مترجم: ١. شیخ الحدیث حافظ عبد الستار حماد (دار السلام)
ترجمۃ الباب:
1890.
حضرت عمر ؓ سے روایت ہے انھوں نے یہ دعا فرمائی: اے اللہ! مجھے اپنے راستے میں شہادت نصیب فرما اور میری موت تیرے (محبوب) رسول اللہ ﷺ کے شہر میں واقع ہو۔ (امام بخاری ؒ نے اس حدیث کی مختلف اسنادذکر کی ہیں: )زید بن اسلم اپنی والدہ سے وہ حضرت حفصہ بنت عمر ؓ سے وہ اپنے باپ حضرت عمر ؓ سے بیان کر تی ہیں۔ حضرت ہشام نے حضرت زید سے، وہ ا پنے والد سے وہ حضرت حفصہ ؓ سے اور انھوں نے حضرت عمر ؓ سے یہی حدیث بیان کی۔
تشریح:
(1) اس دعا کا پس منظر اس طرح بیان کیا گیا ہے کہ حضرت عوف بن مالک اشجعی ؓ نے خواب میں دیکھا کہ سیدنا عمر ؓ شہید کر دیے گئے ہیں۔ انہوں نے یہ خواب حضرت عمر ؓ سے بیان کیا تو آپ نے حسرت بھرے لہجے میں کہا: مجھے شہادت فی سبیل اللہ کیونکر نصیب ہو سکتی ہے جبکہ میں جزیرۃ العرب کے درمیان رہائش پذیر ہوں؟ میں خود جہاد نہیں کرتا اور اللہ کے بندے ہر وقت میرے آس پاس رہتے ہیں۔ پھر خود ہی کہنے لگے: مجھے شہادت کیوں نہیں نصیب ہو سکتی؟ اگر اللہ نے چاہا تو مجھے انہی حالات میں وہ شہادت سے نوازے گا۔ اس کے بعد آپ نے وہ دعا کی جس کا اوپر ذکر ہوا ہے۔ آپ کی یہ دعا سن کر آپ کی صاجزادی ام المؤمنین حضرت حفصہ ؓ نے کہا: یہ کیسے ہو سکتا ہے کہ آپ فی سبیل اللہ شہید ہوں اور وہ بھی مدینے میں؟ آپ نے فرمایا: اللہ چاہے گا تو یہ دونوں باتیں ہو جائیں گی۔ (2) روایات میں یہ بھی ہے کہ حضرت عمر ؓ کی اس عجیب و غریب دعا سے لوگوں کو تعجب ہوتا تھا اور کسی کی سمجھ میں نہیں آتا تھا کہ یہ دونوں باتیں کس طرح ہو سکتی ہیں؟ لیکن بدبخت ابو لؤلؤ نے مسجد نبوی کے محراب میں آپ کو زخمی کیا تو لوگوں کو پتہ چلا کہ دعا کی قبولیت اس طرح مقدر تھی۔ اللہ تعالیٰ نے حضرت عمر ؓ کی دعا کو حرف بہ حرف قبولیت سے نوازا، چنانچہ مدینہ منورہ میں 26 ذوالحجہ 23ھ بروز بدھ نماز فجر پڑھاتے ہوئے شہید ہوئے اور رسول اللہ ﷺ کے ساتھ حجرۂ مبارکہ میں انہیں دفن کیا گیا۔ (فتح الباري:131/4) اے اللہ! ہمیں بھی اپنے محبوب کے شہر مدینہ طیبہ میں شہادت کی موت نصیب فرما۔ وما ذٰلك علی الله بعزيز وهو علی كل شئي قدير
ترقیم حرف کمپنی (خادم الحرمین الشریفین حدیث ویب سائٹ)
1836
٧
ترقيم دار طوق النّجاة (جامع خادم الحرمين للسنة النبوية)
ترقیم دار طوق النجاۃ (خادم الحرمین الشریفین حدیث ویب سائٹ)
1890
٨
ترقيم فؤاد عبد الباقي (دار السلام)
ترقیم فواد عبد الباقی (دار السلام)
1890
١٠
ترقيم فؤاد عبد الباقي (داود راز)
ترقیم فواد عبد الباقی (داؤد راز)
1890
تمہید کتاب
