التخريج

قسم الحديث (القائل): مرفوع ، اتصال السند: متصل ، قسم الحديث: صفات و شمائل

‌صحيح البخاري: كِتَابُ التَّعْبِيرِ (بَابُ رُؤْيَا اللَّيْلِ)

حکم : أحاديث صحيح البخاريّ كلّها صحيحة 

ترجمة الباب: رَوَاهُ سَمُرَةُ

6999. حَدَّثَنَا عَبْدُ اللَّهِ بْنُ مَسْلَمَةَ عَنْ مَالِكٍ عَنْ نَافِعٍ عَنْ عَبْدِ اللَّهِ بْنِ عُمَرَ رَضِيَ اللَّهُ عَنْهُمَا أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ أُرَانِي اللَّيْلَةَ عِنْدَ الْكَعْبَةِ فَرَأَيْتُ رَجُلًا آدَمَ كَأَحْسَنِ مَا أَنْتَ رَاءٍ مِنْ أُدْمِ الرِّجَالِ لَهُ لِمَّةٌ كَأَحْسَنِ مَا أَنْتَ رَاءٍ مِنْ اللِّمَمِ قَدْ رَجَّلَهَا تَقْطُرُ مَاءً مُتَّكِئًا عَلَى رَجُلَيْنِ أَوْ عَلَى عَوَاتِقِ رَجُلَيْنِ يَطُوفُ بِالْبَيْتِ فَسَأَلْتُ مَنْ هَذَا فَقِيلَ الْمَسِيحُ ابْنُ مَرْيَمَ ثُمَّ إِذَا أَنَا بِرَجُلٍ جَعْدٍ قَطَطٍ أَعْوَرِ الْعَيْنِ الْيُمْنَى كَأَنَّهَا عِنَبَةٌ طَافِيَةٌ فَسَأَلْتُ مَنْ هَذَا فَقِيلَ الْمَسِيحُ الدَّجَّالُ

مترجم:

ترجمۃ الباب:

اس حدیث کو سمرہ نے روایت کیا ہے۔ تشریح : حضرت امام بخاری کا مطلب اس باب سے یہ ہے کہ رات اور دن دونوں کا خواب معتبر اور برابر ہے ۔ امام بخاری رحمہ اللہ نے حضرت ابو سعید کی حدیث کی طرف اشارہ کیا ہے کہ رات کا خواب زیادہ سچا ہوتا ہے ‘ واللہ اعلم بالصواب۔ مفاتیح الکلم کا مطلب یہ ہوا کہ باتوں میں الفاظ مختصر اور معانی بے انتہا ہوتے ہیں ۔ بعض روایتوں میں جوامع الکلم کے لفظ ہیں اس سے مراد وہ ملک ہیں جہاں اسلام کی حکومت پہنچی اور مسلمانوں نے ان کو فتح کیا ۔ یہ حدیث آپ کی نبوت کی مکمل دلیل ہے کہ ایسی پیشن گوئی پیغمبر کے سوا اور کوئی نہیں کرسکتا ۔ تنتقلو نھا کا مطلب اب تم ان کنجیوں کو لے رہے ہو ۔

6999.

حضرت عبد اللہ بن عمر ؓ سے روایت ہے کہ رسول اللہ ﷺ نے فرمایا: میں نے آج رات خود کو کعبہ کے پاس دیکھا، پھر میں نے وہاں ایک گندمی رنگ کے آدمی کو دیکھا .وہ گندمی رنگ کے سب سے خوبصورت آدمی كى طرح تهے، اس كے لمبے بال تهے جيسے تم لمبے بالوں والے آدمی کو دیکھتے ہو، اس نے بالوں میں کنگھی کر رکھی تھی جبکہ ان سے پانی کے قطرے ٹپک رہے تھے، وہ دو آدمیوں کے سہارے یا ان کے شانوں کے سہارے بیت اللہ کا طواف کر رہا تھا۔ میں نے پوچھا: یہ کون ہے؟ مجھے بتایا گیا: یہ حضرت عیسیٰ ابن مریم ؑ ہیں۔ پھر اچانک میں نے سخت گھنگریالے بالوں والے آدمی کو دیکھا جس کی دائیں آنکھ کانى تھی، گویا وہ خشک انگور کی طرح اوپر اٹھی ہوئی تھی۔ میں نے پوچھا: یہ کون ہے؟ مجھے بتایا گیا کہ یہ مسیح دجال ہے۔

×
ترجمۃ الباب:

اسے متعلقہ حدیث حضرت سمرہ ؓ نے بیان کی ہے۔


حدیث ترجمہ:

ہم سے عبد اللہ بن مسلمہ نے بیان کیا‘ کہا ہم سے امام مالک نے‘ ان سے نافع نے اور ان سے عبد اللہ بن عمر ؓ نے کہ رسول اللہ ﷺ نے فرمایا‘ رات مجھے کعبہ کے پاس (خواب میں) دکھایا گیا۔ میں نے ایک گندمی رنگ کے آدمی کو دیکھا وہ گندمی رنگ کے  سب سے خوبصورت آدمی کی طرح تھے‘ ان کے لمبے خوبصورت بال تھے‘ ان سب سے خوبصورت بالوں کی طرح جو تم دیکھ سکے ہو گے۔ ان میں انہوں نے کنگھا کیا ہوا تھا اور پانی ان سے ٹپک رہا تھا اور وہ دو آدمیوں کے سہارے یا (یہ فرمایا کہ) دو آدمیوں کے شانوں کے سہارے بیت اللہ کا طواف کر رہے تھے۔ میں نے پوچھا کہ یہ کون صاحب ہیں۔ مجھے بتایا گیا کہ یہ مسیح ابن مریم ؑ ہیں۔ پھر اچانک میں نے ایک گھنگھریالے بال والے آدمی کو دیکھا جس کی ایک آنکھ کانی تھی اور انگور کے دانے کی طرح اٹھی ہوئی تھی۔ میں نے پوچھا‘ یہ کون ہے؟ مجھے بتایا گیا کہ یہ مسیح دجال ہے۔

حدیث حاشیہ:

عالم رؤیا کی بات ہے یہ ضروری نہیں ہے نہ یہاں مذکور ہے کہ دجال کو آپ نے کہا کس حالت میں دیکھا۔ حضرت عیسیٰ علیہ السلام کی بابت صاف موجود ہے کہ ان کو بیت اللہ میں بحالت طواف دیکھا مگر دجال کے وضاحت نہیں ہے لہٰذا آگے سکوت بہتر ہے ﴿لا تُقدِّمُوا بَینَ یَدَیِ اللہِ ورسولِهِ﴾ (الحجرات: 1)
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7063
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)6999
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6484
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)6999
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6598
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)6749
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)6999
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)6999
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)6999

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

حضرت سمرہ بن جندب رضی اللہ تعالیٰ عنہ سے مروی حدیث امام بخاری رحمۃ اللہ علیہ نے خود متصل سند سے بیان کی ہے جس میں وضاحت ہے کہ رسول اللہ صلی اللہ علیہ وسلم نے رات کے وقت ایک خواب دیکھا تھا جسے آپ صلی اللہ علیہ وسلم نے نماز صبح کے بعد اپنے صحابہ کرام رضوان اللہ عنھم اجمعین کو بیان کیا۔(صحیح البخاری التعبیر حدیث 7047)یہ ایک طویل حدیث ہے جس کی ہم آئندہ وضاحت کریں گے۔باذن اللہ تعالیٰ۔

