التخريج

قسم الحديث (القائل): قدسی ، اتصال السند: متصل ، قسم الحديث: قولی

‌صحيح البخاري: كِتَابُ التَّوْحِيدِ وَالرَدُّ عَلَی الجَهمِيَةِ وَغَيرٌهُم (بَابُ قَوْلِ اللَّهِ تَعَالَى: {تَعْرُجُ المَلاَئِكَةُ وَالرُّوحُ إِلَيْهِ} [المعارج: 4]، )

حکم : أحاديث صحيح البخاريّ كلّها صحيحة 

ترجمة الباب: وَقَوْلِهِ جَلَّ ذِكْرُهُ: {إِلَيْهِ يَصْعَدُ الكَلِمُ الطَّيِّبُ} [فاطر: 10] وَقَالَ أَبُو جَمْرَةَ، عَنْ ابْنِ عَبَّاسٍ، بَلَغَ أَبَا ذَرٍّ مَبْعَثُ النَّبِيِّ ﷺ فَقَالَ لِأَخِيهِ: اعْلَمْ لِي عِلْمَ هَذَا الرَّجُلِ، الَّذِي يَزْعُمُ أَنَّهُ يَأْتِيهِ الخَبَرُ مِنَ السَّمَاءِ وَقَالَ مُجَاهِدٌ: «العَمَلُ الصَّالِحُ يَرْفَعُ الكَلِمَ الطَّيِّبَ» يُقَالُ: {ذِي المَعَارِجِ} [المعارج: 3]: «المَلاَئِكَةُ تَعْرُجُ إِلَى اللَّهِ»

7429. حَدَّثَنَا إِسْمَاعِيلُ حَدَّثَنِي مَالِكٌ عَنْ أَبِي الزِّنَادِ عَنْ الْأَعْرَجِ عَنْ أَبِي هُرَيْرَةَ رَضِيَ اللَّهُ عَنْهُ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ يَتَعَاقَبُونَ فِيكُمْ مَلَائِكَةٌ بِاللَّيْلِ وَمَلَائِكَةٌ بِالنَّهَارِ وَيَجْتَمِعُونَ فِي صَلَاةِ الْعَصْرِ وَصَلَاةِ الْفَجْرِ ثُمَّ يَعْرُجُ الَّذِينَ بَاتُوا فِيكُمْ فَيَسْأَلُهُمْ وَهُوَ أَعْلَمُ بِكُمْ فَيَقُولُ كَيْفَ تَرَكْتُمْ عِبَادِي فَيَقُولُونَ تَرَكْنَاهُمْ وَهُمْ يُصَلُّونَ وَأَتَيْنَاهُمْ وَهُمْ يُصَلُّونَ

مترجم:

ترجمۃ الباب:

اور اللہ تعالیٰ کا (سورۃ فاطر میں) فرمان «إليه يصعد الكلم الطيب‏» اس کی طرف پاکیزہ کلمے چڑھتے ہیں اور ابوحمزہ نے بیان کیا، ان سے ابن عباس ؓ نے کہ ابوذر ؓکو جب نبی کریم ﷺ کے بعثت کی خبر ملی تو انہوں نے اپنے بھائی سے کہا کہ مجھے اس شخص کی خبر لا کر دو جو کہتا ہے کہ اس کے پاس آسمان سے وحی آتی ہے۔ اور مجاہد نے کہا نیک عمل پاکیزہ کلمے کو اٹھا لیتا ہے۔ (اللہ تک پہنچا دیتا ہے) «ذي المعارج» سے مراد فرشتے ہیں جو آسمان کی طرف چڑھتے ہیں۔ تشریح اس باب میں امام بخاری  نےاللہ جل جلالہ کےعلو اورفوقیت کےاثبات کےدلائل بیان کیے ہیں۔اہل حدیث کااس پر اتقاق ہےکہ اللہ تعالی جہت فوق میں ہےاور اللہ کو اوپر سمجھنا یہ انسان کی فطرت میں داخل ہے۔جاہل سےجاہل سے شخص جب مصیبت کے وقت فریاد کرتاہے تومنہ اوپر اٹھا کرفریاد کرتاہےمگر جہمیہ اورانکے اتباع نےبرخلاف شریعت وبرخلاف فطرت انسانی فوقیت رحمانی کاانکار کیا ہے۔چنانچہ منقول ہےکہ جہم نماز میں بھی بجائے سبحان ربی الاعلیٰ کےسبحان ربی الاسفل کہاکرتا لعنتہ اللہ علیہ۔

7429.

