التخريج

قسم الحديث (القائل): مرفوع ، اتصال السند: متصل ، قسم الحديث: صفات و شمائل

‌صحيح البخاري: كِتَابُ التَّعْبِيرِ (بَابُ جَرِّ القَمِيصِ فِي المَنَامِ)

حکم : أحاديث صحيح البخاريّ كلّها صحيحة

ترجمة الباب:

7074 .   حَدَّثَنَا عَبْدُ اللَّهِ بْنُ مُحَمَّدٍ الْجُعْفِيُّ حَدَّثَنَا حَرَمِيُّ بْنُ عُمَارَةَ حَدَّثَنَا قُرَّةُ بْنُ خَالِدٍ عَنْ مُحَمَّدِ بْنِ سِيرِينَ قَالَ قَالَ قَيْسُ بْنُ عُبَادٍ كُنْتُ فِي حَلْقَةٍ فِيهَا سَعْدُ بْنُ مَالِكٍ وَابْنُ عُمَرَ فَمَرَّ عَبْدُ اللَّهِ بْنُ سَلَامٍ فَقَالُوا هَذَا رَجُلٌ مِنْ أَهْلِ الْجَنَّةِ فَقُلْتُ لَهُ إِنَّهُمْ قَالُوا كَذَا وَكَذَا قَالَ سُبْحَانَ اللَّهِ مَا كَانَ يَنْبَغِي لَهُمْ أَنْ يَقُولُوا مَا لَيْسَ لَهُمْ بِهِ عِلْمٌ إِنَّمَا رَأَيْتُ كَأَنَّمَا عَمُودٌ وُضِعَ فِي رَوْضَةٍ خَضْرَاءَ فَنُصِبَ فِيهَا وَفِي رَأْسِهَا عُرْوَةٌ وَفِي أَسْفَلِهَا مِنْصَفٌ وَالْمِنْصَفُ الْوَصِيفُ فَقِيلَ ارْقَهْ فَرَقِيتُهُ حَتَّى أَخَذْتُ بِالْعُرْوَةِ فَقَصَصْتُهَا عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَمُوتُ عَبْدُ اللَّهِ وَهُوَ آخِذٌ بِالْعُرْوَةِ الْوُثْقَى

صحیح بخاری:

کتاب: خوابوں کی تعبیر کے بیان میں

 

تمہید کتاب  (

باب: خواب میں کرتے گھسیٹنا

)  

مترجم: ١. شیخ الحدیث حافظ عبد الستار حماد (دار السلام)

7074.   حضرت قیس بن عبادہ سے روایت ہے انہوں نے کہا: میں ایک مجلس میں بیٹھا ہوا تھا جس میں حضرت سعد بن مالک اور حضرت ابن عمر ؓ بھی تھے۔ وہاں سے حضرت عبداللہ بن سلام ؓ سے گزرے تو لوگوں نے کہا: یہ آدمی جنتی ہے۔ میں نے ان سے کہا: یہ لوگ آپ کے متعلق اس طرح کی باتیں کہہ رہے ہیں۔ انہوں نے فرمایا: سبحان اللہ! ان کو یہ مناسب نہیں کہ وہ ایسی باتیں کریں جن کا انہیں علم نہیں۔ میں نے تو صرف ایک خواب دیکھا تھا ایک ستون سر سبز وشاداب باغ میں نصب کیا ہوا ہے اس کے سرے پر ایک کنڈا (کڑا) لگا ہوا تھا، اس کے نیچے منصف ہے، منصف خادم کو کہتے ہیں مجھے کہا گیا: اس پر چڑھ جاؤ۔ میں اس پر چڑھ گیا یہاں تک کہ میں نے کنڈا پکڑ لیا۔ میں نے یہ خواب رسول اللہ ﷺ سے بیان کیا تو آپ نے فرمایا: ”عبداللہ کا جب انتقال ہوگا تو وہ عروہ وثقیٰ کو پکڑے ہوئے ہوگا۔“

