Sahi-Bukhari | صحیح بخاری

موضوعات

شجرۂ موضوعات

ایمان (21673)

اقوام سابقہ (2922)

سیرت (18010)

قرآن (6272)

اخلاق و آداب (9761)

عبادات (51486)

کھانے پینے کے آداب و احکام (4155)

لباس اور زینت کے مسائل (3633)

نجی اور شخصی احوال ومعاملات (6547)

معاملات (9225)

عدالتی احکام و فیصلے (3431)

جرائم و عقوبات (5046)

جہاد (5356)

علم (9419)

قسم الحديث (القائل): مقطوع ، اتصال السند: متصل ، قسم الحديث: قولی

‌صحيح البخاري: كِتَابُ الإِكْرَاهِ (بَابٌ: مِنَ الإِكْرَاهِ)

حکم : أحاديث صحيح البخاريّ كلّها صحيحة

ترجمة الباب: كُرْهًا وَكَرْهًا وَاحِدٌ

7013 . وَقَالَ اللَّيْثُ: حَدَّثَنِي نَافِعٌ: أَنَّ صَفِيَّةَ بِنْتَ أَبِي عُبَيْدٍ، أَخْبَرَتْهُ: «أَنَّ عَبْدًا مِنْ رَقِيقِ الإِمَارَةِ وَقَعَ عَلَى وَلِيدَةٍ مِنَ الخُمُسِ، فَاسْتَكْرَهَهَا حَتَّى اقْتَضَّهَا، فَجَلَدَهُ عُمَرُ، الحَدَّ وَنَفَاهُ، وَلَمْ يَجْلِدِ الوَلِيدَةَ مِنْ أَجْلِ أَنَّهُ اسْتَكْرَهَهَا» قَالَ الزُّهْرِيُّ: فِي الأَمَةِ البِكْرِ يَفْتَرِعُهَا الحُرُّ: يُقِيمُ ذَلِكَ الحَكَمُ مِنَ الأَمَةِ العَذْرَاءِ بِقَدْرِ قِيمَتِهَا وَيُجْلَدُ، وَلَيْسَ فِي الأَمَةِ الثَّيِّبِ فِي قَضَاءِ الأَئِمَّةِ غُرْمٌ، وَلَكِنْ عَلَيْهِ الحَدُّ

صحیح بخاری:

کتاب: زبردستی کام کرانے کے بیان میں

(

باب : اکراہ کی برائی کا بیان

)

مترجم: ١. شیخ الحدیث حافظ عبد الستار حماد (دار السلام)

ترجمۃ الباب:

کَرہُ اور کُرہُ کے معنی ایک ہی ہیں۔ تشریح : اکثر علماءکا یہی قول ہے بعضوں نے کہا کرہ بفتحہ کاف یہ ہے کہ کوئی دوسرا شخص زبردستی کرے اور کرہ بضمہ کاف یہ ہے کہ آپ ہی خود ایک کام کو ناپسند کرتا ہو اور کرے۔ ( اس آیت سے عورتوں پر اکراہ اور زبردستی کرنے کی ممانعت نکلی باب کی مناسب ظاہرہے۔

7013. حضرت نافع سے روایت ہے کہ صفیہ بنت ابو عبید نے بتایا: ایک مرتبہ حکومت کے غلاموں میں سے ایک غلام نے خمس کی ایک لونڈی سے صحبت کر لی اور اس کے ساتھ زبردستی کر کے اس کی بکارت توڑ ڈالی۔ تو حضرت عمر ؓ نے حد کے طور پر غلام کو کوڑے لگائے اور شہر بدر کر دیا لیکن باندی پر حد جاری نہیں کی کیونکہ غلام نے اس کے ساتھ زبردستی کی تھی۔ امام زہری نے اس لونڈی کے متعلق کہا جس کے ساتھ آزاد مرد نے ہم بستری کر لی ہو: حاکم وقت چاہیے کہ وہ کنواری لونڈی کی بکارت زائل ہونے سے جو قیمت کم ہوگئی ہے وہ زبردستی کرنے والے سے وصول کرے اور اسے کوڑے لگائے اور ثیبہ لونڈی سے زنا کرنے کی صورت میں ائمہ فقہ کے فیصلے میں تاوان نہیں صرف اس پر حد لگائے۔