سییدنا ابو ہریرہ ؓ سے روایت ہے کہ رسول اللہ ﷺ نےفرمایا: ”رات اور دن کے فرشتے تمہارے پاس باری باری آتے ہیں اور عصر وفجر کی نمازوں میں جمع ہوتے ہیں۔ پھر جن فرشتوں نے تمہارے پاس رات گزاری ہوتی ہے وہ اوپر چڑھتے ہیں تو اللہ تعالیٰ ان سے پوچھتا ہے، حالانکہ اسے تمہاری خوب خبر ہوتی ہے، وہ پوچھتا ہے، تم نے میرے بندوں کو کس حالت میں چھورا ہے؟ وہ جواب دیتے ہیں :جب ہم نے انہیں چھوڑا تو وہ نماز پڑھ رہے تھے اور جب ہم ان کے پاس گئے تو بھی وہ نماز پڑھ رہے تھے۔“

×
ترجمۃ الباب:

ابو جمرہ نے سیدنا ابن عباسؓ  سے روایت کرتے ہوئے کہا: سیدنا ابو ذرؓ کو نبی ﷺ کے مبعوث ہونے کی خبر ملی تو انہوں نے اپنے بھائی سے کہا: جاؤ اس آدمی کی خطر لاؤ جو کہتا ہے کہ اس کے پاس آسمان سے خبریں آتی ہیں¤ امام مجاہد نے کہا: نیک اعمال،پاکیزہ کلمات کو اٹھا لیتے ہیں۔ کہا جاتا ہے کہ ”ذی المعارج“ سے مراد فرشتے ہیں جو اللہ تعالیٰ کی طرف چڑھتے ہیں¤

٭فائدہ: اس حدیث میں صراحت ہے کہ اللہ تعالیٰ آسمانوں کے اوپر ہے ،وہاں سے وحی کی خبریں رسول اللہ ﷺ کے پاس آئی تھیں۔ اس سے معلوم ہوتا ہے کہ اللہ تعالیٰ کے متعلق رسول اللہ ﷺ کی تعلیم اور صحابہ کرام رضی اللہ عنہم کا عقیدہ اوپر ہونے ہی کا تھا


حدیث ترجمہ:

ہم سے اسماعیل نے بیان کیا، کہا ہم سے امام مالک نے بیان کیا، ان سے ابوالزناد نے، ان سے اعرج نے اور ان سے ابوہریرہ ؓ نے کہ رسول اللہ ﷺ نے فرمایا یکے بعد دیگرے تمہارے پاس رات اور دن کے فرشتے آتے رہتے ہیں اور یہ عصر اور فجر کی نماز میں جمع ہوتے ہیں، پھر وہ اوپر چڑھتے ہیں، جنہوں نے رات تمہارے ساتھ گزاری ہوتی ہے۔ پھر اللہ تمہارے بارے میں ان سے پوچھتا ہے حالانکہ اسے تمہاری خوب خبر ہے، پوچھتا ہے کہ میرے بندوں کو تم نے کس حال میں چھوڑا؟ وہ کہتے ہیں کہ ہم نے اس حال میں چھوڑا کہ وہ نماز پڑھ رہے تھے۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7497
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)7429
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6878
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)7429
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6992
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)7153
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)7429
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)7429
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)7429