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 7074
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 7010
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 6493
٤ ترقيم فتح الباري (برنامج الكتب التسعة) ترقیم فتح الباری (کتب تسعہ پروگرام) 7010
٥ ترقيم د. البغا (برنامج الكتب التسعة) ترقیم ڈاکٹر البغا (کتب تسعہ پروگرام) 6608
٦ ترقيم شركة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 6759
٧ ترقيم دار طوق النّجاة (جامع خادم الحرمين للسنة النبوية) ترقیم دار طوق النجاۃ (خادم الحرمین الشریفین حدیث ویب سائٹ) 7010
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 7010
١٠ ترقيم فؤاد عبد الباقي (داود راز) ترقیم فواد عبد الباقی (داؤد راز) 7010
ترجمۃ الباب:


حدیث ترجمہ:

حضرت قیس بن عبادہ سے روایت ہے انہوں نے کہا: میں ایک مجلس میں بیٹھا ہوا تھا جس میں حضرت سعد بن مالک اور حضرت ابن عمر ؓ بھی تھے۔ وہاں سے حضرت عبداللہ بن سلام ؓ سے گزرے تو لوگوں نے کہا: یہ آدمی جنتی ہے۔ میں نے ان سے کہا: یہ لوگ آپ کے متعلق اس طرح کی باتیں کہہ رہے ہیں۔ انہوں نے فرمایا: سبحان اللہ! ان کو یہ مناسب نہیں کہ وہ ایسی باتیں کریں جن کا انہیں علم نہیں۔ میں نے تو صرف ایک خواب دیکھا تھا ایک ستون سر سبز وشاداب باغ میں نصب کیا ہوا ہے اس کے سرے پر ایک کنڈا (کڑا) لگا ہوا تھا، اس کے نیچے منصف ہے، منصف خادم کو کہتے ہیں مجھے کہا گیا: اس پر چڑھ جاؤ۔ میں اس پر چڑھ گیا یہاں تک کہ میں نے کنڈا پکڑ لیا۔ میں نے یہ خواب رسول اللہ ﷺ سے بیان کیا تو آپ نے فرمایا: ”عبداللہ کا جب انتقال ہوگا تو وہ عروہ وثقیٰ کو پکڑے ہوئے ہوگا۔“
حدیث حاشیہ:

1۔ ایک روایت میں حضرت خرشہ بن حر کہتے ہیں کہ میں مدینہ طیبہ کی مسجد میں ایک گروہ میں بیٹھا ہوا تھا۔ اس میں ایک خوبصورت شکل و صورت والے شیخ بہترین انداز میں احادیث بیان کر رہے تھے۔ جب وہ اپنا وعظ ختم کر کے چلے گئے تو لوگوں نے ان کے متعلق کہا جس نے کسی جنتی کو دیکھنا ہو وہ انھیں دیکھ لے۔ (صحیح مسلم، فضائل الصحابة، حدیث: 6383(2484) ان دو مختلف روایات میں اس طرح تطبیق دی گئی ہے کہ حضرت عبد اللہ بن سلام رضی اللہ تعالیٰ عنہ ایک مجلس میں وعظ کر رہے تھے جیسا کہ خرشہ کی روایت میں ہے پھر جاتے ہوئے ایک گروہ کے پاس سے گزرے جس میں سعد بن مالک رضی اللہ تعالیٰ عنہ اور ابن عمر رضی اللہ تعالیٰ عنہ تھے جیسا کہ قیس بن عباد کی روایت میں ہے۔ پھر خرشہ اور قیس دونوں ان کے گھر گئے اور ان سے سوال کیا اور انھوں نے انھیں جواب دیا۔(فتح الباري:497/12)
2۔ عروہ ثقی کے متعلق قرآن کریم میں ہے کہ جو شخص طاغوت سے کفر کرے۔ اور اللہ پر ایمان لائے تو اس نے ایسے مضبوط کڑے کو تھام لیا جو ٹوٹ نہیں سکتا اس خواب میں اشارہ تھا کہ حضرت عبد اللہ بن سلام رضی اللہ تعالیٰ عنہ اسلام پر فوت ہوں گے جیسا کہ رسول اللہ صلی اللہ علیہ وسلم نے ان کے متعلق فرمایا تھا۔
3۔ حضرت عبد اللہ بن سلام رضی اللہ تعالیٰ عنہ نے بطور تعجب فرمایا اور تواضع و انکسار کرتے ہوئے لوگوں کی بات کا انکار کیا تاکہ لوگ ان کی طرف انگلیوں سے اشارے نہ کریں جو تکبر و غرور کا باعث ہو سکتے ہیں۔ حضرت عبد اللہ بن سلام رضی اللہ تعالیٰ عنہ نے جنتی ہونے کا انکار نہیں کیا تھا بلکہ ان کا مقصد تھا کہ ایسی باتوں کو جزم و وثوق سے بیان نہیں کرنا چاہیے متواضع لوگوں کی یہی شان ہوتی ہے۔ واللہ أعلم۔
ترجمۃ الباب:


