Sahi-Bukhari | صحیح بخاری

موضوعات

شجرۂ موضوعات

ایمان (21744)

اقوام سابقہ (2945)

سیرت (18127)

قرآن (6291)

اخلاق و آداب (9781)

عبادات (51705)

کھانے پینے کے آداب و احکام (4168)

لباس اور زینت کے مسائل (3643)

نجی اور شخصی احوال ومعاملات (6566)

معاملات (9251)

عدالتی احکام و فیصلے (3434)

جرائم و عقوبات (5051)

جہاد (5360)

علم (9478)

نیک لوگوں سے اللہ کے لیے محبت کرنا

قسم الحديث (القائل): موقوف اتصال السند: متصل قسم الحديث: قولی

‌صحيح البخاري: كِتَابُ الإِكْرَاهِ (بَابُ مَنِ اخْتَارَ الضَّرْبَ وَالقَتْلَ وَالهَوَانَ عَلَى الكُفْرِ)

حکم : أحاديث صحيح البخاريّ كلّها صحيحة

6942. حَدَّثَنَا سَعِيدُ بْنُ سُلَيْمَانَ حَدَّثَنَا عَبَّادٌ عَنْ إِسْمَاعِيلَ سَمِعْتُ قَيْسًا سَمِعْتُ سَعِيدَ بْنَ زَيْدٍ يَقُولُ لَقَدْ رَأَيْتُنِي وَإِنَّ عُمَرَ مُوثِقِي عَلَى الْإِسْلَامِ وَلَوْ انْقَضَّ أُحُدٌ مِمَّا فَعَلْتُمْ بِعُثْمَانَ كَانَ مَحْقُوقًا أَنْ يَنْقَضَّ

صحیح بخاری:

کتاب: زبردستی کام کرانے کے بیان میں

(

باب : جس نے کفر پر مار کھانے، قتل کئے جانے اور ذلت کو اختیار کیا

)

مترجم: شیخ الحدیث حافظ عبد الستار حماد (دار السلام)

6942. حضرت سعید بن زید ؓ سے روایت ہے، انہوں نے کہا: میں اپنے آپ کو دیکھتا ہوں کہ حضرت عمر بن خطاب ؓ مجھے اسلام لانے کی پاداش میں باندھ دیا کرتے تھے۔ اور اب تم نے حضرت عثمان بن عفان ؓ کے ساتھ جو برتاؤ کیا ہے اس پر اگر احد پہاڑ ٹکڑے ٹکڑے ہو جائے تو اسے ایسا ہونا ہی چاہیئے۔

تشریح:

1۔ حضرت سعید بن زید رضی اللہ تعالیٰ عنہ نے یہ ایمان افروز بات مسجد کوفہ میں ارشاد فرمائی جب حضرت عثمان رضی اللہ تعالیٰ عنہ کو مظلومانہ طور پر شہید کر دیا گیا تھا۔ حضرت عمر رضی اللہ تعالیٰ عنہ اسلام لانے سے پہلے حضرت سعید بن زید رضی اللہ تعالیٰ عنہ کے ساتھ مذکورہ سلوک کرتے تھے۔ (حٰم السجدة:30/41، 32) حضرت سعید بن زید رضی اللہ تعالیٰ عنہ اور ان کی زوجہ محترمہ حضرت فاطمہ بنت خطاب رضی اللہ تعالیٰ عنہا نے حضرت عمر رضی اللہ تعالیٰ عنہ کی طرف سے ذلت ورسوائی اور مارپیٹ کو گوارا کر لیا لیکن اسلام کا دامن ہاتھ سے نہ چھوڑا، اسی طرح حضرت عثمان رضی اللہ تعالیٰ عنہ نے باغیوں کے ہاتھوں قتل ہونا گوارا کر لیا لیکن ان کا غیر شرعی کہا نہ مانا۔ (صحیح البخاري، المناقب، حدیث 3862) واضح رہے کہ حضرت سعید بن زید رضی اللہ تعالیٰ عنہ حضرت عمر رضی اللہ تعالیٰ عنہ کے بہنوئی تھے اور ان کی زوجہ محترمہ حضرت عمر رضی اللہ تعالیٰ عنہ کی بہن تھیں۔ ان کی قراءت سن کر حضرت عمر رضی اللہ تعالیٰ عنہ کا دل موم ہوا تھا۔ حضرت سعید بن زید رضی اللہ تعالیٰ عنہ اپنے بیان سے اہل کوفہ کو شرم دلاتے ہیں کہ حضرت عمر رضی اللہ تعالیٰ عنہ تو اس وقت کافر ہونے کی وجہ سے ہم پر سختی کرتے تھے اور تم نے مسلمان ہونے کے باوجود خلیفہ راشد حضرت عثمان رضی اللہ تعالیٰ عنہ کو ان کے مکان میں بند کر دیا، پھر دشمنی اور ظلم کے طور پر انھیں شہید کر دیا۔ انھوں نے خود قتل ہونا گوارا کر لیا لیکن تمھیں قتل کرنا گوارانہ کیا۔

