التخريج

قسم الحديث (القائل): مرفوع ، اتصال السند: متصل ، قسم الحديث: فعلی

‌صحيح البخاري: كِتَابُ أَحَادِيثِ الأَنْبِيَاءِ (بَابٌ:‏{فَلَمَّا جَاءَ آلَ لُوطٍ المُرْسَلُونَ، قَالَ إِنَّكُمْ قَوْمٌ مُنْكَرُونَ})

حکم : أحاديث صحيح البخاريّ كلّها صحيحة 

ترجمة الباب: {بِرُكْنِهِ} [الذاريات: 39]: «بِمَنْ مَعَهُ لِأَنَّهُمْ قُوَّتُهُ»، {تَرْكَنُوا} [هود: 113]: «تَمِيلُوا فَأَنْكَرَهُمْ وَنَكِرَهُمْ وَاسْتَنْكَرَهُمْ وَاحِدٌ»، {يُهْرَعُونَ} [هود: 78]: «يُسْرِعُونَ»، {دَابِرٌ} [الأنعام: 45]: «آخِرٌ»، {صَيْحَةٌ} [يس: 29]: «هَلَكَةٌ»، {لِلْمُتَوَسِّمِينَ} [الحجر: 75]: «لِلنَّاظِرِينَ»، {لَبِسَبِيلٍ} [الحجر: 76]: «لَبِطَرِيقٍ»

3376. حَدَّثَنَا مَحْمُودٌ، حَدَّثَنَا أَبُو أَحْمَدَ، حَدَّثَنَا سُفْيَانُ، عَنْ أَبِي إِسْحَاقَ، عَنِ الأَسْوَدِ، عَنْ عَبْدِ اللَّهِ رَضِيَ اللَّهُ عَنْهُ، قَالَ: قَرَأَ النَّبِيُّ صَلَّى اللهُ عَلَيْهِ وَسَلَّمَ: {فَهَلْ مِنْ مُدَّكِرٍ} [القمر: 15]

مترجم:

ترجمۃ الباب:

( سورۃ والذاریات میں ) موسیٰ ؑ کے ذکر میں ” برکنہ “ سے مراد وہ لوگ ہیں جو فرعون کے ساتھ تھے کیونکہ وہ اس کے قوت بازوتھے ( سورۃ ہود میں ) ولاترکنوا کا معنی مت جھکو ( سورۃ ہود میں ) انکرھم‘ نکرھم اور استنکرھم کا ایک ہی معنی ہے ( سورۃ ہود میں یھرعون کا معنی دوڑتے ہیں ( سورۃ حجر میں ) دابر کے معنی آخر دم ہے ( سورۃ حجر میں ) صیحۃکا معنی ہلاکت ( سورۃ حجر میں ) للمتوسمین کا معنی دیکھنے والوں کے لئے ( سورۃ حجر میں ) لسبیل کا معنی راستے کے ہیں ( یعنی راستے میں )تشریح : باب کے ذیل لفظ برکنہآیا ہے یعنی قوت۔ رکن کے معنی قوت‘ زور۔ یہ لفظ تو حضرت موسیٰ علیہ السلام کے قصے میں واردہوا ہے اورحضرت لوط علیہ السلام کے قصے میں بھی رکن کا لفظ آیا ہے او اوي الي رکن شدي ( ھود: 80 ) اس لئے امام بخاری نے اس کا ذکر کردیاوالتکرھم کا لفظ ان فرشتوں کے باب میں ہے جو حضرت ابراہیم علیہ السلام کے پاس بطور مہمان آئے تھے۔ مگر چونکہ یہی فرشتے حضرت لوط علیہ السلام کے پاس گئے تھے ‘ اس مناسب کی وجہ سے اس کا بھی ذکر کردیا۔ بعض نے کہا لوط کے قصے میں بھی اِنّکُم قَوم مُّنکَرُونَ ( الحجر:62 ) وارد ہے اور نکرھم ا سی سے ہے۔ صیحۃ لفظ آیت شریفہ فاخذ تھم الصيح مشرقين ( الحجر : 73 ) میں ہے جو حضرت لوط کی امت کے بارے میں ہے۔ نیز آیت میں جویس میں ہے ان کانت الا صيح واحد ( یٰسٓ : 53 ) لفظ صیحۃ مذکور ہے۔

3376.

حضرت عبد اللہ بن مسعود  ؓسے روایت ہے، انھوں نے کہا: نبی ﷺ نے ﴿فَهَلْ مِن مُّدَّكِرٍ﴾ پڑھا تھا۔

×
ترجمۃ الباب:

بِرُكْنِهِ (فرعون)اپنے ساتھیوں سمیت کیونکہ وہ اس کی طاقت تھے تَرْكَنُوا تم جھکواورفانكرهم‘ونكرهم اور استنكرهم کے معنی ایک ہی ہیں،  یعنی انھیں اجنبی خیال کیا يُهْرَعُونَ کے معنی ہیں تیزی سے دوڑتے ہوئے دَابِرَ اس کی جڑیا آخری انسان الصَّيْحَةُ ہلاکت خیز دھماکہ۔  لِّلْمُتَوَسِّمِينَ صاحب بصیرت لوگوں کے لیے لَبِسَبِيلٍ شارع عام۔


