التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْقَسَامَةِ وَالْمُحَارِبِينَ وَالْقِصَاصِ وَالدِّيَاتِ (بَابُ ثُبُوتِ الْقِصَاصِ فِي الْقَتْلِ بِالْحَجَرِ وَغَيْرِهِ مِنَ الْمُحَدَّدَاتِ، وَالْمُثَقَّلَاتِ، وَقَتْلِ الرَّجُلِ بِالْمَرْأَةِ)

حکم : صحیح

ترجمة الباب:

1672 .   حَدَّثَنَا مُحَمَّدُ بْنُ الْمُثَنَّى، وَمُحَمَّدُ بْنُ بَشَّارٍ، وَاللَّفْظُ لِابْنِ الْمُثَنَّى، قَالَا: حَدَّثَنَا مُحَمَّدُ بْنُ جَعْفَرٍ، حَدَّثَنَا شُعْبَةُ، عَنْ هِشَامِ بْنِ زَيْدٍ، عَنْ أَنَسِ بْنِ مَالِكٍ، أَنَّ يَهُودِيًّا قَتَلَ جَارِيَةً عَلَى أَوْضَاحٍ لَهَا، فَقَتَلَهَا بِحَجَرٍ، قَالَ: فَجِيءَ بِهَا إِلَى النَّبِيِّ صَلَّى اللهُ عَلَيْهِ وَسَلَّمَ، وَبِهَا رَمَقٌ، فَقَالَ لَهَا: «أَقَتَلَكِ فُلَانٌ؟» فَأَشَارَتْ بِرَأْسِهَا أَنْ لَا، ثُمَّ قَالَ لَهَا الثَّانِيَةَ، فَأَشَارَتْ بِرَأْسِهَا أَنْ لَا، ثُمَّ سَأَلَهَا الثَّالِثَةَ، فَقَالَتْ: نَعَمْ، وَأَشَارَتْ بِرَأْسِهَا، «فَقَتَلَهُ رَسُولُ اللهِ صَلَّى اللهُ عَلَيْهِ وَسَلَّمَ بَيْنَ حَجَرَيْنِ

صحیح مسلم:

کتاب: قتل کی ذمہ داری کی تعیین کے لیے اجتماعی قسموںاور لوٹ ےمار کرنے والوں(کی سزا)قصاص اور دیت کے مسائل

 

تمہید کتاب  (

باب: پتھراور دوسری تیز دھار اور بھاری اشیاء سے قتل کرنے کی صورت میں قصاص اور عورت کے بدلے میں مرد کو قتل کرنے کا ثبوت

)  

مترجم: ١. الشيخ محمد يحيىٰ سلطان محمود جلالبوري (دار السّلام)

1672.   بن جعفر نے کہا: ہمیں شعبہ نے ہشام بن زید سے حدیث بیان کی، انہوں نے حضرت انس بن مالک ‬ رضی اللہ تعالی عنہ سے روایت کی کہ ایک یہودی نے ایک لڑکی کو اس کے زیورات (حاصل کرنے) کی خاطر مار ڈالا، اس نے اسے پتھر سے قتل کیا، کہا: وہ نبی ﷺ کے پاس لائی گئی اور اس میں زندگی کی رمق موجود تھی تو آپ ﷺ نے (ایک یہودی کا نام لیتے ہوئے) اس سے پوچھا: ’’کیا تجھے فلاں نے مارا ہے؟‘‘ اس نے اپنے سر سے نہیں کا اشارہ کیا، پھر آپ ﷺ نے اس سے دوسری بار (دوسرا نام لیتے ہوئے) پوچھا: تو اس نے اپنے سر سے نہیں کا اشارہ کیا، پھر آپ ﷺ نے اس سے (تیسرا نام لیتے ہوئے) تیسری بات پوچھا: تو اس نے کہا: ہاں، اور اپنے سر سے اشارہ کیا، اس پر رسول اللہ ﷺ نے اسے (ملوث یہودی کو اس کے اقرار کے بعد، حدیث: 4365) دو پتھروں کے درمیان قتل کروا دیا۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 4459
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 1672
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 3165
٤ ترقيم فؤاد عبد الباقي (برنامج الكتب التسعة) ترقیم فواد عبد الباقی (کتب تسعہ پروگرام) 1672
٦ ترقيم شركة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 4393
٧ ترقيم دار إحیاء الکتب العربیة (جامع خادم الحرمين للسنة النبوية) ترقیم دار احیاء الکتب العربیہ (خادم الحرمین الشریفین حدیث ویب سائٹ) 1672
٨ ترقيم دار السلام ترقیم دار السلام 4361
ترجمۃ الباب:


حدیث ترجمہ:

بن جعفر نے کہا: ہمیں شعبہ نے ہشام بن زید سے حدیث بیان کی، انہوں نے حضرت انس بن مالک ‬ رضی اللہ تعالی عنہ سے روایت کی کہ ایک یہودی نے ایک لڑکی کو اس کے زیورات (حاصل کرنے) کی خاطر مار ڈالا، اس نے اسے پتھر سے قتل کیا، کہا: وہ نبی ﷺ کے پاس لائی گئی اور اس میں زندگی کی رمق موجود تھی تو آپ ﷺ نے (ایک یہودی کا نام لیتے ہوئے) اس سے پوچھا: ’’کیا تجھے فلاں نے مارا ہے؟‘‘ اس نے اپنے سر سے نہیں کا اشارہ کیا، پھر آپ ﷺ نے اس سے دوسری بار (دوسرا نام لیتے ہوئے) پوچھا: تو اس نے اپنے سر سے نہیں کا اشارہ کیا، پھر آپ ﷺ نے اس سے (تیسرا نام لیتے ہوئے) تیسری بات پوچھا: تو اس نے کہا: ہاں، اور اپنے سر سے اشارہ کیا، اس پر رسول اللہ ﷺ نے اسے (ملوث یہودی کو اس کے اقرار کے بعد، حدیث: 4365) دو پتھروں کے درمیان قتل کروا دیا۔
حدیث حاشیہ:

فوائد و مسائل:

یہ رسول اللہ ﷺ کا اپنا فیصلہ نہ تھا، اللہ تعالی کا حکم تھا جس پر عمل درآمد کروایا۔ یہود کی شریعت میں بھی یہی سزا تھی (المائدہ: 5: 45) اللہ تعالی نے قرآن مجید میں مسلمانوں کو بھی اسی کا حکم دیا ہے: ﴿فَمَنِ اعْتدٰی عَلَیْکُمْ فَاعْتَدَوا عَلَیْهِ بِمِثْلِ مَا اعَتَدٰي عَلَيْكُمْ﴾ ’’پس جو تم پر زیاتی کرے تو تم اس پر زیادتی کرو، اس کی مثل جو تم پر زیادتی کی ہے‘‘ (البقرة: 194:2) 
ترجمۃ الباب:


حدیث ترجمہ:

حضرت انس ‬ رضی اللہ تعالی عنہ سے روایت ہے کہ ایک یہودی نے چاندی کے زیورات کی خاطر ایک لڑکی کو مار ڈالا، اسے پتھر سے مارا، اس لڑکی کو نبی اکرم صلی اللہ علیہ وسلم کے پاس لایا گیا، کیونکہ ابھی اس میں زندگی کے آثار تھے، جان نہیں نکلی تھی، تو آپ صلی اللہ علیہ وسلم نے اس سے پوچھا: ’’کیا تجھے فلاں نے قتل کیا ہے؟‘‘ اس نے سر کے اشارے سے بتایا، نہیں، پھر آپ صلی اللہ علیہ وسلم نے دوبارہ (کسی اور کے بارے میں) پوچھا، تو اس نے سر سے اشارہ کیا، کہ نہیں، پھر آپﷺ نے تیسری بار سوال کیا، تو اس نے سر کے اشارے سے کہا، ہاں۔ تو آپ صلی اللہ علیہ وسلم نے اسے دو پتھروں کے درمیان (سر رکھ کر) قتل کروا دیا (کیونکہ اس نے قتل کا اعتراف کر لیا تھا)۔
حدیث حاشیہ:

مفردات الحدیث

(1) اوضاح،وضح کی جمع ہے، یہ چاندی کے زیورات کی ایک قسم ہے۔
(2) رمق: زندگی کا آخری حصہ یا آخری سانس۔