تمہید کتاب

×

لفظ تعبیر خصوصی طور پر خواب کی تشریح اور توجیہ بیان کرنے کے لیے استعمال ہوتا ہے۔لغوی طور پر"عَبر" سے ماخوذ ہے جس کے معنی ایک حال سے دوسرے حال کی طرف تجاوز کرنا ہیں۔تیرا کی،کشتی یا کسی اور طریقے سے پانی سے گزرنے کو عبور کہاجاتا ہے۔جب کوئی فوت ہوتا ہے تو اسے بھی عربی زبان میں"عبر" کہاجاتا ہے ،گویا وہ دنیا کے پل کے ذریعے سے آخرت میں پہنچ گیا ہے۔اسی طرح اعتبار اورعبرت سے مراد وہ حالت ہے جس کے سبب ایک خاص اور ظاہری حالت کے پیش نظر پوشیدہ حالت کو واضح کرنا،پھر مشاہدے کی بنا پر عدم مشاہدہ تک رسائی حاصل کرنا ہے۔مذکورہ بالالغوی تشریح سے یہ بات سامنے آتی ہے کہ تعبیر سے مراد ایسی حالت کا انکشاف ہے جو عام لوگوں سے پوشیدہ ہوتی ہے۔(فتح الباری 12/441)الرویاء سے مراد وہ چیز جو انسان اپنی نیند کی حالت میں دیکھتا ہے۔یہ مابعد الطبیعاتی امور میں ایک ایسا امر ہے جو مبنی برحقیقت اور سچا ہونے پر وحی الٰہی کے مشابہ ہوتا ہے لیکن اس کی تعبیر وتوجیہ کا میدان زیادہ تر اشاراتی ہوتا ہے۔ماہیت کے لحاظ سے خواب کی تین قسمیں ہیں:سیدنا ابوہریرہ رضی اللہ تعالیٰ عنہ  بیان کرتے ہیں کہ رسول اللہ صلی اللہ علیہ وسلم  نے فرمایا:"خواب تین طرح کے ہوتے ہیں:©۔اللہ تعالیٰ کی طرف سے بشارت۔©۔نفسانی خیالات۔©۔شیطان کی  طرف سے دراندازی۔"(صحیح مسلم الرؤیا حدیث 5905(2263)امام ابن سیرین  رحمۃ اللہ علیہ  جو خوبیوں کی تعبیر کے سلسلے میں بہت ماہر ہیں انھوں نےخواب کو دوقسموں میں تقسیم کیا ہے:©۔خواب حکم:یہ خوب درست اور سچا ہوتا ہے اور اس کی کچھ نہ کچھ اہمیت وحیثیت بھی ہوتی ہے۔©۔اضغاث:۔یہ پراگندہ خیال اور پریشان کن خواب ہوتا ہے۔اس کا حقیقت سے کوئی تعلق نہیں ہوتا۔پھر انھوں نے اضغاث کی مزید تین قسمیں بیان کی ہیں:©۔غلبہ طبیعت اور خواہشات۔©۔شیطانی نمودونمائش۔©۔نفسانی خیالات۔یہ تینوں قسم کےخواب بے کار اورردی ہوتے ہیں۔(کتاب الرؤیا ص 31) گویا انھوں نے حدیث میں بیان کی گئی دوسری اورتیسری قسم کو بے اہمیت ہونے کی وجہ سے ایک ہی شمار کیا ہے۔یہ بات ذہن نشین رہے کہ اچھا اور بُرا خواب دیکھنے میں انسان کے ذاتی خیالات ،حالت بیداری میں پیش آنے والے حالات وواقعات اور ذہنی وقلبی رجحانات کا بنیادی عمل دخل ہوتا ہے ،نیز ذریعہ معاش،سوچ وفکر اور صحت ومرض بھی اس میں بنیادی کردار ادا کرتے ہیں۔ہمارے ہاں خواب کی حقیقت کے بارے میں مختلف نظریات پائے جاتے ہیں۔جن کی تفصیل حسب ذیل ہے:©۔کچھ لوگ خواب کی حقیقت سے انکار کرتے ہیں۔ان کے ہاں خواب ذہنی انتشار،توہمات اور لاشعوری احساسات کا نام ہے لیکن یہ نظریہ قرآن وحدیث کے مخالف ہے کیونکہ قرآن مجید میں سیدنا ابراہیم،سیدنا یوسف علیہ السلام  اوررسول اللہ صلی اللہ علیہ وسلم  کے خوابوں کا تذکرہ موجود ہے۔©۔کچھ حضرات کہتے ہیں کہ خواب بھی دیگر شرعی دلائل کی طرح قابل حجت ہے۔یہ لوگ خواب پر اعتماد کرکے اپنے عمل کی بنیاد رکھنے کے قائل وفاعل ہیں۔کافی عرصہ پہلے سعودی عرب میں مہدی تحریک کی بنیاد بھی مختلف حضرات کو آنے والے خواب تھے۔اس موقف کی بھی کوئی حیثیت نہیں ہے۔©۔اس افراط وتفریط کے درمیان ایک تیسرا گروہ ہے جو درمیانی راستہ اختیار کرتاہے کہ خواب دوطرح کے ہوتے ہیں:©۔انبیاء علیہ السلام  کے خواب۔©۔عام آدمی کے خواب۔انبیاء علیہ السلام  کے خواب وحی الٰہی کی ایک قسم ہے اور یہ قابل اتباع ہوتے ہیں،چنانچہ حضرت ابراہیم علیہ السلام  نے خواب میں دیکھ کر اپنے لخت جگر کی گردن پر چھری رکھ دی تھی۔حافظ ابن حجر  رحمۃ اللہ علیہ  لکھتے ہیں کہ انبیاء علیہ السلام  کے خواب وحی ہوتے ہیں اور وحی ہر قسم کےخلل سے محفوظ ہوتی ہے۔(فتح الباری 12/443)عام آدمی کے خواب میں سچ اور جھوٹ دونوں کا احتمال پایا جاتا ہے۔ان کے متعلق ابن حجر رحمۃ اللہ علیہ  لکھتے ہیں:حضرات انبیاء علیہ السلام  کے علاوہ عام لوگوں کے خواب میں بعض دفعہ شیطان کا عمل دخل ہوتاہے اور کبھی کبھی شیطان نیند کی حالت میں فرشتوں کا روپ دھارکرانسان کو الٹے سیدھے کاموں میں لگادیتا ہے۔(فتح الباری 12/444)امام بخاری رحمۃ اللہ علیہ  نے خوابوں کے احکام ومسائل بیان کرنے کے لیے نناوے(99) مرفوع احادیث کا انتخاب کیا ہے جن میں بیاسی(82) متصل اسناد سے بیان کی جاتی ہیں اور باقی سترہ(17) معلق اور متابع کی حیثیت سے پیش کی ہیں ،پھر ان میں پچھتر (75) احادیث مکرر اور باقی خالص ہیں۔مرفوع احادیث کے علاوہ امام صاحب نے مختلف صحابہ کرام رضوان اللہ عنھم اجمعین  اور تابعین عظام  رحمۃ اللہ علیہ سے مروی دس(10)آثار بھی ذکر کیے ہیں۔ان مختلف احادیث وآثار پراڑتالیس(48) کے قریب چھوٹے چھوٹے عنوانات قائم کیے ہیں جن میں خوابوں کے متعلق ٹھوس حقائق اور شرعی احکام بیان کیے ہیں۔ہم انھیں  فوائد کے عنوان سے مزید تشریح سے پیش  کریں گے۔باذن اللہ تعالیٰ۔

تمہید باب عربی

×

تمہید کتاب عربی

×