التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ الجِزْيَةِ (بَابُ مَا أَقْطَعَ النَّبِيُّ ﷺ مِنَ البَحْرَيْنِ، وَمَا وَعَدَ مِنْ مَالِ البَحْرَيْنِ وَالجِزْيَةِ، وَلِمَنْ يُقْسَمُ الفَيْءُ وَالجِزْيَةُ)

حکم : أحاديث صحيح البخاريّ كلّها صحيحة 

3164. حَدَّثَنَا عَلِيُّ بْنُ عَبْدِ اللَّهِ، حَدَّثَنَا إِسْمَاعِيلُ بْنُ إِبْرَاهِيمَ، قَالَ: أَخْبَرَنِي رَوْحُ بْنُ القَاسِمِ، عَنْ مُحَمَّدِ بْنِ المُنْكَدِرِ، عَنْ جَابِرِ بْنِ عَبْدِ اللَّهِ رَضِيَ اللَّهُ عَنْهُمَا، قَالَ: كَانَ رَسُولُ اللَّهِ صَلَّى اللهُ عَلَيْهِ وَسَلَّمَ قَالَ لِي: «لَوْ قَدْ جَاءَنَا مَالُ البَحْرَيْنِ قَدْ أَعْطَيْتُكَ هَكَذَا وَهَكَذَا وَهَكَذَا». فَلَمَّا قُبِضَ رَسُولُ اللَّهِ صَلَّى اللهُ عَلَيْهِ وَسَلَّمَ وَجَاءَ مَالُ البَحْرَيْنِ، قَالَ أَبُو بَكْرٍ: مَنْ كَانَتْ لَهُ عِنْدَ رَسُولِ اللَّهِ صَلَّى اللهُ عَلَيْهِ وَسَلَّمَ عِدَةٌ فَلْيَأْتِنِي، فَأَتَيْتُهُ فَقُلْتُ: إِنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَدْ كَانَ قَالَ لِي «لَوْ قَدْ جَاءَنَا مَالُ البَحْرَيْنِ لَأَعْطَيْتُكَ هَكَذَا وَهَكَذَا وَهَكَذَا» فَقَالَ لِي: احْثُهُ، فَحَثَوْتُ حَثْيَةً فَقَالَ لِي: عُدَّهَا، فَعَدَدْتُهَا فَإِذَا هِيَ خَمْسُ مِائَةٍ، فَأَعْطَانِي أَلْفًا وَخَمْسَ مِائَةٍ،

مترجم:

3164.

حضرت جابر بن عبداللہ ؓسے روایت ہے، انھوں نے کہا کہ مجھے رسول اللہ ﷺ نے فرمایا تھا: ’’اگرہمارے پاس بحرین سے مال آیا تو میں تمھیں اتنا اتنا اور اتنا دوں گا۔‘‘ پھر جب رسول اللہ ﷺ وفات پاگئے تو اس کے بعد بحرین کا مال آیا۔ تب حضرت ابو بکر   ؓ نے فرمایا: جس کسی سے رسول اللہ ﷺ نے کوئی وعدہ کیا ہو وہ میرے پاس آئے (میں وعدہ پورا کروں گا)، چنانچہ میں حضرت ابو بکرؓکے پاس گیا اورعرض کی کہ رسول اللہ ﷺ نے مجھ سے وعدہ کیا تھا کہ اگربحرین کا مال آیا تو میں تجھے اتنا، اتنا اور اتنا دوں گا۔ حضرت ابو بکر   ؓ نے مجھ سے فرمایا: تم اس سے لپ بھرلو۔ میں نے ایک لپ بھری تو انھوں نے مجھے فرمایا کہ اب اسے شمار کرو۔ میں نے انھیں شمار کیا تو وہ پانچ سو ہوئے۔ پھر انھوں نے مجھے ایک ہزار پانچ سودیے۔

×
حدیث ترجمہ:

ہم سے علی بن عبداللہ نے بیان کیا، انہوں نے کہا ہم سے اسماعیل بن ابراہیم نے بیان کیا، انہوں نے کہا کہ مجھے روح بن قاسم نے خبر دی، انہیں محمد بن منکدر نے بیان کیا کہ جابر بن عبداللہ ؓ نے بیان کیا کہ رسول اللہ ﷺ نے مجھ سے فرمایا تھا کہ اگر ہمارے پاس بحرین سے روپیہ آیا، تو میں تمہیں اتنا، اتنا، اتنا (تین لپ) دوں گا۔ پھر جب آنحضرت ﷺ کی وفات ہو گئی اور اس کے بعد بحرین کا روپیہ آیا تو ابوبکر ؓ نے فرمایا کہ رسول اللہ ﷺ نے اگر کسی سے کوئی دینے کا وعدہ کیا ہو تو وہ ہمارے پاس آئے۔ چنانچہ میں حاضر ہوا اور عرض کیا کہ آنحضرت ﷺ نے مجھ سے فرمایا تھا کہ اگر بحرین کا روپیہ ہمارے یہاں آیا تو میں تمہیں اتنا، اتنا اور اتنا دوں گا۔ اس پر انہوں نے فرمایا کہ اچھا ایک لپ بھرو، میں نے ایک لپ بھری، تو انہوں نے فرمایا کہ اسے شمار کرو، میں نے شمار کیا تو پانچ سو تھا، پھر انہوں نے مجھے ڈیڑھ ہزار عنایت فرمایا۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3185
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)3164
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2929
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)3165
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)2994
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3045
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)3164
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)3164
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)3164

