التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الطَّلَاقِ (بَابُ وُجُوبِ الْكَفَّارَةِ عَلَى مَنْ حَرَّمَ امْرَأَتَهُ، وَلَمْ يَنْوِ الطَّلَاقَ)

حکم : صحیح

ترجمة الباب:

1473 .   وحَدَّثَنَا زُهَيْرُ بْنُ حَرْبٍ، حَدَّثَنَا إِسْمَاعِيلُ بْنُ إِبْرَاهِيمَ، عَنْ هِشَامٍ يَعْنِي الدَّسْتَوَائِيَّ، قَالَ: كَتَبَ إِلَيَّ يَحْيَى بْنُ أَبِي كَثِيرٍ، يُحَدِّثُ عَنْ يَعْلَى بْنِ حَكِيمٍ، عَنْ سَعِيدِ بْنِ جُبَيْرٍ، عَنِ ابْنِ عَبَّاسٍ، أَنَّهُ كَانَ يَقُولُ فِي الْحَرَامِ: «يَمِينٌ يُكَفِّرُهَا»، وَقَالَ ابْنُ عَبَّاسٍ: {لَقَدْ كَانَ لَكُمْ فِي رَسُولِ اللهِ أُسْوَةٌ} [الأحزاب: 21] حَسَنَةٌ

صحیح مسلم:

کتاب: طلاق کے احکام ومسائل

 

تمہید کتاب  (

باب: جس نے اپنی بیوی کو حرام ٹھہرالیااور طلاق کی نیت نہ کی اس پرکفارہ واجب ہے

)  

مترجم: ١. الشيخ محمد يحيىٰ سلطان محمود جلالبوري (دار السّلام)

1473.   ہشام، یعنی دستوائی (کپڑے والے) سے روایت ہے، انہوں نے کہا: مجھے یحییٰ بن کثیر نے یعلیٰ بن حکیم سے حدیث بیان کرتے ہوئے لکھ بھیجا، انہوں نے سعید بن جبیر سے اور انہوں نے حضرت ابن عباس رضی اللہ تعالیٰ عنہما سے روایت کی، وہ (بیوی کو اپنے اوپر) حرام کرنے کے بارے میں کہا کرتے تھے: یہ قسم ہے جس کا وہ کفارہ دے گا۔ اور حضرت ابن عباس رضی اللہ تعالیٰ عنہما نے کہا: یقیناً تمہارے لیے رسول اللہ صلی اللہ علیہ وسلم (کی زندگی) میں بہترین نمونہ ہے۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 3745
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 1473
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 2692
٤ ترقيم فؤاد عبد الباقي (برنامج الكتب التسعة) ترقیم فواد عبد الباقی (کتب تسعہ پروگرام) 1473
٦ ترقيم شرکة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 3683
٧ ترقيم دار إحیاء الکتب العربیة (جامع خادم الحرمين للسنة النبوية) ترقیم دار احیاء الکتب العربیہ (خادم الحرمین الشریفین حدیث ویب سائٹ) 1473
٨ ترقيم دار السلام ترقیم دار السلام 3676
ترجمۃ الباب:


حدیث ترجمہ:

ہشام، یعنی دستوائی (کپڑے والے) سے روایت ہے، انہوں نے کہا: مجھے یحییٰ بن کثیر نے یعلیٰ بن حکیم سے حدیث بیان کرتے ہوئے لکھ بھیجا، انہوں نے سعید بن جبیر سے اور انہوں نے حضرت ابن عباس رضی اللہ تعالیٰ عنہما سے روایت کی، وہ (بیوی کو اپنے اوپر) حرام کرنے کے بارے میں کہا کرتے تھے: یہ قسم ہے جس کا وہ کفارہ دے گا۔ اور حضرت ابن عباس رضی اللہ تعالیٰ عنہما نے کہا: یقیناً تمہارے لیے رسول اللہ صلی اللہ علیہ وسلم (کی زندگی) میں بہترین نمونہ ہے۔
ترجمۃ الباب:


حدیث ترجمہ:

حضرت ابن عباس رضی اللہ تعالیٰ عنہما سے روایت ہے کہ بیوی کو کہنا تو مجھ پر حرام ہے، قسم ہے، اس پر قسم کا کفارہ ہے۔ اور ابن عباس رضی اللہ تعالیٰ عنہما نے کہا: تمہارے لیے رسول اللہ صلی اللہ علیہ وسلم کی زندگی میں بہترین نمونہ ہے۔
حدیث حاشیہ:

فوائد ومسائل

1۔ اگر کوئی انسان اپنی بیوی کو کہتا ہے تو مجھ پر حرام ہے، اس میں فقہاء کا بہت اختلاف ہے۔
    (1) امام شافعی رحمۃ اللہ علیہ کے نزدیک اگر اس نے طلاق یا ظہار کی نیت کی تو اس کو نیت پر محمول کیا جائے گا۔ اور اگر طلاق یا ظہار کی نیت کے بغیراس عورت کو حرام قرار         دیا تو یہ اگرچہ قسم نہیں ہے لیکن اس لفظ پر قسم کا کفارہ ادا کرنا ہو گا، اگر کوئی نیت ہی نہیں کی اوریہ لفظ کہا تو امام شافعی کے صحیح قول کے مطابق اسے قسم کا کفارہ دیناہوگا۔     (2) دوسراقول یہ ہے کہ یہ لفظ لغو ہے اور اس پر کوئی شرعی حکم مرتب نہیں ہو گا۔ 
2۔ امام مالک کا مشہور قول یہ ہے کہ اس لفظ سے تین طلاقیں واقع ہو جائیں گیں۔ عورت مدخولہ ہو یا غیر مدخولہ، لیکن اگر اس نے تین سے کم کی نیت کی ہے تو صرف غیر مدخولہ کے بارے میں اس کی نیت کا اعتبار ہو گا۔ حضرت علی رضی اللہ تعالیٰ عنہ کا بھی یہی قول ہے۔
3۔ حنابلہ کے نزدیک ایک قول کے مطابق ظہار ہے دوسرے قول کے مطابق یہ تین طلاقیں ہیں۔ تیسرے قول کے مطابق اگر بغیر کسی نیت کے کہا تو قسم ہے، اگر طلاق یا ظہار کی نیت کے مطابق عمل ہو گا۔
4۔ احناف کے نزدیک اس سے نیت کے بارے میں پوچھا جائے گا، اگر نیت ایلاء یا ظہار یا ایک بائنہ طلاق یا تین طلاقوں کی تو نیت کا اعتبار ہو گا۔ اگر کوئی نیت نہ کی تو متقدمین احناف کے نزدیک ایلاء ہو گا اور متأخّرین کے نزدیک طلاق بائنہ ہو گی اور اس پر فتوی ہے اگر اس نے کہا میں نے یہ لفظ جھوٹ موٹ کہا تھا تو اس کی بات کا اعتبار نہیں ہو  گا۔ متقدمین احناف کے نزدیک یہ ایلاء تھا اور متاخرین اس کو طلاق بائنہ قراردیتے ہیں اور اگر اس نے دو طلاقوں کی نیت کی۔ تو یہ ایک بائنہ طلاق ہو گی لیکن امام زفر کے نزدیک دونوں واقع ہو جائیں گی۔
5۔ امام شعبی رحمۃ اللہ علیہ اور امام مسروق کے نزدیک یہ کلام اس طرح لغو ہے جس طرح امام مالک رحمۃ اللہ علیہ، امام شافعی رحمۃ اللہ علیہ بلکہ جمہور کے نزدیک یہ کہنا لغو ہے کہ یہ کھانا مجھ پر حرام ہے یا یہ پانی یا کپڑا حرام ہے، اس کا کوئی اثر نہیں ہے۔ اس طرح امام نووی رحمۃ اللہ علیہ نے چودہ مذاہب بیان کیے ہیں چونکہ سورۃ تحریم کی آیت حرمت شہد کے بارے میں نازل ہوئی اور اس میں سے ﴿قَدْ فَرَضَ اللَّهُ لَكُمْ تَحِلَّةَ أَيْمَانِكُمْ﴾ (بے شک اللہ نے تمھارے لیے تمھاری قسموں کا کفارہ مقرر کردیا ہے) اس سے حضرت ابن عباس رضی اللہ تعالیٰ عنہ کے مؤقف کی تائید ہوتی ہے۔
ترجمۃ الباب:


حدیث ترجمہ:

Ibn Abbas (RA) reported about (declaring of one's woman) unlawful as an oath which must be atoned, and Ibn 'Abbas said: Verily, there is in the Messenger of Allah (ﷺ) a model pattern for you.

الحكم على الحديث

اسم العالمالحكم
١. إجماع علماء المسلمينأحاديث صحيح مسلم كلها صحيحة