فوائد ومسائل

(1) اس حدیث سے معلوم ہوتا ہے، اہل شر و فساد پر نظر رکھنی چاہیے، اور شر و فساد کی صورت میں قرائن کی موجودگی کی بناء پر ان سے پوچھ گچھ بھی ہو سکتی ہے، لیکن اقرار جرم کے بغیر انہیں مجرم قرار نہیں دیا جا سکتا، الا یہ کہ شہادت سے جرم ثابت ہو جائے، اور یہ بھی معلوم ہوتا ہے، قابل فہم اشارہ معتبر اور قابل اعتماد ہے، اس حدیث سے استدلال کرتے ہوئے، مالکیہ نے یہ کہا ہے، اگر مقتول، موت سے پہلے قاتل کی نشاندہی کر دے، اور اس پر زخم کے نشان موجود ہوں تو اس کا یہ دعویٰ، اس بات کا قرینہ اور علامت ہو گا، کہ اس میں اس قاتل کا دخل ہے اس لیے یہ دعویٰ قسامہ کا سبب بنے گا، اگر اولیائے مقتول اس قاتل کے ہی قاتل ہونے کی قسم اٹھائیں اور قتل عمد کا دعویٰ کریں، تو اس سے قصاص لیا جائے گا، لیکن جمہور کے نزدیک، محض مرنے والے کے دعویٰ کو بینہ قرار نہیں دیا جا سکتا، یہاں مقتولہ کے بیان پر یہودی کو قتل نہیں کیا گیا، بلکہ اس کے قتل کے اقرار و اعتراف کی بناء پر قتل کیا گیا ہے۔
(2) اس حدیث سے ثابت ہوتا ہے، مرد کو عورت کے بدلہ میں قتل کر دیا جائے گا۔
(3) ائمہ حجاز اور جمہور علماء نے اس حدیث سے یہ استدلال کیا ہے کہ قاتل جس آلہ، ذریعہ اور طریقہ سے قتل کرے، قصاص میں اسے اس طریقہ یا ذریعہ سے قتل کیا جائے گا، لیکن احناف کے نزدیک اگر کوئی شخص کسی ثقیل اور بھاری چیز سے عمداً قتل کر دے، اس میں تیز دھار آلہ استعمال نہ کرے، مثلا تلوار، تیر، خنجر اور چھری، تو یہ قتل عمد شمار نہیں ہو گا، شبہ عمد ہو گا، جس میں دیت مغلظہ ہوتی ہے، امام ابو حنیفہ، حسن، شعبی، ابن المسیب، عطاء اور طاؤس کا یہی موقف ہے، لیکن ائمہ ثلاثہ (مالک، شافعی، احمد) اور صاحبین کے نزدیک اگر آلہ قتل ایسی چیز ہے، جس سے عموماً زندگی ختم ہو سکتی ہے، اس کا تیز دھار ہونا شرط نہیں ہے، جیسے بڑا پتھر، لاٹھی تو یہ قتل عمد ہے، جس پر قصاص لازم آئے گا، نخعی، زھری، ابن سیرین، حماد، عمرو بن دینار، ابن لیلیٰ اور اسحاق کا یہی قول ہے۔ (المغني، ج 11، ص 447، الدکتور ترکي)
لیکن خیال رہے احناف کے نزدیک اگر قاتل کا مقصد و ارادہ دوسرے کو قتل کرنا اور اس کی جان لینا ہے، تو پھر اس کے لیے وہ کوئی بھی آلہ استعمال کرے، وہ تیز دھار ہو یا ثقیل و بھاری، تو یہ قتل، قتل عمد ہو گا، جس کی سزا، قصاص ہے، شبہ عمد نہیں ہو گا، جس کی سزا بھاری دیت ہے۔ (تکملة، ج 2، ص 336)
گویا اختلاف صرف اس صورت میں ہے، جب قاتل، قتل کرنے کا اعتراف و اقرار نہ کرے، تو پھر آلہ قتل کو دیکھا جائے گا، لیکن آج کے دور کا تقاضا یہی ہے کہ، قتل میں کسی قسم کا آلہ استعمال کیا جائے، اور قتل بینہ (شہادت) سے ثابت ہو جائے، اس کو قتل عمد قرار دیا جائے، جس کی اصل سزا قصاص ہے۔ علامہ تقی عثمانی نے اس کو ترجیح دی ہے کہ آج کل جمہور ائمہ اور صاحبین کی رائے پر عمل کرنا چاہیے۔ (تکملة، ج 2، ص 338)
(4) جمہور کے نزدیک قصاص کا طریقہ وہی ہے جس کو ہم اوپر بیان کر چکے ہیں کہ قاتل کے ساتھ وہی سلوک اور رویہ اختیار کیا جائے گا، جو اس نے اختیار کیا تھا، اگر اس نے کسی کو پتھر سے قتل کیا ہے، تو اسے پتھر سے قتل کیا جائے گا، اگر کسی کو پانی میں غرق کیا ہے تو اسے پانی میں ڈبویا جائے گا، اگر لاٹھی سے قتل کیا ہے، تو لاٹھی سے قتل کیا جائے گا، لیکن امام ابو حنیفہ کے نزدیک، قاتل کو صرف تلوار سے قتل کیا جائے گا، امام احمد کا ایک قول یہی ہے، صاحبین اور ثوری کا بھی یہی نظریہ ہے۔ بعض حضرات کے نزدیک تلوار سے قتل کرنے کا مقصد یہ ہے کہ ایسا آلہ قتل جس سے فوراً جان نکل جائے، اس لیے احناف کے موقف کے مطابق، اس کے لیے وہ جدید آلات قتل استعمال کیے جا سکتے ہیں، جس سے انسان کی فوری طور پر جان نکل جائے اور وہ تڑپ تڑپ کر نہ مرے۔ (تفصیلات کے لیے دیکھئے، اسلامی قوانین ڈاکٹر تنزیل الرحمٰن، حصہ دوم، بحث قصاص و دیت)
ترجمۃ الباب:


حدیث ترجمہ:

Anas bin Malik (RA) reported that a Jew killed a girl with a stone for her silver ornaments. She was brought to Allah's Messenger (ﷺ) when there was yet some life in her. He (the Holy Prophet) said to her: Has so and so killed you? She indicated with the nod of her head: No. He said for the second time, and she again said: No with the nod of her head. He asked for the third time, and she said: Yes with the nod of her head and Allah's Messenger (ﷺ) commanded to crush his head between two stones.

الحكم على الحديث

اسم العالمالحكم
١. إجماع علماء المسلمينأحاديث صحيح مسلم كلها صحيحة