التخريج

قسم الحديث (القائل): مرفوع ، اتصال السند: متصل ، قسم الحديث: صفات و شمائل

‌صحيح البخاري: كِتَابُ فَضَائِلِ القُرْآنِ (بَابُ تَأْلِيفِ القُرْآنِ)

حکم : أحاديث صحيح البخاريّ كلّها صحيحة 

4993. حَدَّثَنَا إِبْرَاهِيمُ بْنُ مُوسَى أَخْبَرَنَا هِشَامُ بْنُ يُوسُفَ أَنَّ ابْنَ جُرَيْجٍ أَخْبَرَهُمْ قَالَ وَأَخْبَرَنِي يُوسُفُ بْنُ مَاهَكٍ قَالَ إِنِّي عِنْدَ عَائِشَةَ أُمِّ الْمُؤْمِنِينَ رَضِيَ اللَّهُ عَنْهَا إِذْ جَاءَهَا عِرَاقِيٌّ فَقَالَ أَيُّ الْكَفَنِ خَيْرٌ قَالَتْ وَيْحَكَ وَمَا يَضُرُّكَ قَالَ يَا أُمَّ الْمُؤْمِنِينَ أَرِينِي مُصْحَفَكِ قَالَتْ لِمَ قَالَ لَعَلِّي أُوَلِّفُ الْقُرْآنَ عَلَيْهِ فَإِنَّهُ يُقْرَأُ غَيْرَ مُؤَلَّفٍ قَالَتْ وَمَا يَضُرُّكَ أَيَّهُ قَرَأْتَ قَبْلُ إِنَّمَا نَزَلَ أَوَّلَ مَا نَزَلَ مِنْهُ سُورَةٌ مِنْ الْمُفَصَّلِ فِيهَا ذِكْرُ الْجَنَّةِ وَالنَّارِ حَتَّى إِذَا ثَابَ النَّاسُ إِلَى الْإِسْلَامِ نَزَلَ الْحَلَالُ وَالْحَرَامُ وَلَوْ نَزَلَ أَوَّلَ شَيْءٍ لَا تَشْرَبُوا الْخَمْرَ لَقَالُوا لَا نَدَعُ الْخَمْرَ أَبَدًا وَلَوْ نَزَلَ لَا تَزْنُوا لَقَالُوا لَا نَدَعُ الزِّنَا أَبَدًا لَقَدْ نَزَلَ بِمَكَّةَ عَلَى مُحَمَّدٍ صَلَّى اللَّهُ عَلَيْهِ وَسَلَّمَ وَإِنِّي لَجَارِيَةٌ أَلْعَبُ بَلْ السَّاعَةُ مَوْعِدُهُمْ وَالسَّاعَةُ أَدْهَى وَأَمَرُّ وَمَا نَزَلَتْ سُورَةُ الْبَقَرَةِ وَالنِّسَاءِ إِلَّا وَأَنَا عِنْدَهُ قَالَ فَأَخْرَجَتْ لَهُ الْمُصْحَفَ فَأَمْلَتْ عَلَيْهِ آيَ السُّوَرِ

مترجم:

4993.

سیدنا یوسف بن ماہک ؓ سے روایت ہے انہوں نے کہا کہ میں سیدنا عائشہ‬ ؓ ک‬ے پاس تھا۔ اس دوران میں ایک عراقی آیا اور کہنے لگا: کون سا کفن بہتر ہے؟ آپ نے فرمایا: تجھ پر افسوس! کفن جس طرح کا بھی ہو تجھے اس سے کیا نقصان ہوگا؟ پھر اس نے کہا: ام المومنین! مجھےاپنا مصحف دکھائیں۔ سیدنا عائشہ‬ ؓ ن‬ے فرمایا: تجھے اس کی کیا ضرورت ہے؟ اس نے کہا میں نے اس کے مطابق قرآن کی ترتیب کرنا چاہتا ہوں کیونکہ قرآن ترتیب کے بغیر پڑھا جاتا ہے۔ سیدنا عائشہ‬ ؓ ن‬ے فرمایا: اس میں کیا قباحت ہے جو سورت نازل ہوئی جس میں جنت و دوزخ کا ذکر ہے۔ جب لوگ اسلام کی طرف مائل ہوگئے تو حلال و حرام سے متعلق آیات نازل ہوئیں۔ اگر پہلے ہی یہ نازل ہوتا کہ لوگو! شراب نہ پیو تو وہ کہتے: ہم شراب کبھی ترک نہیں کریں گے اور اگر پہلے نازل ہوتا کہ زنا نہ کرو تو لوگ کہتے ہم اسے کبھی ترک نہیں کریں گے۔ اس کے بجائے مکہ مکرمہ میں حضرت محمد ﷺ پر یہ آیات نازل ہوئیں جبکہ میرا بچپن تھا اور میں کھیلا کرتی تھی: ﴿بَلِ السَّاعَةُ مَوْعِدُهُمْ وَالسَّاعَةُ أَدْهَى وَأَمَرُّ﴾ لیکن سورہ بقرہ اور سورہ نساء اس وقت نازل ہوئیں جب میں آپ ﷺ کے پاس تھی۔ راوی بیان کرتے ہیں کہ پھر حضرت عائشہ رضی اللہ عنہا نے اس عراقی کے لیے مصحف نکالا اور ہر سورت کی آیات کے متعلق اسے تفصیل لکھوائی۔

