پہلے ہی فوت ہوگئے۔یہ اس وقت فوت ہوئے جب قریش بیت اللہ کی تعمیر نوکررہے تھے۔بعض مؤلفین نے انھیں صحابہ میں شمار کیا ہے لیکن یہ موقف محل نظر ہے کیونکہ ان پر صحابی کی تعریف صادق نہیں آتی۔واللہ اعلم۔

تمہید کتاب

×

لغوی طور پر مناقب،منقبت کی جمع ہے۔اس کے معنی خوبی اور فضیلت کے ہیں ۔منقبت کے معنی فخر بھی کیے جاتے ہیں اور بعض اہل زبان اس کے معنی ہنروستودگی کرتے ہیں۔بہرحال اس کے معنی میں اچھے   پہلو کا خیال رکھا گیا ہے۔اس کے برعکس برے پہلو کو مثلبۃ کہتے ہیں جس کی جمع مثالب ہے۔اسی طرح انصار ،نصیر کی جمع ہے۔نصیر اور ناصر دونوں ہم معنی ہیں۔انصار ایک اسلامی نام ہے۔رسول اللہ صلی اللہ علیہ وسلم  نے اوس،خزرج اور ان کے حلیفوں کا نام انصاررکھا ہے۔قبیلہ اوس،اوس بن حارثہ اورقبیلہ خزرج ،خزرج بن حارثہ کی طرف منسوب ہیں۔یہ دونوں قیلہ بنت ارقم کے بیٹے ہیں۔انھیں انصار اس لیے کہا جاتا ہے کہ انھوں نے رسول اللہ صلی اللہ علیہ وسلم  کی مدد کی۔آپ کو اور آپ کے اصحاب رضوان اللہ عنھم اجمعین  کو مدینہ طیبہ میں رہنے کے لیے جگہ دی۔مال وجان سے ان کی نصرت وتائید کی اور اپنی ذات پر انھیں ترجیح دی۔سابقین انصار کی تین قسمیں ہیں:1۔اصحاب بیعت عقبہ اولیٰ:۔ان حضرات کی تعداد چھ ہے۔یہ قبیلہ خزرج سے تعلق رکھنے والے تھے۔ان کے نام یہ ہیں:1۔اسعد بن زرارہ  رضی اللہ تعالیٰ عنہ ۔2۔رافع بن مالک  رضی اللہ تعالیٰ عنہ ۔3۔قطبہ بن عامر رضی اللہ تعالیٰ عنہ ۔4۔عوف بن حارث۔5۔عقبہ بن عامر رضی اللہ تعالیٰ عنہ ۔جابر بن عبداللہ بن رباب رضی اللہ تعالیٰ عنہ ۔رسول اللہ صلی اللہ علیہ وسلم  حضرت ابوبکر رضی اللہ تعالیٰ عنہ  کے سامنے منیٰ کی گھاٹی سے گزرے تو ان سے ملاقات ہوگئی۔آپ نے انھیں اسلام کی دعوت دی تو یہ نوجوان مسلمان ہوگئے اور مدینہ طیبہ واپس جاکر خوب تبلیغ کی اور رسول اللہ صلی اللہ علیہ وسلم  کا پیغام مدینہ کے گھر گھر پہنچ گیا۔2۔اصحاب عقبہ ثانیہ:۔ان چھ حضرات کی تبلیغ کے نتیجے میں اگلے سال بارہ آدمی رسول اللہ صلی اللہ علیہ وسلم  کی خدمت میں حاضر ہوئے۔ان میں سے جابر بن عبداللہ بن رماب کو چھوڑ کر باقی پانچ وہی تھے جو پچھلے سال بھی آچکے تھے اور باقی حضرات کے نام یہ ہیں:©معاز بن حارث© ذکوان بن عبد قیس© عبادہ بن صامت۔©یزید بن ثعلبہ© عباس بن عبادہ بن نضلہ©ابوالہیثم بن تہیان۔© عویم بن ساعدہ۔۔۔ رضوان اللہ عنھم اجمعین ۔۔۔یہ آخری دو آدمی قبیلہ اوس کے تھے باقی سب قبیلہ خزرج سے تعلق رکھنے والے تھے۔ان حضرات نے منی میں عقبہ کے پاس رسول اللہ صلی اللہ علیہ وسلم  سے ملاقات کی اورآپ سے چند باتوں پر بیعت کی۔