التخريج

قسم الحديث (القائل): متواتر ، اتصال السند: متصل ، قسم الحديث: صفات و شمائل

‌صحيح البخاري: کِتَابُ مَنَاقِبِ الأَنْصَارِ (بَابُ قَوْلِ النَّبِيِّ ﷺ لِلْأَنْصَارِ: «اصْبِرُوا حَتَّى تَلْقَوْنِي عَلَى الحَوْضِ»)

حکم : أحاديث صحيح البخاريّ كلّها صحيحة 

ترجمة الباب: قَالَهُ عَبْدُ اللَّهِ بْنُ زَيْدٍ عَنِ النَّبِيِّ ﷺ

3792. حَدَّثَنَا مُحَمَّدُ بْنُ بَشَّارٍ حَدَّثَنَا غُنْدَرٌ حَدَّثَنَا شُعْبَةُ قَالَ سَمِعْتُ قَتَادَةَ عَنْ أَنَسِ بْنِ مَالِكٍ عَنْ أُسَيْدِ بْنِ حُضَيْرٍ رَضِيَ اللَّهُ عَنْهُمْ أَنَّ رَجُلًا مِنْ الْأَنْصَارِ قَالَ يَا رَسُولَ اللَّهِ أَلَا تَسْتَعْمِلُنِي كَمَا اسْتَعْمَلْتَ فُلَانًا قَالَ سَتَلْقَوْنَ بَعْدِي أُثْرَةً فَاصْبِرُوا حَتَّى تَلْقَوْنِي عَلَى الْحَوْضِ

مترجم:

ترجمۃ الباب:

یہ قول حضرت عبداللہ بن زیدؓ نے نبی کریم ﷺسے روایت کیا ہے ۔

3792.

حضرت اسید بن حضیر ؓ سے روایت ہے، انہوں نے کہا کہ ایک انصاری آدمی نے کہا: اللہ کے رسول! آپ مجھے عامل مقرر نہیں کرتے جیسا کہ فلاں آدمی کو عامل بنایا ہے؟ آپ ﷺ نے فرمایا: ’’میرے بعد تمہیں ترجیح کا سامنا کرنا پڑے گا (تم پر دوسرے لوگوں کو ترجیح دی جائے گی)، لہذا صبر کرنا یہاں تک کہ حوض کوثر پر مجھ سے ملاقات کرو۔‘‘

×
ترجمۃ الباب:

اس بات کو حضرت عبداللہ بن زیدؓ نے نبی ﷺسے بیان کیا ہے۔


حدیث ترجمہ:

ہم سے محمد بن بشار نے بیان کیا، کہا ہم سے غندر نے بیان کیا، کہا ہم سے شعبہ نے کہا کہ میں نے قتادہ سے سنا، انہوں نے حضرت انس بن مالک ؓ سے اور انہوں نے حضرت اسید بن حضیر ؓ سے کہ ایک انصاری صحابی نے عرض کیا یارسول اللہ! فلاں شخص کی طرح مجھے بھی آپ حاکم بنا دیں۔ آنحضرت ﷺ نے فرمایا میرے بعد (دنیاوی معاملات میں) تم پر دوسروں کو ترجیح دی جائے گی اس لیے صبر سے کام لینا، یہاں تک کہ مجھ سے حوض پر آملو۔

حدیث حاشیہ:

حافظ نے کہا کہ یہ عرض کرنے والے خود اسید بن حضیر تھے اور جن کو حکومت ملی تھی وہ عمرو بن عاص تھے۔