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

امام بخاری رحمۃ اللہ علیہ نے ذات باری تعالیٰ کے لیے صفت علو ثابت کرنے کے لیے یہ دوسرا باب قائم کیا ہے انھوں نے اس میں دو آیات کا انتخاب کیا ہے جن میں صراحت ہے کہ اللہ تعالیٰ کی طرف فرشتے اور روح(جبریل علیہ السلام ) عروج کرتے ہیں اور پاکیزہ کلمات صعودسے متصف ہوتے ہیں عربی زبان میں عروج اور صعود اوپر چڑھنے کو کہا جاتا ہے ذات باری تعالیٰ کی صفت ہے کہ اس کی طرف فرشتے اور پاکیزہ کلمات چڑھتے ہیں اللہ تعالیٰ صفت علو سے متصف ہے امام بخاری رحمۃ اللہ علیہ نے اس سلسلے میں سلف کے مذہب کو ثابت کیا ہےکہ کسی قسم کی کیفیت کیے بغیر اللہ تعالیٰ کے لیے صفت علو ثابت ہے آیت کا سیاق و سباق اس طرح ہے۔©کسی طلب کرنے والے نے اس عذاب کا مطالبہ کیا جو واقع ہو کر رہے گا۔ جسے کافروں سے کوئی ٹالنے والانہیں۔ یہ عذاب اللہ کی طرف سے آئے گا جو بلندیوں کا مالک ہے۔ جس کی طرف فرشتے اور روح ایک دن میں چڑھتے ہیں جس کی مقدار پچاس ہزار سال ہے۔"(المعارج70۔1۔4)عروج میں دو باتیں بنیادی طور پر پائی جاتی ہیں۔ جھکاؤ اور بلندی اللہ تعالیٰ کی طرف اس کے فرشتے اس کیفیت کے ساتھ چڑھتے ہیں۔ان آیات میں اللہ تعالیٰ کی صفت ذی المعارج بیان ہوئی ہےاس کے معنی ہیں وہ بلند بالا ذات ہے جس کے سامنے سب بلندیوں ہیچ ہیں یعنی بلند سے بلند مقام کا مالک گویا کافروں پر نہ ٹلنےوالا عذاب اس ذات کبریاء کی طرف سے آئے گا۔جو تمام بلندیوں سے بالا ہے اور جس کی طرف فرشتے پچاس ہزار سال کی مدت میں چڑھتے ہیں بہرحال اس آیت کریمہ سے اللہ تعالیٰ کےلیے صفت علو کو ثابت کرنا ہے جو اظہر من الشمس یعنی سورج سے بھی زیادہ روشن ہے۔ ©"پاکیزہ کلمات اسی کی طرف چڑھتے ہیں اور نیک اعمال انہیں اوپر اٹھاتے ہیں۔"(فاطر:35۔10)پاکیزہ کلمات اور نیک اعمال دونوں لازم ملزوم ہیں اور دونوں ایک دوسرےکے مدد گار ہیں۔ پاکیزہ کلمات اللہ تعالیٰ کی طرف اس وقت چڑھتے ہیں جب ان کی تائید نیک اعمال سے ہو۔ اسی طرح اعمال صالحہ بھی اسی صورت میں اللہ تعالیٰ کی طرف چڑھتے ہیں جب ان کی بنیاد پاکیزہ اقوال یا درست عقیدہ ہو۔ اس کا مطلب یہ ہےکہ اگر عمل پاکیزہ اقوال کے خلاف ہو یا اعمال پاکیزہ اقوال کے مطابق نہ ہوں تو وہ اوپر نہیں چڑھیں گے اور نہ اللہ تعالیٰ کے حضور مقبولیت کا درجہ ہی حاصل کر سکیں گے۔ اس آیت کریمہ سے بھی ذات باری کے لیے صفت علو ثابت ہوتی ہے۔ امام بخاری رحمۃ اللہ علیہ نے اس سلسلے میں ایک معلق حدیث کا حوالہ دیا ہے جسے خود ہی پہلے متصل سند سے بیان کیا ہے۔(صحیح البخاری: المناقب حدیث 3522۔3523)اس حدیث میں صراحت ہے کہ اللہ تعالیٰ آسمانوں کے اوپر ہے وہاں سے وحی کی خبریں رسول اللہ صلی اللہ علیہ وسلم کے پاس آتی تھیں۔ اس سے معلوم ہوتا ہے کہ رسول اللہ صلی اللہ علیہ وسلم کی تعلیم اور صحابہ کرام رضوان اللہ عنھم اجمعین کا اللہ تعالیٰ کے متعلق اوپر ہونے کا ہی عقیدہ تھا اس سے مقصود ذات باری تعالیٰ کے لیے صفت علو ثابت کرنا ہے کیونکہ یہ ایک واضح بات ہے خبر کسی خبر دینے والے کی طرف سے ہوتی ہےاور وہ اللہ سبحانہ و تعالیٰ ہے جو اپنے اوامرنواہی بھیجتا ہے اور فرشتوں کے ذریعے سے اپنے رسولوں تک پہنچاتا ہےاس حدیث کے مطابق جملہ خبریں آسمان سے آتی ہیں اور ان کے بھیجتے والا بھی آسمانوں کے اوپر اپنی مخلوق سے جدا ہے چنانچہ جملہ اہل حدیث کا عقیدہ کہ اللہ تعالیٰ کے لیے جہت فوق ہے اور اللہ تعالیٰ کو اوپر سمجھنا یہ انسانی فطرت میں داخل ہے جاہل سے جاہل انسان بھی جب مصیبت کے وقت فریاد کرتا ہے تو وہ اپنا منہ اوپر اٹھا کر فریاد کرتا ہے البتہ جہم کے پیرو کار عقل و فطرت اور شریعت کے خلاف اللہ تعالیٰ کے لیے جہت فوق کا انکار کرتے ہیں منقول ہے کہ جہم نماز میں بھی سبحان ربی الاعلیٰ کہنے کے بجائے سبحان ربی الاسفل کہا کرتا تھا۔