Sharing Link: https://mohaddis.com/View/Sahi-Bukhari/T1/7013

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	7013
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	6949
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	6435.91
٤	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	6949.91
٥	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	6548.91
٦	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	6700
٧	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	6949
٨	ترقيم فؤاد عبد الباقي (دار السلام)	ترقیم فواد عبد الباقی (دار السلام)	6949
١٠	ترقيم فؤاد عبد الباقي (داود راز)	ترقیم فواد عبد الباقی (داؤد راز)	6949

کسی پر اس کی مرضی کے خلاف کوئی چیز لازم کردینا اکراہ کہلاتا ہے۔فقہاء کی اصطلاح میں اکراہ سے مرادصرف خوف یا ڈر نہیں بلکہ ایسی مجبوری ہے جس سے انسان بے بس ہوجائے۔اس کی جامع تعریف یوں کی گئی ہے:"کسی شخص کا وہ قول یا فعل جو دوسرے شخص کو اس کی خواہش اور ارادے کے خلاف کوئی کام یا بات کرنے پر مجبور کردے۔"اکراہ،جبر کرنے والے ،جس کو مجبور کیاجائے اور جس کام کے لیے جبر کیا جائے ان کے مختلف ہونے کی وجہ سے جبر بھی مختلف ہوتارہتا ہے۔اکراہ کی دو بڑی قسمیں ہیں:اکراہ تام اور اکراہ ناقص۔©۔اکراہ تام:۔جس میں انسان اس حد تک مجبور ہوجاتا ہے کہ اس کی مرضی ختم ہوجاتی ہے اور اس کا اختیار ختم ہوجاتا ہے ہے،مثلاً:قتل کرنے یا جسم کے کسی حصے کو ضائع کرنے کی دھمکی یا ایسی مارجس سے جان جانے کا خطرہ ہو۔©۔اکراہ ناقص:۔جس میں انسان اس حد تک مجبور ہوتا ہے کہ اس کی رضا تو ختم ہوجائے لیکن اس کا اختیار ختم ہونے کےبجائے فاسد ہوجائے،مثلاً:ایسی دھمکی دی جائے جس سے جان جانے یا جسم کےکسی عضو کے ضائع ہونے کا اندیشہ نہ ہو۔پھر اس اکراہ کی کچھ شرطیں ہیں۔ان میں سے چند ایک کا تعلق جبر کرنے والے شخص سے ہےاور کچھ شرطوں کا تعلق اس شخص سے ہے جسے مجبور کیا جارہا ہے چنانچہ جبر کرنے والے شخص کے لیے ضروری ہے کہ وہ اس فعل کے کرنے پر قادر ہو جس کی اس نے دھمکی دی ہے اور جس شخص کو مجبور کیا جارہا ہے اسے یقین ہو کہ دھمکی دینے والا اپنی دھمکی کے مطابق عمل کر گزرے گا،بصورت دیگر اکراہ ثابت نہیں ہوگا۔ہاں،فعل کی نوعیت اگرایسی ہو جس میں یقین سے نہ کہا جاسکے کہ دھمکی دینے والا شخص وہ کام کرگزرے گا تو ظن غالب کا اعتبار کیا جائے گا جو یقین کے قریب قریب ہوتا ہے۔