التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ فَضَائِلِ القُرْآنِ (بَابُ مَنْ لَمْ يَرَ بَأْسًا أَنْ يَقُولَ: سُورَةُ البَقَرَةِ، وَسُورَةُ كَذَا وَكَذَا)

حکم : أحاديث صحيح البخاريّ كلّها صحيحة 

5041. حَدَّثَنَا أَبُو الْيَمَانِ أَخْبَرَنَا شُعَيْبٌ عَنْ الزُّهْرِيِّ قَالَ أَخْبَرَنِي عُرْوَةُ بْنُ الزُّبَيْرِ عَنْ حَدِيثِ الْمِسْوَرِ بْنِ مَخْرَمَةَ وَعَبْدِ الرَّحْمَنِ بْنِ عَبْدٍ الْقَارِيِّ أَنَّهُمَا سَمِعَا عُمَرَ بْنَ الْخَطَّابِ يَقُولُ سَمِعْتُ هِشَامَ بْنَ حَكِيمِ بْنِ حِزَامٍ يَقْرَأُ سُورَةَ الْفُرْقَانِ فِي حَيَاةِ رَسُولِ اللَّهِ صَلَّى اللَّهُ عَلَيْهِ وَسَلَّمَ فَاسْتَمَعْتُ لِقِرَاءَتِهِ فَإِذَا هُوَ يَقْرَؤُهَا عَلَى حُرُوفٍ كَثِيرَةٍ لَمْ يُقْرِئْنِيهَا رَسُولُ اللَّهِ صَلَّى اللَّهُ عَلَيْهِ وَسَلَّمَ فَكِدْتُ أُسَاوِرُهُ فِي الصَّلَاةِ فَانْتَظَرْتُهُ حَتَّى سَلَّمَ فَلَبَبْتُهُ فَقُلْتُ مَنْ أَقْرَأَكَ هَذِهِ السُّورَةَ الَّتِي سَمِعْتُكَ تَقْرَأُ قَالَ أَقْرَأَنِيهَا رَسُولُ اللَّهِ صَلَّى اللَّهُ عَلَيْهِ وَسَلَّمَ فَقُلْتُ لَهُ كَذَبْتَ فَوَاللَّهِ إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَهُوَ أَقْرَأَنِي هَذِهِ السُّورَةَ الَّتِي سَمِعْتُكَ فَانْطَلَقْتُ بِهِ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ أَقُودُهُ فَقُلْتُ يَا رَسُولَ اللَّهِ إِنِّي سَمِعْتُ هَذَا يَقْرَأُ سُورَةَ الْفُرْقَانِ عَلَى حُرُوفٍ لَمْ تُقْرِئْنِيهَا وَإِنَّكَ أَقْرَأْتَنِي سُورَةَ الْفُرْقَانِ فَقَالَ يَا هِشَامُ اقْرَأْهَا فَقَرَأَهَا الْقِرَاءَةَ الَّتِي سَمِعْتُهُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ هَكَذَا أُنْزِلَتْ ثُمَّ قَالَ اقْرَأْ يَا عُمَرُ فَقَرَأْتُهَا الَّتِي أَقْرَأَنِيهَا فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ هَكَذَا أُنْزِلَتْ ثُمَّ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ الْقُرْآنَ أُنْزِلَ عَلَى سَبْعَةِ أَحْرُفٍ فَاقْرَءُوا مَا تَيَسَّرَ مِنْهُ

مترجم:

5041.

