Sahih Bukhari | صحیح بخاری

حدیث ترجمہ:

حضرت سہل بن سعد انصاری ؓسے روایت ہے، انھوں نے کہا کہ نبی کریم ﷺ نے غزوہ خیبر کے موقع پر اعلان کیا: ’’میں کل ایسے شخص کو جھنڈا دوں گا جس کے ہاتھ پر خیبر فتح ہوگا اور وہ شخص اللہ اور اس کے رسول ﷺ سے محبت کرتا ہوگا اور اس سے اللہ اور اس کا رسول بھی محبت کرتے ہیں۔‘‘ چنانچہ رات بھر لوگوں نے انتظار میں گزاری کہ دیکھیں آپ جھنڈا کس کو عنایت کرتے ہیں؟ جب صبح ہوئی تو سب اسکے امیدوار تھے لیکن آپ ﷺ نے دریافت فرمایا: ’’علی کہاں ہیں؟‘‘ عرض کیا گیا کہ انھیں آشوب چشم ہے۔ آپ ﷺ نے اپنا لعاب دہن ان کی آنکھوں میں لگایا اور ان کے لیے دعا فرمائی تو انھیں صحت ہوگئی اور کسی قسم کی تکلیف باقی نہ رہی۔ پھر آپ نے انھیں جھنڈا عنایت فرمایا۔ حضرت علی ؓنے عرض کیا: میں ان سے جنگ کروں حتیٰ کہ وہ ہماری طرح (مسلمان) ہوجائیں؟ رسول اللہ ﷺ نے فرمایا: ’’اپنے حال پر رہو یہاں تک کہ تم ان کی سرحد میں اتر جاؤ، پھر انھیں اسلام کی دعوت دو اور بتاؤ کہ ان پر کون کون سے کام ضروری ہیں۔ اللہ کی قسم!اگر اللہ تعالیٰ تمہارے ذریعے سے ایک شخص کو مسلمان کردے تو وہ تمہارے لیے سرخ اونٹوں سے بہتر ہے۔‘‘

حدیث حاشیہ:

1۔رسول اللہ ﷺنے حضرت علی ؓ کو ہدایت فرمائی وہ لڑائی اور جنگ و قتال سے پہلے لوگوں کو اسلام کی دعوت دیں ان کے سامنے صراط مستقیم پیش کریں جہاں تک ممکن ہو لڑائی کی نوبت نہ آنے دیں لڑائی تو صرف دفاع کے لیے آخری تدبیرہے۔ لڑائی کے بغیر اگر دشمن اسلام قبول کر لے یا کم ازکم صلح کرے تو یہ اقدام اللہ کے ہاں بہت قیمت رکھتا ہےیقیناً اگر کسی کی تبلیغی کوشش سے کوئی انسان اسلام قبول کر لے یا وہ راہ راست پر آجائے تو اس کی نیکی کا کیا ٹھکانا ہے!یہ ایسا صدقہ جاریہ ہے جس کا ثواب مرنے کے بعد بھی جاری رہتا ہے۔ 2۔اس حدیث سے معلوم ہوتا ہے کہ کسی شخص کو کفر کے اندھیروں سے نکال کر ایمان کی روشنی کی طرف لانا بہت بڑےاجرو ثواب کا باعث ہے۔ مسلمانوں کو چاہیے کہ وہ وعظ و تبلیغ اور تعلیم و تلقین کرنے میں سر گرم عمل رہیں کیونکہ یہ انبیاء ؑ کی سیرت اور اہل اسلام اس کے پاسبان اور نگہبان ہیں۔

حدیث ترجمہ:

ہم سے قتیبہ بن سعید نے بیان کیا‘ کہا ہم سے یعقوب بن عبدالرحمٰن بن محمد بن عبداللہ بن عبدالقاری نے بیان کیا ‘ ان سے ابو حازم مسلمہ ابن دینار نے بیان کیا‘ انہیں سہل بن سعد انصاری ؓ نے خبر دی کہ نبی کریم ﷺ نے خیبر کی لڑائی کے دن فرمایا‘ کل میں ایسے شخص کے ہاتھ میں اسلامی جھنڈادوں گا جس کے ہاتھ پر اسلامی فتح حاصل ہوگی‘ جو اللہ اور اس کے رسول سے محبت رکھتا ہے اور جس سے اللہ اوراس کا رسول بھی محبت رکھتے ہیں۔ رات بھر سب صحابہ کے ذہن میں یہی خیال رہا کہ دیکھئے کہ کسے جھنڈا ملتا ہے۔ جب صبح ہوئی تو ہر شخص امیدوار تھا‘ لیکن آنحضرت ﷺ نے دریافت فرمایا کہ علی کہاں ہیں؟ عرض کیا گیا کہ ان کی آنکھوں میں درد ہو گیا ہے۔ آنحضرت نے اپنا مبارک تھوک ان کی آنکھوں میں لگادیا۔ اور اس سے انہیں صحت ہو گئی‘ کسی قسم کی بھی تکلیف باقی نہ رہی۔ پھر آپ ﷺ نے انہیں کو جھنڈا عطا فرمایا۔ علی ؓ نے کہا کہ کیا میں ان لوگوں سے اس وقت تک نہ لڑوں جب تک یہ ہمارے ہی جیسے یعنی مسلمان نہ ہو جائیں۔ آنحضرت ﷺ نے انہیں ہدایت فرمائی کہ یوں ہی چلا جا۔ جب ان کی سرحد میں اترے تو انہیں اسلام کی دعوت دینا اور انہیں بتانا کہ (اسلام کے ناطے) ان پر کون کون سے کام ضروری ہیں۔ خدا کی قسم! اگر تمہارے ذریعہ اللہ ایک شخص کو بھی مسلمان کر دے تو یہ تمہارے لئے سرخ اونٹوں سے بہتر ہے۔