پھر جس کام پر انسان کو مجبور کیا جاتا ہے اس کی دوقسمیں ہیں:مباح اور مرخص۔©۔مُبَاح:۔ اس میں وہ امور شامل ہیں جن کا ارتکاب اکراہ تام کی وجہ سے حالت اضطراب میں جائز ہوجاتا ہے،حالانکہ عام حالات میں وہ حرام ہوتے ہیں۔حالت اکراہ میں ان کا بجا لانا ضروری ہے،مثلاً:انتہائی شدت کی بھوک میں جبکہ جان جانے کا خطرہ ہوتو مردار کا گوشت کھانا یا شراب پینا وغیرہ۔©۔مرخص:۔اس میں وہ افعال داخل ہیں جن کے کرنے یا نہ کرنے دونوں کی شریعت نے اجازت دی ہے،مثلاً:کوئی اکراہ تام کی صورت میں کلمہ کفر زبان سے نکالے مگر اس کا دل ایمان پر قائم ہوتو ایسی صورت میں وہ شخص کلمہ کفر کہے یا نہ کہے شرعاً اس کا کوئی مواخذہ نہیں ہوگا،البتہ ایسے حالات میں اس کا کلمہ کفر نہ کہنا بہتر اور باعث فضیلت ہے،چنانچہ اگر کوئی مسلمان اکراہ تام کے باوجود کلمہ کفر زبان سے نہ نکالے اور قتل ہونا پسند کرے ،ایسے حالات میں اگر اسے قتل کردیا جائے تو اللہ تعالیٰ کے ہاں اجر عظیم کا حقدار ہوگا کیونکہ اس نے رخصت پر عمل کرنے کے بجائے عزیمت کو اختیار کیا ہے۔ہم دیکھتے ہیں کہ مکی دور میں جب قریش مکہ کی طرف سے مسلمانوں پر مظالم کے پہاڑ توڑے جارہے تھے اور انھیں ظلم وستم کی چکی میں پیسا جارہاتھا تو حضرت یاسر اور ان کی زوجہ محترمہ حضرت سمیہ رضی اللہ تعالیٰ عنہا نے اپنی جانوں کا نذرانہ پیش کردیالیکن کلمہ کفر زبان پر نہ لائے۔اس کے برعکس حضرت عمار بن یاسر رضی اللہ تعالیٰ عنہ نے وہ سب کچھ کہہ دیا جوکفار ان سے کہلوانا چاہتے تھے۔وہ رسول اللہ صلی اللہ علیہ وسلم کی خدمت میں حاضر ہوئے اور عرض کی:اللہ کے رسول صلی اللہ علیہ وسلم !میں نے ایسے حالات میں آپ کی ذات کو بُرا بھلا کہا اور قریش کے معبودان باطلہ کا ذکر خیر کیا۔رسول اللہ صلی اللہ علیہ وسلم نے فرمایا:"ایسے حالات میں تیرے دل کی کیا کیفیت تھی؟"انھوں نے عرض کی:میرادل پوری طرح ایمان پر مطمئن تھا۔اس پر رسول اللہ صلی اللہ علیہ وسلم نے فرمایا:"اگر وہ پھر تم سے ایسا سلوک کریں تو تمھیں اس رخصت سے فائدہ اٹھانے کی اجازت ہے۔"(المستدرک للحاکم 2/357)اسی طرح ایک آیت کریمہ میں اہل ایمان کو اہل کفر سے بے تعلق رہنے کی تلقین کی گئی ہے لیکن اگر بے تعلق رہنے سے کسی خطرے یا نقصان کااندیشہ ہوتوظاہرداری کے طور پر"دوستی" رکھنے کی اجازت ہے۔