جامع ترمذی: كتاب: قرآن کریم کی تفسیر کے بیان میں (باب: سورہ نحل سے بعض آیات کی تفسیر​)

ترجمۃ الباب:

3129.

ابی بن کعب ؓ کہتے ہیں: جب اُحد کی جنگ ہوئی تو انصار کے چونسٹھ ( ۶۴) اور مہاجرین کے چھ کام آئے۔ ان میں حمزہ ؓ بھی تھے۔ کفارنے ان کا مثلہ کر دیا تھا، انصار نے کہا: اگر کسی دن ہمیں ان پر غلبہ حاصل ہوا تو ہم ان کے مقتولین کا مثلہ اس سے کہیں زیادہ کر دیں گے۔ پھر جب مکہ کے فتح کا وقت آیا تو اللہ تعالیٰ نے آیت ﴿وَإِنْ عَاقَبْتُمْ فَعَاقِبُوا بِمِثْلِ مَا عُوقِبْتُمْ بِهِ وَلَئِنْ صَبَرْتُمْ لَهُوَ خَيْرٌ لِلصَّابِرِينَ﴾۱؎ نازل فرما دی۔ ایک صحابی نے کہا: (لَا قُرَيْشَ بَعْدَ الْيَوْمِ) (آج کے بعد کوئی قریشی وریشی نہ دیکھا جائے گا)۲؎ آپﷺ نے فرمایا: ’’ (نہیں) چار اشخاص کے سوا کسی کو قتل نہ کرو‘‘۳؎۔
امام ترمذی کہتے ہیں: یہ حدیث ابی بن کعب کی روایت سے حسن غریب ہے۔