حدیث ترجمہ:

ہم سے محمود نے بیان کیا‘ کہا ہم سے ابو احمد نے بیان کیا‘ ان سے سفیان نے بیان کیا‘ ان سے ابو اسحاق نے‘ ان سے اسود نے اور ان سے حضرت عبداللہ بن مسعود ؓ نے بیان کیا کہ نبی کریم ﷺ نے ﴿فَهَلْ مِن مُّدَّكِرٍ﴾پڑھا تھا۔

حدیث حاشیہ:

یہ آیت سورۃ قمر میں حضرت لوط ؑکے قصے میں وارد ہے۔ اس مناسبت سے اس حدیث کو اس باب میں بھی دکر کردیا ہے۔ جیسے پہلے بھی کئی با ر گزر چکی ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3398
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)3376
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)3125
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)3376
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)3196
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3248
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)3376
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)3376
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)3376

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

امام بخاری رحمۃ اللہ علیہ نے چند الفاظ کا انتخاب کیا ہے جو ان سورتوں میں ہیں جن میں لوط علیہ السلام اور ان کی قوم کا تفصیلی تذکرہ ہے۔ حضرت لوط علیہ السلام کا تبلیغی مرکز سدوم کا شہر تھا یہ علاقہ عراق اور فلسطین کے درمیان ہے جسے آج کل مشرقی اردن کہا جاتا ہےجاتا ہے۔جہاں عذاب آیا تھا۔ وہ چار بستیاں تھیں جن میں تقریباً چار لاکھ کی آبادی تھی۔ یہ سب بدکار اور مجرم قسم کے لوگ تھے۔حضرت جبرئیل علیہ السلام نے اس پورے خطہ زمین کو اپنے پروں پر اٹھایا پھر فضا میں بلندی پر لے جا کر انھیں زمین پردے مارا۔اوپر سے پتھروں کی بارش کی گئی۔ وہ پتھر عام نہ تھے بلکہ نشان زدہ تھے چنانچہ وہ خطہ زمین سطح سمندر سے 400کلو میٹر نیچے چلا گیا اور پانی اوپر آگیا یہی پانی بحر مراد کہلاتا ہے اس سے بدبو آتی ہے اور کسی کام میں استعمال ہونے کے قابل نہیں ہے۔ مناسب معلوم ہوتا ہے کہ اس سلسلے میں چند تنبیہات ذکر کریں۔©سیدنا ابراہیم علیہ السلام بھی ان فرشتوں کو دیکھ کر پریشان ہوئے اور انھیں اجنبی خیال کیا اور حضرت لوط علیہ السلام نے بھی انھیں اجنبی سمجھا لیکن دونوں حضرات کے خطرے کی نوعیت مختلف تھی۔(ا) حضرت ابراہیم علیہ السلام کو یہ خطرہ تھا کہ انھوں نے کھانا نہیں کھایا۔ اس سے معلوم ہوتا ہے کہ وہ کسی بری نیت سے ان کے گھر آئے ہیں۔(ب)حضرت لوط علیہ السلام اپنی قوم کا حال جانتے تھے اور یہ نوجوان مہمان بھی بہت خوبصورت تھے اس لیے آپ ہی دل میں سخت خوفزدہ تھے ۔©حضرت لوط علیہ السلام نے قوم کی بدتمیزی اور علانیہ دیدہ دلیری دیکھ کر کہا: کاش میرے پاس ذاتی قوت ہوتی یا میرا کوئی مضبوط سہارا ہوتا۔ اس میں لفظ "رکن"آیا تھا اسی مناسبت سے امام بخاری رحمۃ اللہ علیہ نے رکن کی لغوی تشریح کردی۔ ایسا قطعاً نہیں کہ امام بخاری رحمۃ اللہ علیہ کو وہم ہوا اور ان آیات کو یہاں درج کر دیا ہے۔©صحیح بخاری کے بعض نسخوں میں اس کے بعد قوم ثمود اور حضرت صالح علیہ السلام کا ذکر ہے لیکن قرآنی ترتیب کے مطابق ہم نے اسے اپنے مقام پر رکھا ہے۔سورہ حجر میں چونکہ اصحاب الحجر کا واقعہ لوط علیہ السلام کے بعد ہے ممکن ہے کہ اس لیے قوم ثمود کا واقعہ یہاں درج کردیا گیا ہو۔ لیکن ہم نے اسے اس کے مقام پر ذکر کیا ہے اس کے متعلق ہم پہلے بھی تنبیہ لکھ آئے ہیں۔