سیدنا عمر بن خطاب ؓ سے روایت ہے انہوں نے کہا کہ میں نے سیدنا ہشام بن حکیم بن حزام ؓ کو رسول اللہ ﷺ کی حیات طیبہ میں سورہ فرقان پڑھتے ہوئے سنا۔ میں نے ان کی قرات وتلاوت غور سے سنی تو (معلوم ہوا کہ) وہ اسے بہت سے ایسے طریقوں سے پڑھ رہے تھے جو رسول للہ ﷺ نے مجھے نہیں پڑھائے تھے۔ قریب تھا کہ میں نماز ہی میں انہیں پکڑ لیتا، تاہم میں نے انتظار کیا۔ جب انہوں نے سلام پھیرا تو میں نے ان کے گلے میں چادر ڈال دی اور انہیں کھینچتے ہوئے کہا: تجھے یہ سورت کس نے پڑھائی جو میں نے تجھے پڑھتے سنی ہے؟ انہوں نے کہا کہ مجھے اس طرح رسول اللہ ﷺ نے پڑھایا ہے۔ میں نے انہیں کہا کہ تم غلط بیانی کرتے ہو۔ اللہ کی قسم ! خود رسول اللہ ﷺ نے مجھے بھی یہ سورت پڑھائی ہے جو میں نے تجھ سے سنی ہے تاہم میں انہیں کھینچھتے ہوئے رسول اللہ ﷺ کے پاس لے گیا اور عرض کی : اللہ کے رسول ! میں نے خود سنا ہے کہ یہ شخص سورۃ الفرقان کو ایسی قراءت میں پڑھ رہا تھا جس کی تعلیم آپ نے مجھے نہیں دی، حالانکہ خود آپ نے مجھے سورۃ الفرقان پڑھائی ہے۔ آپ ﷺ نے فرمایا: ”اے ہشام!تم یہ سورت پڑھ کر سناو۔ “ انہوں نے یہ( سورت) اس طرح سے پڑھی جس طرح میں سن چکا تھا۔ رسول اللہ ﷺ نے فرمایا: ”یہ اسی طرح نازل ہوئی ہے“ پھر آپ نے مجھے فرمایا: ”اے عمر! اب تم پڑھ کر سناؤ۔ “ چنانچہ میں نے اسے اس طرح سے پڑھا جس طرح آپ ﷺ نے مجھے پڑھایاتھا آپ ﷺ نے فرمایا: ”یہ اس طرح نازل ہوئی ہے۔ “ پھر آپ نے فرمایا: ”بلاشبہ قرآن کریم سات حروف پر نازل ہوا ہے اس لیے تمہیں جو آسان ہو اس کے مطابق پڑھو۔ “

×
حدیث ترجمہ:

ہم سے ابوالیمان نے بیان کیا، انہوں نے کہا ہم کو شعیب نے خبر دی، ان سے زہری نے بیان کیا، کہا کہ مجھ کو عروہ بن زبیر نے مسعود بن مخرمہ اور عبد الرحمن بن عبد القاری سے خبر دی کہ ان دونوں نے حضرت عمر بن خطاب ؓ سے سنا، انہوں نے کہا کہ میں نے ہشام بن حکیم بن حزام ؓ کو رسول اللہ ﷺ کی زندگی میں سورۃ فرقان پڑھتے سنا۔ میں ان کی قراءت کو غور سے سننے لگا تو معلوم ہوا کہ وہ ایسے بہت سے طریقوں میں تلاوت کر رہے تھے جنہیں رسول اللہ ﷺ نے ہمیں نہیں سکھایا تھا۔ ممکن تھا کہ میں نماز ہی میں ان کا سر پکڑ لیتا لیکن میں نے انتظار کیا اور جب انہوں نے سلام پھیرا تو میں نے ان کے گلے میں چادر لپیٹ دی اور پوچھا یہ سورتیں جنہیں ابھی ابھی تمہیں پڑھتے ہوئے میں نے سنا ہے تمہیں کس نے سکھائی ہیں؟ انہوں نے کہا کہ مجھے اس طرح ان سورتوں کو رسول کریم ﷺ نے سکھایا ہے۔ میں نے کہا کہ تم جھوٹ بول رہے ہو۔ خود حضور اکرم ﷺ نے مجھے بھی یہ سورتیں پڑھائی ہیں جو میں نے تم سے سنیں۔ میں انہیں کھینچتے ہوئے آپ ﷺ کی خدمت میں حاضر ہوا اور عرض کیا یا رسول اللہ! میں نے خود سنا کہ یہ شخص سورۃ فرقان ایسی قراءت سے پڑھ رہا تھا۔ جس کی تعلیم آپ ﷺ نے ہمیں نہیں دی ہے آپ مجھے بھی سورۃ فرقان پڑھا چکے ہیں۔ آنحضرت ﷺ نے فرمایا ہشام! پڑھ کر سناؤ۔ انہوں نے اسی طرح اس کی قراءت کی جس طرح میں ان سے سن چکا تھا۔ آپ ﷺ نے فرمایا اسی طرح یہ سورت نازل ہوئی ہے۔ پھر آپ ﷺ نے فرمایا عمر! اب تم پڑھو۔ میں نے بھی اسی طرح قراءت کی جس طرح آنحضرت ﷺ نے مجھے سکھایا تھا۔ آپ ﷺ نے فرمایا اسی طرح یہ سورت نازل ہوئی تھی۔ پھر آپ ﷺ نے فرمایا کہ قرآن مجید سات قسم کی قراءتوں پر نازل ہوا ہے بس تمہارے لئے جو آسان ہو اس کے مطابق پڑھو۔

