التخريج

قسم الحديث (القائل): مرفوع ، اتصال السند: متصل ، قسم الحديث: فعلی

‌صحيح البخاري: كِتَابُ فَضَائِلِ القُرْآنِ (بَابُ التَّرْتِيلِ فِي القِرَاءَةِ)

حکم : أحاديث صحيح البخاريّ كلّها صحيحة 

ترجمة الباب: وَقَوْلِهِ تَعَالَى: {وَرَتِّلِ القُرْآنَ تَرْتِيلًا} [المزمل: 4] وَقَوْلِهِ: {وَقُرْآنًا فَرَقْنَاهُ لِتَقْرَأَهُ عَلَى النَّاسِ عَلَى مُكْثٍ} [الإسراء: 106]، «وَمَا يُكْرَهُ أَنْ يُهَذَّ كَهَذِّ [ص:195] الشِّعْرِ فِيهَا»، {يُفْرَقُ} [الدخان: 4]: «يُفَصَّلُ» قَالَ ابْنُ عَبَّاسٍ: {فَرَقْنَاهُ} [الإسراء: 106]: «فَصَّلْنَاهُ»

5044. حَدَّثَنَا قُتَيْبَةُ بْنُ سَعِيدٍ حَدَّثَنَا جَرِيرٌ عَنْ مُوسَى بْنِ أَبِي عَائِشَةَ عَنْ سَعِيدِ بْنِ جُبَيْرٍ عَنْ ابْنِ عَبَّاسٍ رَضِيَ اللَّهُ عَنْهُمَا فِي قَوْلِهِ لَا تُحَرِّكْ بِهِ لِسَانَكَ لِتَعْجَلَ بِهِ قَالَ كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا نَزَلَ جِبْرِيلُ بِالْوَحْيِ وَكَانَ مِمَّا يُحَرِّكُ بِهِ لِسَانَهُ وَشَفَتَيْهِ فَيَشْتَدُّ عَلَيْهِ وَكَانَ يُعْرَفُ مِنْهُ فَأَنْزَلَ اللَّهُ الْآيَةَ الَّتِي فِي لَا أُقْسِمُ بِيَوْمِ الْقِيَامَةِ لَا تُحَرِّكْ بِهِ لِسَانَكَ لِتَعْجَلَ بِهِ إِنَّ عَلَيْنَا جَمْعَهُ فَإِنَّ عَلَيْنَا أَنْ نَجْمَعَهُ فِي صَدْرِكَ وَقُرْآنَهُ فَإِذَا قَرَأْنَاهُ فَاتَّبِعْ قُرْآنَهُ فَإِذَا أَنْزَلْنَاهُ فَاسْتَمِعْ ثُمَّ إِنَّ عَلَيْنَا بَيَانَهُ قَالَ إِنَّ عَلَيْنَا أَنْ نُبَيِّنَهُ بِلِسَانِكَ قَالَ وَكَانَ إِذَا أَتَاهُ جِبْرِيلُ أَطْرَقَ فَإِذَا ذَهَبَ قَرَأَهُ كَمَا وَعَدَهُ اللَّهُ

مترجم:

ترجمۃ الباب:

اور اللہ تعالیٰ نے سورۃ مزمل میں فرمایا ”اور قرآن مجید کو ترتیل سے پڑھ۔“ (یعنی ہر ایک حرف اچھی طرح نکال کر اطمینان کے ساتھ) اور سورۃ بنی اسرائیل میں فرمایا ”اور ہم نے قرآن مجید کو تھوڑا تھوڑا کر کے اس لیے بھیجا کہ تو ٹھہر ٹھہر کر لوگوں کو پڑھ کر سنائے“ اور شعر و سخن کی طرح اس کا جلدی جلدی پڑھنا مکروہ ہے۔ ابن عباس رضی اللہ عنہما نے کہا اس سورت میں جو لفظ «فرقناه‏» کا لفظ ہے اس کا معنی یہ ہے کہ ہم نے اسے کئی حصے کر کے اتارا۔

5044.