حدیث حاشیہ:

آنحضرتﷺ نے حضرت علی ؓ کو ہدایت فرمائی کہ وہ لڑائی سے قبل دشمنوں کو اسلام کی تبلیغ کریں‘ ان کو راہ ہدایت پیش کریں اور جہاں تک ممکن ہو لڑائی کی نوبت نہ آنے دیں۔ لڑائی مدافعت کے لئے آخری تدبیر ہے۔ بغیر لڑائی ہی اگر کوئی دشمن صلح جو ہو جائے یا اسلام ہی قبول کرلے تو یہ نیکی عند اللہ بہت ہی زیادہ قیمت رکھتی ہے۔ اس حدیث سے حضرت علی ؓ کی فضیلت بھی ثابت ہوئی کہ اللہ نے جنگ خیبر کی فتح ان کے ہاتھ پر مقدر رکھی تھی۔ ترجمہ باب حدیث کے الفاظ خَيْرٌ لَكَ مِنْ أَنْ يَكُونَ لَكَ حُمْرُ النَّعَمِ سے نکلتا ہے۔ سبحان اللہ! کسی شخص کو راہ پر لانا اور کفر سے ایمان پر لگا دینا کتنا بڑا اجر رکھتا ہے۔ مسلمانوں کو چاہئے کہ وعظ اور تعلیم اور تلقین میں کوشش بلیغ کرتے رہیں۔ کیونکہ یہ پیغمبروں کی میراث ہے اور چپ ہو کر بیٹھ رہنا اور زبان اور قلم کو روک لینا عالموں کے لئے غضب کی بات ہے۔ ہمارے زمانہ کے مولوی اور مشائخ جو گھروں میں آرام سے بیٹھ کر چرب لقموں پر ہاتھ مارتے ہیں اور خلاف شرع کام دیکھ کر سکوت کرتے ہیں اور جاہلوں کو نصیحت نہیں کرتے‘ امراء اور دنیا داروں کی خوشامد میں غرق ہیں۔ یہ پیغمبر ؑ کے سامنے قیامت کے دن کیا جواب دیں گے۔ اللہ تعالیٰ نے جو علم و فضل کی دولت عطا فرمائی اس کا شکریہ یہی ہے کہ وعظ و نصیحت میں سرگرم رہیں اور تعلیم و تلقین کو اپنا وظیفہ بنا لیں۔ دیہات کے مسلمانوں کو جو دینی مسائل اور اعتقادات سے ناواقف ہیں‘ ان کو واقف کرائیں اور ہر جگہ دعوت اسلام پہنچائیں۔ افسوس ہے کہ نصاریٰ تو اپنا باطل خیال یعنی تثلیث پھیلانے کے لئے ہر گاؤں ہر بستی اور راستے اور مجمع میں وعظ کہتے پھریں اور مسلمان سچے اعتقاد یعنی توحید پر ہو کر زبان بند رکھیں اور سچا دین پھیلانے میں کوئی کوشش نہ کریں۔ اگر سچے دین کے پھیلانے میں کوئی مصیبت پیش آئے تو اس کو عین سعادت اور برکت اور کامیابی سمجھنا چاہئے۔ دیکھو ہمارے پیغمبر ﷺ نے دعوت اسلام میں کیا کیا تکلیفیں اٹھائیں۔ زخمی ہوئے سر پھوٹے‘ دانت ٹوٹا‘ گالیاں کھائیں‘ یا اللہ! تیری راہ میں اگر ہم کو گالیاں پڑیں تو وہ عمدہ اور شیریں لقموں سے زیادہ ہم کو لذیذ ہیں۔ اور تیرا سچا دین پھیلانے میں اگر ہم مارے جائیں یا پیٹے جائیں تو وہ ان دنیا دار بادشاہوں کی خلعت اور سرفرازی سے کہیں بڑھ کر ہے۔ یا اللہ! مسلمانوں کی آنکھ کھول دے کہ وہ بھی اپنے پیارے پیغمبر کا دین پھیلانے میں ہمہ تن کوشش شروع کریں‘ گاؤں گاؤں وعظ کہتے پھریں۔ دین کی کتابیں اور رسالے چھپوا چھپوا کر مفت تقسیم کریں‘ آمین یا رب العالمین۔ (وحیدی) الحمد للہ اس تبلیغی دورہ بھوج کچھ میں جو حال ہی میں یہاں کے ۲۵ دیہات میں کیا گیا‘ بخاری شریف مترجم اردو کے تین سو سے زائد پارے اور نماز کی کتابیں دو سو اور کئی متفرق تبلیغی رسائل دو سو سے بھی زائد تعداد میں بطور تحائف و تبلیغ تقسیم کئے گئے۔ اللہ پاک قبول فرمائے۔ اور جملہ حصہ لینے والے حضرات کو اس کی بہتر سے بہتر جزائیں عطا کرے۔ کتابی تبلیغ آج کے دور میں ایک ٹھوس تبلیغ ہے جس کے نتائج بہت دور رس ہوسکتے ہیں۔ وباللہ التوفیق۔

