التخريج

قسم الحديث (القائل): موقوف ، اتصال السند: متصل ، قسم الحديث: قولی

‌صحيح البخاري: كِتَابُ تَفْسِيرِ القُرْآنِ (بَابُ قَوْلِهِ {أَمْ حَسِبْتُمْ أَنْ تَدْخُلُوا الجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ البَأْسَاءُ وَالضَّرَّاءُ}إِلَى: {قَرِيبٌ})

حکم : أحاديث صحيح البخاريّ كلّها صحيحة

ترجمة الباب:

4559 .   فَقَالَ قَالَتْ عَائِشَةُ مَعَاذَ اللَّهِ وَاللَّهِ مَا وَعَدَ اللَّهُ رَسُولَهُ مِنْ شَيْءٍ قَطُّ إِلَّا عَلِمَ أَنَّهُ كَائِنٌ قَبْلَ أَنْ يَمُوتَ وَلَكِنْ لَمْ يَزَلْ الْبَلَاءُ بِالرُّسُلِ حَتَّى خَافُوا أَنْ يَكُونَ مَنْ مَعَهُمْ يُكَذِّبُونَهُمْ فَكَانَتْ تَقْرَؤُهَا وَظَنُّوا أَنَّهُمْ قَدْ كُذِّبُوا مُثَقَّلَةً

صحیح بخاری:

کتاب: قرآن پاک کی تفسیر کے بیان میں

 

تمہید کتاب  (

باب: آیت (ام حسبتم ان تد خلوا الجنۃ )الخ کی تفسیر

)  

مترجم: ١. شیخ الحدیث حافظ عبد الستار حماد (دار السلام)

4559.   حضرت عروہ بیان کرتے ہیں: حضرت عائشہ ؓ  تو حضرات انبیاء ؑ کے متعلق اس موقف سے اللہ کی پناہ مانگتی تھی اور فرماتی تھیں: اللہ تعالٰی نے حضرات انبیاء ؑ سے کوئی جھوٹا وعدہ نہیں کیا کیونکہ اللہ تعالٰی اپنے رسول سے جو وعدہ فرماتے، رسول کو اس پر پورا پورا یقین ہوتا کہ اس کی موت سے پہلے پہلے یہ ہو کر رہے گا، البتہ یہ ضرور ہوتا تھا کہ جب انبیاء ؑ مصائب و آلام سے دوچار ہوتے تو اپنے ماننے والوں سے انہیں کھٹکا لگا رہتا تھا کہ مبادا وہ بھی اس کی تکذیب کر دیں (اس وقت اللہ کی مدد آ جاتی)۔ حضرت عائشہ ؓ  كُذِبُوا کو ذال کی تشدید سے پڑھتی تھیں۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 4559
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 4525
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 4162.01
٤ ترقيم فتح الباري (برنامج الكتب التسعة) ترقیم فتح الباری (کتب تسعہ پروگرام) 4525.01
٥ ترقيم د. البغا (برنامج الكتب التسعة) ترقیم ڈاکٹر البغا (کتب تسعہ پروگرام) 4252.01
٦ ترقيم شركة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 4330.01
٧ ترقيم دار طوق النّجاة (جامع خادم الحرمين للسنة النبوية) ترقیم دار طوق النجاۃ (خادم الحرمین الشریفین حدیث ویب سائٹ) 4525
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 4525
١٠ ترقيم فؤاد عبد الباقي (داود راز) ترقیم فواد عبد الباقی (داؤد راز) 4525
ترجمۃ الباب:


حدیث ترجمہ:

حضرت عروہ بیان کرتے ہیں: حضرت عائشہ ؓ  تو حضرات انبیاء ؑ کے متعلق اس موقف سے اللہ کی پناہ مانگتی تھی اور فرماتی تھیں: اللہ تعالٰی نے حضرات انبیاء ؑ سے کوئی جھوٹا وعدہ نہیں کیا کیونکہ اللہ تعالٰی اپنے رسول سے جو وعدہ فرماتے، رسول کو اس پر پورا پورا یقین ہوتا کہ اس کی موت سے پہلے پہلے یہ ہو کر رہے گا، البتہ یہ ضرور ہوتا تھا کہ جب انبیاء ؑ مصائب و آلام سے دوچار ہوتے تو اپنے ماننے والوں سے انہیں کھٹکا لگا رہتا تھا کہ مبادا وہ بھی اس کی تکذیب کر دیں (اس وقت اللہ کی مدد آ جاتی)۔ حضرت عائشہ ؓ  كُذِبُوا کو ذال کی تشدید سے پڑھتی تھیں۔
حدیث حاشیہ:

1۔ اس مقام پر حضرت ابن عباس ؓ  اور حضرت عائشہ ؓ  کا کوئی فقہی اختلاف نہیں بلکہ قرآءت کے اختلاف کی وجہ سے ان دونوں کے ایک نظر یاتی موقف کی وضاحت مقصود ہے۔ یہاں ہم اس روایت کا ذکر کرنا ضروری خیال کرتے ہیں جو مفصل طور پر سورہ یوسف میں بیان ہوئی ہے۔ حضرت عروہ بن زبیرؓ نے حضرت عائشہؓ سے ﴿حَتَّى إِذَا اسْتَيْأَسَ الرُّسُلُ﴾ کے متعلق دریافت کیا کہ لفظ (كُذِبُوا) میں ذال پر شد پڑھی جائے گی یا نہیں؟ حضرت عائشہ ؓ نے جواب دیا کہ ذال کو شد کے ساتھ پڑھا جائے گا۔ اس پر انھوں نے کہا:جب حضرات انبیاء ؑ کو یقین تھا کہ ان کی قوم انھیں جھٹلا رہی ہے تو پھر (ظَنُّوا) کہنے کا کیا مطلب؟ حضرت عائشہ ؓ نے فرمایا: ’’ہاں۔‘‘ ہاں انھیں اس بات کا پورا پورا یقین تھا (یعنی اس مقام پر ظن، یقین کے معنی میں ہے،) میں نے عرض کی: اگر(كُذِبُوا) کی ذال کو شد کے بغیر پڑھیں تو کیا خرابی ہے؟ انھوں نے فرمایا: اللہ کی پناہ! بھلا حضرات انبیاء ؑ اپنے رب کے متعلق ایسا گمان کیونکر رکھ سکتے ہیں کہ وہ ان سے اپنے وعدے کا خلاف کرے گا؟ میں نے عرض کی: پھر اس آیت کا مطلب کیا ہے؟ انھوں نے فرمایا: اس سے حضرات انبیاءؑ کے پیرو کار مراد ہیں جو اپنے رب پر ایمان لائے اور حضرات انبیاء ؑ کی تصدیق کی جب ان پر ایک مدت دراز تک آزمائشیں اور مصیبتیں آئیں اور اللہ کی مدد آنے میں بھی دیر ہو گئی تو ایسے حالات میں حضرات انبیاء ؑ کفار و مکذبین کے ایمان لانے سے مایوس ہو گئے اور اپنے پیرو کار اہل ایمان کے متعلق بھی گمان کرنے لگے کہ وہ بھی ہمیں جھٹلادیں گے۔ تو اس وقت فواراً اللہ کی مدد آپہنچی۔ (صحیح البخاري، التفسیر، حدیث:4695) 
2۔ اس تفصیلی روایت سے پتہ چلتا ہے کہ حضرت عائشہ ؓ نے (كُذِبُوا) کو شد کے بغیر پڑھنے سے انکار نہیں کیا بلکہ حضرات انبیاء ؑ کے متعلق اس موقف سے اختلاف کیا ہےکہ انھیں یہ گمان ہوا کہ ان سے اللہ تعالیٰ نے اپنی نصرت و تائید کے جو وعدے کیے تھے وہ سب جھوٹ تھے۔ (فتح الباري:467/8) گویا ان کے نزدیک آیت کریمہ کا ترجمہ اس طرح ہو گا۔ "جب رسول نا امید ہو گئے اور انھوں نے گمان کیا کہ ان کے ماننے والےانھیں جھٹلا رہے ہیں تو فوراً اللہ کی مدد آپہنچی۔" 
3۔ حافظ ابن حجر ؒ کہتے ہیں : حضرت عائشہ ؓ نے قرآءت تخفیف (ذال پر شد کے بغیر) کا انکار کیا ہے۔ ممکن ہے کہ انھیں کسی قابل اعتبار ذریعے سے قرآءت تخفیف نہ پہنچی ہو جبکہ ائمہ کوفہ امام عاصم یحییٰ بن وثاب، امام اعمش ؒ ، امام حمزہ ؒ  اور امام کسائی ؒ  نے اسے تخفیف سے پڑھا ہے اور اہل حجاز میں سے ابو جعفر بن قعقاع ؒ نے بھی ان حضرات کی موافقت کی ہے، نیز حضرت عبد اللہ بن مسعود ؓ حضرت ابن عباس ؓ حضرت عبدالرحمٰن سلمی ؓ، حسن بصری اور محمد بن کعب قرظی نے بھی اسے تخفیف سے(شد کے بغیر) پڑھا ہے۔ (فتح الباري:467/8) لیکن اگر ظن بمعنی وسوسہ ہو تو تخفیف تسلیم کرنے میں کوئی حرج نہیں تب تب اس کے معنی ہوں گے : "جب پیغمبر مایوس ہو گئے اور ان کے دل میں یہ وسوسہ آنے لگا کہ عذاب یا مدد اس دنیا میں نہیں آئے گی۔" یعنی وسوسہ یہ تھا کہ شاید اللہ کی طرف سے وعدہ خلافی ہو۔ قرآءت تخفیف کے ایک معنی اس طرح بھی کیے گئے ہیں۔ "جب رسول مایوس ہوئے اور انھیں گمان ہوا کہ ان سے وعدہ خلافی کی گئی ہے تو فوراً ہماری مدد آپہنچی۔ یعنی حضرات انبیاء کو اپنے پیرو کاروں کے متعلق یہ گمان ہوا کہ یہ لوگ بھی جو ہم سے اظہار عقیدت کرتے ہیں ان تکلیفوں کی وجہ سے الٹے پاؤں پھر جائیں گے اور ایمان سے محروم ہو کر کفار کی طرح ان کا بھی خانہ خراب ہو جائے گا تو فوراًہماری مدد آپہنچی۔" یہ معنی کرنے سے حضرات انبیاء ؑ کی عصمت پر بھی کوئی حرف نہیں آتا اور نہ قرآءت متواترہ ہی کے انکار کا کوئی راستہ کھلتا ہے کیونکہ یہ معنی کرنے سے کذب بیانی یا وعدہ خلافی کی نسبت اللہ کی طرف نہیں بلکہ پیروکاروں کی طرف ہوگی۔ مشہور معنی یوں کیے گئے ہیں ۔ "جب رسول ناامید ہونے لگے اور ان کی قوم نے خیال کیا کہ ان سے جھوٹ کہا گیا ہے تو ہماری مدد ان کے پاس آگئی۔" اس میں (ظَنُّوا) کا فاعل قوم یعنی مومنین کو قرار دیا جائے۔
4۔ (لِّلَّذِينَ ) جو اس سے پہلے ہے وہ دلالت کرتا ہے کہ یہ مضمون اہل ایمان کے لیے ہے۔ انھیں اس قسم کا گمان ہونا کوئی بعید نہیں جبکہ حضرات انبیاء ؑ سے ایسا گمان محال ہے۔ چنانچہ یہ معنی حضرت سعید بن جبیر نے خود ابن عباس ؓ سے نقل کیے ہیں کہ انبیاء ؑ اپنی قوم کے ایمان لانے سے مایوس ہو گئے اور قوم نے یہ گمان کیا کہ انبیاء ؑ کے ساتھ مدد کا جو وعدہ تھا وہ صحیح نہیں تھا۔ قوم کے اس طرح گمان کرنے سے حضرات انبیاء ؑ کی عظمت پر کوئی حرف نہیں آتا۔ چونکہ یہ تو جیہ خود حضرت ابن عباس ؓ سے مروی ہے اس لیے یہ سب تو جیہات سے راجح معلوم ہوتی ہے اور اس پر کوئی اشکال بھی نہیں رہتا۔ (فتح الباري:468/8) واللہ اعلم۔
ترجمۃ الباب:


حدیث ترجمہ:

انھوں نے بیان کیا کہ حضرت عائشہ ؓ تو کہتی تھیں اللہ کی پناہ! پیغمبر توجو وعدہ اللہ نے ان سے کیا ہے اس کو سمجھتے ہیں کہ وہ مرنے سے پہلے ضرور پورا ہوگا۔ بات یہ کہ ہے پیغمبروں کی آزمائش برابر ہوتی رہی ہے۔ (مدد آنے میں اتنی دیر ہوئی) کہ پیغمبر ڈر گئے۔ ایسا نہ ہو ان کی امت کے لوگ ان کو جھوٹا سمجھ لیں تو حضرت عائشہ‬ ؓ ا‬س آیت (سورۃ یوسف) کو یوں پڑھتی تھیں۔ ﴿وَظَنُّوا أَنَّهُمْ قَدْ كُذِّبُوا ﴾ (ذال کی تشدید کے ساتھ)
حدیث حاشیہ:

تو مطلب یہ ہوگا کہ نبیوں کو یہ ڈر ہوا کہ ان کی امت کے لوگ ان کو جھوٹا کہیں گے۔ مشہور قراءت تخفیف کے ساتھ ہے۔ اس صور ت میں بعضوں نے یوں معنی کئے ہیں کہ ان کی قوم کے لوگ یہ سمجھے کہ پیغمبروں سے جو وعدہ کیا تھا وہ غلط تھا حالانکہ پیغمبروں کو اللہ کے وعدہ میں شک وشبہ نہیں ہوا کرتا وہ بہت پختہ ایمان اور یقین والے ہوتے ہیں۔
ترجمۃ الباب:


حدیث ترجمہ:

He said, "Aisha said, 'Allah forbid! By Allah, Allah never promised His Apostle (ﷺ) anything but he knew that it would certainly happen before he died. But trials were continuously presented before the Apostles till they were afraid that their followers would accuse them of telling lies. So I used to recite:-- "Till they (come to) think that they were treated as liars." reading 'Kudh-dhibu with double 'dh.'

الحكم على الحديث

اسم العالم الحكم
إجماع علماء المسلمين