Sahi-Bukhari | صحیح بخاری

موضوعات

شجرۂ موضوعات

ایمان (21673)

اقوام سابقہ (2922)

سیرت (18010)

قرآن (6272)

اخلاق و آداب (9761)

عبادات (51486)

کھانے پینے کے آداب و احکام (4155)

لباس اور زینت کے مسائل (3633)

نجی اور شخصی احوال ومعاملات (6547)

معاملات (9225)

عدالتی احکام و فیصلے (3431)

جرائم و عقوبات (5046)

جہاد (5356)

علم (9419)

قسم الحديث (القائل): موقوف ، اتصال السند: متصل ، قسم الحديث: قولی

‌صحيح البخاري: کِتَابُ مَنَاقِبِ الأَنْصَارِ (بَابُ وُفُودِ الأَنْصَارِ إِلَى النَّبِيِّ ﷺبِمَكَّةَ، وَبَيْعَةِ العَقَبَةِ)

حکم : أحاديث صحيح البخاريّ كلّها صحيحة

3921 . حَدَّثَنَا عَلِيُّ بْنُ عَبْدِ اللَّهِ حَدَّثَنَا سُفْيَانُ قَالَ كَانَ عَمْرٌو يَقُولُ سَمِعْتُ جَابِرَ بْنَ عَبْدِ اللَّهِ رَضِيَ اللَّهُ عَنْهُمَا يَقُولُ شَهِدَ بِي خَالَايَ الْعَقَبَةَ قَالَ أَبُو عَبْد اللَّهِ قَالَ ابْنُ عُيَيْنَةَ أَحَدُهُمَا الْبَرَاءُ بْنُ مَعْرُورٍ

صحیح بخاری:

کتاب: انصار کے مناقب

(

باب: مکہ میں نبی کریم ﷺ کے پاس انصار کے وفود کا آنا اور بیعت عقبہ کا بیان

)

مترجم: ١. شیخ الحدیث حافظ عبد الستار حماد (دار السلام)

3921. حضرت جابر بن عبداللہ ؓ سے روایت ہے، انہوں نے فرمایا کہ میں اپنے دو ماموؤں کے ساتھ بیعت عقبہ (ثانیہ) میں حاضر ہوا۔ ابوعبدللہ (امام بخاری ؒ ) کہتے ہیں کہ سفیان بن عیینہ نے فرمایا: ان دو میں ایک براء بن معرور ؓ تھے۔

تشریح:

1۔ حضرت براء بن معرور ؓ حضرت جابر ؓ کے رضاعی ماموں ہیں عقبہ ثانیہ کی رات سب سے پہلے انھوں نے رسول اللہ ﷺ سے بیعت کی تھی۔ وہ اس وقت انصار کے سرادر تھے۔ رسول اللہ ﷺ کی مدینہ طیبہ تشریف آوری سے ایک ماہ پہلے وہ فوت ہوگئے۔ 2۔اس بیعت کے وقت انصار کے تہتر مرد اور دو عورتیں تھیں، انھوں نے رسول اللہ ﷺ کو مدینہ طیبہ تشریف لانے کی دعوت دی۔ رسول اللہ ﷺ نے ان میں سے بارہ آدمیوں کو نقیب مقرر فرمایا جن کے نام یہ ہیں۔ ©اسعد بن زرارہ ر ؓ ©رافع بن مالک ؓ ©عبادہ بن صامت ؓ ©سعد بن ربیع ؓ ©منذر بن عمرو ؓ ©عبد اللہ بن رواحہ ؓ ©براء بن معرور ؓ ©عبد اللہ بن عمرو بن حرام ؓ ©سعد بن عبادہ ؓ ©اسید بن حضیر ؓ ©سعد بن خثیمہ ؓ ©ابو الہیثم بن تیہان یارفاعہ بن عبدالمنذر ؓ ©۔ ان میں سے براءبن معرور ؓ پہلے بزرگ ہیں جنھوں نے اس رات سب سے پہلے بیعت کی تھی، یہ بیعت اسلام کی نشرواشاعت کے لیے خشت اول ثابت ہوئی۔ اس کی تفصیل ہم مناقب انصار کے آغاز میں بیان کر آئے ہیں۔ 3۔واضح رہے کہ حضرت جابر ؓ کی والدہ کا نام نصیبہ تھا۔ حضرت براء بن معرور ؓ آپ کے حقیقی ماموں نہ تھے بلکہ رضاعی ماموؤں میں یا آپ کی والدہ کے تعلق داروں میں سے ہیں۔ عرب ماں کے تمام عزیزوں کو خال یعنی ماموں کہتے ہیں۔