سیدنا ابن عباس ؓ سے روایت ہے انہوں نے کہا درج زیل آیت کی تفسیر کرتے ہوئے فرمایا: ”اس وحی کو جلدی جلدی یاد کرنے کی خاطر اپنی زبان کو حرکت نہ دیں۔“ جب جبریل ؑ وحی لے کر آتے تو رسول اللہ ﷺ ان کے ساتھ اپنی زبان اور ہونٹوں کو حرکت دیتے تھے۔ آپ پر یہ معاملہ گراں تھا اور یہ گرانی واضح طور ہر معلوم ہوتی تھی تو اللہ تعالٰی نے سورہ قیامہ والی مذکورہ آیت نازل فرمائی کہ آپ یاد کرنے کی جلدی میں قرآن کے ساتھ اپنی زبان کو حرکت نہ دیں۔ اس قرآن کو آپ کے دل میں ج دینا اور پڑھا دینا ہمارے ذمے ہے۔ جب ہم اسے پڑھ چکیں تو اس وقت پڑھے ہوئے کی اتباع کریں، جب ہم قرآن نازل کریں تو آپ خاموشی سے سنیں، ہمارے ذمے اس کا بیان کرنا بھی ہے یعنی یہ ہماری ذمہ داری ہے کہ آپ کی زبان مبارک سے اس کی وضاحت کریں، اس کے بعد جب جبرئیل ؑ آتے تو آپ گردن جھکا کر اسے سنتے جب وہ چلے جاتے تو آپ ﷺ قرآن اسی طرح پڑھتے جیسا کہ اللہ تعالٰی نے آپ سے وعدہ فرمایا تھا۔

×
ترجمۃ الباب:

ارشاد باری تعالٰی ہے: ”قرآن کو خوب ٹھہر ٹھہر کر پڑھا کرو۔“ نیز اللہ تعالٰی نے فرمایا: ”ہم نے قرآن کو موقع نہ موقع الگ الگ کرکے نازل کیا ہے تاکہ آپ اسے وقفے وقفے سے لوگوں کو پڑھ کر سنائیں۔“ اور مکروہ ہے کہ قرآن کریم کو شعروں کی طرح جلدی جلدی پڑھا جائے۔ یفرق کے معنی ہیں: یفصل یعنی الگ الگ بیان کرنا۔ حضرت ابن عباس رضی اللہ عنہ نے فرمایا: فرقناہ کے معنیٰ ہیں: ہم نے اس کے کئی حصے کرکے اتارا ہے

وضاحت: ترتیل کا معنیٰ ٹھہر ٹھہر کر پڑھنا ہے اور اس کے ادا کرنے میں آہستگی کرنا ہے اس کے معانی سمجھنے میں آسانی ہو اس میں درج ذیل امور داخل ہیں: کسی کلمے کو سہولت اور حسن تناسب کے ساتھ ادا کرنا۔ خوش الحانی اور ادائیگی میں مخارج حروف کا خیال رکھنا۔ ٹھہر ٹھہر کر پڑھنا۔ اس طرح پڑھنے کا فائدہ ہوتا ہے کہ الفاظ کی ادائیگی کے ساتھ انسان ان کے معانی پر بھی غور کرسکتا ہے اور یہ معانی ساتھ کے ساتھ دل میں اترتے چلے جاتے ہیں


حدیث ترجمہ:

ہم سے قتیبہ بن سعید نے بیان کیا، کہا ہم سے جریر بن عبد الحمید نے بیان کیا، ان سے موسیٰ بن ابی عائشہ نے۔ ان سے سعید بن جبیر نے اور ان سے حضرت ابن عباس ؓ نے اللہ تعالیٰ کے فرمان ”آپ قرآن کو جلدی جلدی لینے کے لئے اس پر زبان کو نہ ہلایا کریں۔“ بیان کیا کہ جب جبریل ؑ وحی لے کر نازل ہوتے تو رسول کریم ﷺ اپنی زبان اور ہونٹ ہلایا کرتے تھے۔ اس کی وجہ سے آپ کے لئے وحی یاد کرنے میں بہت بار پڑتا تھا اور یہ آپ کے چہرے سے بھی ظاہر ہو جاتا تھا۔ اس لئے اللہ تعالیٰ نے یہ آیت جو سورۃ ﴿لَا أُقْسِمُ بِيَوْمِ الْقِيَامَةِ﴾ میں ہے، نازل کی ’’کہ آپ قرآن کو جلدی جلدی لینے کے لئے اس پر زبان کو نہ ہلایا کریں یہ تو ہمارے ذمہ ہے اس کا جمع کرنا اور اس کا پڑھوانا تو جب ہم اسے پڑھنے لگیں تو آپ اس کے پیچھے پیچھے پڑھا کریں پھر آپ کی زبان سے اس کی تفسیر بیان کرا دینا بھی ہمارے ذمہ ہے۔“ راوی نے بیان کیا کہ پھر جب جبریل ؑ آتے تو آپ سر جھکا لیتے اورجب واپس جاتے تو پڑھتے جیسا کہ اللہ نے آپ سے یاد کروانے کا وعدہ کیا تھا۔ کہ تیرے دل میں جما دینا اس کو پڑھا دینا ہمارا کا م ہے پھر آپ اس کے موافق پڑھتے۔            

حدیث حاشیہ:

آیت ثم ان علینا بیانہ ( القیا مہ: 19 ) سے ثابت ہواکہ سلسلہ تفسیرقرآن رسول کریم صلی اللہ علیہ وسلم نے جو کچھ فرمایا جسے لفظ حدیث سے تعبیر کیا جاتا ہے یہ سارا ذخیرہ بھی اللہ پاک ہی کا تعلیم فر مودہ ہے۔ اسی سے احادیث کووحی غیر متلوسے تعبیرکیا گیا ہے جولوگ احادیث صحیحہ کے منکر ہیں وہ قرآن پاک کی اس آیت کا انکار کر تے ہیں اس لئے وہ صرف منکر حدیث ہی نہیں بلکہ منکر قرآن بھی ہیں ھداھم اللہ الی صراط مستقیم آیت۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم5084
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)5044
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)4656
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)5044
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)4757
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4847
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)5044
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)5044
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)5044

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

ترتیل کے معنی ٹھہرٹھہر کرپڑھنا اور اس کے ادا کرنے میں آہستگی کرنا ہیں تاکہ اس کے معانی سمجھنے میں آسانی ہو۔اس میں درج ذیل امور داخل ہیں۔©۔کسی کلمے کو سہولت اور حسن تناسب کے ساتھ ادا کرنا۔©۔خوش الحانی اور ادائیگی میں مخارج حروف کا خیال رکھنا۔©۔ٹھہر ٹھہر کر الگ الگ کرکے الفاظ کو پڑھنا ۔اس طرح پڑھنے کا فائدہ یہ ہوتا ہے کہ الفاظ کی ادائیگی کے ساتھ ساتھ انسان ان کے معانی پر بھی غور کرسکتاہے اور یہ معانی ساتھ کے ساتھ دل میں اترتے چلے جاتے ہیں۔