تشریح: حافظ صاحب فرماتے ہیں: وَهُوَ مِنْ رِوَايَةِ صَحَابِيٍّ عَنْ صَحَابِيٍّ زَادَ مُسْلِمٌ وَقَدْ رَوَاهُ يَحْيَى بْنُ سَعِيدٍ وَهِشَامُ بْنُ زَيْدٍ عَنْ أَنَسٍ بِدُونِ ذِكْرِ أُسَيْدِ بْنِ حُضَيْرٍ لَكِنْ بِاخْتِصَارِ الْقِصَّةِ الَّتِي هُنَا وَذَكَرَ كُلٌّ مِنْهُمَا قِصَّةً أُخْرَى غَيْرَ هَذِهِ فَحَدِيثُ يَحْيَى بْنِ سَعِيدٍ تَقَدَّمَ فِي الْجِزْيَةِ وَحَدِيثُ هِشَامٍ يَأْتِي فِي الْمَغَازِي وَوَقَعَ لِهَذَا الْحَدِيثِ قِصَّةٌ أُخْرَى مِنْ وَجْهٍ آخَرَ فَأَخْرَجَ الشَّافِعِيُّ مِنْ رِوَايَةِ مُحَمَّدِ بْنِ إِبْرَاهِيمَ التَّيْمِيِّ إِلَى أُسَيْدِ بْنِ حُضَيْرٍ طَلَبَ مِنَ النَّبِيِّ صَلَّى اللَّهُ عَلَيْهِ وَسَلَّمَ لِأَهْلِ بَيْتَيْنِ مِنَ الْأَنْصَارِ فَأَمَرَ لِكُلِّ بَيْتٍ بِوَسْقٍ مِنْ تَمْرٍ وَشَطْرٍ مِنْ شَعِيرٍ فَقَالَ أُسَيْدٌ يَا رَسُولَ اللَّهِ جَزَاكَ اللَّهُ عَنَّا خَيْرًا فَقَالَ وَأَنْتُمْ فَجَزَاكُمُ اللَّهُ خَيْرًا يَا مَعْشَرَ الْأَنْصَارِ وَإِنَّكُمْ لَأَعِفَّةٌ صُبُرٌ وَإِنَّكُمْ سَتَلْقَوْنَ بَعْدِي أَثَرَةً الْحَدِيثُ(فتح الباری)  یعنی یہ روایت صحابی (حضرت انس) کی صحابی (حضرت اسید) سے ہے اور مسلم نے زیادہ کیا کہ اس روایت کو یحییٰ بن سعید اور ہشام بن زید نے انس سے روایت کیا ہے اس میں اسید کا ذکر نہیں ہے لیکن قصہ اختصار سے مذکور ہے اور ان دونوں نے اس کے سوا دوسرا قصہ ذکرکیا ہے۔ یحییٰ بن سعید والی حدیث باب الجزیہ میں مذکور ہوچکی ہے اور ہشام کی حدیث مغازی میں آئے گی اور اس حدیث سے متعلق دوسرے طریق سے ایک اور واقعہ ذکر ہوا ہے جسے امام شافعی نے محمد بن ابراہیم تیمی کی روایت میں ابواسید بن حضیر سے نقل کیا ہے کہ ابواسید نے دوگھرانوں کے لیے انصار میں سے آنحضرت ﷺ سے امداد طلب کی، آنحضرت  ﷺ نے ہر گھرانے کے لیے ایک وسق کھجور اور کچھ جو بطور امداد دینے کا حکم فرمایا، اس پر اسید نے آپ ﷺ کا شکریہ ادا کرتے ہوئے جزاک اللہ کہا، آنحضرت ﷺ نے جواب میں فرمایا کہ اے انصاریو! اللہ تم کو بھی جزائے خیر دے، میرے بعد تم لوگ تلخیاں چکھو گے اور دیکھو گے کہ دوسروں کو تم پر ترجیح دی جائے گی، پس اس وقت تم صبر سے کام لینا، یہاں تک کہ مجھ سے حوض کو ثر پر آکر ملاقات کرو۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3822
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)3792
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)3508
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)3792
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)3581
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3650
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)3792
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)3792
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)3792

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

یہ عنوان ایک حدیث کا حصہ ہے کہ رسول اللہ صلی اللہ علیہ وسلم نے انصار کے متعلق پیش گوئی فرمائی کہ تمھیں آئندہ زندگی میں مشکلات اور تکلیفوں کا سامنا کرنا پڑے گا۔ لوگ تمھارے مقابلے میں دوسروں کو ترجیح دیں گے۔ تمھیں ان تلخیوں کو برداشت کرنا ہوگا۔ اس میں انصار کو جنت رحمت اور حوض کوثر پر ملنے کی بشارت ہے۔ عبد اللہ بن زید رضی اللہ تعالیٰ عنہ کی روایت کو امام بخاری رحمۃ اللہ علیہ نے خود ہی حدیث نمبر:4330۔کے تحت متصل سند سے بیان کیا ہے۔

