جامع ترمذی: کتاب: آداب واحکام کا بیان (باب: عہدوپیمان کابیان​)

ترجمۃ الباب:

2826.

ابوجحیفہ ؓ کہتے ہیں کہ میں نے رسول اللہ ﷺ کو گورا چٹا دیکھا، آپﷺ پر بڑھاپا آ چلا تھا حسن بن علی ؓ (شکل وصورت میں) آپﷺ کے مشابہ تھے۔ آپﷺ نے تیرہ (۱۳) جوان اونٹنیاں ہم کو عنایت کرنے کے لیے حکم صادر فرمایا، ہم انہیں لینے کے لیے گئے ہی تھے کہ اچانک آپﷺ کے انتقال کی خبر آ گئی، چنانچہ لوگوں نے ہمیں کچھ نہ دیا، پھر جب ابوبکر ( ؓ ) نے مملکت کی ذمہ داریاں سنبھا لیں تو انہوں نے اعلان کیا کہ رسول اللہ ﷺ سے جس کسی کا بھی کوئی عہد وپیمان ہو تو وہ ہمارے پاس آئے (اورپیش کرے) چنانچہ میں اٹھ کر ان کے پاس گیا اور انہیں آپﷺ کے حکم سے آگاہ کیا، تو انہوں نے ہمیں ان اونٹنیوں کے دینے کا حکم فرمایا۔
امام ترمذی کہتے ہیں:
۱۔ یہ حدیث حسن ہے۔
۲۔ مروان بن معاویہ نے یہ حدیث اپنی سند سے ابوجحیفہ ؓ کے واسطے سے اسی طرح روایت کی ہے۔
۳۔ کئی اور لوگوں نے بھی اسماعیل بن ابوخالد کے واسطہ سے ابوجحیفہ سے روایت کی ہے، (اس روایت میں ہے) وہ کہتے ہیں: میں نے نبی اکرم ﷺ کو دیکھا ہے حسن بن علی ؓ آپ کے مشابہ تھے۔ اور انہوں نے اس سے زیادہ اور کچھ نہیں کہا۔