تمہید کتاب

×

قرآن کریم اللہ تعالیٰ کا لازوال کلام ہے،جس میں باطل کسی طرف سے راہ نہیں پاسکتا۔ارشاد باری تعالیٰ  ہے:"یہ ایک زبردست کتاب ہے جس میں باطل نہ آگے سے راہ پاسکتا ہے اور نہ پیچھے سے ،یہ دانا قابل تعریف اللہ کی طرف سے نازل شدہ ہے۔"(حٰم السجدۃ 43/41۔42)یہ کلام خود خالق کائنات کا ہے جس کا علم لامحدود ہے ۔حضرت جبرئیل علیہ السلام  کے ذریعے سے اسے نازل کیا گیا جو قوی بھی ہیں اور امین بھی۔اور جس پر نازل ہوا وہ صادق ومصدوق ہیں۔پھر اس کی حفاظت کی ذمے داری کو خود اللہ رب العزت نے اٹھائی ہے،چنانچہ نزول کے بعد اسے اوراق اور سینوں میں محفوظ کرلیا گیا،اس لیے اس قرآن میں کمی بیشی کرنے کو کسی میں ہمت نہیں ہے اور نہ باطل کسی طرف سے دخل اندازی ہی کرسکتا ہے۔پھر یہ قرآن ایمان لانے والوں کے لیے ہدایت وشفااور نہ ماننے والوں کے لیے گمراہی اور اس میں اضافے کا باعث ہے۔ارشاد باری تعالیٰ ہے:"آپ کہہ دیں ،یہ قرآن ایمان لانے والوں کے لیے ہدایت اور شفا ہے اور جو ایمان نہیں لاتے ان کے کانوں میں بوجھ اور آنکھوں  پر پٹی ہے۔"(حٰم السجدۃ 41/44)قرآن اس لیے نازل کیا گیا کہ اہل ایمان اس پر عمل کریں ،زندگی سنواریں ،آخرت بنائیں،اس کے حلال کو حلال اور اس کے حرام کوحرام سمجھیں اور اس کی تلاوت کریں تاکہ قیامت کے دن اللہ تعالیٰ کے ہاں ان کے لیے حجت اور سفارش ہو۔رسول اللہ صلی اللہ علیہ وسلم  نے فرمایا:"یہ قرآن تیرے لیے نجات کی دلیل یا تیرے خلاف حجت ہوگا۔"(صحیح مسلم الطھارۃ حدیث 534(223)جوشخص قرآن پڑھے گا اور اس پر عمل کرے گا اللہ تعالیٰ نے اس کے متعلق ضمانت دی ہے کہ وہ دنیا میں گمراہ نہیں ہوگا اور نہ آئندہ قیامت کے دن مصیبت میں ہی پڑے گا ارشاد باری تعالیٰ ہے:" جس نے میری ہدایت کی پیروی کی وہ گمراہ نہیں ہوگا اور نہ بدبخت ہی ہوگا۔"(طٰہ:20/123)اور جس نے اس سے روگردانی کی اس  کی دنیا تنگ وتاریک کردی جائے گی اور آخرت میں اسے نابینا اٹھایا جائے گا۔ارشادباری تعالیٰ ہے:" جو میرے ذکر(قرآن) سے منہ موڑ لے گا تو اس کی زندگی تنگ پڑ جائے گی اور قیامت کے دن ہم اسے اندھا کرکے اٹھائیں گے۔"(طہٰ 20/124)لہذا بندہ مسلم کو چاہیے کہ وہ قرآن مجید کے فضائل ومناقب کے ساتھ اس کے حقوق وآداب کو بھی مد نظر رکھے۔امام بخاری رحمۃ اللہ علیہ  نے امت مسلمہ کی رہنمائی کرتے ہوئے اس عظیم ذمے داری کو اٹھایا ہے اور اس کا حق ادا کیا ہے۔اگرچہ بظاہر یہ عنوان"فضائل قرآن" سے متعلق ہے لیکن امام بخاری رحمۃ اللہ علیہ  نے بہت سے عنوانات اس عنوان کے تحت بیان کیے ہیں۔اب ضرورت اس امر کی ہے کہ ہم اسے حرز جان بنائیں تاکہ ہم قیامت کے دن اللہ تعالیٰ کےحضور سرخروہوں اور قرآن کریم کی سفارش کے حق دار بن جائیں۔امام بخاری رحمۃ اللہ علیہ  نے جن مضامین کو بیان کیا ہے اس کی تفصیل حسب ذیل ہے:© نزول قرآن © جمع قرآن ©کتابت قرآن ©احرف قرآن © تالیف قرآن © فضائل قرآن © اعجاز قرآن © آداب قرآن۔آداب قرآن میں درج ذیل امور کا احاطہ کیا ہے:© تلاوت قرآن © ترتیل قرآن © حفظ قرآن © تعلیم قرآن © عمل بالقرآن © دعوتِ قرآن۔امام بخاری رحمۃ اللہ علیہ  نے اس سلسلے میں ایک کم سو(99) احادیث کا انتخاب کیاہے،جن میں اسے انیس(19) معلق اور اَسّی(80) متصل سند سے بیان کی ہیں۔ان میں تہتر(73) مکرر اور باقی خالص ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین  اور تابعین عظام رحمۃ اللہ علیہ  سے مروی سات(7) آثار بھی پیش کیے ہیں۔آپ نے ان احادیث وآثارپر تقریباً سینتیس(37) چھوٹے چھوٹے عنوان قائم کیے ہیں۔ان عنوانات کو پڑھنے کے بعد پتاچلتا ہے کہ امام بخاری رحمۃ اللہ علیہ  فقیہ امت ہی نہیں بلکہ ایک مصلح امت بھی ہیں۔اب یہ ہماری  ذمے داری ہے کہ قرآن کریم کو پڑھیں اور اس کی تعلیمات پر عمل کریں تاکہ قیامت کے دن اس کی سفارش کے حقدار بن سکیں۔حدیث میں ہے:" قرآن پڑھا کرو بے شک وہ قیامت کے دن اپنے پڑھنے والوں اور عمل کرنے والوں کے لیے سفارشی بن کرآئے گا۔"(صحیح مسلم صلاۃ المسافرین وقصرھا حدیث 1874(804)نیز رسول اللہ صلی اللہ علیہ وسلم  کا ارشادگرامی ہے:" قیامت کے دن قرآن اور ان لوگوں کو لایاجائے گا جو دنیا میں اس پر عمل کرتے تھے ،سورہ بقرہ اور سورہ آل عمران آگے آگے ہوں گی جو ان لوگوں کی نجات کے لیے اللہ کے حضور سفارش کریں گے۔"(صحیح مسلم صلاۃ المسافرین وقصرھا حدیث 1876(805)قرآن کریم نے ان لوگوں کا سخت نوٹس لیا ہے جو اسے نظر انداز کرتے ہیں۔ارشاد باری تعالیٰ ہے:"اور رسول کہیں گے:میرے رب! میری قوم کے یہی لوگ ہیں جنھوں نے اس قرآن کو چھوڑ رکھاتھا۔"(الفرقان:25/30)قرآن کریم کو چھوڑنے کی کئی قسمیں ہیں،مثلاً:اس پر ایمان نہ لانا،قرآن کی تلاوت نہ کرنا،اس کاسننا چھوڑ دینا،اس میں غور وفکر نہ کرنا،اس کی تعلیمات پر عمل نہ کرنا،اس کی دعوت نہ دینا اور اس کے مطابق فیصلے نہ کرنا۔الغرض یہ تمام قرآن چھوڑدینے کی قسمیں ہیں۔ہمیں چاہیے کہ اللہ تعالیٰ کی کتاب کے ساتھ مضبوط تعلق پیدا کریں تاکہ قیامت کے دن اللہ کے رسول صلی اللہ علیہ وسلم  کے اس استغاثے کی زدمیں نہ آئیں۔

تمہید باب عربی

×

تمہید کتاب عربی

×