عقبہ کی اس بیعت کی تفصیل حضرت عبادہ بن صامت رضی اللہ تعالیٰ عنہ  سے مروی ہے جسے امام بخاری  رحمۃ اللہ علیہ  نے بیان کیا ہے۔( صحیح البخاری الایمان حدیث 18۔) رسول اللہ صلی اللہ علیہ وسلم  نے ان کے ہمراہ حضرت مصعب بن عمیر رضی اللہ تعالیٰ عنہ  کو بھیجا تاکہ وہ انھیں اسلامی احکام کی تعلیم دیں۔انھوں نے حضرت اسعد بن زرارہ  رضی اللہ تعالیٰ عنہ  کے ہاں قیام کیا،پھر دونوں حضرات نے اہل یثرب میں جوش وخروش سے اسلام کی تبلیغ شروع کردی۔3۔اصحاب عقبہ ثالثہ:۔نبوت کے تیرہویں سال یثرب کے ستر سے زائد مسلمان حج کی ادائیگی کے لیے مکہ آئے تو انھوں نے طے کیا کہ ہم کب تک رسول اللہ صلی اللہ علیہ وسلم  کو یوں ہی مکہ کے پہاڑوں میں چکر کاٹتے،ٹھوکریں کھاتے اور خوفزدگی کی حالت میں چھوڑے رکھیں گے۔آخر کار رسول اللہ صلی اللہ علیہ وسلم  کے ہمراہ ان کا اجتماع جمرہ عقبہ کے پاس جو گھاٹی ہے وہاں ہوا اور رات کی تاریکی میں خفیہ طور پر اس کی تفصیلات طے پائیں۔رسول اللہ صلی اللہ علیہ وسلم  نے انھیں اللہ کی طرف دعوت دی،اس کے بعد بیعت ہوئی۔اس اجتماع میں تہتر مرد اور دوعورتیں:ایک ام عمارہ نسبیہ بنت کعب اور دوسری ام منیع اسماء بنت عمرو تھیں،یعنی مرد اور عورتوں کی تعداد پچھتر تھی۔حضرت جابر رضی اللہ تعالیٰ عنہ  بیان کرتے ہیں ہم نے عرض کی:اللہ کے رسول صلی اللہ علیہ وسلم ! ہم آپ سے کس بات پر بیعت کریں؟آپ نے فرمایا:"اس بات پر کہ© چستی اور سستی ہرحال میں بات سنو گے اور مانو گے۔©۔تنگی اور خوشحالی ہر حال میں مال خرچ کروگے۔©۔بھلائی کا حکم دوگے اور بُرائی سے روکو گے۔©۔اللہ کی  راہ میں اُٹھ کھڑ ے ہو گے اور اللہ کے معاملے میں کسی ملامت گر کی ملامت سے نہیں ڈرو گے۔©۔جب میں تمہارے پاس آجاؤں تو تم میری مدد کروگے اور جس چیز سے تم اپنی اور اپنے بچوں کی حفاظت کرتے ہو اس سے میری بھی حفاظت کرو گے۔اس کے عوض تمہارے لیے جنت ہوگی۔"( مسند احمد 322/3۔) بیعت کی تکمیل کے بعد بارہ سربراہ منتخب ہوئے جو اپنی اپنی قوم کے نقیب تھے۔ان میں سے نوخزرج اور تین اوس سے لیے گئے جن کی تفصیل کتب سیرت میں دیکھی جاسکتی ہے۔( الرحیق المختوم ص: 258۔)ان انصار کے متعلق ارشاد باری تعالیٰ ہے:" اور جو لوگ مہاجرین سے پہلے مدینہ میں مقیم تھے اور ایمان لاچکے تھے وہ ہجرت کرکے آنے والوں سے محبت کرتے ہیں اور جو کچھ انھیں دیا جائے وہ اپنے دلوں میں اس کی کوئی حاجت نہیں پاتے اور مہاجرین کو اپنی ذات پر ترجیح دیتے  ہیں خواہ وہ خود فاقے سے ہوں اور جوشخص اپنے نفس کی  حرص سے بچالیا گیا  تو ایسے ہی لوگ کامیاب ہیں۔