تمہید کتاب

×

دین اسلام میں سب سے زیادہ اہم فرض عقائد کی درستی ہے۔تمام انبیائے کرام علیہ السلام  نے لوگوں کو سب سے پہلے اصلاح عقیدہ کی دعوت دی۔اس کے بعد عبادات واحکام اور فرائض وواجبات کی بجاآوری ،اس کے بعد معاملات،پھر ظاہری اور باطنی اخلاق کی اصلاح کا درجہ ہے۔مذکورہ شعبہ جات کو اپنے اپنے مقام پر رکھنا بہت ضروری ہے،چنانچہ اصول وعقائد اور فرائض وواجبات میں سے کسی ایک کا انکار انسان کو دائرہ اسلام سے خارج کردیتاہے،البتہ اخلاق میں گراوٹ اور عمل میں کوتاہی سے کوئی شخص ملتِ اسلام سے  خارج نہیں ہوتا۔لغوی طور پر لفظ توحید مصدر ہے۔اس کے معنی کسی ذات کے متعلق یکتا اور منفرد ہونے کایقین کرنا ہیں۔شرعی اصطلاح میں اس بات کا اقرارویقین کرناکہ اللہ تعالیٰ اپنی ذات وصفات،الوہیت وربوبیت،عبودیت وحاکمیت اور تمام اختیارات میں یکتا ویگانہ ہے،اسے توحید کہتے ہیں۔اس توحید کی کئی قسمیں ہیں۔ان میں سے ایک انتہائی اہم قسم توحید اسماء وصفات ہے کیونکہ اللہ تعالیٰ کی کامل معرفت،اللہ تعالیٰ کے اسماء وصفات اور اس کےافعال کا ذکر دیگراحکام کے ذکر سے کہیں زیادہ ہے۔حافظ ابن قیم رحمۃ اللہ علیہ  لکھتے ہیں:"بندے کی تمام ترسعادت اللہ تعالیٰ کی ذات وصفات کی معرفت کے ساتھ قائم ہے جبکہ اسماء وصفات سے جہالت ،شقاوت وبدبختی کی بنیاد ہے۔"(مفتاح دارالسعادۃ 1/86)توحید اسماء وصفات کی اہمیت کا اندازہ اس امر سے بھی بخوبی لگایا جاسکتا ہے کہ انسان کے لیے اس وقت تک مکمل طریقے کے مطابق اللہ تعالیٰ کی عبادت ممکن نہیں جب تک اسے اللہ تعالیٰ کے اسماء وصفات کا علم نہ ہو۔اس معرفت کی بدولت وہ بڑی بصیرت کے ساتھ اللہ تعالیٰ کی عبادت کرسکتا ہے۔ارشاد باری تعالیٰ ہے:"اللہ تعالیٰ ہی کے نام سب سے اچھے ہیں۔انھی ناموں سے اسے پکارو اور ایسے لوگوں کو چھوڑ دو جو اس کے ناموں کے بارے میں سیدھے راستے سے ہٹتے ہیں۔جوکچھ وہ کرتے ہیں جلد ہی انھیں اس کا  بدلہ مل جائے گا۔"(الاعراف 7/180)اس آیت کریمہ میں اللہ تعالیٰ کے ناموں کےساتھ دعا کرنے کا حکم ہے۔اس دعا سے مراد دعائے مسئلہ اور دعائے عبادت دونوں ہیں۔دعائے مسئلہ کی صورت یہ ہے کہ جب اللہ تعالیٰ کے سامنے اپنی ضروریات وحاجت  پیش کریں تو ایسے ناموں کا واسطہ دیں جو ہماری حاجت اور ضرورت کے مناسب ہوں جبکہ دعائے عبادت یہ ہے کہ ہم ان اسماء وصفات کے تقاضوں کو مد نظر رکھتے ہوئے اس ذات کی بندگی بجالاسکیں۔