Sharing Link: https://mohaddis.com/View/Sahi-Bukhari/T1/3921

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	3921
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	3890
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	3601
٤	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	3890
٥	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	3677
٦	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	3747
٧	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	3890
٨	ترقيم فؤاد عبد الباقي (دار السلام)	ترقیم فواد عبد الباقی (دار السلام)	3890
١٠	ترقيم فؤاد عبد الباقي (داود راز)	ترقیم فواد عبد الباقی (داؤد راز)	3890

لغوی طور پر مناقب،منقبت کی جمع ہے۔اس کے معنی خوبی اور فضیلت کے ہیں ۔منقبت کے معنی فخر بھی کیے جاتے ہیں اور بعض اہل زبان اس کے معنی ہنروستودگی کرتے ہیں۔بہرحال اس کے معنی میں اچھے پہلو کا خیال رکھا گیا ہے۔اس کے برعکس برے پہلو کو مثلبۃ کہتے ہیں جس کی جمع مثالب ہے۔اسی طرح انصار ،نصیر کی جمع ہے۔نصیر اور ناصر دونوں ہم معنی ہیں۔انصار ایک اسلامی نام ہے۔رسول اللہ صلی اللہ علیہ وسلم نے اوس،خزرج اور ان کے حلیفوں کا نام انصاررکھا ہے۔قبیلہ اوس،اوس بن حارثہ اورقبیلہ خزرج ،خزرج بن حارثہ کی طرف منسوب ہیں۔یہ دونوں قیلہ بنت ارقم کے بیٹے ہیں۔انھیں انصار اس لیے کہا جاتا ہے کہ انھوں نے رسول اللہ صلی اللہ علیہ وسلم کی مدد کی۔آپ کو اور آپ کے اصحاب رضوان اللہ عنھم اجمعین کو مدینہ طیبہ میں رہنے کے لیے جگہ دی۔مال وجان سے ان کی نصرت وتائید کی اور اپنی ذات پر انھیں ترجیح دی۔سابقین انصار کی تین قسمیں ہیں:1۔اصحاب بیعت عقبہ اولیٰ:۔ان حضرات کی تعداد چھ ہے۔یہ قبیلہ خزرج سے تعلق رکھنے والے تھے۔ان کے نام یہ ہیں:1۔اسعد بن زرارہ رضی اللہ تعالیٰ عنہ ۔2۔رافع بن مالک رضی اللہ تعالیٰ عنہ ۔3۔قطبہ بن عامر رضی اللہ تعالیٰ عنہ ۔4۔عوف بن حارث۔5۔عقبہ بن عامر رضی اللہ تعالیٰ عنہ ۔جابر بن عبداللہ بن رباب رضی اللہ تعالیٰ عنہ ۔رسول اللہ صلی اللہ علیہ وسلم حضرت ابوبکر رضی اللہ تعالیٰ عنہ کے سامنے منیٰ کی گھاٹی سے گزرے تو ان سے ملاقات ہوگئی۔آپ نے انھیں اسلام کی دعوت دی تو یہ نوجوان مسلمان ہوگئے اور مدینہ طیبہ واپس جاکر خوب تبلیغ کی اور رسول اللہ صلی اللہ علیہ وسلم کا پیغام مدینہ کے گھر گھر پہنچ گیا۔2۔اصحاب عقبہ ثانیہ:۔ان چھ حضرات کی تبلیغ کے نتیجے میں اگلے سال بارہ آدمی رسول اللہ صلی اللہ علیہ وسلم کی خدمت میں حاضر ہوئے۔ان میں سے جابر بن عبداللہ بن رماب کو چھوڑ کر باقی پانچ وہی تھے جو پچھلے سال بھی آچکے تھے اور باقی حضرات کے نام یہ ہیں:©معاز بن حارث© ذکوان بن عبد قیس© عبادہ بن صامت۔©یزید بن ثعلبہ© عباس بن عبادہ بن نضلہ©ابوالہیثم بن تہیان۔© عویم بن ساعدہ۔۔۔ رضوان اللہ عنھم اجمعین ۔۔۔یہ آخری دو آدمی قبیلہ اوس کے تھے باقی سب قبیلہ خزرج سے تعلق رکھنے والے تھے۔ان حضرات نے منی میں عقبہ کے پاس رسول اللہ صلی اللہ علیہ وسلم سے ملاقات کی اورآپ سے چند باتوں پر بیعت کی۔عقبہ کی اس بیعت کی تفصیل حضرت عبادہ بن صامت رضی اللہ تعالیٰ عنہ سے مروی ہے جسے امام بخاری رحمۃ اللہ علیہ نے بیان کیا ہے۔( صحیح البخاری الایمان حدیث 18۔) رسول اللہ صلی اللہ علیہ وسلم نے ان کے ہمراہ حضرت مصعب بن عمیر رضی اللہ تعالیٰ عنہ کو بھیجا تاکہ وہ انھیں اسلامی احکام کی تعلیم دیں۔انھوں نے حضرت اسعد بن زرارہ رضی اللہ تعالیٰ عنہ کے ہاں قیام کیا،پھر دونوں حضرات نے اہل یثرب میں جوش وخروش سے اسلام کی تبلیغ شروع کردی۔3۔اصحاب عقبہ ثالثہ:۔نبوت کے تیرہویں سال یثرب کے ستر سے زائد مسلمان حج کی ادائیگی کے لیے مکہ آئے تو انھوں نے طے کیا کہ ہم کب تک رسول اللہ صلی اللہ علیہ وسلم کو یوں ہی مکہ کے پہاڑوں میں چکر کاٹتے،ٹھوکریں کھاتے اور خوفزدگی کی حالت میں چھوڑے رکھیں گے۔آخر کار رسول اللہ صلی اللہ علیہ وسلم کے ہمراہ ان کا اجتماع جمرہ عقبہ کے پاس جو گھاٹی ہے وہاں ہوا اور رات کی تاریکی میں خفیہ طور پر اس کی تفصیلات طے پائیں۔