تمہید کتاب

×

لغوی طور پر مناقب،منقبت کی جمع ہے۔اس کے معنی خوبی اور فضیلت کے ہیں ۔منقبت کے معنی فخر بھی کیے جاتے ہیں اور بعض اہل زبان اس کے معنی ہنروستودگی کرتے ہیں۔بہرحال اس کے معنی میں اچھے   پہلو کا خیال رکھا گیا ہے۔اس کے برعکس برے پہلو کو مثلبۃ کہتے ہیں جس کی جمع مثالب ہے۔اسی طرح انصار ،نصیر کی جمع ہے۔نصیر اور ناصر دونوں ہم معنی ہیں۔انصار ایک اسلامی نام ہے۔رسول اللہ صلی اللہ علیہ وسلم  نے اوس،خزرج اور ان کے حلیفوں کا نام انصاررکھا ہے۔قبیلہ اوس،اوس بن حارثہ اورقبیلہ خزرج ،خزرج بن حارثہ کی طرف منسوب ہیں۔یہ دونوں قیلہ بنت ارقم کے بیٹے ہیں۔انھیں انصار اس لیے کہا جاتا ہے کہ انھوں نے رسول اللہ صلی اللہ علیہ وسلم  کی مدد کی۔آپ کو اور آپ کے اصحاب رضوان اللہ عنھم اجمعین  کو مدینہ طیبہ میں رہنے کے لیے جگہ دی۔مال وجان سے ان کی نصرت وتائید کی اور اپنی ذات پر انھیں ترجیح دی۔سابقین انصار کی تین قسمیں ہیں:1۔اصحاب بیعت عقبہ اولیٰ:۔ان حضرات کی تعداد چھ ہے۔یہ قبیلہ خزرج سے تعلق رکھنے والے تھے۔ان کے نام یہ ہیں:1۔اسعد بن زرارہ  رضی اللہ تعالیٰ عنہ ۔2۔رافع بن مالک  رضی اللہ تعالیٰ عنہ ۔3۔قطبہ بن عامر رضی اللہ تعالیٰ عنہ ۔4۔عوف بن حارث۔5۔عقبہ بن عامر رضی اللہ تعالیٰ عنہ ۔جابر بن عبداللہ بن رباب رضی اللہ تعالیٰ عنہ ۔رسول اللہ صلی اللہ علیہ وسلم  حضرت ابوبکر رضی اللہ تعالیٰ عنہ  کے سامنے منیٰ کی گھاٹی سے گزرے تو ان سے ملاقات ہوگئی۔آپ نے انھیں اسلام کی دعوت دی تو یہ نوجوان مسلمان ہوگئے اور مدینہ طیبہ واپس جاکر خوب تبلیغ کی اور رسول اللہ صلی اللہ علیہ وسلم  کا پیغام مدینہ کے گھر گھر پہنچ گیا۔2۔اصحاب عقبہ ثانیہ:۔ان چھ حضرات کی تبلیغ کے نتیجے میں اگلے سال بارہ آدمی رسول اللہ صلی اللہ علیہ وسلم  کی خدمت میں حاضر ہوئے۔ان میں سے جابر بن عبداللہ بن رماب کو چھوڑ کر باقی پانچ وہی تھے جو پچھلے سال بھی آچکے تھے اور باقی حضرات کے نام یہ ہیں:©معاز بن حارث© ذکوان بن عبد قیس© عبادہ بن صامت۔©یزید بن ثعلبہ© عباس بن عبادہ بن نضلہ©ابوالہیثم بن تہیان۔© عویم بن ساعدہ۔۔۔ رضوان اللہ عنھم اجمعین ۔۔۔یہ آخری دو آدمی قبیلہ اوس کے تھے باقی سب قبیلہ خزرج سے تعلق رکھنے والے تھے۔ان حضرات نے منی میں عقبہ کے پاس رسول اللہ صلی اللہ علیہ وسلم  سے ملاقات کی اورآپ سے چند باتوں پر بیعت کی۔عقبہ کی اس بیعت کی تفصیل حضرت عبادہ بن صامت رضی اللہ تعالیٰ عنہ  سے مروی ہے جسے امام بخاری  رحمۃ اللہ علیہ  نے بیان کیا ہے۔