اس آیت میں اللہ تعالیٰ نے ان لوگوں کی مذمت فرمائی ہے جو اس کے ناموں میں کج روی اور بےدینی کا شکار ہیں۔اس کج روی کو الحاد کہا جاتا ہے۔اس کی کچھ قسمیں حسب ذیل ہیں:©۔جو صفات اللہ تعالیٰ کے لیے خاص ہیں انھیں کسی مخلوق میں تسلیم کرنا،جیسے:وہ داتا،روزی رساں،حاجت روا،مشکل کشا اور کارساز ہے۔ان صفات کا حامل کسی مخلوق میں تسلیم کرنا،جیسے:وہ داتا،روزی رساں،حاجت روا،مشکل کشا اور کارساز ہے۔ان صفات کا حامل کسی مخلوق کو قراردینا بدترین قسم کا الحاد ہے۔©۔ان ناموں سے استدلال کرکے باطل چیزوں کے امکان پر بحث کرنا،مثلاً:اللہ تعالیٰ سب کچھ جانتا ہے،لہذا وہ جادو کا علم بھی رکھتا ہے۔وہ ہرچیز قادر ہے ،لہذا وہ جھوٹ بولنے پر بھی قدرت رکھتا ہے۔العیاذباللہ۔©۔ان صفات میں فلسفیانہ موشگافیاں پیداکرنا،جیسے:اللہ تعالیٰ کی صفات حادث ہیں یا قدیم؟کلام کرنا اللہ تعالیٰ کی صفت ہے اور قرآن اللہ تعالیٰ کا کلام ہے،یہ مخلوق ہے یا غیر مخلوق؟©۔اللہ تعالیٰ ہر جگہ موجود ہے اور ہر شخص کی شہ رگ سے بھی قریب ہے تو وہ عرش پر کیسے مستوی ہوسکتا ہے؟©۔اللہ تعالیٰ کی صفات کا سرے سے انکار کردینا جیسا کہ جہم بن صفوان نے تشبیہ کے خود ساختہ مفروضے سے بچنے کے لیے اللہ تعالیٰ کی صفات کا انکار کردیا اور کہا:اللہ تعالیٰ کوئی چیز نہیں ہے۔اس انکار کو تعطیل کہتے ہیں۔اس عقیدے کے حاملین کو مُعَطْلہ اور جَہمیہ کہا جاتا ہے۔©۔اللہ تعالیٰ کی صفات کو مخلوق کی صفات جیسی قراردینا،حالانکہ ارشاد باری تعالیٰ ہے:"کوئی چیز اس کے مشابہ نہیں اور وہی سب کچھ سننے والا،سب کچھ دیکھنے والا ہے۔"(الشوریٰ 11/42)اس عقیدے کا بانی مقاتل بن سلیمان ہے۔اس کے پیروکار مُشتَبہ کہلاتے ہیں،جو اللہ تعالیٰ کی صفات کو مخلوق کی صفات کے مشابہ قراردیتے تھے۔©۔اللہ تعالیٰ کی صفات کو جوں کا توں ماننے کے بجائے ان کے متعلق تاویلات کا سہارالینا،اللہ تعالیٰ کی صفات کے متعلق تاویل کا فتنہ تعطیل سے زیادہ خطرناک ہے کیونکہ اس کے تسلیم کرلینے سے قرآن وحدیث کے ظاہری مفہوم سے انحراف لازم آتا ہے جو بدترین تحریف ہے۔اللہ تعالیٰ کے اسماء وصفات میں الحاد کی ان تمام صورتوں نے سلف صالحین کو حیرت میں مبتلا کردیا،چنانچہ انھوں نے ان ملحدین وبے دین لوگوں کے اقوال کو یہودونصاریٰ اور مشرکین کے اقوال سے بھی زیادہ خطرناک قراردیا ہے،پھر وہ ان مزعومہ عقائد ونظریات کی تردید کے لیے کمر بستہ ہوگئے۔