حدیث ترجمہ:

Narrated Sahl (RA): On the day (of the battle) of Khaibar the Prophet (ﷺ) said, "Tomorrow I will give the flag to somebody who will be given victory (by Allah) and who loves Allah and His Apostle (ﷺ) and is loved by Allah and His Apostle." So, the people wondered all that night as to who would receive the flag and in the morning everyone hoped that he would be that person. Allah's Apostle (ﷺ) asked, "Where is 'Ali?" He was told that 'Ali was suffering from eye-trouble, so he applied saliva to his eyes and invoked Allah to cure him. He at once got cured as if he had no ailment. The Prophet (ﷺ) gave him the flag. 'Ali said, "Should I fight them till they become like us (i.e. Muslim)?" The Prophet (ﷺ) said, "Go to them patiently and calmly till you enter the land. Then, invite them to Islam, and inform them what is enjoined upon them, for, by Allah, if Allah gives guidance to somebody through you, it is better for you than possessing red camels."

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

: آنحضرتﷺ نے حضرت علی رضی اللہ عنہ کو ہدایت فرمائی کہ وہ لڑائی سے قبل دشمنوں کو اسلام کی تبلیغ کریں‘ ان کو راہ ہدایت پیش کریں اور جہاں تک ممکن ہو لڑائی کی نوبت نہ آنے دیں۔ لڑائی مدافعت کے لئے آخری تدبیر ہے۔ بغیر لڑائی ہی اگر کوئی دشمن صلح جو ہو جائے یا اسلام ہی قبول کرلے تو یہ نیکی عند اللہ بہت ہی زیادہ قیمت رکھتی ہے۔ اس حدیث سے حضرت علی رضی اللہ عنہ کی فضیلت بھی ثابت ہوئی کہ اللہ نے جنگ خیبر کی فتح ان کے ہاتھ پر مقدر رکھی تھی۔ ترجمہ باب حدیث کے الفاظ خیر لک من ان یکون لک حمر النعم سے نکلتا ہے۔ سبحان اللہ! کسی شخص کو راہ پر لانا اور کفر سے ایمان پر لگا دینا کتنا بڑا اجر رکھتا ہے۔ مسلمانوں کو چاہئے کہ وعظ اور تعلیم اور تلقین میں کوشش بلیغ کرتے رہیں۔ کیونکہ یہ پیغمبروں کی میراث ہے اور چپ ہو کر بیٹھ رہنا اور زبان اور قلم کو روک لینا عالموں کے لئے غضب کی بات ہے۔ ہمارے زمانہ کے مولوی اور مشائخ جو گھروں میں آرام سے بیٹھ کر چرب لقموں پر ہاتھ مارتے ہیں اور خلاف شرع کام دیکھ کر سکوت کرتے ہیں اور جاہلوں کو نصیحت نہیں کرتے‘ امراء اور دنیا داروں کی خوشامد میں غرق ہیں۔ یہ پیغمبر علیہ السلام کے سامنے قیامت کے دن کیا جواب دیں گے۔ اللہ تعالیٰ نے جو علم و فضل کی دولت عطا فرمائی اس کا شکریہ یہی ہے کہ وعظ و نصیحت میں سرگرم رہیں اور تعلیم و تلقین کو اپنا وظیفہ بنا لیں۔ دیہات کے مسلمانوں کو جو دینی مسائل اور اعتقادات سے ناواقف ہیں‘ ان کو واقف کرائیں اور ہر جگہ دعوت اسلام پہنچائیں۔ افسوس ہے کہ نصاریٰ تو اپنا باطل خیال یعنی تثلیث پھیلانے کے لئے ہر گاؤں ہر بستی اور راستے اور مجمع میں وعظ کہتے پھریں اور مسلمان سچے اعتقاد یعنی توحید پر ہو کر زبان بند رکھیں اور سچا دین پھیلانے میں کوئی کوشش نہ کریں۔ اگر سچے دین کے پھیلانے میں کوئی مصیبت پیش آئے تو اس کو عین سعادت اور برکت اور کامیابی سمجھنا چاہئے۔ دیکھو ہمارے پیغمبر ﷺ نے دعوت اسلام میں کیا کیا تکلیفیں اٹھائیں۔ زخمی ہوئے سر پھوٹے‘ دانت ٹوٹا‘ گالیاں کھائیں‘ یا اللہ! تیری راہ میں اگر ہم کو گالیاں پڑیں تو وہ عمدہ اور شیریں لقموں سے زیادہ ہم کو لذیذ ہیں۔ اور تیرا سچا دین پھیلانے میں اگر ہم مارے جائیں یا پیٹے جائیں تو وہ ان دنیا دار بادشاہوں کی خلعت اور سرفرازی سے کہیں بڑھ کر ہے۔ یا اللہ! مسلمانوں کی آنکھ کھول دے کہ وہ بھی اپنے پیارے پیغمبر کا دین پھیلانے میں ہمہ تن کوشش شروع کریں‘ گاؤں گاؤں وعظ کہتے پھریں۔ دین کی کتابیں اور رسالے چھپوا چھپوا کر مفت تقسیم کریں‘ آمین یا رب العالمین۔ (وحیدی) الحمد للہ اس تبلیغی دورہ بھوج کچھ میں جو حال ہی میں یہاں کے ۲۵ دیہات میں کیا گیا‘ بخاری شریف مترجم اردو کے تین سو سے زائد پارے اور نماز کی کتابیں دو سو اور کئی متفرق تبلیغی رسائل دو سو سے بھی زائد تعداد میں بطور تحائف و تبلیغ تقسیم کئے گئے۔ اللہ پاک قبول فرمائے۔ اور جملہ حصہ لینے والے حضرات کو اس کی بہتر سے بہتر جزائیں عطا کرے۔ کتابی تبلیغ آج کے دور میں ایک ٹھوس تبلیغ ہے جس کے نتائج بہت دور رس ہوسکتے ہیں وباللہ التوفیق۔

