جامع ترمذی: كتاب: قربانی کے احکام ومسائل (باب: فرع اورعتیرہ کا بیان​)

ترجمۃ الباب:

1512.

ابوہریرہ ؓ کہتے ہیں کہ رسول اللہ ﷺ نے فرمایا: ’’(اسلام میں) نہ فرع ہے نہ عتیرہ، ’’فرع‘‘ جانور کا وہ پہلا بچہ ہے جو کافروں کے یہاں پیدا ہوتا تو وہ اسے (بتوں کے نام پر) ذبح کردیتے تھے‘‘۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ اس باب میں نبیشہ، مخنف بن سلیم اورابوالعشراء سے بھی احادیث آئی ہیں، ابوالعشراء اپنے والد سے روایت کرتے ہیں۔
۳۔ ’’عتیرہ‘‘ وہ ذبیحہ ہے جسے اہل مکہ رجب کے مہینہ میں اس ماہ کی تعظیم کے لیے ذبح کرتے تھے اس لیے کہ حرمت کے مہینوں میں رجب پہلا مہینہ ہے، اورحرمت کے مہینے رجب ذی قعدہ، ذی الحجہ، اورمحرم ہیں، اورحج کے مہینے شوال، ذی قعدہ اورذی الحجہ کے (ابتدائی)دس دن ہیں۔ حج کے مہینوں کے سلسلہ میں بعض صحابہ اوردوسرے لوگوں سے اسی طرح مروی ہے۔