جامع ترمذی: كتاب: حکومت وقضاء کے بیان میں (باب: پڑوسی کی دیوارپر لکڑی رکھنے کا بیان​)

ترجمۃ الباب:

1353.

ابوہریرہ ؓ کہتے ہیں کہ میں نے رسول اللہ ﷺ کوفرماتے سنا: ’’جب تم میں سے کسی کا پڑوسی اس کی دیوارمیں لکڑی گاڑنے کی اس سے اجازت طلب کرے تو وہ اُسے نہ روکے‘‘۔ ابوہریرہ ؓ نے جب یہ حدیث بیان کی تو لوگوں نے اپنے سر جھکا لیے تو انہوں نے کہا: کیا بات ہے، میں دیکھ رہا ہوں کہ تم لوگ اس سے اعراض کررہے ہو؟ اللہ کی قسم میں اسے تمہارے شانوں پر مارکرہی رہوں گا یعنی تم سے اسے بیان کرکے ہی رہوں گا۔
امام ترمذی کہتے ہیں:
۱۔ ابوہریرہ ؓ کی حدیث حسن صحیح ہے۔
۲۔ اس باب میں ابن عباس اورمجمع بن جاریہ‬ ؓ س‬ے بھی احادیث آئی ہیں۔
۳۔ بعض اہل علم کااسی پرعمل ہے۔ شافعی بھی اسی کے قائل ہیں۔
۴۔ بعض اہل علم سے مروی ہے: جن میں مالک بن انس بھی شامل ہیں کہ اس کے لیے درست ہے کہ اپنے پڑوسی کو دیوار میں لکڑی گاڑنے سے منع کردے، پہلا قول زیادہ صحیح ہے۔