Sharing Link:

ترقیم کوڈ	اسم الترقيم	نام ترقیم	??? ?????? (حدیث نمبر)
١	ترقيم موقع محدّث	ویب سائٹ محدّث ترقیم	7006
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	6942
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	6429
٤	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	6942
٥	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	6543
٦	ترقيم شرکة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	6693
٧	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	6942
٨	ترقيم فؤاد عبد الباقي (دار السلام)	ترقیم فواد عبد الباقی (دار السلام)	6942
١٠	ترقيم فؤاد عبد الباقي (داود راز)	ترقیم فواد عبد الباقی (داؤد راز)	6942

کسی پر اس کی مرضی کے خلاف کوئی چیز لازم کردینا اکراہ کہلاتا ہے۔فقہاء کی اصطلاح میں اکراہ سے مرادصرف خوف یا ڈر نہیں بلکہ ایسی مجبوری ہے جس سے انسان بے بس ہوجائے۔اس کی جامع تعریف یوں کی گئی ہے:"کسی شخص کا وہ قول یا فعل جو دوسرے شخص کو اس کی خواہش اور ارادے کے خلاف کوئی کام یا بات کرنے پر مجبور کردے۔"اکراہ،جبر کرنے والے ،جس کو مجبور کیاجائے اور جس کام کے لیے جبر کیا جائے ان کے مختلف ہونے کی وجہ سے جبر بھی مختلف ہوتارہتا ہے۔اکراہ کی دو بڑی قسمیں ہیں:اکراہ تام اور اکراہ ناقص۔©۔اکراہ تام:۔جس میں انسان اس حد تک مجبور ہوجاتا ہے کہ اس کی مرضی ختم ہوجاتی ہے اور اس کا اختیار ختم ہوجاتا ہے ہے،مثلاً:قتل کرنے یا جسم کے کسی حصے کو ضائع کرنے کی دھمکی یا ایسی مارجس سے جان جانے کا خطرہ ہو۔©۔اکراہ ناقص:۔جس میں انسان اس حد تک مجبور ہوتا ہے کہ اس کی رضا تو ختم ہوجائے لیکن اس کا اختیار ختم ہونے کےبجائے فاسد ہوجائے،مثلاً:ایسی دھمکی دی جائے جس سے جان جانے یا جسم کےکسی عضو کے ضائع ہونے کا اندیشہ نہ ہو۔پھر اس اکراہ کی کچھ شرطیں ہیں۔ان میں سے چند ایک کا تعلق جبر کرنے والے شخص سے ہےاور کچھ شرطوں کا تعلق اس شخص سے ہے جسے مجبور کیا جارہا ہے چنانچہ جبر کرنے والے شخص کے لیے ضروری ہے کہ وہ اس فعل کے کرنے پر قادر ہو جس کی اس نے دھمکی دی ہے اور جس شخص کو مجبور کیا جارہا ہے اسے یقین ہو کہ دھمکی دینے والا اپنی دھمکی کے مطابق عمل کر گزرے گا،بصورت دیگر اکراہ ثابت نہیں ہوگا۔ہاں،فعل کی نوعیت اگرایسی ہو جس میں یقین سے نہ کہا جاسکے کہ دھمکی دینے والا شخص وہ کام کرگزرے گا تو ظن غالب کا اعتبار کیا جائے گا جو یقین کے قریب قریب ہوتا ہے۔پھر جس کام پر انسان کو مجبور کیا جاتا ہے اس کی دوقسمیں ہیں:مباح اور مرخص۔©۔مُبَاح:۔ اس میں وہ امور شامل ہیں جن کا ارتکاب اکراہ تام کی وجہ سے حالت اضطراب میں جائز ہوجاتا ہے،حالانکہ عام حالات میں وہ حرام ہوتے ہیں۔حالت اکراہ میں ان کا بجا لانا ضروری ہے،مثلاً:انتہائی شدت کی بھوک میں جبکہ جان جانے کا خطرہ ہوتو مردار کا گوشت کھانا یا شراب پینا وغیرہ۔©۔مرخص:۔