حدیث ترجمہ:

حدیث حاشیہ:

حدیث ترجمہ:

حدیث حاشیہ:

ترقیم کوڈ	اسم الترقيم	نام ترقیم	رقم الحديث (حدیث نمبر)
١.	ترقيم موقع محدّث	ویب سائٹ محدّث ترقیم	3030
٢.	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	3009
٣.	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	2787
٤.	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	3009
٥.	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	2847
٦.	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	2901
٧.	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	3009
٨.	ترقيم فؤاد عبد الباقي (دار السلام)	ترقیم فواد عبد الباقی (دار السلام)	3009
١٠.	ترقيم فؤاد عبد الباقي (داود راز)	ترقیم فواد عبد الباقی (داؤد راز)	3009

اسم العالم	الحكم
١. إجماع علماء المسلمين	أحاديث صحيح البخاريّ كلّها صحيحة

جہاد،لغوی طور پر جہد سے مشتق ہے۔اس کے معنی کسی مقصد کے حصول کے لیے انتہائی محنت،کوشش اورطاقت صرف کرنے کے ہیں۔لفظ جہد دوطرح سے پڑھا جاتا ہے:اگر اسے جیم کی پیش کے ساتھ پڑھاجائے تو اس کے معنی طاقت صرف کرنا اور اگر جیم کے زبر کے ساتھ پڑھا جائے تو اس کے معنی مشقت اٹھاناہے۔لفظ اجتہاد میں انتہائی ذہنی کوشش کا مفہوم ملحوظ خاطر رکھاجائےگا۔قرآن کریم میں بھی لفظ جہاد اپنے لغوی معنی میں استعمال ہوا ہے۔ارشاد باری تعالیٰ ہے:(وَوَصَّيْنَا الْإِنْسَانَ بِوَالِدَيْهِ حُسْنًا ۖ وَإِنْ جَاهَدَاكَ لِتُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۚ إِلَيَّ مَرْجِعُكُمْ فَأُنَبِّئُكُمْ بِمَا كُنْتُمْ تَعْمَلُونَ)"ہم نے انسان کو اپنے والدین کے ساتھ حسن سلوک کی وصیت کی ہے اور اگر وہ تجھ پر زوردیں کہ تو میرے ساتھ اس چیز کو شریک ٹھہرائے جس کاتجھے کوئی علم نہیں تو ان کا کہنامت مان،تمھیں میری طرف ہی لوٹ کر آناہے،پھر میں تمھیں بتاؤں گا جوتم کیا کرتے تھے۔"(العنکبوت 29/8)شرعی اصطلاح میں جہاد اس محنت وکوشش کانام ہے جو دین اسلام کی سربلندی کے لیے کی جاتی ہے،خواہ یہ کوشش انفرادی ہو یا اجتماعی ،زبانی ہو تحریری اور مالی ہو یا جانی۔لیکن واضح رہے کہ اس انتہائی جدوجہد میں نصب العین دین اسلام کی سربلندی ہوناچاہیے۔اگر یہ مقصود نہیں تو شرعی طور پر ایسی محنت وکوشش کو جہاد قرارنہیں دیا جاسکتا،البتہ غلبہ دین کی مذکورہ صورتوں میں سے جانی جدوجہد(قتال) تمام قسموں سے افضل ہے لیکن اسے ایک ہی صورت(قتال) کے ساتھ خاص کرلینا اسی طرح غلط ہے جس طرح غلبہ سوین کے علاوہ ہر قسم کی کوشش کوجہاد کرنا غلط ہے،چنانچہ قرآن کریم میں لفظ جہاد صرف قتال کے لیے نہیں بلکہ اس وسیع مفہوم کو اداکرنے کے لیے بھی استعمال ہواجس میں غلبہ دین کے لیے کی جانے والی ہرکوشش شامل ہے۔