اس کے لیے جو لفظ استعمال ہوا ہے اسے ہم تقیہ سے تعبیرکرسکتے ہیں،جس کے معنی ہیں:کسی معقول عذر کی بنا پر اپنے اسلام کو چھپانا،خواہ اسلام کے عدم اظہار کی صورت میں ہویا ایمان کے منافی کردار کے اظہار کی شکل میں ہو،دونوں کی اجازت ہے۔اس کی وضاحت ہم آئندہ کریں گے۔امام بخاری رحمۃ اللہ علیہ نے اس عنوان کے تحت پہلے چند آیات پیش کرکے تمہید کو اٹھایاہے،پھر پندرہ(15) مرفوع احادیث ذکر کی ہیں جن میں تین(3) معلق اور بارہ(12) متصل سند سے مروی ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین اور تابعین رحمۃ اللہ علیہ سے مروی نو(9) آثار بھی پیش کیے ہیں،پھر ان احادیث وآثار پر سات(7) چھوٹے چھوٹے عنوانات قائم کیے ہیں،آپ نے ان احادیث سے جبرواکراہ کے متعدد مسائل واحکام بیان کیے ہیں جن کی تفصیل ہم فوائد میں بیان کریں گے ۔اللہ تعالیٰ ہمیں ہرقسم کی آزمائشوں سے بچائے،نیزمشکل اور کڑے حالات میں ثابت قدم رہنے کی توفیق دے۔آمین ایمان لانے کے بعد کفر کا راستہ اختیار کرنا ارتداد،یعنی دین اسلام سے پھر جانا ہے لیکن بعض اوقات اسباب کفر کے باوجود کسی متعین شخص کو کافر قراردینے میں کوئی رکاوٹ کھڑی ہوجاتی ہے جسے ہم مانع سے تعبیر کرتے ہیں جس کی جمع موانع ہے۔کسی کو اسباب کفر کے باوجود کافر قراردینے کے لیے متعدد موانع ہیں جن میں ایک اکراہ اور دوسرا تقیہ ہے۔یہ دونوں موانع امام بخاری رحمۃ اللہ علیہ کی پیش کردہ آیات میں بیان ہوئے ہیں۔اکراہ کے متعلق کچھ وضاحت پہلے ہوچکی ہے۔حافظ ابن حجر رحمۃ اللہ علیہ لکھتے ہیں:اکراہ یہ ہے کہ کسی پر کوئی ایسی چیز لازم کردینا جسے وہ نہ چاہتا ہو۔اس کی چار شرطیں ہیں:©۔دھمکی دینے والا اپنی دھمکی کے مطابق عمل کرنے کی طاقت رکھتا ہو اور مجبور انسان اپنا دفاع کرنے سے عاجز ہوحتی کہ وہ بھاگ کر بھی اپنی جان نہ بچاسکے۔©۔مجبور انسان کو یقین یا کم از کم ظن غالب ہو کہ اگر وہ اس کے مطابق عمل نہ کرسکا تو جبر کرنے والا اپنی دھمکی کو عملی شکل دے دے گا۔©۔اپنی دھمکی کو فوری طور پر عمل شکل دینے پر قادر ہو۔اگر اس نے یوں کہا کہ اگرتونے اب ایسا نہ کیا تو میں کل تجھے ماردوں گا توایسا انسان مجبور نہیں ہوگا۔©۔مجبور انسان سے اس قسم کا عمل ظاہر نہ ہو جو اس کے اختیار وارادے پر دلالت کرتا ہو۔(فتح الباری 12/390)اسباب کفر کے باوجود کسی کو کافر قراردینے میں دوسرا مانع"تقیہ" ہے جس کے متعلق ہم تعارفی نوٹ میں کچھ وضاحت کرآئے ہیں۔