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

تمہید کتاب

×

جزیہ لغوی طور پر جزاء سے مشتق ہے جس کے معنی معاوضے کے ہیں۔شرعی اصطلاح میں اس سے مراد وہ مال ہے جو غیر مسلم حضرات سے دارالاسلام میں سکونت اختیار کرنے کے عوض وصول کیا جاتا ہے۔ اور موادعت کے معنی چھوڑنے کے ہیں۔ اصطلاحی طور پر کچھ مدت کے لیے کسی مصلحت کی بنا پر اہل حرب سے جنگ ترک کرنے کا نام "موادعت اور مصالحت"ہے ان دونوں کے الگ الگ احکام ہیں جو اس عنوان کے تحت بیان کیے جائیں گے۔دراصل عرب کے ہمسایہ ملک ایران میں رعایا پر دو قسم کے ٹیکس عائد تھے ایک زمین کا لگان جو صرف زمینداروں سے وصول کیا جا تا تھا۔ اسے وہاں کے باشندے خراگ کہتے تھے ہماری شریعت میں لفظ خراج اسی کا معرب ہے۔ دوسرا ٹیکس عام لوگوں سے دفاعی ضروریات کے پیش نظر لیا جاتا تھا۔ ان کے ہاں اسے گزیت کہا جاتا تھا جزیہ کا لفظ اسی سے معرب ہے۔ مسلمانوں نے جب یہ علاقے فتح کیے تو انھوں نے مفتوح اقوام پر کوئی نیا بوجھ نہیں ڈالا بلکہ وہ دونوں قسم کے ٹیکس ان پر عائد کیے گئے جو پہلے سے ان پر لاگوتھے۔ قرآن کریم میں صرف اہل کتاب سے جزیہ لینے کا ذکر ہے۔(التوبہ:29۔)جبکہ رسول اللہ صلی اللہ علیہ وسلم نے مجوس سے بھی جزیہ وصول کیا تھا۔(صحیح البخاری الجزیہ والمودعۃ حدیث 3157)اس سے معلوم ہوتا ہے کہ ہر مذہب کے غیر مسلم حضرات سے جزیہ لیا جا سکتا ہے جیسا کہ ایک دوسری حدیث میں ایران کے آتش پرست لوگوں سے جزیے کے مطالبے کا ذکر ہے۔ حضرت مغیرہ بن شعبہ  رضی اللہ تعالیٰ عنہ نے ایک مرتبہ ایرانی سپہ سالار سے کہا تھا۔"ہمارے پروردگار کے رسول اور ہمارے نبی صلی اللہ علیہ وسلم نے ہمیں حکم دیا کہ ہم تم سے جنگ کریں یہاں تک کہ تم ایک اللہ کی عبادت کرو یا پھر جزیہ ادا کرو۔"۔(صحیح البخاری الجزیہ والمودعۃ حدیث 3159)جزیہ ان غیر مسلم اقوام سے لیا جاتا ہے جو اسلام قبول نہ کرنا چاہتی ہوں خواہ یہ مسلمانوں کی مفتوحہ قوم ہو یا کسی اسلامی ریاست میں بطور رعایا رہتی ہو جیسے آج کل کی زبان میں اقلیت کہا جاتا ہے۔ اہل اسلام پر زکاۃ کی ادائیگی فرض ہے جس کی شرح مقرر ہے لیکن غیر مسلم قوم پر زکاۃ کے بجائے جزیے کی ادائیگی لازم ہوتی ہے اور اس کی شرح میں اس قوم کی مالی حیثیت کے مطابق کمی بیشی کی جا سکتی ہے۔جزیے کی تمام رقوم سر کاری بیت المال میں جمع ہوتی ہیں اسلامی حکومت اس جزیے کے عوض اس ذمی قوم کو دفاعی ذمہ داریوں سے سبکدوش کر دیتی ہے اور انھیں اپنے مذہبی افعال کی ادائیگی کے لیے پوری پوری اجازت دی جاتی ہے لیکن اس امر کی اجازت نہیں ہوتی کہ وہ اسلام یا اہل اسلام پر کیچڑاچھالیں اور اس کی راہ میں رکاوٹیں کھڑی کریں ۔ چونکہ جزیہ دفاعی ذمہ داریوں کے عوض لیا جاتا ہے اس لیے جو غیر مسلم قوم دفاعی خدمات کی ذمہ داری خود قبول کر لے اس سے جزیہ نہیں لیا جاتا۔ اس کی متعدد مثالیں تاریخ اسلام میں موجود ہیں جنھیں ہم آئندہ بیان کریں گے۔ افسوس کہ آج مغربی اقوام جزیے کو بدنام کرنے اور اسے ذلت کی نشانی ثابت کرنے کے لیے ایڑی چوٹی کا زور لگا رہی ہیں جبکہ ان کا اپنا یہ حال ہے کہ وہ فتح کے بعد مفتوح قوم سے اپنا سارا جنگ کا خرچہ بطور تاوان وصول کرتے ہیں پچھلی چند صدیوں سے تو تاوان جنگ کے علاوہ سیاسی اور اقتصادی غلامی پر بھی مفتوح اقوام کو مجبور کیا جا رہا ہے البتہ دوسری جنگ عظیم کے بعد سیاسی غلامی کے بجائے اقتصادی غلامی کے بندھن مضبوط کر دیے ہیں تاکہ مفتوح قوم میں دوبارہ اٹھنے کی سکت ہی باقی نہ رہے۔