( الحشر59:9۔)رسول اللہ صلی اللہ علیہ وسلم  نے ان کے متعلق فرمایا:"اگر ہجرت کی فضیلت نہ ہوتی تو میں بھی انصار کاایک فرد ہوتا۔"( صحیح البخاری مناقب الانصار حدیث 3779۔)امام بخاری  رحمۃ اللہ علیہ  نے اس عنوان کے تحت ان خوش قسمت حضرات کی جان نثاری اور فدائیت کو بیان کیا ہے ا۔اس کے لیے انھوں نے ایک صد تہتر(173) مرفوع متصل احادیث کا انتخاب کیا ہے۔معلق اور موقوف روایات ان کے علاوہ ہیں۔ان احادیث وآثار پر امام بخاری رحمۃ اللہ علیہ  نے تریپن(53) چھوٹے چھوٹے عنوان قائم کیے ہیں۔ابتدائی چند ابواب عمومی مناقب کے لیے مختص  ہیں،پھر انصار کی حوصلہ افزائی ،دلجوئی اس کے بعد سلسلہ مواخات ،انصار سے محبت اور ان کےگھرانوں کی فضیلت کابیان ہے۔انھیں صبر واستقامت کی تلقین کرنے کے بعد ان کے لیے رسول اللہ صلی اللہ علیہ وسلم  کی ڈھیروں دعاؤں کا ذکر ہے۔پھر حکمرانوں سے ایسی توقعات کاذکر ہے کہ وہ ان سے حسن سلوک اوررواداری کا رویہ اختیار کریں۔یہ سلسلہ گیارہ ابواب پر مشتمل ہے۔امام بخاری  رحمۃ اللہ علیہ  نے اس کے بعد شخصی مناقب کا سلسلہ شروع کیا ہے۔انصار میں سے جو حضرات نمایاں خدمات اور کردار کے حامل تھے ان کے  فضائل ومناقب ذکر کیے ہیں۔یہ سلسلہ بھی گیارہ ابواب پر محیط ہے۔اس کے بعد تعمیر کعبہ،ایام جاہلیت ،قسامہ،بعثت نبوی ،کفار ومشرکین کی اذیت  رسانی،چند جاں نثاروں کے اسلام لانے کے ایمان افروز واقعات،معجزہ شق قمر،ہجرت،موت نجاشی ،قصہ ابی طالب اور حدیث اسراء ومعراج کاتذکرہ کیا ہے۔پھر مکہ مکرمہ میں وفود انصار کی آمد ،ہجرت مدینہ کاتفصیلی بیان اور مدینہ طیبہ میں آپ کا قدوم میمنت لزوم کا روح پرور بیان ہے۔آخر میں رسول اللہ صلی اللہ علیہ وسلم  کی مدینہ طیبہ تشریف آوری کے موقع پریہود مدینہ کی حاضری کے ذکر پر اس عنوان کوختم کردیاگیا ہے۔قند ِ مکرر کے طور پر حضرت سلمان فارسی رضی اللہ تعالیٰ عنہ  کے متعلق چند گراں قدر معلومات بیان کی گئی ہیں۔امام بخاری  رحمۃ اللہ علیہ  نے اس عنوان کے تحت ایسے واقعات بھی بیان کیے ہیں جو ایک بندہ مسلم کے ایمان کی تازگی کاباعث ہیں۔قارئین کرام سے درخواست ہے کہ وہ نہایت محبت اور والہانہ پن کے ساتھ اس عنوان میں مذکور احادیث کا مطالعہ کریں۔امید ہے کہ ایمان وعمل میں تازگی کاذریعہ ثابت ہوں گی۔اللہ تعالیٰ سے دعا ہے کہ ہمیں ان نفوس قدسیہ کے نقش قدم پر چلنے کی توفیق دے اورقیامت کے دن ہمیں ان کی رفاقت نصیب فرمائے۔آمین یا رب العالمین۔

تمہید باب عربی

×

تمہید کتاب عربی

×