اس میں وہ افعال داخل ہیں جن کے کرنے یا نہ کرنے دونوں کی شریعت نے اجازت دی ہے،مثلاً:کوئی اکراہ تام کی صورت میں کلمہ کفر زبان سے نکالے مگر اس کا دل ایمان پر قائم ہوتو ایسی صورت میں وہ شخص کلمہ کفر کہے یا نہ کہے شرعاً اس کا کوئی مواخذہ نہیں ہوگا،البتہ ایسے حالات میں اس کا کلمہ کفر نہ کہنا بہتر اور باعث فضیلت ہے،چنانچہ اگر کوئی مسلمان اکراہ تام کے باوجود کلمہ کفر زبان سے نہ نکالے اور قتل ہونا پسند کرے ،ایسے حالات میں اگر اسے قتل کردیا جائے تو اللہ تعالیٰ کے ہاں اجر عظیم کا حقدار ہوگا کیونکہ اس نے رخصت پر عمل کرنے کے بجائے عزیمت کو اختیار کیا ہے۔ہم دیکھتے ہیں کہ مکی دور میں جب قریش مکہ کی طرف سے مسلمانوں پر مظالم کے پہاڑ توڑے جارہے تھے اور انھیں ظلم وستم کی چکی میں پیسا جارہاتھا تو حضرت یاسر اور ان کی زوجہ محترمہ حضرت سمیہ رضی اللہ تعالیٰ عنہا نے اپنی جانوں کا نذرانہ پیش کردیالیکن کلمہ کفر زبان پر نہ لائے۔اس کے برعکس حضرت عمار بن یاسر رضی اللہ تعالیٰ عنہ نے وہ سب کچھ کہہ دیا جوکفار ان سے کہلوانا چاہتے تھے۔وہ رسول اللہ صلی اللہ علیہ وسلم کی خدمت میں حاضر ہوئے اور عرض کی:اللہ کے رسول صلی اللہ علیہ وسلم !میں نے ایسے حالات میں آپ کی ذات کو بُرا بھلا کہا اور قریش کے معبودان باطلہ کا ذکر خیر کیا۔رسول اللہ صلی اللہ علیہ وسلم نے فرمایا:"ایسے حالات میں تیرے دل کی کیا کیفیت تھی؟"انھوں نے عرض کی:میرادل پوری طرح ایمان پر مطمئن تھا۔اس پر رسول اللہ صلی اللہ علیہ وسلم نے فرمایا:"اگر وہ پھر تم سے ایسا سلوک کریں تو تمھیں اس رخصت سے فائدہ اٹھانے کی اجازت ہے۔"(المستدرک للحاکم 2/357)اسی طرح ایک آیت کریمہ میں اہل ایمان کو اہل کفر سے بے تعلق رہنے کی تلقین کی گئی ہے لیکن اگر بے تعلق رہنے سے کسی خطرے یا نقصان کااندیشہ ہوتوظاہرداری کے طور پر"دوستی" رکھنے کی اجازت ہے۔اس کے لیے جو لفظ استعمال ہوا ہے اسے ہم تقیہ سے تعبیرکرسکتے ہیں،جس کے معنی ہیں:کسی معقول عذر کی بنا پر اپنے اسلام کو چھپانا،خواہ اسلام کے عدم اظہار کی صورت میں ہویا ایمان کے منافی کردار کے اظہار کی شکل میں ہو،دونوں کی اجازت ہے۔اس کی وضاحت ہم آئندہ کریں گے۔امام بخاری رحمۃ اللہ علیہ نے اس عنوان کے تحت پہلے چند آیات پیش کرکے تمہید کو اٹھایاہے،پھر پندرہ(15) مرفوع احادیث ذکر کی ہیں جن میں تین(3) معلق اور بارہ(12) متصل سند سے مروی ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین اور تابعین رحمۃ اللہ علیہ سے مروی نو(9) آثار بھی پیش کیے ہیں،پھر ان احادیث وآثار پر سات(7) چھوٹے چھوٹے عنوانات قائم کیے ہیں،آپ نے ان احادیث سے جبرواکراہ کے متعدد مسائل واحکام بیان کیے ہیں جن کی تفصیل ہم فوائد میں بیان کریں گے ۔اللہ تعالیٰ ہمیں ہرقسم کی آزمائشوں سے بچائے،نیزمشکل اور کڑے حالات میں ثابت قدم رہنے کی توفیق دے۔آمین ایمان لانے کے بعد کفر کا راستہ اختیار کرنا ارتداد،یعنی دین اسلام سے پھر جانا ہے لیکن بعض اوقات اسباب کفر کے باوجود کسی متعین شخص کو کافر قراردینے میں کوئی رکاوٹ کھڑی ہوجاتی ہے جسے ہم مانع سے تعبیر کرتے ہیں جس کی جمع موانع ہے۔