رسول اللہ صلی اللہ علیہ وسلم نے انھیں اللہ کی طرف دعوت دی،اس کے بعد بیعت ہوئی۔اس اجتماع میں تہتر مرد اور دوعورتیں:ایک ام عمارہ نسبیہ بنت کعب اور دوسری ام منیع اسماء بنت عمرو تھیں،یعنی مرد اور عورتوں کی تعداد پچھتر تھی۔حضرت جابر رضی اللہ تعالیٰ عنہ بیان کرتے ہیں ہم نے عرض کی:اللہ کے رسول صلی اللہ علیہ وسلم ! ہم آپ سے کس بات پر بیعت کریں؟آپ نے فرمایا:"اس بات پر کہ© چستی اور سستی ہرحال میں بات سنو گے اور مانو گے۔©۔تنگی اور خوشحالی ہر حال میں مال خرچ کروگے۔©۔بھلائی کا حکم دوگے اور بُرائی سے روکو گے۔©۔اللہ کی راہ میں اُٹھ کھڑ ے ہو گے اور اللہ کے معاملے میں کسی ملامت گر کی ملامت سے نہیں ڈرو گے۔©۔جب میں تمہارے پاس آجاؤں تو تم میری مدد کروگے اور جس چیز سے تم اپنی اور اپنے بچوں کی حفاظت کرتے ہو اس سے میری بھی حفاظت کرو گے۔اس کے عوض تمہارے لیے جنت ہوگی۔"( مسند احمد 322/3۔) بیعت کی تکمیل کے بعد بارہ سربراہ منتخب ہوئے جو اپنی اپنی قوم کے نقیب تھے۔ان میں سے نوخزرج اور تین اوس سے لیے گئے جن کی تفصیل کتب سیرت میں دیکھی جاسکتی ہے۔( الرحیق المختوم ص: 258۔)ان انصار کے متعلق ارشاد باری تعالیٰ ہے:" اور جو لوگ مہاجرین سے پہلے مدینہ میں مقیم تھے اور ایمان لاچکے تھے وہ ہجرت کرکے آنے والوں سے محبت کرتے ہیں اور جو کچھ انھیں دیا جائے وہ اپنے دلوں میں اس کی کوئی حاجت نہیں پاتے اور مہاجرین کو اپنی ذات پر ترجیح دیتے ہیں خواہ وہ خود فاقے سے ہوں اور جوشخص اپنے نفس کی حرص سے بچالیا گیا تو ایسے ہی لوگ کامیاب ہیں۔( الحشر59:9۔)رسول اللہ صلی اللہ علیہ وسلم نے ان کے متعلق فرمایا:"اگر ہجرت کی فضیلت نہ ہوتی تو میں بھی انصار کاایک فرد ہوتا۔"( صحیح البخاری مناقب الانصار حدیث 3779۔)امام بخاری رحمۃ اللہ علیہ نے اس عنوان کے تحت ان خوش قسمت حضرات کی جان نثاری اور فدائیت کو بیان کیا ہے ا۔اس کے لیے انھوں نے ایک صد تہتر(173) مرفوع متصل احادیث کا انتخاب کیا ہے۔معلق اور موقوف روایات ان کے علاوہ ہیں۔ان احادیث وآثار پر امام بخاری رحمۃ اللہ علیہ نے تریپن(53) چھوٹے چھوٹے عنوان قائم کیے ہیں۔ابتدائی چند ابواب عمومی مناقب کے لیے مختص ہیں،پھر انصار کی حوصلہ افزائی ،دلجوئی اس کے بعد سلسلہ مواخات ،انصار سے محبت اور ان کےگھرانوں کی فضیلت کابیان ہے۔انھیں صبر واستقامت کی تلقین کرنے کے بعد ان کے لیے رسول اللہ صلی اللہ علیہ وسلم کی ڈھیروں دعاؤں کا ذکر ہے۔پھر حکمرانوں سے ایسی توقعات کاذکر ہے کہ وہ ان سے حسن سلوک اوررواداری کا رویہ اختیار کریں۔یہ سلسلہ گیارہ ابواب پر مشتمل ہے۔امام بخاری رحمۃ اللہ علیہ نے اس کے بعد شخصی مناقب کا سلسلہ شروع کیا ہے۔انصار میں سے جو حضرات نمایاں خدمات اور کردار کے حامل تھے ان کے فضائل ومناقب ذکر کیے ہیں۔یہ سلسلہ بھی گیارہ ابواب پر محیط ہے۔اس کے بعد تعمیر کعبہ،ایام جاہلیت ،قسامہ،بعثت نبوی ،کفار ومشرکین کی اذیت رسانی،چند جاں نثاروں کے اسلام لانے کے ایمان افروز واقعات،معجزہ شق قمر،ہجرت،موت نجاشی ،قصہ ابی طالب اور حدیث اسراء ومعراج کاتذکرہ کیا ہے۔پھر مکہ مکرمہ میں وفود انصار کی آمد ،ہجرت مدینہ کاتفصیلی بیان اور مدینہ طیبہ میں آپ کا قدوم میمنت لزوم کا روح پرور بیان ہے۔آخر میں رسول اللہ صلی اللہ علیہ وسلم کی مدینہ طیبہ تشریف آوری کے موقع پریہود مدینہ کی حاضری کے ذکر پر اس عنوان کوختم کردیاگیا ہے۔قند ِ مکرر کے طور پر حضرت سلمان فارسی رضی اللہ تعالیٰ عنہ کے متعلق چند گراں قدر معلومات بیان کی گئی ہیں۔امام بخاری رحمۃ اللہ علیہ نے اس عنوان کے تحت ایسے واقعات بھی بیان کیے ہیں جو ایک بندہ مسلم کے ایمان کی تازگی کاباعث ہیں۔قارئین کرام سے درخواست ہے کہ وہ نہایت محبت اور والہانہ پن کے ساتھ اس عنوان میں مذکور احادیث کا مطالعہ کریں۔امید ہے کہ ایمان وعمل میں تازگی کاذریعہ ثابت ہوں گی۔اللہ تعالیٰ سے دعا ہے کہ ہمیں ان نفوس قدسیہ کے نقش قدم پر چلنے کی توفیق دے اورقیامت کے دن ہمیں ان کی رفاقت نصیب فرمائے۔آمین یا رب العالمین۔