ارشاد باری تعالیٰ ہے:(وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ)"اور وہ لوگ جنھوں نے ہمارے بارے میں پوری کوشش کی ہم انھیں اپنی راہیں ضرور دکھائیں گے اور بلاشبہ اللہ یقیناً نیکی کرنے والوں کےساتھ ہے۔"(العنکبوت:29/69)نیز اللہ تعالیٰ نے فرمایا:(فَلَا تُطِعِ الْكَافِرِينَ وَجَاهِدْهُمْ بِهِ جِهَادًا كَبِيرًا)"آپ ان کافروں کا کہنا مت مانیں اور قرآن کے ذریعے سے ان سے پوری طاقت کے ساتھ جہاد کریں۔"(الفرقان؛25/52)یہ دونوں آیات مکی سورتوں سے تعلق رکھتی ہیں جبکہ جہاد بمعنی قتال مدنی دور کے آغاز میں شروع ہوا۔مکی دور میں جہاد غلبہ دین کی خاطر دشمنان اسلام کے خلاف کی جانے والی ہرکوشش ومحنت کے لیے عام ہے۔رسول اللہ صلی اللہ علیہ وسلم کا ارشاد گرامی ہے:"تم مشرکین کے خلاف اپنے مالوں،اپنی جانوں اور اپنی زبانوں سے جہاد کرو۔"(سنن ابی داؤد الجھاد حدیث 2504)زبان سے جہاد کرنے کو کوئی بھی عقل مند قتال نہیں کہتا۔ہمارے رجحان کے مطابق غلبہ دین کے لیے ہر قسم کی جدوجہد جہاد کے دائرے میں آتی ہے،چنانچہ حافظ ابن تیمیہ رحمۃ اللہ علیہ کہتے ہیں:"جہاد،دل سے ہوتا ہے جیساکہ اسلام پر ثابت قدم رہنے کا پختہ عزم کرنا،لوگوں کو اسلام اور اسلامی شریعت کی طرف دعوت دینا بھی جہاد ہے۔باطل پرستوں کے خلاف حجت قائم کرنا ،حق کا واضح کرنا اورشبہات کو دور کرنا بھی جہاد ہے۔مسلمانوں کے اجتماعی مفاد کے لیے تدبیر وتنظیم کرنا بھی جہاد ہے۔اس کے علاوہ دشمنانِ اسلام کے خلاف جنگ(قتال) کرنابھی جہاد ہے۔اس بنا پر مذکورہ بالاتمام صورتوں میں سے جو صورت بھی ممکن ہواس کے مطابق جہاد کرنا واجب ہے۔(مجموع الفتاویٰ 38/5)حافظ ابن حجر رحمۃ اللہ علیہ کے نزدیک کفار کے خلاف جنگ لڑنا بھی جہاد ہے اور اس کے علاوہ غلبہ دین کے لیے کی جانے والی ہرجدوجہد بھی جہاد میں شامل ہے،چنانچہ وہ لکھتے ہیں:"کفار کے خلاف جنگ لڑنے کے لیے کوشش اورطاقت صرف کرنا جہاد ہے،اسی طرح نفس،شیطان اور فساق کے خلاف جدوجہد کرنے پر بھی جہاد کااطلاق ہوتا ہے۔جہاد بالنفس یہ ہے کہ دین کی بنیادی تعلیمات کو حاصل کیا جائے،پھر ان پر عمل کیا جائے ،نیز دوسرے لوگوں کو بھی ان کی دعوت دی جائے۔جہاد بالشیطان یہ ہے کہ شیطان کی طرف سے جو شبہات ووساوس پیدا کیے جاتے ہیں انھیں دور کرنے کے لیے محنت اور مشقت اٹھائی جائے،اس کے علاوہ کفار کے خلاف اپنے ہاتھ ،مال،زبان اور دل سے جہاد کیا جائے ،نیز فساق ومنافقین کے خلاف بھی اپنے ہاتھ یا پھر دل اور زبان سے جہاد کیا جائے۔"(فتح الباری 5/6)اس اقتباس سے معلوم ہوتاہے کہ حافظ ابن حجر رحمۃ اللہ علیہ کے نزدیک جہاد اور قتال دو الگ الگ اصطلاحات ہیں،چنانچہ وہ مزید وضاحت کرتے ہوئے لکھتے ہیں:تحقیقی طور پر یہ بات بھی ثابت ہے کہ کفار کے خلاف جہاد کرنا ہر مسلمان پر فرض ہے،خواہ وہ اپنے ہاتھ کے ساتھ جہاد کرے یا زبان کے ساتھ یامال کے ساتھ یا اپنے دل کےساتھ۔"