( صحیح البخاری الایمان حدیث 18۔) رسول اللہ صلی اللہ علیہ وسلم  نے ان کے ہمراہ حضرت مصعب بن عمیر رضی اللہ تعالیٰ عنہ  کو بھیجا تاکہ وہ انھیں اسلامی احکام کی تعلیم دیں۔انھوں نے حضرت اسعد بن زرارہ  رضی اللہ تعالیٰ عنہ  کے ہاں قیام کیا،پھر دونوں حضرات نے اہل یثرب میں جوش وخروش سے اسلام کی تبلیغ شروع کردی۔3۔اصحاب عقبہ ثالثہ:۔نبوت کے تیرہویں سال یثرب کے ستر سے زائد مسلمان حج کی ادائیگی کے لیے مکہ آئے تو انھوں نے طے کیا کہ ہم کب تک رسول اللہ صلی اللہ علیہ وسلم  کو یوں ہی مکہ کے پہاڑوں میں چکر کاٹتے،ٹھوکریں کھاتے اور خوفزدگی کی حالت میں چھوڑے رکھیں گے۔آخر کار رسول اللہ صلی اللہ علیہ وسلم  کے ہمراہ ان کا اجتماع جمرہ عقبہ کے پاس جو گھاٹی ہے وہاں ہوا اور رات کی تاریکی میں خفیہ طور پر اس کی تفصیلات طے پائیں۔رسول اللہ صلی اللہ علیہ وسلم  نے انھیں اللہ کی طرف دعوت دی،اس کے بعد بیعت ہوئی۔اس اجتماع میں تہتر مرد اور دوعورتیں:ایک ام عمارہ نسبیہ بنت کعب اور دوسری ام منیع اسماء بنت عمرو تھیں،یعنی مرد اور عورتوں کی تعداد پچھتر تھی۔حضرت جابر رضی اللہ تعالیٰ عنہ  بیان کرتے ہیں ہم نے عرض کی:اللہ کے رسول صلی اللہ علیہ وسلم ! ہم آپ سے کس بات پر بیعت کریں؟آپ نے فرمایا:"اس بات پر کہ© چستی اور سستی ہرحال میں بات سنو گے اور مانو گے۔©۔تنگی اور خوشحالی ہر حال میں مال خرچ کروگے۔©۔بھلائی کا حکم دوگے اور بُرائی سے روکو گے۔©۔اللہ کی  راہ میں اُٹھ کھڑ ے ہو گے اور اللہ کے معاملے میں کسی ملامت گر کی ملامت سے نہیں ڈرو گے۔©۔جب میں تمہارے پاس آجاؤں تو تم میری مدد کروگے اور جس چیز سے تم اپنی اور اپنے بچوں کی حفاظت کرتے ہو اس سے میری بھی حفاظت کرو گے۔اس کے عوض تمہارے لیے جنت ہوگی۔"( مسند احمد 322/3۔) بیعت کی تکمیل کے بعد بارہ سربراہ منتخب ہوئے جو اپنی اپنی قوم کے نقیب تھے۔ان میں سے نوخزرج اور تین اوس سے لیے گئے جن کی تفصیل کتب سیرت میں دیکھی جاسکتی ہے۔( الرحیق المختوم ص: 258۔)ان انصار کے متعلق ارشاد باری تعالیٰ ہے:" اور جو لوگ مہاجرین سے پہلے مدینہ میں مقیم تھے اور ایمان لاچکے تھے وہ ہجرت کرکے آنے والوں سے محبت کرتے ہیں اور جو کچھ انھیں دیا جائے وہ اپنے دلوں میں اس کی کوئی حاجت نہیں پاتے اور مہاجرین کو اپنی ذات پر ترجیح دیتے  ہیں خواہ وہ خود فاقے سے ہوں اور جوشخص اپنے نفس کی  حرص سے بچالیا گیا  تو ایسے ہی لوگ کامیاب ہیں۔( الحشر59:9۔)