کسی کو اسباب کفر کے باوجود کافر قراردینے کے لیے متعدد موانع ہیں جن میں ایک اکراہ اور دوسرا تقیہ ہے۔یہ دونوں موانع امام بخاری رحمۃ اللہ علیہ کی پیش کردہ آیات میں بیان ہوئے ہیں۔اکراہ کے متعلق کچھ وضاحت پہلے ہوچکی ہے۔حافظ ابن حجر رحمۃ اللہ علیہ لکھتے ہیں:اکراہ یہ ہے کہ کسی پر کوئی ایسی چیز لازم کردینا جسے وہ نہ چاہتا ہو۔اس کی چار شرطیں ہیں:©۔دھمکی دینے والا اپنی دھمکی کے مطابق عمل کرنے کی طاقت رکھتا ہو اور مجبور انسان اپنا دفاع کرنے سے عاجز ہوحتی کہ وہ بھاگ کر بھی اپنی جان نہ بچاسکے۔©۔مجبور انسان کو یقین یا کم از کم ظن غالب ہو کہ اگر وہ اس کے مطابق عمل نہ کرسکا تو جبر کرنے والا اپنی دھمکی کو عملی شکل دے دے گا۔©۔اپنی دھمکی کو فوری طور پر عمل شکل دینے پر قادر ہو۔اگر اس نے یوں کہا کہ اگرتونے اب ایسا نہ کیا تو میں کل تجھے ماردوں گا توایسا انسان مجبور نہیں ہوگا۔©۔مجبور انسان سے اس قسم کا عمل ظاہر نہ ہو جو اس کے اختیار وارادے پر دلالت کرتا ہو۔(فتح الباری 12/390)اسباب کفر کے باوجود کسی کو کافر قراردینے میں دوسرا مانع"تقیہ" ہے جس کے متعلق ہم تعارفی نوٹ میں کچھ وضاحت کرآئے ہیں۔اس کی تفصیل حسب ذیل ہے:دین اسلام قبول کرنے کے بعد اسے چھپا کرنہیں رکھنا چاہیے،نیز اس کے تقاضوں کے مطابق اعلانیہ عمل کرنا چاہیے لیکن بعض مقامات پر طاغوتی طاقتیں اس قدر زور آور ہوتی ہیں کہ مسلمان وہاں کھل کر اپنے دین کا اظہار نہیں کرسکتا،بصورت دیگر اسے وہاں امتحانات اور آزمائشوں سے گزرنا اور مصائب وآلام سے دوچارہونا پڑتا ہے۔ایسےحالات میں دین اسلام کا مطالبہ ہے کہ اسے چھپانے کے بجائے اس وطن کو خیرآباد کہہ دیا جائے اور وہاں سے ہجرت کرکے رہنے کے لیے کوئی ایسی جگہ منتخب کی جائے جہاں کھل کر اپنے دین کا برملا اظہار کیا جاسکے۔لیکن بعض اوقات دین کے متعلق فتنے اور آزمائش میں مبتلا ہونے کے باوجود ہر انسان ہجرت کرنے کی پوزیشن میں نہیں ہوتا تو ایسے حالات میں اس کے لیے اپنے دین کو چھپانا اور اس کا اظہار نہ کرنا جائز ہے لیکن اسے جب بھی موقع ملے اپنے دین پر پورا عمل کرے اور اپنے قول وفعل سے کفر کی تائید سے اجتناب کرے۔اس معقول عذر کی تعین حالات وواقعات سے ہوتی ہے۔دین کوچھپانا اور اسےظاہر نہ کرنا تقیہ کہلاتا ہے اور اس کی دو قسمیں ہیں:©۔کتمان اسلام ،یعنی اسلام کو چھپانے کا تقیہ۔©۔اظہار کفر،یعنی کفر کو ظاہر کرنے کاتقیہ،چنانچہ غزوہ احزاب کے موقع پر حضرت نعیم بن مسعود رضی اللہ تعالیٰ عنہ نے مسلمانوں کی خیر خواہی اور مصلحت کے لیے یہ جنگی چال اختیار کی کہ اپنے اسلام کو چھپائے رکھا اور یہودومشرکین سے بظاہر اپنی ہمدردی اور خیرخواہی کا اظہار کیا۔یہ کتمان اسلام،یعنی اسلام کو چھپانے کا تقیہ تھا۔اسی طرح کعب بن اشرف یہودی کوقتل کرنے کے لیے حضرت محمد بن مسلمہ رضی اللہ تعالیٰ عنہ نے بظاہر کفر کا اظہار کیا اور اس کے پاس رسول اللہ صلی اللہ علیہ وسلم کی شکایت کی تاکہ وہ انھیں اپنا دوست خیال کرے اور آپ صلی اللہ علیہ وسلم سے منہ موڑنے والاسمجھے۔