حدیث ترجمہ:

حضرت جابر بن عبداللہ ؓ سے روایت ہے، انہوں نے فرمایا کہ میں اپنے دو ماموؤں کے ساتھ بیعت عقبہ (ثانیہ) میں حاضر ہوا۔ ابوعبدللہ (امام بخاری ؒ ) کہتے ہیں کہ سفیان بن عیینہ نے فرمایا: ان دو میں ایک براء بن معرور ؓ تھے۔

حدیث حاشیہ:

حدیث ترجمہ:

ہم سے علی بن عبد اللہ مدینی نے بیان کیا، کہا ہم سے سفیان بن عیینہ نے بیان کیا، کہا کہ عمروبن دینار کہا کرتے تھے کہ میں نے حضرت جابر بن عبد اللہ ؓ سے سنا انہوں نے بیان کیا کہ میرے دوماموں مجھے بھی بیعت عقبہ میں ساتھ لے گئے تھے۔ ابو عبداللہ امام بخاری نے کہا کہ ابن عیینہ نے بیان کیا ان میں سے ایک حضرت براء بن معرورؓ تھے۔

حدیث حاشیہ:

جوسب انصار سے پہلے مسلمان ہوئے اور سب سے پہلے آنحضرت ﷺ سے بیعت کی۔

حدیث ترجمہ:

Narrated Jabir bin ' Abdullah (RA): I was present with my two maternal uncles at Al-'Aqabahh (where the pledge of allegiance was given). (Ibn 'Uyaina said, "One of the two was Al-Bara' bin Marur.")

اسم العالم	الحكم
إجماع علماء المسلمين

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

الحكم على الحديث