×
حدیث ترجمہ:

ہم سے ابراہیم بن موسیٰ نے بیان کیا، کہا ہم کو ہشام بن یوسف نے خبر دی، انہیں ابن جریج نے خبر دی، ان سے کیسان نے کہا کہ مجھے یوسف بن ماہک نے خبر دی، انہوں نے بیان کیا کہ میں ام المؤمنین حضرت عائشہ‬ ؓ ک‬ی خدمت میں حاضر تھا کہ ایک عراقی ان کے پاس آیا اور پوچھا کہ کفن کیسا ہونا چاہئے؟ ام المؤمنین نے کہا افسوس اس سے مطلب! کسی طرح کا بھی کفن ہو تجھے کیا نقصان ہوگا۔ پھر اس شخص نے کہا ام المؤمنین مجھے اپنے مصحف دکھا دیجئے۔ انہوں نے کہا کیوں؟ (کیا ضرورت ہے) اس نے کہا تا کہ میں بھی قرآن مجید اس ترتیب کے مطابق پڑھوں کیونکہ لوگ بغیر ترتیب کے پڑھتے ہیں، انہوں نے کہا پھر اس میں کیا قباحت ہے جونسی سورت تو چاہے پہلے پڑھ لے (جونسی سورت چاہے بعد میں پڑھ لے اگر اترنے کی ترتیب دیکھتا ہے) تو پہلے مفصل کی ایک سورت، اتری ﴿اقرَأ بِاسمِ رَبكَ﴾  جس میں جنت و دوزخ کا ذکر ہے۔ جب لوگو ں کا دل اسلام کی طرف رجوع ہو گیا (اعتقاد پختہ ہو گئے) اس کے بعد حلال و حرام کے احکام اترے، اگر کہیں شروع شروع ہی میں یہ اترتا کہ شراب نہ پینا تو لوگ کہتے ہم تو کبھی شراب پینا نہیں چھو ڑیں گے۔ اگر شروع ہی میں یہ اترتا کہ زنا نہ کرو تو لوگ کہتے ہم تو زنا نہیں چھوڑیں گے اس کے بجائے مکہ میں محمد ﷺ پر اس وقت جب میں بچی تھی اور کھیلا کرتی تھی یہ آیت نازل ہوئی ﴿بَلِ السَّاعَةُ مَوْعِدُهُمْ وَالسَّاعَةُ أَدْهَى وَأَمَرُّ﴾ لیکن سورۃ بقرہ اور سورۃ نساء اس وقت نازل ہوئی، جب میں (مدینہ میں) حضور اکرم ﷺ کے پاس تھی ۔ بیان کیا کہ پھر انہوں نے اس عراقی کے لئے اپنا مصحف نکالا اور ہر سورت کی آیات کی تفصیل لکھوائی۔

حدیث حاشیہ:

کہ اس سورت میں اتنی آیات ہیں اور اس میں اتنی ہیں۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم5032
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)4993
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)4609
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)4993
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)4707
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4795
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)4993
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)4993
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)4993