حدیث ترجمہ:

ہم سے عبد اللہ بن محمد الجعفی نے بیان کیا‘ انہوں نے کہا ہم سے حرمی بن عمارہ نے بیان کیا‘ انہوں نے کہا ہم سے قرہ بن خالد نے بیان کیا‘ ان سے محمد بن سیرین نے بیان کیا‘ ان سے قیس بن عباد نے بیان کیا کہ میں ایک حلقہ میں بیٹھا تھا جس میں حضرت سعد بن مالک اور حضرت عبداللہ بن عمر ؓ  بیٹھے ہوئے تھے۔ وہاں سے حضرت عبد اللہ بن سلام ؓ  گزرے تو لوگوں نے کہا کہ یہ اہل جنت میں سے ہیں۔ میں نے ان سے کہا کہ وہ اس طرح کی بات کہہ رہے ہیں۔ آپ نے فرمایا سبحان اللہ ان کے لیے مناسب نہیں کہ وہ ایسی بات کہیں جس کا انہیں علم نہیں ہے۔ میں نے خواب میں دیکھا تھا کہ ایک ستون ایک ہرے بھرے باغ میں نصب کیا ہوا ہے اس ستون کے اوپر کے سرے پر ایک حلقہ (عروہ) لگا ہوا تھا اور نیچے منصف تھا۔ منصف سے مراد خادم ہے پھر کہا گیا کہ اس پر چڑھ جاؤ میں چڑھ گیا اور میں نے حلقہ پکڑ لیا‘ پھر میں نے اس کا تذکرہ رسول اللہ ﷺ سے کیا تو آپ نے فرمایا کہ عبداللہ کا جب انتقال ہو گیا تو وہ العروۃ الوثقیٰ کو پکڑے ہوئے ہوں گے۔
حدیث حاشیہ:

یعنی اسلام پر ان کا خاتمہ ہوگا‘ باغ سے مراد اسلام ہے‘ کنڈا سے بھی دین اسلام مراد ہے۔
ترجمۃ الباب:


حدیث ترجمہ:

Narrated Qais bin 'Ubadah (RA) : I was sitting in a gathering in which there was Sa'd bin Malik and Ibn 'Umar (RA). 'Abdullah bin Salam passed in front of them and they said, "This man is from the people of Paradise." I said to 'Abdullah bin Salam, "They said so-and-so." He replied, "Subhan Allah! They ought not to have said things of which they have no knowledge, but I saw (in a dream) that a post was fixed in a green garden. At the top of the post there was a handhold and below it there was a servant. I was asked to climb (the post). So I climbed it till I got hold of the handhold." Then I narrated this dream to Allah's Apostle. Allah's Apostle (ﷺ) said, "'Abdullah will die while still holding the firm reliable handhold (i.e., Islam)."

الحكم على الحديث

اسم العالم الحكم
إجماع علماء المسلمين