اس کی تفصیل حسب ذیل ہے:دین اسلام قبول کرنے کے بعد اسے چھپا کرنہیں رکھنا چاہیے،نیز اس کے تقاضوں کے مطابق اعلانیہ عمل کرنا چاہیے لیکن بعض مقامات پر طاغوتی طاقتیں اس قدر زور آور ہوتی ہیں کہ مسلمان وہاں کھل کر اپنے دین کا اظہار نہیں کرسکتا،بصورت دیگر اسے وہاں امتحانات اور آزمائشوں سے گزرنا اور مصائب وآلام سے دوچارہونا پڑتا ہے۔ایسےحالات میں دین اسلام کا مطالبہ ہے کہ اسے چھپانے کے بجائے اس وطن کو خیرآباد کہہ دیا جائے اور وہاں سے ہجرت کرکے رہنے کے لیے کوئی ایسی جگہ منتخب کی جائے جہاں کھل کر اپنے دین کا برملا اظہار کیا جاسکے۔لیکن بعض اوقات دین کے متعلق فتنے اور آزمائش میں مبتلا ہونے کے باوجود ہر انسان ہجرت کرنے کی پوزیشن میں نہیں ہوتا تو ایسے حالات میں اس کے لیے اپنے دین کو چھپانا اور اس کا اظہار نہ کرنا جائز ہے لیکن اسے جب بھی موقع ملے اپنے دین پر پورا عمل کرے اور اپنے قول وفعل سے کفر کی تائید سے اجتناب کرے۔اس معقول عذر کی تعین حالات وواقعات سے ہوتی ہے۔دین کوچھپانا اور اسےظاہر نہ کرنا تقیہ کہلاتا ہے اور اس کی دو قسمیں ہیں:©۔کتمان اسلام ،یعنی اسلام کو چھپانے کا تقیہ۔©۔اظہار کفر،یعنی کفر کو ظاہر کرنے کاتقیہ،چنانچہ غزوہ احزاب کے موقع پر حضرت نعیم بن مسعود رضی اللہ تعالیٰ عنہ نے مسلمانوں کی خیر خواہی اور مصلحت کے لیے یہ جنگی چال اختیار کی کہ اپنے اسلام کو چھپائے رکھا اور یہودومشرکین سے بظاہر اپنی ہمدردی اور خیرخواہی کا اظہار کیا۔یہ کتمان اسلام،یعنی اسلام کو چھپانے کا تقیہ تھا۔اسی طرح کعب بن اشرف یہودی کوقتل کرنے کے لیے حضرت محمد بن مسلمہ رضی اللہ تعالیٰ عنہ نے بظاہر کفر کا اظہار کیا اور اس کے پاس رسول اللہ صلی اللہ علیہ وسلم کی شکایت کی تاکہ وہ انھیں اپنا دوست خیال کرے اور آپ صلی اللہ علیہ وسلم سے منہ موڑنے والاسمجھے۔اس بہانے انھیں کعب بن اشرف کو راستے سے ہٹانے اوراسے قتل کرنے کا موقع میسرآیا۔امام ابوداود رحمۃ اللہ علیہ نے اس واقعے پر یہ عنوان قائم کیا ہے:(باب: في الْعَدُوِّ يُؤْتَى عَلَى غِرَّةٍ وَيُتَشَبَّهُ بِهِمْ)"دشمن کو دھوکا دینا اور اسے چکمہ دینے کے لیے ان کی مشابہت اختیار کرنا۔"(سنن ابی داؤد الجھاد رقم الباب 175)لیکن افسوس کہ ہمارے ہاں تقیہ بطور منافقت استعمال کیا جاتا ہے۔