اس تردید کی بنیاد درج ذیل فرمان نبوی ہے:"جس نے ہمارے دین میں کوئی نئی چیز  ایجاد کی وہ تردید کے قابل ہے۔"(صحیح البخاری الصلح حدیث 2697)چنانچہ امام بخاری رحمۃ اللہ علیہ  نے کتاب الایمان میں مرجیہ،کتاب القدر میں تقدیر کے منکرین قدریہ،کتاب الفتن اور کتاب الاحکام میں خوارج وروافض اور آخر میں جہمیہ ،مشبہ اور تمام اہل تاویل کی تردید کے لیے کتاب التوحید کا عنوان قائم کیا۔کتاب التوحید میں امام بخاری رحمۃ اللہ علیہ  کااسلوب یہ ہے کہ پہلے وہ قرآنی آیت کا حوالہ دیتے ہیں،پھر وہ احادیث بیان کرتے ہیں جن میں صفات باری تعالیٰ کاذکر ہے۔انھوں نے یہ اسلوب اس لیے اختیار کیا کہ کچھ لوگ عقائد کے باب میں خبر واحد کو حجت خیال نہیں کرتے۔ان کی تردید مقصود ہے کہ اس قسم کی اخبار آحاد قرآنی آیات کے ذیل میں آتی ہیں،جو شخص عقائد میں ان کی حجت سے انکار کرتا ہے وہ گویا قرآن وسنت دونوں کاانکار کرتا ہے۔امام بخاری رحمۃ اللہ علیہ  نے اس عنوان کے تحت چند ایک مسائل ذکر کیے ہیں جن کی تفاصیل حسب ذیل ہیں:1۔پہلے توحید باری تعالیٰ کو ثابت کیا ہے کیونکہ کچھ لوگوں نے اللہ تعالیٰ کی وحدانیت کا انکار کرکے(وحدة الوجود) کا نظریہ پیش کیا اورکہا کہ کائنات کی ہر چیز اللہ تعالیٰ ہے۔یہ نظریہ پیش کرنے والے ابن عربی اور حسین بن منصور حلاج ہیں۔©۔اسمائے حسنیٰ اور صفات علیا کا اثبات وصفات باری تعالیٰ کی چارقسمیں ہیں:©۔صفات ذاتیہ عقلیہ،مثلاً:حیات،علم ،قدرت،ارادہ ،سمع اور بصر وغیرہ©۔صفات فعلیہ عقلیہ ،مثلاً رحمۃ اللہ علیہ :پیدا کرنا،رزق دینا،زندہ کرنا،مارنا،معاف کرنا اور سزا دینا وغیرہ۔©۔صفات ذاتیہ سمعیہ،مثلاً:وجہ،ید،عین،نفس اور شخص وغیرہ۔©۔صفات فعلیہ سمعیہ،مثلاً:اتیان،مجئی اور نزول وغیرہ۔3۔مسئلہ علو اور (اسْتَوَى عَلَى العَرش)4۔روئیت باری تعالیٰ۔5۔مسئلہ تکوین6۔تلاوت اور مَتلُو میں فرق۔7۔خلق افعال العباد۔8۔صفت کلام۔اسے آخر میں بیان کیا ہے۔امام بخاری  رحمۃ اللہ علیہ  نے اس سلسلے میں 245 مرفوع احادیث پیش کی ہیں جن میں 55 معلق اور 190 موصول ہیں۔ان میں(71) مکرر ہیں جن کی تعداد 234ہے۔باقی صرف 11 احادیث خالص ہیں۔چار(4) احادیث کو امام مسلم  رحمۃ اللہ علیہ  نے بھی بیان کیا  ہے۔