سنن ابو داؤد: کتاب: وتر کے فروعی احکام و مسائل (باب: آیت الکرسی کی فضیلت)

ترجمۃ الباب:

1460.

سیدنا ابی بن کعب ؓ نے کہا کہ رسول اللہ ﷺ نے ان سے پوچھا: ”اے ابو منذر! تمہیں کتاب اللہ میں سے کون سی آیت یاد ہے؟“ میں نے عرض کیا: اللہ اور اس کے رسول بہتر جانتے ہیں۔ آپ ﷺ نے (پھر) فرمایا: اے ابو منذر! تمہیں کتاب اللہ میں سے کون سی آیت یاد ہے جو سب سے اعظم ہو؟“ میں نے عرض کیا: «لَا إِلَهَ إِلَّا هُوَ الْحَيُّ الْقَيُّومُ» اس پر آپ ﷺ نے میرے سینے میں مارا اور فرمایا: ”اے ابو منذر! تمہیں علم مبارک ہو۔“