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

قرآن مجید کی ترتیب دوطرح سے ہے:ایک تو سورتوں میں آیات کی ترتیب ہے۔یہ تو بالاجماع توفیقی ہے۔اس میں عقل وقیاس اور اجہتاد کا کوئی دخل نہیں۔نزول وحی کے بعد خود رسول اللہ صلی اللہ علیہ وسلم ہدایت فرماتے تھے کہ ان آیات کو فلاں سورت میں رکھو۔دوسری ترتیب سورتوں کی ہے۔اس کی بھی دو قسمیں ہیں©۔ترتیب نزول:۔ نزول وحی کے اعتبار سے ان کی ترتیب،یعنی پہلے سورہ علق پھر سورہ مدثر وغیرہ۔©۔ترتیب قراءت:۔مضامین اور تلاوت کے اعتبار سے ان کی ترتیب جیساکہ موجودہ مصاحف میں ہے۔سورتوں کی ترتیب میں اختلاف ہے کہ یہ توفیقی ہے یا اجتہادی؟بعض حضرات کا موقف ہے کہ سورتوں کی موجودہ ترتیب قراءت بھی توفیقی ہے کیونکہ رسول اللہ صلی اللہ علیہ وسلم نے عمر کے آخری حصے میں حضرت جبرئیل علیہ السلام سے جو دور فرمایا تھا وہ اس ترتیب قراءت کے مطابق تھا جبکہ جمہور اہل علم کہتے ہیں کہ سورتوں کی موجودہ ترتیب توفیقی نہیں کیونکہ رسول اللہ صلی اللہ علیہ وسلم سے اس کے خلاف پڑھنا بھی ثابت ہے جیسا کہ حضرت حذیفہ رضی اللہ تعالیٰ عنہ بیان کرتے ہیں کہ رسول اللہ صلی اللہ علیہ وسلم نے ایک مرتبہ تہجد کی نماز میں سورہ آل عمران سے پہلے سورہ نساء کی تلاوت فرمائی تھی اور سورہ نساء موجودہ ترتیب کے مطابق آل عمران کے بعد ہے۔واللہ اعلم۔(فتح الباری 50/9)