حدیث حاشیہ:

اس حدیث شریف میں سورۃ فرقان کا لفظ ہے۔ باب سے یہی وجہ مطابقت ہے۔ اس حدیث سے یہ بھی ظاہر ہوا کہ امور مختلفہ میں انشقاق و افتراق سے بچنا ضروری ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم5081
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)5041
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)4653
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)5041
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)4754
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4844
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)5041
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)5041
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)5041

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

اس عنوان سے ان لوگوں کا رد مقصود ہے جو کہتے ہیں کہ سورہ بقرہ یا سورہ آل عمران نہیں کہنا چاہیے بلکہ یوں کہا جائے وہ سورت جس میں بقرہ کاذکر ہے اور وہ سورت جس میں آل عمران کا ذکر ہے۔اس سلسلے میں جو احادیث آئی ہیں وہ محدثین کے ہاں صحیح نہیں۔امام بخاری رحمۃ اللہ علیہ نے ان احادیث کے ضعیف ہونے کی طرف اشارہ کیا ہے۔

تمہید کتاب

×

قرآن کریم اللہ تعالیٰ کا لازوال کلام ہے،جس میں باطل کسی طرف سے راہ نہیں پاسکتا۔ارشاد باری تعالیٰ  ہے:"یہ ایک زبردست کتاب ہے جس میں باطل نہ آگے سے راہ پاسکتا ہے اور نہ پیچھے سے ،یہ دانا قابل تعریف اللہ کی طرف سے نازل شدہ ہے۔"(حٰم السجدۃ 43/41۔42)یہ کلام خود خالق کائنات کا ہے جس کا علم لامحدود ہے ۔حضرت جبرئیل علیہ السلام  کے ذریعے سے اسے نازل کیا گیا جو قوی بھی ہیں اور امین بھی۔اور جس پر نازل ہوا وہ صادق ومصدوق ہیں۔پھر اس کی حفاظت کی ذمے داری کو خود اللہ رب العزت نے اٹھائی ہے،چنانچہ نزول کے بعد اسے اوراق اور سینوں میں محفوظ کرلیا گیا،اس لیے اس قرآن میں کمی بیشی کرنے کو کسی میں ہمت نہیں ہے اور نہ باطل کسی طرف سے دخل اندازی ہی کرسکتا ہے۔پھر یہ قرآن ایمان لانے والوں کے لیے ہدایت وشفااور نہ ماننے والوں کے لیے گمراہی اور اس میں اضافے کا باعث ہے۔ارشاد باری تعالیٰ ہے:"آپ کہہ دیں ،یہ قرآن ایمان لانے والوں کے لیے ہدایت اور شفا ہے اور جو ایمان نہیں لاتے ان کے کانوں میں بوجھ اور آنکھوں  پر پٹی ہے۔"(حٰم السجدۃ 41/44)قرآن اس لیے نازل کیا گیا کہ اہل ایمان اس پر عمل کریں ،زندگی سنواریں ،آخرت بنائیں،اس کے حلال کو حلال اور اس کے حرام کوحرام سمجھیں اور اس کی تلاوت کریں تاکہ قیامت کے دن اللہ تعالیٰ کے ہاں ان کے لیے حجت اور سفارش ہو۔رسول اللہ صلی اللہ علیہ وسلم  نے فرمایا:"یہ قرآن تیرے لیے نجات کی دلیل یا تیرے خلاف حجت ہوگا۔"(صحیح مسلم الطھارۃ حدیث 534(223)جوشخص قرآن پڑھے گا اور اس پر عمل کرے گا اللہ تعالیٰ نے اس کے متعلق ضمانت دی ہے کہ وہ دنیا میں گمراہ نہیں ہوگا اور نہ آئندہ قیامت کے دن مصیبت میں ہی پڑے گا ارشاد باری تعالیٰ ہے:" جس نے میری ہدایت کی پیروی کی وہ گمراہ نہیں ہوگا اور نہ بدبخت ہی ہوگا۔"(طٰہ:20/123)اور جس نے اس سے روگردانی کی اس  کی دنیا تنگ وتاریک کردی جائے گی اور آخرت میں اسے نابینا اٹھایا جائے گا۔