شفع اور شفاعت مصدر ہے معنی اس کے سوال کرنا واسطے تجاوز کے جرائم و ذنوب سے اور مشفع بکسر فادہ شخص ہے کہ شعاعت قبول کرے اور بفتح فاء جس کی شفاعت قبول کی جائے اور تشفیع قبول کرنا شفاعت کا اسی سے ہے حدیث  إشْفَعْ تَشَفَّعْ یعنی شفاعت کرو تمہاری شفاعت  قبول کی جائے گی پس تشفع کا مصدر تشفیع ہے او رشفاعت پر جب الف لازم آتا ہے تو شفاعت عظمیٰ مراد ہوتی ہے چنانچہ حدیث اُعْطِيتُ الشَّفَاعَةُ میں نے شکریہ ہے شفاعت عظمیٰ کے عنایت ہونے کا ، ورنہ مطلق شفاعت عام ہے جمیع انبیاء بلکہ علماء اور شہداء کو بھی یا مراد ہے شفاعت کبائر کی کہ مخصوص ہے بخاتم رسالت کے ساتھ یا شفاعت مقبولہ کہ کبھی ردنہ ہو یا شفاعت اس کی کہ جس کے دل میں ذرہ بھر ایمان ہو اور شفاعت مطلق کئی قسم ہے یعنی سوا شفاعت کبھی رفع درجات کے لیے ہے جنت میں کبھی اسم جہنمی کے لیے بہشت میں کبھی اقامت قدم کے لیے صراط پر کبھی تکثیر حور کے لیے جنان میں اور حدیث میں ہے کہ آپ نے فرمایا اَنَا اَوَّلُ  شَافِعِ وَ اَوَّلُ مُشفِّعٍ فاء ہے یعنی میں پہلے باب شفاعت کھولنے والا ہوں اور پہلا وہ شخص ہوں جس کی شفاعت قبول کی جائے گی ،اور فرمایا آپ نے اَنَا اَوَّلُ  شَافِعٍ فِى الْجَنَّةِ مراد اس سے دخول جنت ہے یا رفع درجات جنت میں اور نزول برکات بہشت میں اور یہ جو وار ہوا ہے حدیث میں  فَيُو ذَنُ لَهُ فِى الشَّفَاعَةِ مراد اس سے مقام محمود ہے اور پہلے شفاعت اراحت اہل موقف کے لیے ہو گی ہول اور خوف قیامت سے اور اس شفاعت کے منکر معتزلہ بھی نہیں اور اسی طرح رفع درجات کے لیے جو شفاعت ہے معتزلہ کو انکار اسی شفاعت کا ہے جس میں خروج عن النار مذکور ہے اور اہل سنت کے نزدیک خروج عن النار بشفاعت انبیاء وصلحاء علی الخصوص بشفاعت سیدالانبیاء و سند الاصفیاء با سانید صحیحہ ثابت ہے اور یہ جووارد ہوا ہے حدیث میں کہ ابوطالب کو میری شفاعت   سید الانبیاء  و سندالاصفیاء باسانید صحیحہ  ثابت جیسے مفید ہے مشفع لہ ، کو ویسی ہی موجب  ثواب  و اجر ہے شفیع کو چنانچہ  وارد ہوا ہے   اِشْفَعُوْ فَلْتُوْجَروْا یعنی شفاعت کرو تا کہ اجر حاصل  ہوا اور آیۃ(مَنْ يَشْفَعْ شَفَاعَةً حَسَنَةً) بھی شاہد اس مقصود کی ہے اور شفع کے معنی لغت میں جوڑے کے ہیں چنانچہ (وَالشَّفْعِ وَالْوَتْرِ)میں یہی مراد ہے یعنی جفت اور طاق اور حدیث  أمَرَ بِلَالٌ أنْ يَّشْفَعَ ألْاذَانَ میں بھی یہی مراد ہے یعنی اذان کے کلمے دو بار کہیں اور تکبیر کے ایک ایک بار اور بعض معسرین نے کہا ہے کہ والشفع والوتر میں یوم النحر مراد ہے کہ ایام تشریق سے مل کر جفت ہو جاتا ہے اور وتر سے یوم عرفہ یا وتر سے ذات مقدس باری تعالیٰ مراد ہے کہ ثانی و نظیر اس کا مفقود ہے اور شفع سے مخلوقات کہ ہر ایک کا جفت و جوڑا موجود ہے ۔

قیامت اور قیام مصدر ہے کھڑا ہونا اور اصل اس کی قوام تھی واؤ بسبب کسرہ ما قبل کے مبدل بیاء ہوا۔