(فتح الباری 47/6)ظاہر ہےکہ زبان ،مال اور دل کے ساتھ کی جانے والی جدوجہد کو قتال نہیں کہا جاسکتا۔البتہ اسے جہاد سے تعبیر کیا جاسکتا ہے،نیز ہر مسلمان تو کافروں کے خلاف قتال نہیں کرسکتا،البتہ جہاد کسی نہ کسی صورت میں کیا جاسکتا ہے۔امام ابن قیم رحمۃ اللہ علیہ نے اس موضوع پر تفصیل سے گفتگو کی ہے۔انھوں نے جہاد کو محض قتال تک محدود کرنے کےبجائے اسے وسیع مفہوم میں استعمال کیاہے۔ان کے نزدیک غلبہ دین کے لیے کی جانے والی ہرکوشش،محنت اور جدوجہد جہاد ہے،چنانچہ وہ لکھتے ہیں:"اللہ کے دشمنوں،یعنی کفار کے خلاف جہاد کرنا اس بات پر منحصر ہے کہ وہ مسلمان پہلے اللہ کے لیے اپنے نفس کے خلاف جہاد کرے جیسا کہ ارشاد نبوی ہے:"جس نے اللہ کی اطاعت میں رہتے ہوئے اپنے نفس کے خلاف جہاد کیا وہ مجاہد ہے۔"(مسند احمد 22/4)اس کامطلب یہ ہے کہ خارجی دشمن کے خلاف جہاد کرنے سے پہلے اپنے نفس کے خلاف جہاد کرنا انتہائی ضروری ہے کیونکہ جو انسان اپنے نفس کو اللہ کے اوامرونواہی اوردیگر احکام شرعیہ کا پابند نہیں بناتا،اس کے لیے دشمن کے خلاف میدان جنگ میں جہاد کرنا ممکن ہی نہیں رہتا کیونکہ جب وہ اپنے پہلو کے دشمن کے ہاتھوں مغلوب ہواور اس کے خلاف جہاد نہ کرے،وہ خارجی دشمن کے خلاف جہاد کیسے کرسکتا ہے؟علاوہ ازیں ایک تیسرا دشمن بھی ہے جب تک انسان اس کے خلاف علم بغاوت بلند نہ کرے کفار اور نفس کے خلاف جہاد نہیں ہوسکتا اور وہ شیطان ہے جس کے متعلق ارشاد باری تعالیٰ ہے:(إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا.......)"یقیناً شیطان تمہارا دشمن ہے،لہذا تم اسے دشمن ہی سمجھو۔"(الفاطر 35/6)شیطان کو دشمن خیال کرنے کا اللہ تعالیٰ نے حکم دیاہے،اس کامطلب یہ ہے کہ اس کے خلاف جنگ کرنے میں پوری توانائی صرف کی جائے اور کسی قسم کی کوتاہی نہ کی جائے۔ابن قیم رحمۃ اللہ علیہ مزید لکھتے ہیں کہ جہاد کے چار مراتب ہیں:1۔نفس کے خلاف جہاد۔2۔شیطان کے خلاف جہاد۔3۔کفار کے خلاف جہاد۔4۔منافقین کے خلاف جہاد۔1۔نفس کے خلاف جہاد کے چاردرجے ہیں:الف۔دین اسلام کی ضروری ہدایات حاصل کرکے اپنے نفس کے خلاف جہاد کرے کیونکہ دینی رشدوہدایت کے بغیر اخروی نجات ممکن نہیں۔ب۔حاصل کردہ بنیاد معلومات پر عمل پیراہوکرنفس کے خلاف جہاد کرے کیونکہ اس علم کا کوئی فائدہ نہیں جس پر عمل نہ کیاجائے۔ج۔پھر حاصل کردہ دینی معلومات ان لوگوں تک پہنچائے جو ان سے بےخبر ہیں بصورت دیگر اسے ان لوگوں میں شمار کیا جائے گا جو علم چھپانے کے مرتکب ہیں۔د۔دعوت حق کے راستے میں جو مشکلات اور تکلیفیں درپیش ہوں انھی خوشی سے برداشت کرتے ہوئے اپنے نفس کے خلاف جہاد کرے۔جب انسان چار مراتب کو مکمل کرلے گا تو اسے علمائے ربانیین میں شمار کیاجائے گا۔2۔شیطان کے خلاف جہاد کے دو مرتبے ہیں:الف۔شیطان کی طرف سے بندے کے ایمان کو ختم کرنے کے لیے اس کے دل میں شکوک وشہات پیدا ہوں ان کو دور کرنے کے لیے جدوجہد کرنا۔