التخريج

قسم الحديث (القائل): مرفوع ، اتصال السند: متصل ، قسم الحديث: قولی

سنن ابن ماجه: كِتَابُ السُّنَّةِ (بَابُ فَضْلُ الْحَسَنِ وَالْحُسَيْنِ ابْنَيْ عَلِيِّ بْنِ أَبِي طَالِبٍؓ)

حکم : صحیح 

142. حَدَّثَنَا أَحْمَدُ بْنُ عَبْدَةَ قَالَ: حَدَّثَنَا سُفْيَانُ بْنُ عُيَيْنَةَ، عَنْ عُبَيْدِ اللَّهِ بْنِ أَبِي يَزِيدَ، عَنْ نَافِعِ بْنِ جُبَيْرٍ، عَنْ أَبِي هُرَيْرَةَ، أنّ النَّبِيِّ صَلَّى اللهُ عَلَيْهِ وَسَلَّمَ قَالَ لِلْحَسَنِ: «اللَّهُمَّ إِنِّي أُحِبُّهُ فَأَحِبَّهُ، وَأَحِبَّ مَنْ يُحِبُّهُ» ، قَالَ: وَضَمَّهُ إِلَى صَدْرِهِ

مترجم:

142.

حضرت ابو ہریرہ ؓ سے روایت ہے، نبی ﷺ نے حضرت حسن ؓ کے متعلق فرمایا: ’’اے اللہ! میں اس سے محبت رکھتا ہوں تو بھی اس سے محبت رکھ، اور جو اس سے محبت کرے اس سے بھی محبت کرے۔‘‘ حضرت ابو ہریرہ ؓ نے فرمایا: آپ ﷺ نے انہیں سینے سے لگایا۔

×
حدیث ترجمہ:

ابوہریرہ ؓ کہتے ہیں کہ نبی اکرم ﷺ نے حسن ؓ کے بارے میں فرمایا: ”اے اللہ! میں اس سے محبت کرتا ہوں تو بھی اس سے محبت کر، اور اس سے بھی محبت کر جو اس سے محبت کرے“ ۱؎ ۔ ابوہریرہ ؓ کہتے ہیں کہ یہ فرما کر آپ ﷺ نے ان کو اپنے سینے سے لگا لیا۔

حدیث حاشیہ:

۱؎ : حسن رضی اللہ عنہ سے محبت اور دوستی کا تقاضہ یہ ہے کہ ایک مسلمان نبی اکرم ﷺ کی سنت پر جان دے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم148
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)142
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)139
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)142
٥. ترقيم الأعظمي (برنامج الكتب التسعة)ترقیم اعظمی (کتب تسعہ پروگرام)129
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)148
٧. ترقيم دار الرّسالة العالمية (جامع خادم الحرمين للسنة النبوية)ترقیم دار الرسالہ العالمیہ (خادم الحرمین الشریفین حدیث ویب سائٹ)142
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)142

الحكم على الحديث

×
اسم العالمالحكم
١. فضيلة الشيخ الإمام محمد ناصر الدين الألبانيصحیح
٢. فضيلة الشيخ العلّامة شُعيب الأرناؤوطإسناده صحيح
٣. مجلس علمي (دار الدّعوة، دهلي)صحيح
٤. فضيلة الشيخ حافظ زبير علي زئيأخرجه البخاري

تمہید باب

×

٭ حضرت حسن بن علی ﷜: پیدائش اور نام و نسب: حسن بن علی بن ابوطالب بن عبدالمطلب بن ہاشم بن عبد مناف قریشی ہاشمی۔ آپ کی کنیت ابو محمد ہے۔ آپ رسول اللہ ﷺ کے لاڈلے نواسے، فاطمۃ الزہراء کے چہیتے بیٹے اور علی حیدر کے قابل سپوت ہیں۔ نبی اکرم ﷺ نے آپ کا نام حسن اور کنیت ابو محمد رکھی۔ 3 ہجری میں 15 رمضان المبارک کو پیدا ہوئے اور تقریبا 46 برس کی عمر مبارک گزار کر 49 ہجری میں فوت ہوئے۔ آپ کی موت کا سبب یہ بیان کیا جاتا ہے کہ آپ کی بیوی جعدہ بنت اشعث نے آپ کو زہر پلا دیا تھا جس سے تقریبا 40 روز آپ کا خون پیشاب کے رستے خارج ہوتا رہا۔ بالآخر اسی مرض سے وفات پا گئے۔ حجرت سعید بن عاص ﷜ نے نماز جنازہ پڑھائی اور بقیع الغرقد (جنت البقیع) میں آپ کو دفن کیا گیا۔حضرت فضل بن دکین بیان کرتے ہیں کہ جب حضرت حسن ﷜ کی بیماری شدت اختیار کر گئی تو آپ پریشان ہو گئے۔ اسی اثنا میں ایک آدمی آپ کی خدمت میں حاضر ہوا اور آپ کو تسلی دیتے ہوئے کہا: اے ابومحمد! یہ کیسی پریشانی ہے؟ آپ اس دنیا سے رخصت ہوتے ہی اپنے عزیز والدین حضرت علی و فاطمہ ؓ  کو جا ملیں گے۔ اپنے نانا نبی اکرم ﷺ اور نانی خدیجہ ؓ سے ملاقات کریں گے۔ اپنے چچاؤں حضرت حمزہ اور حضرت جعفر کے پاس جاؤ گے، اپنے ماموں قاسم، طیب اور ابراہیم کی زیارت کرو گے، اپنی خالاؤں رقیہ، ام کلثوم اور زینب کا دیدار کرو گے۔ (لہذا یہ پریشانی نہیں ہونی چاہیے) یہ سن کر آپ کا غم جاتا رہا اور آپ کی طبیعت خوش ہو گئی۔٭ حضرت حسین بن علی ؓ : پیدائش اور نام و نسب: حسین بن علی بن ابوطالب بن عبدالمطلب بن ہاشم بن عبدمناف قریشی ہاشمی۔آپ رسول اکرم ﷺ کے چہیتے نواسے، فاطمۃ الزہرا کے لاڈلے بیٹے، حسن ﷜ کے محبوب بھائی اور جنتی نوجوانوں کے سردار ہیں۔ آپ کی کنیت ابو عبداللہ ہے۔ آپ 14 ہجری میں پیدا ہوئے۔ آپ نبی کریم ﷺ کے سینے سے لے کر باقی بدن میں مشابہ تھے جبکہ حضرت حسن آپ سے سر سے سینے تک مشابہ تھے۔ کوفیوں کی غداری کی وجہ سے آپ 61 ہجری میں ماہ محرم میں جمعہ کے روز شہید کر دیے گئے۔

تمہید کتاب

×

تمہید باب عربی

×

تمہید کتاب عربی

×