جامع ترمذی: كتاب: روزے کے احکام ومسائل (باب: افطارمیں جلدی کرنے کا بیان​)

ترجمۃ الباب:

702.

ابو عطیہ کہتے ہیں کہ میں اور مسروق دونوں ام المومنین عائشہ‬ ؓ ک‬ے پاس گئے، ہم نے عرض کیا: ام المومنین! صحابہ میں سے دو آدمی ہیں، ان میں سے ایک افطار جلدی کرتا ہے اور نماز۱؎ بھی جلدی پڑھتا ہے اور دوسرا افطار میں تاخیر کرتا ہے اور نماز بھی دیر سے پڑھتا ہے۲؎ انہوں نے کہا: وہ کون ہے جو افطار جلدی کرتا ہے اور نماز بھی جلدی پڑھتا ہے، ہم نے کہا: وہ عبداللہ بن مسعود ہیں، اس پر انہوں نے کہا: رسول اللہ ﷺ اسی طرح کرتے تھے اور دوسرے ابو موسیٰ ہیں۔
امام ترمذی کہتے ہیں:
۱- یہ حدیث حسن صحیح ہے۔
۲- ابو عطیہ کا نام مالک بن ابی عامر ہمدانی ہے اور انہیں ابن عامر ہمدانی بھی کہا جاتا ہے۔ اور ابن عامر ہی زیادہ صحیح ہے۔