اس کے برعکس اسلام نے جزیے کی ادائیگی کے بعد نہ تاوان جنگ عائد کرنے کی اجازت دی ہے اور نہ کسی طرح کی اقتصادی غلامی ہی میں جکڑنے کو جائز قراردیا ہے لہٰذا ضروری ہے کہ ہم جزیے کے متعلق چند ایک اسلامی ہدایات کا ذکر کریں تاکہ حقیقت حال مکمل کھل کر سامنے آجائے۔  1۔جزیہ صرف ان افراد سے وصول کیا جاتا ہے جو لڑنے کے قابل ہوں۔ اس کے برعکس بچے بوڑھے عورتیں معذور افراد صوفی اور گوشہ نشیں قسم کے لوگ اس سے مستثنیٰ ہوتے ہیں۔2۔جزیہ لوگوں کی مالی حالت کو مدنظر رکھتے ہوئے عائد کیا جاتا ہے جیسا کہ آئندہ سفیان کے حوالے سے امام مجاہد کی وضاحت ذکر ہوگی۔3۔جزیے کی وصولی میں انتہائی نرمی اختیار کی جاتی اور اس بات کا خاص خیال رکھا جاتا ہے کہ جزیے کی شرح ایسی ہو جسے لوگ آسانی سے ادا کر سکیں اور اس کی وصولی میں کسی شخص پر ظلم یا زیادتی نہ کی جائے۔4۔ اسلام میں جزیے کی دو قسمیں ہیں ایک جزیے صلح ، اس سے مراد وہ مال ہے جس پر مصالحت ہوئی ہو اور دوسری جزیہ چیز، جو صلح کے بغیر امام وقت کی صوابدید سے طے ہو۔اس میں کسی کی تنگی کی وجہ سے کمی نہ کی جائے اور نہ کسی کی مال داری کے پیش نظر اس میں اضافہ ہی کیا جائے۔ بہر حال جزیہ اقتداراسلام کو تسلیم کرنے کی غرض سے ہے ورنہ خراج اور جزیہ وصول کرنا اسلام کا ہر گز مقصد نہیں ہے۔ حضرت عمر بن عبدالعزیز نے خراسان کے عامل جراح بن عبداللہ کو اس لیے معطل کردیا تھا کہ انھوں نے جزیے کی مقدار کم دیکھ کر نو مسلم حضرات سے کہا تھا کہ تم نے جزیے سے بچنے کے لیے اسلام قبول کیا ہے۔ جب یہ بات حضرت    عمر بن عبدالعزیز رحمۃ اللہ علیہ  تک پہنچی تو انھوں نے عامل کو معزول کرتے ہوئے ایک بات کہی جو سونے کے پانی سے لکھنے کے قابل ہے۔آپ نے فرمایا:رسول اللہ صلی اللہ علیہ وسلم  اس دنیا میں دعوت حق کے لیے بھیجے گئے تھے۔آپ خراج وجزیہ وصول کرنے والے بنا کر نہیں بھیجے گئے۔(البدایۃ والنھایۃ 188/9)٭٭جزیے کے متعلق کئی مباحث ہیں،مثلاً:©۔جزیہ کس سے لیا جائے؟©۔اس کی کتنی قسمیں ہیں؟©۔یہ کب اور کتنا واجب ہے؟©۔جزیہ کب ساقط ہوتا ہے؟©۔مال جزیہ کا مصرف کیا ہو؟©۔اہل ذمہ کے کیا حقوق ہیں؟©۔ان کے حقوق پورے نہ کرناکس قدر سنگین جرم ہے؟©۔ذمی جب سنگین جرم کا ارتکاب کرے تو اس کے ساتھ کیا سلوک کیا جائے؟اسی طرح کفار سے مصالحت کی بھی کئی قسمیں ہیں اور اس کے متعلق متعدد احکام ومسائل ہیں۔امام بخاری رحمۃ اللہ علیہ  نے ان تمام مسائل کو بیان کرنے کے لیے مذکورہ بالا عنوان قائم کیا ہے اور اس کے لیے تقریباً چونتیس متصل احادیث کا انتخاب فرمایا ہے۔مرفوع احادیث کے علاوہ متعدد  صحابہ کرام رضوان اللہ عنھم اجمعین  اور تابعین رحمۃ اللہ علیہ  کے اقوال وآثار کا بھی حوالہ دیاہے۔پھر ان احادیث وآثارپربائیس چھوٹے چھوٹے عنوان قائم کیے ہیں جن سے امام بخاری رحمۃ اللہ علیہ  کی باریک بینی کا پتہ چلتا ہے۔قارئین کرام سے درخواست ہے کہ وہ ہماری پیش کردہ گزارشات کو ضرور ملحوظ خاطر رکھیں۔اللہ تعالیٰ ہم سب کو خدام حدیث کے ہمراہ اُٹھائے اوررسول اللہ صلی اللہ علیہ وسلم  کے جھنڈے تلے جمع فرمائے۔آمین یا رب العالمین

تمہید باب عربی

×

تمہید کتاب عربی

×