اس کے متعلق اہل سنت اور شیعہ حضرات میں ایک بنیادی فرق یہ ہے کہ شیعہ حضرات کے نزدیک واکراہ کے بغیر بھی تقیہ کرنا جائز ہے جبکہ اہل سنت کے نزدیک ایسا کرنا نفاق اورکفر ہے۔یہی وجہ ہے کہ شیعوں کے ہاں حق کو چھپانا،جھوٹ بولنا،دھوکادینا،بزدلی دکھانا اور دوغلی پالیسی پر عمل کرناعام ہے لیکن اہل سنت کا تقیہ ایسی باتوں کی تلقین نہیں کرتا بلکہ اسے کسی دینی مصلحت کے پیش نظر انتہائی مجبوری کی حالت میں اختیار کرنے کی اجازت ہے اگرچہ ایسے حالات میں بھی نظر رکھنی چاہیے کہ تقیہ کی پہلی قسم جس کا تعلق کتمان اسلام(اسلام کو چھپانے) سے ہے اس کے لیے انسان کی عاجزی اور بے بسی ہی کافی ہے۔لیکن تقیہ کی دوسری قسم میں کفر کا اظہار کیا جاتاہے اس میں ایسی مجبوری کا ہوناضروری ہے جس میں انسان بے اختیار ہوجاتاہے۔واضح رہے کہ تقیہ سے متعلقہ آیت کریمہ میں بہت سی باتیں ایسی آجاتی ہیں جو محض مومن کی صوابدید پر چھوڑدی جاتی ہیں،مثلاً:وہ خطرہ جس کے پیش نظر اس نے کتمان اسلام یا اظہار کفر کرناہے ،واقعی موجود ہے یا وہ موہوم ہے۔اگر موجود ہے تو کیا واقعی اس کی جان اورآبرو کے ضائع ہونے کا خطرہ ہے؟وہ خطرہ اس کی ذات تک محدود ہے یا دوسرے مسلمانوں کے لیے بھی باعث فتنہ بن سکتاہے،یعنی اظہار کفر کرکے اپنے آپ کو تو محفوظ کرلیتا ہے تو اس کا نقصان دوسرے مسلمانوں کوتو نہیں پہنچے گا۔ان تمام سوالوں کاجواب:(وَيُحَذِّرُكُمُ اللَّهُ نَفْسَهُ وَإِلَى اللَّهِ الْمَصِيرُ)"اللہ تمھیں اپنے آپ سے ڈراتا ہے اور اللہ کی طرف لوٹ جانا ہے۔"(آل عمران:3/28)میں پوشیدہ ہے ،یعنی اسے ایسی باتوں کا جواب اس اللہ سے ڈر کر سوچناچاہیے جس کے پاس ایک دن لوٹ کرجاناہے۔وہ دلوں کے حالات اور خیالات تک کوبھی خوب جانتاہے اوراس بات پر بھی قادر ہے کہ اگر کافر اور کفر کےڈر کے بجائے اللہ تعالیٰ کے ڈر کو مقدم رکھا جائے گا تو وہ ان کے فتنے سے بچانے کی پوری قدرت رکھتا ہے اور اس سے نکلنے کی کئی دوسری راہیں پیدا کرسکتا ہے،لہذا اللہ تعالیٰ کی دی ہوئی رعایت سے صرف اسی قدر فائدہ اٹھانا چاہیے جس کے بغیر کوئی چارہ کار نظر نہ آرہا ہو،بصورت دیگر اللہ تعالیٰ بڑی قدرت والا ہے،وہ دنیا میں بھی سزا دے سکتا ہے ،ذلیل ورسواکر سکتا ہے اورآخرت میں بھی بڑے عذاب سے دوچار کرسکتاہے۔بہرحال سنگین حالات میں اگرچہ رخصت عمل کرناجائز ہے،تاہم ایک بندہ مومن کی شان یہ ہے کہ وہ ایسے حالات میں مستقل مزاجی اور عزیمت کا مظاہرہ کرے۔ واللہ اعلم۔