یوم القیامۃ روز رستخیز یعنی قیامت شاید اس لیے کہا  لِاَنَّ النَّاسَ يَقُوْمُوْنَ بَيْنَ يَدَىْ رَبِّهِم کہ لوگ کھڑے ہوں گے اس دن اپنے پروردگار کے آگے یا مشتق ہے قَامَتِ السُّوْقُ چونکہ اس دن بھی بازار دار وگیر گرم اور ماردھاڑ کی راہ نکلے گی اور اعمال مقوم باجر ہوں گے اور خریدار ان حورو قصور اور مشتریان نارو نور جمع ہوں گے اس لیے وہ دن مسمیٰ بقیامت ہوا یا مشتق ہے  قَامَ الْاَمْر سے جب کسی کا کام درست ہو جاتا ہے عرب کہتا ہے قَامَ الْاَمْرُہُچونکہ اس دن اہل حق کا سب کام   درست ہو جائے گا  جنت میں ان کا مقام اور روح وریحان ان کا مکان ہو جائے  گا اعداء ان کے منافی النار دشمن داخل دارالبوار   ہو جائیں گے اس لیے وہ دن معروف بیوم القیامۃ ہوا یا مشتق ہے یہ لفظ  قَامَتِ الْمَرْ أةُ تَنُوْحُ سے جب کوئی عورت نوحہ کرنے کھڑی ہوتی ہے عرب وہی کلمہ کہتا ہے چونکہ اس دن طالبان دنیا کہ مؤنثان حقیقی ہیں سر پر ہاتھ رکھ کر روئیں گے اور اپنا منہ اشک ندامت سے دھوئیں گے اس لیے یہ دن مشہور بیوم القیامۃ ہوا اسراء الفاتحہ میں ہے کہ قیامت کے ایک سو ایک نام ہیں ازا نجملہ قرآن عظیم الشان میں سے چونتیس مذکور ہیں گیارہ ناموں میں یوم کا لفظ نہیں وہ یہ ہیں ساعہ‘ حاقہ‘صاخہ‘خافضہ‘ رافعہ‘ واقعہ‘ راجفہ‘ لادفہ‘ طامہ‘ غاشیہ‘ قارعہ‘ قال اللہ تعالیٰ:

(وَيَوْمَ تَقُومُ السَّاعَةُ)( الْحَاقَّةُ مَا الْحَاقَّةُ)( فَإِذَا جَاءَتِ الصَّاخَّةُ)( خَافِضَةٌ رَافِعَةٌ)( إِذَا وَقَعَتِ الْوَاقِعَةُ)( تَرْجُفُ الرَّاجِفَةُ)( تَتْبَعُهَا الرَّادِفَةُ)( فَإِذَا جَاءَتِ الطَّامَّةُ الْكُبْرَى)( هَلْ أَتَاكَ حَدِيثُ الْغَاشِيَةِ)( الْقَارِعَةُ مَا الْقَارِعَةُ) اور تئیس ناموں میں یوم کا لفظ ہے وہ یہ ہیں : آخر ‘ازفہ‘تلاق‘تغابن ‘ تناد‘ جمع‘ حسرت‘ حساب‘ حق‘ خروج‘ خلود‘ عبوس‘ قمطریر‘ عظیم‘ عسیر‘ فصل‘ قیامت‘ معلوم‘مجموع‘ مشہور‘وعید‘ موعود‘ دین۔ قال اللہ تعالیٰ( مَنْ آمَنَ بِاللَّهِ وَالْيَوْمِ الْآخِرِ) (وَأَنْذِرْهُمْ يَوْمَ الْآزِفَةِ يَوْمَ التَّلَاقِ ) (ذَلِكَ يَوْمُ التَّغَابُنِ)( إِنِّي أَخَافُ عَلَيْكُمْ عَذَابَ)( يَوْمَ التَّنَادِ)(يَوْمَ يَجْمَعُكُمْ لِيَوْمِ الْجَمْعِ)( وَأَنْذِرْهُمْ يَوْمَ الْحَسْرَةِ)( مَا تُوعَدُونَ لِيَوْمِ الْحِسَابِ)( ذَلِكَ الْيَوْمُ الْحَقُّ)( ذَلِكَ يَوْمُ الْخُرُوجِ)( ذَلِكَ يَوْمُ الْخُلُودِ)( يَوْمًا عَبُوسًا قَمْطَرِيرًا)( أَنَّهُمْ مَبْعُوثُونَ لِيَوْمٍ عَظِيمٍ) (يَوْمٌ عَسِيرٌ عَلَى الْكَافِرِينَ غَيْرُ يَسِيرٍ) (يَوْمُ الْفَصْلِ جَمَعْنَاكُمْ)( لَا أُقْسِمُ بِيَوْمِ الْقِيَامَةِ)( إِلَى مِيقَاتِ يَوْمٍ مَعْلُومٍ)( ذَلِكَ يَوْمٌ مَجْمُوعٌ لَهُ النَّاسُ وَذَلِكَ يَوْمٌ مَشْهُودٌ)( ذَلِكَ يَوْمُ الْوَعِيدِ)( وَالْيَوْمِ الْمَوْعُودِ)( مَالِكِ يَوْمِ الدِّينِ) اور خلاصہ احوال کئی چیزیں ہیں نفخ صور اور بعث یعنی  قبروں سے اٹھنا اور حشر یعنی محشر کے میدان میں چلنا اور اطارت نامہ اعمال اور میزان اور صراط اور حوض کوثر اور شفاعت اور اعراف اور نار اور درکات اور جنت اور درجات اور تفصیل ان اشیاء کی ضمن ابواب میں مذکور ہے۔