Sahi-Bukhari | صحیح بخاری

موضوعات

شجرۂ موضوعات

ایمان (21673)

اقوام سابقہ (2922)

سیرت (18010)

قرآن (6272)

اخلاق و آداب (9761)

عبادات (51486)

کھانے پینے کے آداب و احکام (4155)

لباس اور زینت کے مسائل (3633)

نجی اور شخصی احوال ومعاملات (6547)

معاملات (9225)

عدالتی احکام و فیصلے (3431)

جرائم و عقوبات (5046)

جہاد (5356)

علم (9419)

قسم الحديث (القائل): مرفوع ، اتصال السند: متصل ، قسم الحديث: تقریری

‌صحيح البخاري: كِتَابُ الحَيْض (بَابُ الصُّفْرَةِ وَالكُدْرَةِ فِي غَيْرِ أَيَّامِ الحَيْضِ)

حکم : أحاديث صحيح البخاريّ كلّها صحيحة

331 . حَدَّثَنَا قُتَيْبَةُ بْنُ سَعِيدٍ، قَالَ: حَدَّثَنَا إِسْمَاعِيلُ، عَنْ أَيُّوبَ، عَنْ مُحَمَّدٍ، عَنْ أُمِّ عَطِيَّةَ، قَالَتْ: «كُنَّا لاَ نَعُدُّ الكُدْرَةَ وَالصُّفْرَةَ شَيْئًا»

صحیح بخاری:

کتاب: حیض کے احکام و مسائل

(

باب: اس بیان میں کہ زرد اور مٹیالا رنگ حیض کے دنوں کے علاوہ ہو (تو کیا حکم ہے؟)۔

)

مترجم: ١. شیخ الحدیث حافظ عبد الستار حماد (دار السلام)

331. حضرت ام عطیہ‬ ؓ س‬ے روایت ہے، انھوں نے فرمایا: ہم زرد اور خاکستری رنگ کی رطوبت کو کوئی اہمیت نہیں دیتی تھیں۔

تشریح:

1۔ اس سے قبل ایک حدیث گزر چکی ہے۔ عورتیں کرسف، یعنی روئی کو ڈبیہ میں بند کرکے حضرت عائشہ ؓ کے پاس بغرض تحقیق روانہ کرتیں توحضرت عائشہ فرماتیں کہ اس معاملہ میں جلدی سے کام نہ لیا جائے، جب تک کرسف بالکل سفید برآمد نہ ہو اس وقت تک حالت حیض برقرارہے، یعنی ان کے نزدیک ہررنگ کی رطوبت حیض میں داخل ہے، خواہ زرد رنگ کی ہو یا خاکستری رنگ کی، لیکن حدیث ام عطیہ ؓ میں ہے کہ ہم زرد اور خاکستری رنگ کی رطوبت کو کوئی اہمیت نہ دیتی تھیں۔ امام بخاری ؒ نے ان دونوں احادیث میں تطبیق کی یہ صورت پیدا فرمائی کہ انھوں نے عنوان میں ایک قید کا اضافہ کیا، یعنی ایام حیض کے علاوہ اگرزرد یا خاکستری رنگ کی رطوبت آئے تو اسے کوئی اہمیت نہ دی جائے، جیسا کہ حدیث ام عطیہ میں ہے اور اگرایام حیض میں اس طرح کی رطوبت برآمد ہوتو اسے حیض شمار کیا جائے، جیسا کہ حضرت عائشہ کی روایت سے معلوم ہوتا ہے۔ اس کے علاوہ حضرت ام عطیہ کی روایت بایں الفاظ بھی مروی ہے کہ طہر کے بعد ہم زرد اورخاکستری رنگ کی رطوبت کو کچھ اہمیت نہ دیتی تھیں۔ (سنن أبي داود، الطھارة، حدیث:307) اس کا مطلب یہ ہے کہ حضرت ام عطیہ ؓ بھی طہر سے پہلے ایام حیض کے دوران میں ان رطوبتوں کو حیض ہی شمار کرتی تھیں۔ گویا امام بخاری ؓ نے عنوان میں جو الفاظ بڑھائے ہیں، اس کی بنیاد حضرت عائشہ ؓ کی روایت ہے یا پھر حضرت ام عطیہ ؓ ہی کی روایت میں یہ قید موجود ہے۔