تمہید کتاب

×

قرآن کریم اللہ تعالیٰ کا لازوال کلام ہے،جس میں باطل کسی طرف سے راہ نہیں پاسکتا۔ارشاد باری تعالیٰ  ہے:"یہ ایک زبردست کتاب ہے جس میں باطل نہ آگے سے راہ پاسکتا ہے اور نہ پیچھے سے ،یہ دانا قابل تعریف اللہ کی طرف سے نازل شدہ ہے۔"(حٰم السجدۃ 43/41۔42)یہ کلام خود خالق کائنات کا ہے جس کا علم لامحدود ہے ۔حضرت جبرئیل علیہ السلام  کے ذریعے سے اسے نازل کیا گیا جو قوی بھی ہیں اور امین بھی۔اور جس پر نازل ہوا وہ صادق ومصدوق ہیں۔پھر اس کی حفاظت کی ذمے داری کو خود اللہ رب العزت نے اٹھائی ہے،چنانچہ نزول کے بعد اسے اوراق اور سینوں میں محفوظ کرلیا گیا،اس لیے اس قرآن میں کمی بیشی کرنے کو کسی میں ہمت نہیں ہے اور نہ باطل کسی طرف سے دخل اندازی ہی کرسکتا ہے۔پھر یہ قرآن ایمان لانے والوں کے لیے ہدایت وشفااور نہ ماننے والوں کے لیے گمراہی اور اس میں اضافے کا باعث ہے۔ارشاد باری تعالیٰ ہے:"آپ کہہ دیں ،یہ قرآن ایمان لانے والوں کے لیے ہدایت اور شفا ہے اور جو ایمان نہیں لاتے ان کے کانوں میں بوجھ اور آنکھوں  پر پٹی ہے۔"(حٰم السجدۃ 41/44)قرآن اس لیے نازل کیا گیا کہ اہل ایمان اس پر عمل کریں ،زندگی سنواریں ،آخرت بنائیں،اس کے حلال کو حلال اور اس کے حرام کوحرام سمجھیں اور اس کی تلاوت کریں تاکہ قیامت کے دن اللہ تعالیٰ کے ہاں ان کے لیے حجت اور سفارش ہو۔رسول اللہ صلی اللہ علیہ وسلم  نے فرمایا:"یہ قرآن تیرے لیے نجات کی دلیل یا تیرے خلاف حجت ہوگا۔"(صحیح مسلم الطھارۃ حدیث 534(223)جوشخص قرآن پڑھے گا اور اس پر عمل کرے گا اللہ تعالیٰ نے اس کے متعلق ضمانت دی ہے کہ وہ دنیا میں گمراہ نہیں ہوگا اور نہ آئندہ قیامت کے دن مصیبت میں ہی پڑے گا ارشاد باری تعالیٰ ہے:" جس نے میری ہدایت کی پیروی کی وہ گمراہ نہیں ہوگا اور نہ بدبخت ہی ہوگا۔"(طٰہ:20/123)اور جس نے اس سے روگردانی کی اس  کی دنیا تنگ وتاریک کردی جائے گی اور آخرت میں اسے نابینا اٹھایا جائے گا۔ارشادباری تعالیٰ ہے:" جو میرے ذکر(قرآن) سے منہ موڑ لے گا تو اس کی زندگی تنگ پڑ جائے گی اور قیامت کے دن ہم اسے اندھا کرکے اٹھائیں گے۔"(طہٰ 20/124)لہذا بندہ مسلم کو چاہیے کہ وہ قرآن مجید کے فضائل ومناقب کے ساتھ اس کے حقوق وآداب کو بھی مد نظر رکھے۔امام بخاری رحمۃ اللہ علیہ  نے امت مسلمہ کی رہنمائی کرتے ہوئے اس عظیم ذمے داری کو اٹھایا ہے اور اس کا حق ادا کیا ہے۔اگرچہ بظاہر یہ عنوان"فضائل قرآن" سے متعلق ہے لیکن امام بخاری رحمۃ اللہ علیہ  نے بہت سے عنوانات اس عنوان کے تحت بیان کیے ہیں۔اب ضرورت اس امر کی ہے کہ ہم اسے حرز جان بنائیں تاکہ ہم قیامت کے دن اللہ تعالیٰ کےحضور سرخروہوں اور قرآن کریم کی سفارش کے حق دار بن جائیں۔امام بخاری رحمۃ اللہ علیہ  نے جن مضامین کو بیان کیا ہے اس کی تفصیل حسب ذیل ہے:© نزول قرآن © جمع قرآن ©کتابت قرآن ©احرف قرآن © تالیف قرآن © فضائل قرآن © اعجاز قرآن © آداب قرآن۔آداب قرآن میں درج ذیل امور کا احاطہ کیا ہے:© تلاوت قرآن © ترتیل قرآن © حفظ قرآن © تعلیم قرآن © عمل بالقرآن © دعوتِ قرآن۔امام بخاری رحمۃ اللہ علیہ  نے اس سلسلے میں ایک کم سو(99) احادیث کا انتخاب کیاہے،جن میں اسے انیس(19) معلق اور اَسّی(80) متصل سند سے بیان کی ہیں۔ان میں تہتر(73) مکرر اور باقی خالص ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین  اور تابعین عظام رحمۃ اللہ علیہ  سے مروی سات(7) آثار بھی پیش کیے ہیں۔آپ نے ان احادیث وآثارپر تقریباً سینتیس(37) چھوٹے چھوٹے عنوان قائم کیے ہیں۔ان عنوانات کو پڑھنے کے بعد پتاچلتا ہے کہ امام بخاری رحمۃ اللہ علیہ  فقیہ امت ہی نہیں بلکہ ایک مصلح امت بھی ہیں۔اب یہ ہماری  ذمے داری ہے کہ قرآن کریم کو پڑھیں اور اس کی تعلیمات پر عمل کریں تاکہ قیامت کے دن اس کی سفارش کے حقدار بن سکیں۔حدیث میں ہے:" قرآن پڑھا کرو بے شک وہ قیامت کے دن اپنے پڑھنے والوں اور عمل کرنے والوں کے لیے سفارشی بن کرآئے گا۔"(صحیح مسلم صلاۃ المسافرین وقصرھا حدیث 1874(804)نیز رسول اللہ صلی اللہ علیہ وسلم  کا ارشادگرامی ہے:" قیامت کے دن قرآن اور ان لوگوں کو لایاجائے گا جو دنیا میں اس پر عمل کرتے تھے ،سورہ بقرہ اور سورہ آل عمران آگے آگے ہوں گی جو ان لوگوں کی نجات کے لیے اللہ کے حضور سفارش کریں گے۔"(صحیح مسلم صلاۃ المسافرین وقصرھا حدیث 1876(805)قرآن کریم نے ان لوگوں کا سخت نوٹس لیا ہے جو اسے نظر انداز کرتے ہیں۔ارشاد باری تعالیٰ ہے:"اور رسول کہیں گے:میرے رب! میری قوم کے یہی لوگ ہیں جنھوں نے اس قرآن کو چھوڑ رکھاتھا۔"(الفرقان:25/30)قرآن کریم کو چھوڑنے کی کئی قسمیں ہیں،مثلاً:اس پر ایمان نہ لانا،قرآن کی تلاوت نہ کرنا،اس کاسننا چھوڑ دینا،اس میں غور وفکر نہ کرنا،اس کی تعلیمات پر عمل نہ کرنا،اس کی دعوت نہ دینا اور اس کے مطابق فیصلے نہ کرنا۔الغرض یہ تمام قرآن چھوڑدینے کی قسمیں ہیں۔ہمیں چاہیے کہ اللہ تعالیٰ کی کتاب کے ساتھ مضبوط تعلق پیدا کریں تاکہ قیامت کے دن اللہ کے رسول صلی اللہ علیہ وسلم  کے اس استغاثے کی زدمیں نہ آئیں۔

تمہید باب عربی

×

تمہید کتاب عربی

×