باقی 241 احادیث بیان کرنے میں امام بخاری رحمۃ اللہ علیہ  منفرد ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین  اور تابعین  رحمۃ اللہ علیہ  سے 36 آثار بھی بیان کیے ہیں،پھر ان احادیث وآثار پر اٹھاون(58) عنوان قائم کیے ہیں جن کی تفصیل آئندہ بیان کی جائےگی۔باذن اللہ تعالیٰ۔اسماء وصفات کے متعلق امام بخاری رحمۃ اللہ علیہ  کا موقف یہ ہے کہ کتاب وسنت میں جو اسماء وصفات وارد ہیں ان پر ایمان لانا واجب ہے اور انھیں بلاتکہیف وتمثیل ،اور بلاتعطیل وتحریف،اللہ تعالیٰ کے شایانِ شان مبنی برحقیقت تسلیم کیا جائے۔یہ اقرار وایمان کسی قسم کی بے جاتاویل کے بغیر ہو۔اس انداز اتباع سے آپ نے ہمیں یہ پیغام دیا ہے کہ قرآن وحدیث میں کسی قسم کی غلطی کا امکان نہیں،دونوں وضاحت کے ساتھ حق بیان کرتی ہیں۔اس حق سے وہی دور ہوئے ہیں جنھوں نے اپنے لیے اسلام کا راستہ چھوڑ کر ایک نئی راہ  کا انتخاب کیا ہے جو ان کی گمراہی کا باعث ہے،ایک مسلمان کو چاہیے کہ وہ ان دونوں کو مضبوطی سے تھام لےاور اس کے خلاف ہرچیز کوچھوڑ دے۔اللہ تعالیٰ نے ہماری طرف اپنا نمائندہ بھیجا ،جس نے ہر چیز کو کھول کر بیان کردیا،ہم اس کے بعد کسی چیز کے محتاج نہیں ہیں اگر ہم نے اس سے روگردانی کی تو شیاطین ہمیں گہری کھائیوں میں پھینک دیں گے جیسا کہ ارشاد باری تعالیٰ ہے:"جو شخص رحمٰن کے ذکر سے آنکھیں بند کرلیتا ہے ہم اس پر ایک شیطان مسلط کردیتے ہیں جو اس کا ساتھی بن جاتا ہے اور ایسے شیطان انھیں سیدھی راہ سے روک دیتے ہیں جبکہ وہ یہ سمجھ رہے ہوتے ہیں کہ وہ ٹھیک راستے پر جارہے ہیں۔"(الزخرف 43/36)امام بخاری رحمۃ اللہ علیہ  نےٹھیک ٹھیک اسلاف کی ترجمانی کی ہے لیکن شارحین نے اس سلسلے میں حق ادا نہیں کیا بلکہ انھوں نےاجماع اُمت کی آڑ میں صفات باری تعالیٰ کا انکارکیا یا انھیں مبنی برحقیقت تسلیم کرنے کے بجائے دوراز کارتاویلات کا سہارا لیا،چنانچہ امام بخاری رحمۃ اللہ علیہ  نے ایک عنوان ان الفاظ میں ذکر کیا ہے:)باب قَوْلِ النَّبِيِّ صَلَّى اللَّهُ عَلَيْهِ وَسَلَّمَ لَا شَخْصَ أَغْيَرُ مِنْ اللَّهِ("کوئی شخص اللہ تعالیٰ سے زیادہ غیرت مند نہیں۔"(صحیح البخاری الصلح حدیث 20)اس سے امام بخاری رحمۃ اللہ علیہ  نےثابت کیا ہے کہ لفظ"شخص" کا اطلاق ذات باری تعالیٰ پر ہوسکتا ہے،لیکن شارحین کی اکثریت اشعری مکتب فکر سے متعلق ہے،اس لیے ان کی تشریحات ملاحظہ فرمائیں:©۔