جامع ترمذی: كتاب: نماز کے احکام ومسائل (باب: صفوں کوسیدھی کرنے کا بیان​)

ترجمۃ الباب:

227.

نعمان بن بشیر ؓ کہتے ہیں: رسول اللہ ﷺ ہماری صفیں سیدھی کرتے تھے۔ چنانچہ ایک دن آپ نکلے تو دیکھا کہ ایک شخص کا سینہ لوگوں سے آگے نکلا ہوا ہے، آپ نے فرمایا: ’’تم اپنی صفیں سیدھی رکھو۱؎ ورنہ اللہ تمہارے درمیان اختلاف پیدا فرما دے گا‘‘۲؎۔
امام ترمذی کہتے ہیں:
۱- نعمان بن بشیر ؓ کی حدیث حسن صحیح ہے۔
۲- اس باب میں جابر بن سمرہ، براء، جابر بن عبداللہ، انس، ابو ہریرہ اور عائشہ‬ ؓ س‬ے بھی احادیث آئی ہیں۔
۳- نبی اکرم ﷺ سے یہ بھی مروی ہے کہ آپ نے فرمایا: صفیں سیدھی کرنا نماز کی تکمیل ہے۔
۴- عمر ؓ سے مروی ہے کہ وہ صفیں سیدھی کرنے کا کام کچھ لوگوں کے سپرد کردیتے تھے تو مؤذن اس وقت تک اقامت نہیں کہتا جب تک اسے یہ نہ بتا دیا جاتا کہ صفیں سیدھی ہو چکی ہیں۔
۵- علی اور عثمان ؓ سے بھی مروی ہے کہ یہ دونوں بھی اس کی پابندی کرتے تھے اور کہتے تھے: ’’اسْتَوُوا‘‘ (صف میں سیدھے ہو جاؤ) اور علی ؓ کہتے تھے: فلاں! آگے بڑھو، فلاں! پیچھے ہٹو۔