رؤیا اصل میں مصدر ہے بمعنی رؤیت کے مگر مستعمل ہوگیا ہے اس چیز کے لیے کہ دیکھی جائے خواب میں صورتوں سے، قاموس میں ہے الریاء ما رأیتہ فی منامک یعنی رؤیا  وہ ہے جو کہ دیکھے تو خواب میں اور رؤیا مقصود و مہموز ہے اور کبھی ہمزہ کو واو سے بدل کر دیتے ہیں  تخفیف کے لیے اور رؤیا میں اختلاف ہے  عقلاء کا  بسبب ایک شکال وارد کے اور وہ اشکال یہ ہے کہ نوم ضد ادراک ہے پس جو کوئی مرئی ہوتا ہے وہ کیا ہے اکثر متکلمین اشاعرہ سے اور معتزلہ اس طرف گئے ہیں کہ وہ خیال باطل ہے نہ  حقیقت  ادراک لیکن معتزلہ کہتے ہیں کہ دیکھنے کے شرائط میں مثلاً مقابلہ رائی اور مرئی  میں اور خروج شعاع  باصرہ سے اور توسطہ ہوائ شفاف کا مانند اس کی اور یہ سب مفقود ہیں منام میں پس سوائے خیالات فاسدہ اور اوہام باطلہ کے اور کچھ نہیں ۔اور شاعرہ کہتے ہیں چونکہ نوم ضد ادراک ہے اور جاری نہیں ہوئی عادت الہٰی  ساتھ خلق اور اک کے نائم میں پس جو مدرک ہوتا ہے حقیقت ادراک نہیں بلکہ ایک چیز ہے مشابہ ادراک اور یہ مراد نہیں کہ رؤیا صحیح نہیں یا اعتبار اس کا کچھ نہیں۔ اس لیے کہ صحت پر رؤیا صالحہ کے اور حقیقت پراس کے اجماع اہل حق منعقد ہے پس گویا وہ کہتے ہیں کہ رؤیا حقیقت اور اک نہیں ہے ولیکن باوجود اس کےثبوت رکھتا ہے اور اس کی تعبیر اور اولیٰ یہ ہے کہ لفظ باطل رؤیا کی حق میں نہ کہیں بلکہ بجائے اس کے محض یا صرف کا استعمال کریں او اولیٰ ہے اور ابواسحاق  اسفرانی نے کہا ہے کہ رؤیا اور اک ہے حقیۃً بے شبہ اس لیے کہ کچھ فرق نہیں اس چیز میں جو پاتا ہے نائم نوم میں اور مستقیظ میں ادراکات سے پس تشکیک ادراک نائم میں مستلزم ہے وقوع شک کو ادراک مستقیظ میں اور یہ مستلزم ہے انکار  بد یہی کو اور استاد مذکور بھی قائل ہے کہ نوم ضد ادراک ہے مگر کہتا ہے نوم قائم ہے بعض ا جزائے انسان سے ،اور ادراک قائم  ہےبعض دوسرے ساتھ اس کے اجزاء سے اس لیے اجتماع ضدین مقام واحد میں لازم نہ آیا۔کذافی شرح المواقف و شرحہ اور طیبی نے کہا ہے حقیقت رؤیا کی پیدا کرنا ہے حق تعالیٰ کا دل نائم میں علوم و ادراکات کو جیسا کہ پیدا کرنا ہے اس کا دل یقظان میں اور وہ اللہ تعالیٰ خالق ہے علوم و ادراکات کانہ یہ کہ یقظہ موجب اس کا نہ نوم مانع اس کا خلق ان ادراکات کا نائم میں علامت اس کی دوسرے امور ہیں کہ عارض ہوتے ہیں ثانی الحال میں حیسے کہ تعبیر اس کی ہے اور خواب مانند ابرکے ہے کہ دلیل ہے باران کی اور اس قول کی رو سے رویاء حقیقت اور اک ہے اور نوم اور ادراک میں ضدیت نہیں ،اوفقیر یعنی مترجم کے نزدیک یہی قول کتاب و سنت سے قریب تر معلوم ہوتا ہے ۔شرح مشکوٰۃ