دور جاہلیت میں مدینہ طیبہ کا نام یثرب تھا۔ یہ لفظ تثريب سے مشتق ہے جس کے معنی توبیخ و ملامت کرنا ہیں۔ رسول اللہ صلی اللہ علیہ وسلم کی ہجرت سے پہلے یہاں آنے والوں کو ملامت کیا کرتے تھے کیونکہ اس کی آب و ہوا اچھی نہ تھی، لیکن یہ نام مدینہ طیبہ کے شایان شان نہ تھا۔ قرآن کریم نے اس نام کی نسبت منافقین کی طرف کی ہے اور اسے بطور حکایت نقل کیا ہے۔ (الاحزاب13:33) رسول اللہ صلی اللہ علیہ وسلم نے یہاں اپنی تشریف آوری کے بعد اس نام کو پسند نہیں کیا بلکہ اس کا نام طیبہ رکھا۔ (صحیح مسلم،الحج،حدیث:3356(1384)) مسند ابی داود طیالسی اور معجم الکبیر طبرانی کی روایت میں ہے کہ رسول اللہ صلی اللہ علیہ وسلم نے فرمایا: (إن الله أمرني أن أسمي المدينة طيبة) "یقینا اللہ ذوالجلال نے مجھے اس کا نام طیبہ رکھنے کا حکم دیا ہے۔" (صحیح الجامع الصغیر للالبانی،حدیث:1723) ایک روایت میں ہے: "اللہ تعالیٰ نے مدینہ طیبہ کا نام طابہ منتخب کیا ہے۔" (صحیح مسلم،الحج،حدیث:3357(1385)) طابہ اور طیبہ دونوں کے معنی پاکیزہ اور خوشگوار کے ہیں، چنانچہ مدینہ طیبہ میں قلوب و اذہان کے لیے جو سکون و اطمینان اور خوشگواری ہے وہ اسی شہر کا حصہ ہے۔ رسول اللہ صلی اللہ علیہ وسلم نے اس کے لیے بایں الفاظ دعا کی ہے: "اے اللہ! حضرت ابراہیم علیہ السلام تیرے خاص بندے، تیرے خلیل اور تیرے نبی تھے۔ میں بھی تیرا بندہ اور تیرا نبی ہوں۔ انہوں نے مکہ کے لیے تجھ سے دعا کی اور میں مدینہ کے لیے تجھ سے ویسی ہی دعا کرتا ہوں اور اس کے ساتھ مزید اتنے کی دعا کرتا ہوں۔" (صحیح مسلم،الحج،حدیث:3334(1373)) قرآن کریم میں مکہ کے لیے حضرت ابراہیم علیہ السلام کی دعا کا ذکر ہے جو انہوں نے بے آب و گیاہ وادی میں اپنے اہل و عیال کو وہاں بسا کر کی تھی۔ وہ اس طرح ہے: "اے اللہ! تو اپنے بندوں کے دلوں میں ان کی محبت و الفت ڈال دے اور یہاں ان کی ضرورت کے مطابق پھل مہیا کر، نیز یہاں کے لیے امن و سلامتی مقدر فرما۔" (ابراھیم37:14) رسول اللہ صلی اللہ علیہ وسلم نے مدینے کی خیر و برکت کے لیے بایں الفاظ دعا فرمائی: "اے اللہ! مدینہ طیبہ میں مکہ مکرمہ کے اعتبار سے دو چند خیروبرکت عطا فرما۔" (صحیح مسلم،الحج،حدیث:3326(1369))آپ کی اس دعا کا ثمرہ ہے کہ دنیا بھر میں جن اہل ایمان کو مکہ سے عقیدت ہے ان سب کو مدینہ طیبہ سے محبت ہے اور اس محبوبیت میں مدینہ طیبہ کا حصہ مکہ مکرمہ سے یقینا زیادہ ہے۔ رسول اللہ صلی اللہ علیہ وسلم نے ارشاد فرمایا: "حضرت ابراہیم علیہ السلام نے مکہ کے قابل احترام ہونے کا اعلان کیا تھا اور میں مدینہ طیبہ کے حرم قرار دیے جانے کا اعلان کرتا ہوں۔ اس کے دونوں طرف کے دروں کا درمیانی رقبہ واجب الاحترام ہے۔ اس میں کسی قسم کی خونریزی نہ کی جائے اور نہ کسی کے خلاف ہتھیار اٹھائے جائیں اور چارے کی ضرورت کے علاوہ یہاں درختوں کے پتے نہ جھاڑے جائیں۔" (صحیح مسلم،الحج،حدیث:3336(1374)) اس سے معلوم ہوا کہ مدینہ طیبہ بھی سرکاری علاقے کی طرح واجب الاحترام ہے اور وہاں ہر وہ اقدام منع ہے جو اس کی عظمت و حرمت کے منافی ہو لیکن اس کے احکام مکہ جیسے نہیں کیونکہ مدینہ طیبہ میں جانوروں کے چارے کے لیے درختوں کے پتے جھاڑے جا سکتے ہیں جبکہ حرم مکہ میں اس کی بھی اجازت نہیں۔