شارح صحیح بخاری ابن بطال لکھتے ہیں کہ امت کا اس بات پر اجماع ہے یہ لفظ اللہ تعالیٰ کے حق میں نہیں بولا جاسکتا کیونکہ حدیث میں اس کی کوئی صراحت نہیں ہے۔(شرح ا بن بطال 10/442)©۔شارح صحیح بخاری علامہ خطابی  رحمۃ اللہ علیہ  فرماتے ہیں کہ اللہ تعالیٰ کے لیے لفظ شخص کا اطلاق صحیح نہیں کیونکہ شخص وہ ہے جو مرکب جسم رکھتا ہو۔اس طرح کی صفت اللہ تعالیٰ کی شان کے لائق نہیں۔جن احادیث میں یہ لفظ وارد ہے وہ راویوں کی تصحیف کا نتیجہ ہے۔(اعلام الحدیث 4/2344)©۔حافظ ابن حجر رحمۃ اللہ علیہ  چونکہ حافظ الدنیا ہیں،اس لیے کثرت روایات کے پیش نظر اس اطلاق کا انکار تو   نہیں کرتے،البتہ انھوں نے اس سلسلے میں دور اذکار کا سہارا لیا ہے۔( فتح الباری 13/491)©۔علامہ عینی نے متقدمین کے اقوال نقل کرنے اور حافظ ابن حجر رحمۃ اللہ علیہ  پر اعتراض کرنے کے علاوہ اپنی طرف سے اس صفت کے اثبات یا نفی میں کوئی تبصرہ نہیں کیا۔(عمدۃ  القاری 16/612)اللہ تعالیٰ استاذ محترم الشیخ عبداللہ بن محمد الغنیمان  رحمۃ اللہ علیہ  کو اجر عظیم عطا فرمائے،انھوں نے کتاب التوحید کی شرح کا حق ادا کیا۔ہم آئندہ احادیث کے فوائد اسی شرح سے مرتب کریں گے اور اس کےساتھ ساتھ دیگر شروعات سے بھی استفاذہ کیا جائے گا۔واللہ اعلم۔واضح رہے کہ برصغیر  میں تاویل صفات کے جمود کو توڑنے میں استاذ محترم ،شیخ العرب والعجم سید بدیع الدین شاہ راشدی  رحمۃ اللہ علیہ  نے نمایاں کردار اداکیا۔انھوں نے"توحید خالص" نامی کتاب لکھ کر توحید اسماء وصفات کا حق ادا کیا۔الغرض توحید اسماء وصفات کے متعلق عافیت کا راستہ یہی ہے کہ کتاب وسنت میں اللہ تعالیٰ کے متعلق جوصفات وارد ہیں انھیں بلاتکہیف وتمثیل اس کی شان کے لائق مبنی برحقیقت تسلیم کیا جائے۔انھیں ظاہر معنی پرمحمول کرتے ہوئے ان کے متعلق کسی بھی قسم کی تاویل سے گریز کیا جائے۔اس کے علاوہ الحاد کی جتنی بھی صورتیں ہیں سب کفر وشرک اور گمراہی کی طرف لے جانے والی ہیں،لہذا ایک مسلمان کو کبھی بھی اللہ تعالیٰ کی صفات کو زیر بحث لاکر ان کی تہ تک پہنچنے کی کوشش نہیں کرنی چاہیے کیونکہ یہ انسانی بساط سے باہر ہے۔پھر یہ اعتقادی بیماریاں ایک تو آگے منتقل ہوتی جاتی ہیں ،دوسرے زندگی کا رخ غلط راہوں پرڈال دیتی ہیں۔دعا ہے کہ اللہ تعالیٰ ہمیں اس سلسلے میں صراط مستقیم پر گامزن رکھے۔آمین۔

تمہید باب عربی

×

تمہید کتاب عربی

×