ارشادباری تعالیٰ ہے:" جو میرے ذکر(قرآن) سے منہ موڑ لے گا تو اس کی زندگی تنگ پڑ جائے گی اور قیامت کے دن ہم اسے اندھا کرکے اٹھائیں گے۔"(طہٰ 20/124)لہذا بندہ مسلم کو چاہیے کہ وہ قرآن مجید کے فضائل ومناقب کے ساتھ اس کے حقوق وآداب کو بھی مد نظر رکھے۔امام بخاری رحمۃ اللہ علیہ  نے امت مسلمہ کی رہنمائی کرتے ہوئے اس عظیم ذمے داری کو اٹھایا ہے اور اس کا حق ادا کیا ہے۔اگرچہ بظاہر یہ عنوان"فضائل قرآن" سے متعلق ہے لیکن امام بخاری رحمۃ اللہ علیہ  نے بہت سے عنوانات اس عنوان کے تحت بیان کیے ہیں۔اب ضرورت اس امر کی ہے کہ ہم اسے حرز جان بنائیں تاکہ ہم قیامت کے دن اللہ تعالیٰ کےحضور سرخروہوں اور قرآن کریم کی سفارش کے حق دار بن جائیں۔امام بخاری رحمۃ اللہ علیہ  نے جن مضامین کو بیان کیا ہے اس کی تفصیل حسب ذیل ہے:© نزول قرآن © جمع قرآن ©کتابت قرآن ©احرف قرآن © تالیف قرآن © فضائل قرآن © اعجاز قرآن © آداب قرآن۔آداب قرآن میں درج ذیل امور کا احاطہ کیا ہے:© تلاوت قرآن © ترتیل قرآن © حفظ قرآن © تعلیم قرآن © عمل بالقرآن © دعوتِ قرآن۔امام بخاری رحمۃ اللہ علیہ  نے اس سلسلے میں ایک کم سو(99) احادیث کا انتخاب کیاہے،جن میں اسے انیس(19) معلق اور اَسّی(80) متصل سند سے بیان کی ہیں۔ان میں تہتر(73) مکرر اور باقی خالص ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین  اور تابعین عظام رحمۃ اللہ علیہ  سے مروی سات(7) آثار بھی پیش کیے ہیں۔آپ نے ان احادیث وآثارپر تقریباً سینتیس(37) چھوٹے چھوٹے عنوان قائم کیے ہیں۔ان عنوانات کو پڑھنے کے بعد پتاچلتا ہے کہ امام بخاری رحمۃ اللہ علیہ  فقیہ امت ہی نہیں بلکہ ایک مصلح امت بھی ہیں۔اب یہ ہماری  ذمے داری ہے کہ قرآن کریم کو پڑھیں اور اس کی تعلیمات پر عمل کریں تاکہ قیامت کے دن اس کی سفارش کے حقدار بن سکیں۔حدیث میں ہے:" قرآن پڑھا کرو بے شک وہ قیامت کے دن اپنے پڑھنے والوں اور عمل کرنے والوں کے لیے سفارشی بن کرآئے گا۔"(صحیح مسلم صلاۃ المسافرین وقصرھا حدیث 1874(804)نیز رسول اللہ صلی اللہ علیہ وسلم  کا ارشادگرامی ہے:" قیامت کے دن قرآن اور ان لوگوں کو لایاجائے گا جو دنیا میں اس پر عمل کرتے تھے ،سورہ بقرہ اور سورہ آل عمران آگے آگے ہوں گی جو ان لوگوں کی نجات کے لیے اللہ کے حضور سفارش کریں گے۔"(صحیح مسلم صلاۃ المسافرین وقصرھا حدیث 1876(805)قرآن کریم نے ان لوگوں کا سخت نوٹس لیا ہے جو اسے نظر انداز کرتے ہیں۔ارشاد باری تعالیٰ ہے:"اور رسول کہیں گے:میرے رب! میری قوم کے یہی لوگ ہیں جنھوں نے اس قرآن کو چھوڑ رکھاتھا۔"(الفرقان:25/30)قرآن کریم کو چھوڑنے کی کئی قسمیں ہیں،مثلاً:اس پر ایمان نہ لانا،قرآن کی تلاوت نہ کرنا،اس کاسننا چھوڑ دینا،اس میں غور وفکر نہ کرنا،اس کی تعلیمات پر عمل نہ کرنا،اس کی دعوت نہ دینا اور اس کے مطابق فیصلے نہ کرنا۔الغرض یہ تمام قرآن چھوڑدینے کی قسمیں ہیں۔ہمیں چاہیے کہ اللہ تعالیٰ کی کتاب کے ساتھ مضبوط تعلق پیدا کریں تاکہ قیامت کے دن اللہ کے رسول صلی اللہ علیہ وسلم  کے اس استغاثے کی زدمیں نہ آئیں۔

تمہید باب عربی

×

تمہید کتاب عربی

×