ترجمۃ الباب:

حدیث ترجمہ:

حضرت نافع سے روایت ہے کہ صفیہ بنت ابو عبید نے بتایا: ایک مرتبہ حکومت کے غلاموں میں سے ایک غلام نے خمس کی ایک لونڈی سے صحبت کر لی اور اس کے ساتھ زبردستی کر کے اس کی بکارت توڑ ڈالی۔ تو حضرت عمر ؓ نے حد کے طور پر غلام کو کوڑے لگائے اور شہر بدر کر دیا لیکن باندی پر حد جاری نہیں کی کیونکہ غلام نے اس کے ساتھ زبردستی کی تھی۔ امام زہری نے اس لونڈی کے متعلق کہا جس کے ساتھ آزاد مرد نے ہم بستری کر لی ہو: حاکم وقت چاہیے کہ وہ کنواری لونڈی کی بکارت زائل ہونے سے جو قیمت کم ہوگئی ہے وہ زبردستی کرنے والے سے وصول کرے اور اسے کوڑے لگائے اور ثیبہ لونڈی سے زنا کرنے کی صورت میں ائمہ فقہ کے فیصلے میں تاوان نہیں صرف اس پر حد لگائے۔

حدیث حاشیہ:

1۔جس عورت سے زبردستی زنا کیا جائے اس پر حد نہیں بشرط یہ کہ زنا کی کراہت آخر وقت تک قائم رہے۔ اگرآغاز میں کراہت تو تھی لیکن دوران زنا اس نے کوئی مزاحمت نہیں کی بلکہ زانی کی ہر بات ماننے کے ساتھ ساتھ زنا کی لذت بھی محسوس کی تو اسے بے بسی کا فائدہ نہیں دیا جائے گا۔ حضرت عمر رضی اللہ تعالیٰ عنہ نے اس غلام پر نصف حد جاری کی جس نے لونڈی سے زبردستی بدکاری کی تھی، یعنی پچاس کوڑے لگائے، اور چھ ماہ کے لیے شہر بدر کیا اور لونڈی کو سزا سے مستثنیٰ قرار دیا۔ اس سے معلوم ہوا کہ وہ آدمی کو سزا کے ساتھ جلاوطن بھی کرتے تھے۔
2۔امام زہری رحمۃ اللہ علیہ کے کلام کا خلاصہ یہ ہے کہ حاکم وقت لونڈی کی بکارت زائل کرنے والے سے بکارت زائل کرنے کی دیت وصول کرے جو اس کی قیمت کے اعتبار سے ہوگی جبکہ ثیبہ سے زنا کی صورت میں زانی کو صرف حد لگائی جائے گی۔

ترجمۃ الباب:

۔ کَرُھَا اور کَرُھّا کے ایک ہی معنیٰ ہیں

حدیث ترجمہ:

اور لیث بن سعد نے بیان کیا کہ مجھ سے نافع نے بیان کیا، انہیں صفیہ بنت ابی عبید نے خبر دی کہ حکومت کے غلاموں میں سے ایک نے حصہ خمس کی ایک باندی سے صحبت کرلی اور اس کے ساتھ زبردستی کر کے اس کی بکارت توڑ دی تو حضرت عمر ؓ نے غلام پر حد جاری کرائی اور اسے شہر بدر بھی کر دیا لیکن باندی پر حد نہیں جاری کی۔ کیوں کہ غلام نے اس کے ساتھ زبردستی کی تھی۔ زہری نے ایسی کنواری باندی کے متعلق کہا جس کے ساتھ کسی آزاد نے ہم بستری کر لی ہو کہ حاکم کنواری باندی میں اس کی وجہ سے اس شخص سے اتنے دام بھرلے جتنے بکارت جاتے رہنے کی وجہ سے اس کے دام کم ہو گئے ہیں اور اس کو کوڑے بھی لگائے اگر آزاد مرد ثیبہ لونڈی سے زنا کرے تب خریدے۔ اماموں نے یہ حکم نہیں دیا ہے کہ اس کو کچھ مالی تاوان دینا پڑے گا بلکہ صرف حد لگائی جائے گی۔

حدیث ترجمہ:

"A governmental male-slave tried to seduce a slave-girl from the Khumus of the war booty till he deflowered her by force against her will; therefore 'Umar flogged him according to the law, and exiled him, but he did not flog the female slave because the male-slave had committed illegal sexual intercourse by force, against her will." Az-Zuhri said regarding a virgin slave-girl raped by a free man: The judge has to fine the adulterer as much money as is equal to the price of the female slave and the adulterer has to be flogged (according to the Islamic Law); but if the slave woman is a matron, then, according to the verdict of the Imam, the adulterer is not fined but he has to receive the legal punishment (according to the Islamic Law).

اسم العالم	الحكم
إجماع علماء المسلمين

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

الحكم على الحديث