Sharing Link: https://mohaddis.com/View/Sahi-Bukhari/T1/331

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	331
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	326
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	315
٤	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	326
٥	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	320
٦	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	325
٧	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	326
٨	ترقيم فؤاد عبد الباقي (دار السلام)	ترقیم فواد عبد الباقی (دار السلام)	326
١٠	ترقيم فؤاد عبد الباقي (داود راز)	ترقیم فواد عبد الباقی (داؤد راز)	326

نماز کے لیے ہر قسم کے حدث (ناپاکی) سے پاک ہونا ضروری ہے۔امام بخاری رحمۃ اللہ علیہ نے پہلے حدث اصغر سے طہارت(وضو)کو بیان فرمایا، پھر حدث اکبر(جنابت)سے پاکیزگی کے احکام ذکر کیے چونکہ حیض سے طہارت بھی نماز کے لیے بنیادی شرط ہے، اس لیے اس کے مسائل کا آغاز فرمایا ۔ امام بخاری رحمۃ اللہ علیہ نے اس کے احکام زیادہ ہونے کی وجہ سے عنوان کتاب الحیض تجویز کیا تاہم ضمنی طور پر جستہ جستہ استحاضہ اور نفاس کے مسائل بھی زیر بحث آئیں گے ویسے بھی اصل تو حیض ہی ہے۔ استحاضہ اور نفاس کا خون مستقل نہیں ۔ استحاضہ کا عارضہ تو شاذ و نادر کسی کسی عورت کو لاحق ہوتا ہے اور نفاس دراصل حیض ہی کا خون ہے جو ایام حمل میں رحم کے اندر جمع ہوتا رہتا ہے۔ ایام حمل میں چونکہ رحم کا منہ بند ہوتا ہے اس لیے ولادت کے بعد رحم کا منہ کھلتے ہی باہر نکل آتا ہے حیض کیا ہے؟لغوی طور پر سیلان کے معنی میں استعمال ہوتا ہے (حَاضَ السَّيلُ) کا محاورہ اسی سے ہے حوض کا لفظ بھی اسی لفظ سے بنا ہے۔اصطلاحی طورپرصحت و تندرستی کی حالت میں بلوغ کے بعد عورت کی اندام نہانی سے مقررہ اوقات پر حسب عادت بہنے والے خون کو حیض کہا جاتا ہے۔ قرآن کریم نے اسے (أَذًى) سے تعبیر کیا ہے چونکہ یہ تکلیف دہ گنداہ ہوتا ہے اس لیے اس پر(أَذًى) کا لفظ بولا گیا ہے۔اس لفظ سے علت حکم کی طرف اشارہ ہے کیونکہ حکم کے ساتھ اگر علت حکم بھی بیان کردی جائے تو اس حکم کی عظمت و اہمیت دلوں میں اچھی طرح بیٹھ جاتی ہے حائض بغیر"تا"بھی فصیح لغت ہے جو عموماً غیر حالت حیض کے لیے ہے اور دوران حیض میں حائضہ"تا"کے ساتھ استعمال ہوتا ہے حائض اور حائضہ کی جمع (حُيَّض)اور حوائض آتی ہے اس کے لیے عربی زبان میں دوسرے نام بھی ہیں مثلاً طمث عراک ، ضحک ،فرا، کبار،اعصار، فراک ، طمس دراس اور نفاس وغیرہ اس کے علاوہ استحاضہ ہے یہ وہ خون ہے جو رحم کی رگ پھٹنے یا کسی بیماری کی وجہ سے ادنائے رحم سے برآمد ہو اور بعض دفعہ اس کی وجہ رکضہ شیطان ہوتا ہے اس کا مفہوم بعض علمائے نے یہ بیان کیا ہے کہ شیطان کو عورت کے لیے وساوس میں مبتلا کردینے کا موقع ملتا ہے تاکہ یہ ایک دینی معاملے میں مغالطے کا شکار ہو جائے یا پھر رکضہ کو اس کے اصلی ظاہری معنی پر محمول کیا جائے گا۔ کہ شیطان عورت کے رحم میں کچو کا لگاتا ہے جس سے خون جاری ہو جاتا ہے علامہ سندھی نے کہا ہے کہ اسے ظاہری پر محمول کرنا ہی اولیٰ ہے۔امام بخاری رحمۃ اللہ علیہ نے اس کتاب میں چالیس احادیث بیان کی ہیں جن پر تیس عنوان قائم کیے ہیں جن میں ایک نفاس چار استحاضہ اور پچیس عنوان حیض سے متعلق ہیں ان میں مندرجہ ذیل مسائل بیان ہوئے ہیں حیض کی ابتدا کن حالات کے پیش نظر کس زمانے میں ہوئی ؟خون حیض کی نجاست اور اس کی طہارت کا طریقہ ،حائضہ کے کپڑوں کی حیثیت حیض کی آمداور بازگشت (ختم ہونے)کی علامات کیا دوران حمل میں حیض آسکتا ہے؟غسل حیض کا طریقہ اور محل حیض کی صفائی ، غسل حیض سے فراغت کے بعد خوشبو کا استعمال غسل حیض کے وقت بالوں کو کھولنا دوران حیض میں عورت کی ذمے داریاں اور اس سے کون سی خدمات لی جا سکتی ہیں؟ حائضہ عورت سے کس حد تک خاوند کو تمتع کرنے کی اجازت ہے؟ اسے کن عبادات کوبجالانا اور کن سے اجتناب کرنا ہے؟حائضہ عورت کا حج اور عمرہ کرنا وہ کون سی عبادات ہیں جو حائضہ عورت سے ساقط ہیں جن کی قضا ضروری نہیں؟ اجتماعی عبادات میں حائضہ عورت کی شرکت اور اس کا طریقہ ،حیض ونفاس کے متعلق عورت کے بیان کا اعتبار ایام حیض کے بعد اگر رنگین رطوبت بر آمد ہو تو اس کا کیا حکم ہے؟ حیض اور نفاس میں مابہ الاشتراک اور مابہ الافتراق ، استحاضہ کی نوعیت اور اس کی وضاحت استحاضہ کا سبب اور علت مسجد میں مستحاضہ کا اعتکاف کرنا، مستحاضہ کا خون رک جائے تو وہ کیا کرے؟آخر میں بیان کیا کہ نفاس والی اور حائضہ عورت وقتی طور پر نجاست آلود ہوتی ہے نجس العین نہیں ہو جاتی۔ اگر اس حالت میں انہیں موت آجائے تو ان کی نماز جنازہ پڑھنی ہوگی نیز نمازی کے آگے ان کے لیٹنےسے نمازقطعاً متاثر نہیں ہو گی ان کے علاوہ بے شمار احکام و مسائل بیان ہوں گے۔ قارئین کرام سے گزارش ہے کہ تمہیدی معروضات کو ذہن میں رکھتے ہوئے کتاب الحیض کا مطالعہ کریں ۔امام بخاری رحمۃ اللہ علیہ نے حسب عادت کتاب الحیض کا آغاز آیت کریمہ سے فرمایا ہے مقصد یہ ہے کہ حیض کے بارے میں یہ آیت کریمہ اصل کی حیثیت رکھتی ہےآئندہ ابواب میں حیض کے جتنے مسائل اور متعلقات بیان ہوں گے وہ اس آیت کریمہ کی تفسیرہوں گے ©حیض کا خون نجس ہے اسے ہر صورت میں دھونا ہو گا اسے کھرچنے یا رگڑنے سے کام نہیں چلے گا©خون حیض کی نجاست حائضہ کے دیگر اعضائے جسم سے متعلق نہیں اس لیے وہ دعا ذکر اور دیگر علمی مجالس میں شریک ہو سکتی ہے©حیض کی آمد اور باگشت کی علامات کیا ہیں؟ نیز اس کی کم ازکم اور زیادہ سے زیادہ مقدار کیا ہو سکتا ہے؟©حیض اور استحاضہ کے احکام الگ الگ ہیں انھیں ایک خیال نہ کیا جائے۔©حائضہ کا پسینہ وغیرہ پاک ہے اس سے اجتناب کی ضرورت نہیں©ایام حیض میں صرف مجامعت منع ہے اس کے علاوہ خاوند کو تمتع کی اجازت ہے۔©حیض کے بعد غسل واجب ہے اور اس میں دلک (جسم کا ملنا)وغیرہ ضروری ہے۔©غسل کے بعد رفع کراہت اور اعادہ شادابی کے لیے محل حیض پر خوشبو کا استعمال ہونا چاہیے۔اس طرح کے دیگر احکام اسی آیت کریمہ کے اجمال کی تفصیل اور تشریح ہوں گے۔امام بخاری رحمۃ اللہ علیہ یہ بھی بتانا چاہتے ہیں کہ شریعت فہمی اور اخذ احکام کے لیے اکیلا قرآن کافی نہیں اس کے ساتھ صاحب قرآن کی ہدایات اور تشریحات کا ہونا از بس ضروری ہے یہ دونوں اللہ کی طرف سے نازل شدہ ہیں اس لیے قرآن کو ماننا اور صاحب قرآن سے بے اعتنائی کرنا اللہ کی منشا کے خلاف ہے۔ضروری ہے کہ قرآن کریم میں رب العالمین کے بیان کردہ مدعا کو سمجھنے کے لیے رسول اللہ صلی اللہ علیہ وسلم کے فرمودات کی طرف رجو ع کیا جائے۔ بظاہر قرآن کریم میں حائضہ کے متعلق حکم اعتزال اور یہود مجوس کی روش اجتناب ایک ہی معلوم ہوتی ہے۔ لیکن حدیث نے اسے بیان فرمایا کہ مجامعت کے علاوہ ہر چیز جائز ہے اعتزال کا مطلب یہ نہیں کہ اسے گھر سے نکال دیا جائے یا اس کے ساتھ کوئی تعلق نہ رکھا جائے۔اس آیت کریمہ کی شان نزول یہ ہے کہ اسلام سے قبل مدینے کی آبادی میں اکثر یہودی شامل تھے اہل مدینہ مذہبی معاملات میں انھی کا اتباع کرتے تھے حائضہ کے متعلق یہود کا عمل بڑے تشدد کا تھا وہ اس سے اس قدر اجتناب کرتے کہ اسے گھر سے نکال کر کسی دوسرے گھر میں منتقل کر دیتے تھے اس کے برعکس نصاری کے ہاں ایام حیض میں کوئی پرہیزنہ ہوتا وہ حیض اور طہر کی حالت کو یکساں خیال کرتے کفارومشرکین ان ایام میں عورت کے مقام مخصوص سے تو پرہیز کرتے لیکن اس سے زیادہ گھناؤ نے جرم کے مرتکب ہوتے یعنی وہ وطی بالدبر کرتے تھے ان حالات کے پیش نظر اہل اسلام اس کے متعلق سوالات کرتے چنانچہ مذکورہ آیت کریمہ اسی قسم کے سوالات کے جواب میں نازل ہوئی اسلام نے ان تمام طریقوں کو ناجائز قراردیتے ہوئے حائضہ کے ساتھ ایک معتدل اور مناسب طریق عمل کی ہدایت فرمائی ہے اسی طریق عمل کو امام بخاری رحمۃ اللہ علیہ نے آئندہ ابواب میں کھول کر بیان کیا ہے۔آئندہ جو احکام ومسائل ہیں وہ اس آیت کریمہ کی تفسیر ہیں امام بخاری رحمۃ اللہ علیہ نے اپنی اس عظیم تالیف میں اسی اسلوب کو اپنایا ہے۔ پہلے بنیادی طور پر قرآن سے استشہاد لیتے ہیں پھر اس کی تائید میں رسول اللہ صلی اللہ علیہ وسلم کے فرمودات پیش کرتے ہیں۔