اس بہانے انھیں کعب بن اشرف کو راستے سے ہٹانے اوراسے قتل کرنے کا موقع میسرآیا۔امام ابوداود رحمۃ اللہ علیہ نے اس واقعے پر یہ عنوان قائم کیا ہے:(باب: في الْعَدُوِّ يُؤْتَى عَلَى غِرَّةٍ وَيُتَشَبَّهُ بِهِمْ)"دشمن کو دھوکا دینا اور اسے چکمہ دینے کے لیے ان کی مشابہت اختیار کرنا۔"(سنن ابی داؤد الجھاد رقم الباب 175)لیکن افسوس کہ ہمارے ہاں تقیہ بطور منافقت استعمال کیا جاتا ہے۔اس کے متعلق اہل سنت اور شیعہ حضرات میں ایک بنیادی فرق یہ ہے کہ شیعہ حضرات کے نزدیک واکراہ کے بغیر بھی تقیہ کرنا جائز ہے جبکہ اہل سنت کے نزدیک ایسا کرنا نفاق اورکفر ہے۔یہی وجہ ہے کہ شیعوں کے ہاں حق کو چھپانا،جھوٹ بولنا،دھوکادینا،بزدلی دکھانا اور دوغلی پالیسی پر عمل کرناعام ہے لیکن اہل سنت کا تقیہ ایسی باتوں کی تلقین نہیں کرتا بلکہ اسے کسی دینی مصلحت کے پیش نظر انتہائی مجبوری کی حالت میں اختیار کرنے کی اجازت ہے اگرچہ ایسے حالات میں بھی نظر رکھنی چاہیے کہ تقیہ کی پہلی قسم جس کا تعلق کتمان اسلام(اسلام کو چھپانے) سے ہے اس کے لیے انسان کی عاجزی اور بے بسی ہی کافی ہے۔لیکن تقیہ کی دوسری قسم میں کفر کا اظہار کیا جاتاہے اس میں ایسی مجبوری کا ہوناضروری ہے جس میں انسان بے اختیار ہوجاتاہے۔واضح رہے کہ تقیہ سے متعلقہ آیت کریمہ میں بہت سی باتیں ایسی آجاتی ہیں جو محض مومن کی صوابدید پر چھوڑدی جاتی ہیں،مثلاً:وہ خطرہ جس کے پیش نظر اس نے کتمان اسلام یا اظہار کفر کرناہے ،واقعی موجود ہے یا وہ موہوم ہے۔اگر موجود ہے تو کیا واقعی اس کی جان اورآبرو کے ضائع ہونے کا خطرہ ہے؟وہ خطرہ اس کی ذات تک محدود ہے یا دوسرے مسلمانوں کے لیے بھی باعث فتنہ بن سکتاہے،یعنی اظہار کفر کرکے اپنے آپ کو تو محفوظ کرلیتا ہے تو اس کا نقصان دوسرے مسلمانوں کوتو نہیں پہنچے گا۔ان تمام سوالوں کاجواب:(وَيُحَذِّرُكُمُ اللَّهُ نَفْسَهُ وَإِلَى اللَّهِ الْمَصِيرُ)"اللہ تمھیں اپنے آپ سے ڈراتا ہے اور اللہ کی طرف لوٹ جانا ہے۔"(آل عمران:3/28)میں پوشیدہ ہے ،یعنی اسے ایسی باتوں کا جواب اس اللہ سے ڈر کر سوچناچاہیے جس کے پاس ایک دن لوٹ کرجاناہے۔وہ دلوں کے حالات اور خیالات تک کوبھی خوب جانتاہے اوراس بات پر بھی قادر ہے کہ اگر کافر اور کفر کےڈر کے بجائے اللہ تعالیٰ کے ڈر کو مقدم رکھا جائے گا تو وہ ان کے فتنے سے بچانے کی پوری قدرت رکھتا ہے اور اس سے نکلنے کی کئی دوسری راہیں پیدا کرسکتا ہے،لہذا اللہ تعالیٰ کی دی ہوئی رعایت سے صرف اسی قدر فائدہ اٹھانا چاہیے جس کے بغیر کوئی چارہ کار نظر نہ آرہا ہو،بصورت دیگر اللہ تعالیٰ بڑی قدرت والا ہے،وہ دنیا میں بھی سزا دے سکتا ہے ،ذلیل ورسواکر سکتا ہے اورآخرت میں بھی بڑے عذاب سے دوچار کرسکتاہے۔بہرحال سنگین حالات میں اگرچہ رخصت عمل کرناجائز ہے،تاہم ایک بندہ مومن کی شان یہ ہے کہ وہ ایسے حالات میں مستقل مزاجی اور عزیمت کا مظاہرہ کرے۔ واللہ اعلم۔

