جامع ترمذی: كتاب: قرآن کریم کی تفسیر کے بیان میں (باب: سورہ احزاب سے بعض آیات کی تفسیر​)

ترجمۃ الباب:

3206.

انس بن مالک ؓ کہتے ہیں: رسول اللہ ﷺ فاطمہ‬ ؓ ‬کے دروازے کے سامنے سے چھ مہینے تک گزرتے رہے، جب فجر کے لیے نکلتے تو آپﷺ کا معمول تھا کہ آپﷺ آواز دیتے ’’(الصَّلَاةَ يَا أَهْلَ الْبَيْتِ) (اے میرے گھروالو! صلاۃ فجر کے لیے اٹھو) ﴿إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا﴾ (اللہ چاہتا ہے کہ تمہاری نجاست تم سے دور کر دے اور تمہیں پورے طور پر پاک کر دے۔)‘‘
امام ترمذی کہتے ہیں:
۱۔ یہ حدیث اس سند سے حسن غریب ہے، ہم اسے صرف حماد بن سلمہ کی روایت سے ہی جانتے ہیں،
۲۔ اس باب میں ا بوالحمراء، معقل بن یسار اور ام سلمہ ؓم سے بھی احادیث آئی ہیں۔