رسول اللہ صلی اللہ علیہ وسلم  نے ان کے متعلق فرمایا:"اگر ہجرت کی فضیلت نہ ہوتی تو میں بھی انصار کاایک فرد ہوتا۔"( صحیح البخاری مناقب الانصار حدیث 3779۔)امام بخاری  رحمۃ اللہ علیہ  نے اس عنوان کے تحت ان خوش قسمت حضرات کی جان نثاری اور فدائیت کو بیان کیا ہے ا۔اس کے لیے انھوں نے ایک صد تہتر(173) مرفوع متصل احادیث کا انتخاب کیا ہے۔معلق اور موقوف روایات ان کے علاوہ ہیں۔ان احادیث وآثار پر امام بخاری رحمۃ اللہ علیہ  نے تریپن(53) چھوٹے چھوٹے عنوان قائم کیے ہیں۔ابتدائی چند ابواب عمومی مناقب کے لیے مختص  ہیں،پھر انصار کی حوصلہ افزائی ،دلجوئی اس کے بعد سلسلہ مواخات ،انصار سے محبت اور ان کےگھرانوں کی فضیلت کابیان ہے۔انھیں صبر واستقامت کی تلقین کرنے کے بعد ان کے لیے رسول اللہ صلی اللہ علیہ وسلم  کی ڈھیروں دعاؤں کا ذکر ہے۔پھر حکمرانوں سے ایسی توقعات کاذکر ہے کہ وہ ان سے حسن سلوک اوررواداری کا رویہ اختیار کریں۔یہ سلسلہ گیارہ ابواب پر مشتمل ہے۔امام بخاری  رحمۃ اللہ علیہ  نے اس کے بعد شخصی مناقب کا سلسلہ شروع کیا ہے۔انصار میں سے جو حضرات نمایاں خدمات اور کردار کے حامل تھے ان کے  فضائل ومناقب ذکر کیے ہیں۔یہ سلسلہ بھی گیارہ ابواب پر محیط ہے۔اس کے بعد تعمیر کعبہ،ایام جاہلیت ،قسامہ،بعثت نبوی ،کفار ومشرکین کی اذیت  رسانی،چند جاں نثاروں کے اسلام لانے کے ایمان افروز واقعات،معجزہ شق قمر،ہجرت،موت نجاشی ،قصہ ابی طالب اور حدیث اسراء ومعراج کاتذکرہ کیا ہے۔پھر مکہ مکرمہ میں وفود انصار کی آمد ،ہجرت مدینہ کاتفصیلی بیان اور مدینہ طیبہ میں آپ کا قدوم میمنت لزوم کا روح پرور بیان ہے۔آخر میں رسول اللہ صلی اللہ علیہ وسلم  کی مدینہ طیبہ تشریف آوری کے موقع پریہود مدینہ کی حاضری کے ذکر پر اس عنوان کوختم کردیاگیا ہے۔قند ِ مکرر کے طور پر حضرت سلمان فارسی رضی اللہ تعالیٰ عنہ  کے متعلق چند گراں قدر معلومات بیان کی گئی ہیں۔امام بخاری  رحمۃ اللہ علیہ  نے اس عنوان کے تحت ایسے واقعات بھی بیان کیے ہیں جو ایک بندہ مسلم کے ایمان کی تازگی کاباعث ہیں۔قارئین کرام سے درخواست ہے کہ وہ نہایت محبت اور والہانہ پن کے ساتھ اس عنوان میں مذکور احادیث کا مطالعہ کریں۔امید ہے کہ ایمان وعمل میں تازگی کاذریعہ ثابت ہوں گی۔اللہ تعالیٰ سے دعا ہے کہ ہمیں ان نفوس قدسیہ کے نقش قدم پر چلنے کی توفیق دے اورقیامت کے دن ہمیں ان کی رفاقت نصیب فرمائے۔آمین یا رب العالمین۔

تمہید باب عربی

×

تمہید کتاب عربی

×