حدیث ترجمہ:

حضرت ام عطیہ‬ ؓ س‬ے روایت ہے، انھوں نے فرمایا: ہم زرد اور خاکستری رنگ کی رطوبت کو کوئی اہمیت نہیں دیتی تھیں۔

حدیث حاشیہ:

حدیث ترجمہ:

ہم سے قتیبہ بن سعید نے بیان کیا، انھوں نے کہا ہم سے اسماعیل بن علیہ نے بیان کیا، انھوں نے ایوب سختیانی سے، وہ محمد بن سیرین سے، وہ ام عطیہ ؓ سے، آپ نے فرمایا کہ ہم زرد اور مٹیالے رنگ کو کوئی اہمیت نہیں دیتی تھیں۔

حدیث حاشیہ:

یعنی جب حیض کی مدت ختم ہوجاتی تومٹیالے یازرد رنگ کی طرح پانی کے آنے کو ہم کوئی اہمیت نہیں دیتی تھیں۔ اس حدیث کے تحت علامہ شوکانی ؒ فرماتے ہیں: ''وَالْحَدِيثُ يَدُلُّ عَلَى أَنَّ الصُّفْرَةَ وَالْكُدْرَةَ بَعْدَ الطُّهْرِ لَيْسَتَا مِنْ الْحَيْضِ وَأَمَّا فِي وَقْتِ الْحَيْضِ فَهُمَا حَيْضٌ۔'' (نیل الأوطار:340/1) ’’یہ حدیث دلالت کرتی ہے کہ طہر کے بعد اگرمٹیالے یازرد رنگ کا پانی آئے تووہ حیض نہیں ہے۔ لیکن ایام حیض میں ان کا آنا حیض ہی ہوگا۔‘‘ بالکل برعکس: صاحب تفہیم البخاری ( دیوبند ) نے محض اپنے مسلک حنفیہ کی پاسداری میں اس حدیث کا ترجمہ بالکل برعکس کیا ہے، جو یہ ہے: ’’ آپ نے فرمایاکہ ہم زردا اور مٹیالے رنگ کو کوئی اہمیت نہیں دیتے تھے ( یعنی سب کو حیض سمجھتے تھے۔ ) ‘‘ الفاظ حدیث پر ذرا بھی غورکیا جائے توواضح ہوگا کہ ترجمہ بالکل برعکس ہے، اس پر خود صاحب تفہیم البخاری نے مزید وضاحت کردی ہے کہ ’’ہم نے ترجمہ میں حنفیہ کے مسلک کی رعایت کی ہے۔ ‘‘ ( تفهیم البخاري، ج2،ص: 44) اس طرح ہر شخص اگراپنے اپنے مزعومہ مسالک کی رعایت میں حدیث کا ترجمہ کرنے بیٹھے گا تو معاملہ کہاں سے کہاں پہنچ سکتا ہے۔ مگرہمارے معزز فاضل صاحب تفہیم البخاری کا ذہن محض حمایت مسلک کی وجہ سے ادھر نہیں جاسکا۔ تقلید جامد کا نتیجہ یہی ہونا چاہیے۔ إنا للہ وإناإلیه راجعون۔ علامہ قسطلانی فرماتے ہیں:'' أي من الحيض إذا كان في غير زمن الحيض أما فيه فهو مر الحيض تبعًا، وبه قال
سعيد بن المسيب وعطاء والليث وأبو حنيفة ومحمد والشافعي وأحمد'' (شرح القسطلاني:362/1) ’’یعنی غیرزمانہ حیض میں مٹیالے یازرد رنگ والے پانی کوحیض نہیں مانا جائے گا، ہاں زمانہ حیض میں آنے پر اسے حیض ہی کہا جائے گا۔ سعید بن مسیب اور عطاء اور لیث اور ابوحنیفہ اور محمد اور شافعی اور احمد کا یہی فتویٰ ہے۔‘‘ خدا جانے صاحب تفہیم البخاری نے ترجمہ میں اپنے مسلک کی رعایت کس بنیاد پر کی ہے؟ اللهم وفقنا لماتحب وترضیٰ، آمین!

حدیث ترجمہ:

Narrated Um 'Atiya (RA): We never considered yellowish discharge as a thing of importance (as menses).

اسم العالم	الحكم
إجماع علماء المسلمين

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

الحكم على الحديث