ب۔شیطان کی طرف سے بندے کے ایمان کو کمزور کرنے کے لیے جو بری خواہشات اس کے دل میں ڈالی جاتی ہیں ان کے خلاف جہاد کرنا۔پہلے مرتبے کے لیے یقین اور دوسرے مرتبے کے لیے صبر کی انتہائی ضرورت ہے۔ارشاد باری تعالیٰ ہے:"ہم نے ان میں سے کچھ پیشوا بنائے جو ہمارے حکم سے رہنمائی کرتے تھے۔جب انھوں نے صبر کیا اور وہ ہماری آیتوں پر یقین رکھتے تھے۔"صبر کے ذریعے سے شہوات اور یقین کےذریعے شبہات کو دور کیا جاتاہے۔3۔4۔کفار اور منافقین کے خلاف جہاد کرنے کے چار مراتب ہیں:1۔دل سے جہاد کرنا۔2۔زبان سے جہاد کرنا۔3۔مال سے جہادکرنا۔4۔جان سے جہاد کرنا۔ان میں سے دل اور مال کے ذریعے سے کفار اور منافقین دونوں کے خلاف جہاد کیا جاسکتا ہے جبکہ طاقت اور جان کے ساتھ جہاد کرنا کفار کے ساتھ خاص ہے اور منافقین کے ساتھ زبان سے جہاد کیاجائےگا۔ان کے خلاف تلوار نہیں اٹھائی جائےگی۔علاوہ ازیں ظلم پیشہ اور اہل بدعت کے خلاف بھی جہاد کیا جاتا ہے۔اس جہاد کے تین مراتب ہیں:©۔اگر طاقت ہوتو ہاتھ کے ساتھ ان کے خلاف جہاد کیا جائے،یعنی قوت سے انھیں روکاجائے۔©۔اگر ہاتھ سے روکنے کی طاقت نہ ہوتو زبان سے اس برائی کے خلاف اظہار کیاجائے۔©۔اگر زبانی جہاد کی ہمت نہ ہوتو دل سے ان کے خلاف جہادکیا جائے ،یعنی ظلم اور اہل ظلم سے دلی نفرت کی جائے۔اس تفصیل سے معلوم ہوا کہ جہاد کے تیرہ درجات ہیں۔ارشاد نبوی ہے:"جو شخص اس حال میں فوت ہوا کہ اس نے کبھی جہاد نہ کیا اور نہ اس کے دل میں کبھی جہاد کا خیال ہی پیدا ہواتو وہ گویا انفاق کی شاخ پر فوت ہوا ہے۔(صحیح مسلم الامارۃ حدیث 4931(1910)نفس اورشیطان کے خلاف جہاد کرنا ہرمسلمان پر فرض عین ہے جبکہ کفار ومنافقین کے خلاف جہاد کرنا فرج کفایہ ہے۔اگرامت کے کچھ افراد اس میں شریک ہوں تو دوسروں کو بھی کفایت کرجائےگا۔(زادالمعاد 3/9۔11)ہماری اس تفصیل کا مقصد یہ ہے کہ قرآن وحدیث میں بیشتر مقامات پر جہاد" قتال فی سبیل اللہ" کے معنی میں استعمال ہوا ہے کیونکہ اللہ تعالیٰ کے کلمے کی سربلندی کے لیے آخری کوشش مقدس جہاد کی یہی قسم ہے لیکن کتاب وسنت میں جہاد جنگ کے علاوہ تحفظ دین کی دوسری کوششوں پر بھی جابجا بولاگیا ہے۔بالخصوص منافقین سے جہاد کی بیشتر صورتیں تلوار کے بغیر ہیں۔اسی طرح مکی سورتوں میں جہاد کا ذکر قطعاً جنگ کے معنی میں نہیں آیا،اس لیے ہر مقام پر جہاد کو قتال فی سبیل اللہ کے معنی میں لینا اس کی غلط تعبیر ہے۔انسانی سوسائٹی میں حکم اور قانون کا درجہ انسانی خواہشات اور عقل وگمان کو نہیں بلکہ اللہ تعالیٰ کے احکام اور آسمانی تعلیمات کوحاصل ہوناچاہیے۔اورکلمۃ اللہ کی اسی سربلندی کے لیے دین اسلام میں دینی معرکہ آرائی کے تسلسل کو باقی رکھا گیا ہے تاکہ کسی دور میں بھی انسانی خواہشات کو آسمانی تعلیمات پر غلبہ حاصل نہ ہونے پائے۔