رسول اللہ صلی اللہ علیہ وسلم نے اس کی حرمت و فضیلت کو اجاگر کرتے ہوئے مزید فرمایا: "میرا جو امتی ایمان کے ساتھ مدینہ طیبہ کی سختیوں اور تکلیفوں کو صبر و استقامت سے برداشت کرے گا اور وہاں پڑا رہے گا، میں قیامت کے دن اس کی سفارش کروں گا۔" (صحیح مسلم،الحج،حدیث:3339(1374)) سفارش کا مطلب یہ ہے کہ اللہ تعالیٰ اس کی خطاؤں کو معاف کر دے اور اس کے گناہوں سے درگزر فرمائے۔اکثر محدثین کا دستور ہے کہ وہ اپنی تالیفات میں مناسک حج وغیرہ سے فراغت کے بعد "فضائل مدینہ" کے تحت مدینہ طیبہ کی عظمت و حرمت پر مشتمل احادیث بیان کرتے ہیں۔ اسی طریقے کی پیروی کرتے ہوئے امام بخاری رحمہ اللہ نے بھی مسائل حج و عمرہ کے بعد کتاب فضائل المدینۃ کے تحت مدینہ طیبہ کی عظمت پر مشتمل چھبیس احادیث بیان کی ہیں۔ پھر ان پر بارہ چھوٹے چھوٹے ابواب قائم کیے ہیں جن میں دو بلا عنوان ہیں۔ عنوانات کی فہرست حسب ذیل ہے: ٭ مدینہ کا قابل احترام ہونا۔ ٭ مدینہ طیبہ کی فضیلت، نیز وہ برے آدمی کو نکال دیتا ہے۔ ٭ مدینہ طیبہ طابہ ہے۔ ٭ مدینہ طیبہ کے دو کنارے۔ ٭ جس نے مدینہ طیبہ سے اعراض کیا۔ ٭ ایمان مدینہ طیبہ کی طرف سمٹ آئے گا۔ ٭ اہل مدینہ کے ساتھ مکروفریب کرنے کا گناہ۔ ٭ مدینہ طیبہ کے محلات۔ ٭ مدینہ طیبہ میں دجال داخل نہیں ہو گا۔ ٭ مدینہ طیبہ خباثت کو دور کر دیتا ہے۔ ٭ مدینہ طیبہ کو بے آباد کرنے کی کراہت۔ ٭ بلا عنوان۔امام بخاری رحمہ اللہ کی بیان کردہ چھبیس احادیث میں سے چار معلق اور بائیس متصل سند سے مروی ہیں۔ ان میں نو مکرر اور باقی سترہ خالص ہیں۔ ان میں سے دو احادیث کو امام مسلم رحمہ اللہ نے بھی روایت کیا ہے۔ آخر میں امام بخاری رحمہ اللہ نے حضرت عمر رضی اللہ عنہ کا ایک اثر بیان کیا ہے جس سے اس عنوان کے حسن اختتام کی طرف اشارہ ہے۔ اللہ تعالیٰ ہم سب کا ایمان پر خاتمہ کرے۔ آمین۔ اے اللہ! ہمیں حق پہچان کر اس پر عمل کرنے کی توفیق عطا فرما۔
حضرت عمر ؓ سے روایت ہے انھوں نے یہ دعا فرمائی: اے اللہ! مجھے اپنے راستے میں شہادت نصیب فرما اور میری موت تیرے (محبوب) رسول اللہ ﷺ کے شہر میں واقع ہو۔ (امام بخاری ؒ نے اس حدیث کی مختلف اسنادذکر کی ہیں: )زید بن اسلم اپنی والدہ سے وہ حضرت حفصہ بنت عمر ؓ سے وہ اپنے باپ حضرت عمر ؓ سے بیان کر تی ہیں۔ حضرت ہشام نے حضرت زید سے، وہ ا پنے والد سے وہ حضرت حفصہ ؓ سے اور انھوں نے حضرت عمر ؓ سے یہی حدیث بیان کی۔
حدیث حاشیہ:
(1) اس دعا کا پس منظر اس طرح بیان کیا گیا ہے کہ حضرت عوف بن مالک اشجعی ؓ نے خواب میں دیکھا کہ سیدنا عمر ؓ شہید کر دیے گئے ہیں۔ انہوں نے یہ خواب حضرت عمر ؓ سے بیان کیا تو آپ نے حسرت بھرے لہجے میں کہا: مجھے شہادت فی سبیل اللہ کیونکر نصیب ہو سکتی ہے جبکہ میں جزیرۃ العرب کے درمیان رہائش پذیر ہوں؟ میں خود جہاد نہیں کرتا اور اللہ کے بندے ہر وقت میرے آس پاس رہتے ہیں۔ پھر خود ہی کہنے لگے: مجھے شہادت کیوں نہیں نصیب ہو سکتی؟ اگر اللہ نے چاہا تو مجھے انہی حالات میں وہ شہادت سے نوازے گا۔ اس کے بعد آپ نے وہ دعا کی جس کا اوپر ذکر ہوا ہے۔ آپ کی یہ دعا سن کر آپ کی صاجزادی ام المؤمنین حضرت حفصہ ؓ نے کہا: یہ کیسے ہو سکتا ہے کہ آپ فی سبیل اللہ شہید ہوں اور وہ بھی مدینے میں؟ آپ نے فرمایا: اللہ چاہے گا تو یہ دونوں باتیں ہو جائیں گی۔ (2) روایات میں یہ بھی ہے کہ حضرت عمر ؓ کی اس عجیب و غریب دعا سے لوگوں کو تعجب ہوتا تھا اور کسی کی سمجھ میں نہیں آتا تھا کہ یہ دونوں باتیں کس طرح ہو سکتی ہیں؟ لیکن بدبخت ابو لؤلؤ نے مسجد نبوی کے محراب میں آپ کو زخمی کیا تو لوگوں کو پتہ چلا کہ دعا کی قبولیت اس طرح مقدر تھی۔ اللہ تعالیٰ نے حضرت عمر ؓ کی دعا کو حرف بہ حرف قبولیت سے نوازا، چنانچہ مدینہ منورہ میں 26 ذوالحجہ 23ھ بروز بدھ نماز فجر پڑھاتے ہوئے شہید ہوئے اور رسول اللہ ﷺ کے ساتھ حجرۂ مبارکہ میں انہیں دفن کیا گیا۔ (فتح الباري:131/4) اے اللہ! ہمیں بھی اپنے محبوب کے شہر مدینہ طیبہ میں شہادت کی موت نصیب فرما۔ وما ذٰلك علی الله بعزيز وهو علی كل شئي قدير
ترجمۃ الباب:
حدیث ترجمہ:
ہم سے یحییٰ بن بکیر نے بیان کیا، کہا کہ ہم سے لیث نے بیان کیا، ان سے خالد بن یزید نے، ان سے سعید بن ابی ہلال نے، ان سے زید بن اسلم نے، ان سے ان کے والد نے اور ان سے عمر ؓ نے جو فرمایا کرتے تھے اے اللہ ! مجھے اپنے راستے میں شہادت عطا کر اور میری موت اپنے رسول ﷺ کے شہر میں مقدر کردے۔ ابن زریع نے روح بن قاسم سے، انہوں نے زید بن اسلم سے، انہوں نے اپنی والدہ سے، انہوں نے حفصہ بنت عمر ؓ سے بیان کیا کہ میں نے عمر ؓ سے اسی طرح سنا تھا، ہشام نے بیان کیا، ان سے زید نے، ان سے ان کے والد نے، ان سے حفصہ ؓ نے کہ میں نے عمر ؓ سے سنا پھر یہی حدیث روایت کی۔
حدیث حاشیہ:
اللہ پاک نے حضرت عمر فاروق ؓ کی ہر دو دعاؤں کو قبول فرمایا۔ 26 ذی الحجہ23ھ بدھ کا دن تھا کہ فجر میں آپ امامت کر رہے تھے ظالم ابو لولو مجوسی نے آپ کو زہر آلود خنجر مارا، زخم کاری تھا، چند دن بعد آپ کا انتقال ہو گیا اور یکم محرم24ھ بروز ہفتہ تدفین عمل میں آئی، اللہ پاک نے آپ کی دوسری دعا بھی اس شان کے ساتھ قبول فرمائی کہ عین حجرہ نبوی پہلوئے رسالت مآب ﷺ میں دفن کئے گئے۔ ( وذلك فضل اللہ یؤتیه من یشاء و اللہ ذو الفضل العظیم )
ترجمۃ الباب:
حدیث ترجمہ:
Narrated Zaid bin Aslam from his father (RA): Umar said, O Allah! Grant me martyrdom in Your cause, and let my death be in the city of Your Apostle."
