جامع ترمذی: كتاب: قرآن کریم کی تفسیر کے بیان میں (باب: سورہ ہودسے بعض آیات کی تفسیر​)

ترجمۃ الباب:

3109.

ابورزین ؓ کہتے ہیں کہ میں نے رسول اللہ ﷺ سے پوچھا: اللہ اپنی مخلوق کو پیدا کرنے سے پہلے کہاں تھا؟ آپﷺ نے فرمایا: ’’عماء میں تھا، نہ تو اس کے نیچے ہوا تھی نہ ہی اس کے اوپر ۔ اس نے اپنا عرش پانی پر بنایا۱؎‘‘، احمد بن منیع کہتے ہیں : (ہمارے استاد) یزید نے بتایا: عماء کا مطلب یہ ہے کہ اس کے ساتھ کوئی چیز نہ تھی۔
امام ترمذی کہتے ہیں:
۱۔ یہ حدیث حسن ہے۔
۲۔ اسی طرح حماد بن سلمہ نے اپنی روایت میں ’’وكيع بن حدس‘‘ کہا ہے اور شعبہ، ابوعوانہ اور ہشیم نے ’’وكيع بن عدس‘‘ کہا ہے اور یہی زیادہ صحیح ہے۔
۳۔ ابورزین کا نام لقیط بن عامر ہے۔