لیکن دور حاضر میں خواہشات اور محدود عقل نے ہر طرف ڈیرے ڈال رکھے ہیں اور آسمانی تعلیمات سے رہنمائی حاصل کرنے کے بجائے اس کے نشانات کو بھی ختم کرنے کی عالمی سطح پر کوشش شروع ہے۔ایسے حالات میں اللہ کے دین کو سربلند کرنے کے یہ معنی ہیں کہ نسل انسانی کو خواہشات کی غلامی اور عقل محض کی پیروی سے نکالا جائے اور اسے آسمانی تعلیمات کی ضرورت کا احساس دلاتے ہوئے وحی الٰہی کے دائرے میں لانے کی بھر پور کوشش کی جائے ،نیز دنیا کے مختلف خطوں میں مسلمان جس مظلومیت کا شکار ہیں اور انھیں بڑی سنگ دلی کے ساتھ ان کے مذہبی تشخص سے محروم کیاجارہا ہے،ان مسلط قوتوں کے خلاف کلمہ حق بلند کرنا اورمظلوم مسلمانوں کو ظلم وجبر کے ماحول سے نکالنے کے لیے جو کچھ ممکن ہوا سے کرگزرنا بھی اعلائے کلمۃ اللہ کا تقاضاہے ۔ایسے حالات میں جس طرح قتال دفاع دین کے لیے ہوتا ہے اسی طرح کافرانہ معاشرے میں قائم ظلم وزیادتی کے خاتمے کے لیے بھی ہوتاہے۔امام بخاری رحمۃ اللہ علیہ نے اس بڑے عنوان کے تحت جہاد کے متعلق ایک پورا نظام پیش کیا ہے جس میں جہاد کی فرضیت وفضیلت ،اہمیت وافادیت،غرض وغایت اور اس کے آداب وشرائط کو بیان کیا ہے۔اس سلسلے میں انھوں نے تین سوچھہتراحادیث ذکر کی ہیں۔جن میں چالیس معلق اور باقی متصل سند سے مروی ہیں۔ان کےعلاوہ ستائیس ےکے قریب صحابہ کرام رضوان اللہ عنھم اجمعین اور تابعین رحمۃ اللہ علیہ عظام سے مروی آثار بھی ذکر کیے ہیں۔ان مرفوع احادیث میں دوسوچھیاسٹھ احادیث مکرر اور ایک سودس خالص ہیں،نیز امام بخاری رحمۃ اللہ علیہ نے روایت کردہ احادیث وآثار پر جہاد کے متعلق دوسو کے لگ بھگ چھوٹے چھوٹے عنوان قائم کیے ہیں،جن سے ان کی دقت فہم اور قوت استنباط کا پتہ چلتا ہے،جن میں جنگ سے پہلے کے آداب ،میدان جنگ کے آداب،جنگ کے بعد کے آداب کو تفصیل سے بیان کیا ہے۔اس کے علاوہ مال غنیمت کے حقوق وشرائط پر،پھر جنگی قیدیوں کے متعلق آداب وشرائط کو بھی ذکر کیا ہے۔جہاد سے متعلق رسول اللہ صلی اللہ علیہ وسلم سے منقول کچھ پیش گوئیاں بھی بیان کی ہیں۔اُمید ہے کہ امام بخاری رحمۃ اللہ علیہ کے قائم کردہ عنوان اور پیش کردہ احادیث ہمارے لیے ایمان کی تازگی اور جذبہ جہاد کی بیداری کا باعث ہوں گے۔ہماری پیش کردہ معروضات کو سامنے رکھتے ہوئے ان احادیث کا مطالعہ کریں تاکہ عاقبت نااندیش مسلم منکرین اور عقل عیار کے پیروکار دانشوروں کے جہاد سے متعلق پھیلائے ہوئے زہریلے شکوک وشبہات کا مداوا ہوسکے ۔دعا ہے کہ اللہ تعالیٰ ہمیں یقین کامل کی نعمت عطا فرمائے تاکہ ہم اپنی کھوئی ہوئی عظمت کو دوبارہ حاصل کرسکیں۔

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

ڈیفالٹ سیٹنگ منتخب کریں

موضوعات

المواضيع

Topics

المواضيع

موضوعات

Topics

الحكم على الحديث

تمہید باب

تمہید کتاب

تمہید باب عربی

تمہید کتاب عربی