سنن ابو داؤد: کتاب: ان چیزوں کی تفصیل جن سے نماز ٹوٹ جاتی ہے اور جن سے نماز نہیں ٹوٹتی (باب: کس چیز(کے گزرنے)سے نماز ٹوٹ جاتی ہے؟)

ترجمۃ الباب:

707.

سعید بن غزوان اپنے والد سے روایت کرتے ہیں کہ انہوں نے حج کو جاتے ہوئے تبوک میں پڑاؤ کیا۔ اس نے ایک لنجا آدمی دیکھا (جو چل نہ سکتا تھا) اس نے اس کی کیفیت پوچھی تو اس نے کہا میں تمہیں بتاتا ہوں مگر جب تک تجھے یہ معلوم رہے کہ میں زندہ ہوں کسی کو بتانا نہیں۔ رسول اللہ ﷺ تبوک میں ایک کھجور تلے پڑاؤ کیے ہوئے تھے- آپ ﷺ نے فرمایا ”یہ ہمارا قبلہ ہے۔“ پھر آپ ﷺ اس کی طرف نماز پڑھنے لگے، چنانچہ میں بھاگتا ہوا آیا جب کہ میں لڑکا ہی تھا، حتیٰ کہ آپ ﷺ کے اور آپ ﷺ کے سترے کے درمیان میں سے گزر گیا۔ آپ ﷺ نے کہا: ”اس نے ہماری نماز توڑی اللہ اس کے قدم توڑ دے۔“ چنانچہ اس دن سے آج تک میں ان پر کھڑا نہیں ہو سکا ہوں۔