تمہید کتاب

×

ان کے علاوہ باقی سات کا ذکر دیگر مقامات پر ہے۔ ان میں سے پہلے حضرت آدم علیہ السلام  اور آخری خاتم الانبیاء حضرت محمد صلی اللہ علیہ وسلم  ہیں۔اللہ تعالیٰ کے نزدیک تمام انبیائے کرام علیہ السلام  نرگزیدہ پسندیدہ اور خلاصہ کائنات ہیں لیکن یہودی عقیدہ رکھتے ہیں کہ حضرات انبیاء علیہ السلام  گناہوں اور غلطیوں سے معصوم نہیں بلکہ انھوں نے انبیاء  علیہ السلام  کے لیے منکرات مثلاً:"زنا شراب نوشی اور عورتوں کو ان کے خاوندوں سے چھین لینے کے ارتکاب کو ممکن قراردیا ہے۔ اس کے متعلق یہودی اپنے ہاں موجودہ تورات پر اعتماد کرتے ہیں چنانچہ نوح علیہ السلام  کے متعلق بائیل میں ہے نوح کاشتکاری کرنے لگا اور اس نے انگور کا ایک باغ لگایا اس نے مے نوشی کی اور اسے نشہ آیا تو وہ اپنے ڈیرےمیں برہنہ ہو گیا۔(پیدائش باب 9۔آیت:20۔21)حضرت لوط کے متعلق لکھا ہے۔ لوط کی دونوں بیٹیاں اپنے باپ سے حاملہ ہوئیں ۔بڑی کے ہاں ایک بیٹا ہوا اور چھوٹی نے بھی ایک بیٹے کو جنم دیا۔(پیدائش باب 9۔آیت36)حضرت داؤد علیہ السلام  کے متعلق لکھا ہے: ان کی نظر ایک نہاتی ہوئی پڑوسن پر پڑی تو وہ اس پر فریفۃ ہو گئے اور اسے بلا کر اس سے بدکاری کی۔ وہ اس سے حاملہ ہوگئی پھر انھوں نے کوشش کی کہ یہ حمل اس کے خاوند کے ذمے لگ جائے۔بلآخر انھوں نے اس کے خاوند کو جنگ میں بھیج کر مرواڈالا اور عورت سے شادی رچالی۔۔(سموئیل باب 11۔آیت 1۔6)حضرت سلیمان علیہ السلام  کے متعلق بائبل میں ہے۔ جب سلیمان بڈھا ہو گیا تو اس کی بیویوں نے اس کے دل کو غیرمعبودوں کی طرف مائل کردیا اور اس کا دل اپنے خدا کے ساتھ کامل نہ رہا جیسا کہ اس کے باپ داؤد کا تھا۔(بائبل کتاب سلاطین باب 11۔آیت۔4)امام بخاری رحمۃ اللہ علیہ  نے جب حضرات انبیاء علیہ السلام  کے متعلق یہودیوں کی بکواس کو ملاحظہ کیا تو کتاب الانبیاء میں قرآنی آیات اور احادیث سے مزین ان کی سیرت واخلاق کو مرتب کیا۔ اس گلدستے  کی تشکیل میں دو سونواحادیث ذکر کی ہیں آپ نے صحیح احادیث کی روشنی میں تقریباً بیس انبیائے کرام علیہ السلام  کے حالات وواقعات اور اخلاق و کردار کو بیان کیا ہے۔ضمنی طور پر حضرت مریم  علیہ السلام ،ذوالقرنین ، حضرت لقمان،اصحاب کہف اور اصحاب غار کا ذکر بھی کیا ہےان کے علاوہ بنی اسرائیل کے حالات بیان کرتے ہوئے یاجوج اور ماجوج سے متعلق ذکر کی ہیں۔الغرض امام بخاری رحمۃ اللہ علیہ  نے مؤرخین کی طرح تاریخی معلومات فراہم کرتے ہوئے نرمی اور تساہل سے کام نہیں کیا بلکہ سیرت انبیاء مرتب کرتے ہوئےراویوں کی عدالت و ثقاہت کے معیار کو قائم رکھا ہے۔ یہ بھی واضح رہے کہ امام بخاری رحمۃ اللہ علیہ  جس طرح فقہی مسائل میں مجتہد ہیں اسی طرح تاریخی حقائق بیان کرنے میں منصب اجتہاد پر فائز نظر آتے ہیں۔ اس سلسلے میں مؤرخین کی پروانہیں کرتے۔ بہر حال امام بخاری رحمۃ اللہ علیہ  نے ان احادیث پر چون (54)کے قریب چھوٹے چھوٹے عنوان قائم کرکے حضرات انبیاء علیہ السلام  کے متعلق متعدد واقعات وحقائق سے پردہ اٹھایا ہے۔ ان احادیث میں ایک سو ستائیس مکرراور بیاسی احادیث خالص ہیں۔مرفوع احادیث کے علاوہ صحابہ کرام رضوان اللہ عنھم اجمعین اور تابعین عظام سے تقریباً چھیاسی آثار بھی مروی ہیں۔دعا ہے کہ اللہ تعالیٰ ہمیں اس وافر اور مستند خزانے سے فیض یاب ہونے کی توفیق دے اور ان پاکیزہ لوگوں کی سیرت کے مطابق اپنے اخلاق وکردار کو ڈھا لنے کی ہمت عطا فرمائے۔ آمین یا رب العالمین۔

تمہید باب عربی

×

تمہید کتاب عربی

×