حدیث ترجمہ:

حضرت سعید بن زید ؓ سے روایت ہے، انہوں نے کہا: میں اپنے آپ کو دیکھتا ہوں کہ حضرت عمر بن خطاب ؓ مجھے اسلام لانے کی پاداش میں باندھ دیا کرتے تھے۔ اور اب تم نے حضرت عثمان بن عفان ؓ کے ساتھ جو برتاؤ کیا ہے اس پر اگر احد پہاڑ ٹکڑے ٹکڑے ہو جائے تو اسے ایسا ہونا ہی چاہیئے۔

حدیث حاشیہ:

حدیث ترجمہ:

ہم سے سعید بن سلیمان نے بیان کیا، کہا ہم سے عباد نے، ان سے اسماعیل نے، انہوں نے قیس سے سنا، انہوں نے سعید بن زید ؓ سے سنا، انہوں نے بیان کیا کہ میں نے اپنے آپ کو اس حال میں پایا کہ اسلام لانے کی وجہ سے (مکہ معظمہ میں) عمر ؓ نے مجھے باندھ دیا تھا اور اب جو کچھ تم نے عثمان ؓ کے ساتھ کیا ہے اس پر اگر احد پہاڑ ٹکڑے ٹکڑے ہو جائے تو اسے ایسا ہی ہونا چاہئے۔

حدیث حاشیہ:

باب کا مطلب یوں نکلا حضرت سعید بن زید رضی اللہ عنہ اور ان کی بیوی نے ذلت و خواری مارپیٹ گوارا کی لیکن اسلام سے نہ پھرے اور حضرت عثمان رضی اللہ عنہ نے قتل گوارا کیا مگر باغیوں کا کہنا نہ مانا تو کفر پر بطریق اولیٰ وہ قتل ہو جانا گوارا کرتے۔ شہادت حضرت عثمان رضی اللہ عنہ کا کچھ ذکر پیچھے لکھا جا چکا ہے۔ حضرت سعید بن زید حضرت عمر رضی اللہ عنہ کے بہنوئی تھے۔ بہن پر غصہ کر کے اسی نیک خاتون کى قراءت قرآن سن کر ان کا دل موم ہو گیا۔ سچ ہے۔ نمی دانی کہ سوز قراءت تو دگر گوں کرد تقدیر عمر را

حدیث ترجمہ:

Narrated Qais (RA) : I heard Sa'id bin Zaid saying, "I have seen myself tied and forced by 'Umar to leave Islam (Before 'Umar himself embraced Islam). And if the mountain of Uhud were to collapse for the evil which you people had done to 'Uthman, then Uhud would have the right to do so." (See Hadith No. 202, Vol. 5)

اسم العالم	الحكم
١. إجماع علماء المسلمين	أحاديث صحيح البخاريّ كلّها صحيحة

موضوعات

المواضيع

Topics

المواضيع

موضوعات

Topics

رابطہ کریں

کتب احادیث

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

الحكم على الحديث