جامع ترمذی: كتاب: مسنون ادعیہ واذکار کے بیان میں (باب: نبی اکرمﷺکے 'یا مقلب القلوب ...' بکثرت پڑھنے کابیان​)

ترجمۃ الباب:

3522.

شہر بن حوشب کہتے ہیں کہ میں نے ام سلمہ‬ ؓ س‬ے پوچھا: ام المومنین ؓ! جب رسول اللہ ﷺ کا قیام آپ کے یہاں ہوتا تو آپﷺ کی زیادہ تر دعا کیا ہوتی تھی؟ انہوں نے کہا: آپﷺ زیادہ تر: (يَا مُقَلِّبَ الْقُلُوبِ ثَبِّتْ قَلْبِي عَلَى دِينِكَ)۱؎  پڑھتے تھے، خود میں نے بھی آپﷺ سے پوچھا اے اللہ کے رسولﷺ! آپﷺ اکثر یہ دعا: (يَامُقَلِّبَ الْقُلُوبِ ثَبِّتْ قَلْبِي عَلَى دِينِكَ) کیوں پڑھتے ہیں؟ آپﷺ نے فرمایا: ’’اے ام سلمہ! کوئی بھی شخص ایسا نہیں ہے جس کا دل اللہ کی انگلیوں میں سے اس کی دوانگلیوں کے درمیان نہ ہو، تو اللہ جسے چاہتا ہے (دین حق پر) قائم و ثابت قدم رکھتا ہے اور جسے چاہتا ہے اس کا دل ٹیڑھا کر دیتا ہے‘‘ پھر ( راوی حدیث) معاذ نے آیت: ﴿رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا﴾۲؎  پڑھی۔
امام ترمذی کہتے ہیں:
۱۔ یہ حدیث حسن ہے۔
۲۔ اس باب میں عائشہ، نواس بن سمعان، انس، جابر، عبداللہ بن عمرو اور نعیم بن عمار ؓ سے بھی احادیث آئی ہیں۔