التخريج

قسم الحديث (القائل): مرفوع ، اتصال السند: متصل ، قسم الحديث: فعلی

‌صحيح البخاري: كِتَابُ الصَّلاَةِ (بَابُ الصَّلاَةِ إِلَى السَّرِيرِ)

حکم : أحاديث صحيح البخاريّ كلّها صحيحة

ترجمة الباب:

514 .   حَدَّثَنَا عُثْمَانُ بْنُ أَبِي شَيْبَةَ، قَالَ: حَدَّثَنَا جَرِيرٌ، عَنْ مَنْصُورٍ، عَنْ إِبْرَاهِيمَ، عَنِ الأَسْوَدِ، عَنْ عَائِشَةَ، قَالَتْ: أَعَدَلْتُمُونَا بِالكَلْبِ وَالحِمَارِ «لَقَدْ رَأَيْتُنِي مُضْطَجِعَةً عَلَى السَّرِيرِ، فَيَجِيءُ النَّبِيُّ صَلَّى اللهُ عَلَيْهِ وَسَلَّمَ، فَيَتَوَسَّطُ السَّرِيرَ، فَيُصَلِّي، فَأَكْرَهُ أَنْ أُسَنِّحَهُ، فَأَنْسَلُّ مِنْ قِبَلِ رِجْلَيِ السَّرِيرِ حَتَّى أَنْسَلَّ مِنْ لِحَافِي»

صحیح بخاری:

کتاب: نماز کے احکام و مسائل

 

تمہید کتاب  (

باب: چارپائی کی طرف منہ کر کے نماز پڑھنا

)  

مترجم: ١. شیخ الحدیث حافظ عبد الستار حماد (دار السلام)

514.   حضرت عائشہ‬ ؓ س‬ے روایت ہے، انھوں نے فرمایا: تم لوگوں نے ہمیں کتوں اور گدھوں کے برابر کر دیا، حالانکہ میں نے اپنے آپ کو دیکھا کہ چارپائی پر لپٹی ہوتی، رسول اللہ ﷺ تشریف لاتے اور چارپائی کو (اپنے اور قبلے کے) درمیان کر لیتے، پھر نماز پڑھ لیتے تھے۔ مجھے آپ کے سامنے ہونا برا معلوم ہوتا، اس لیے میں پائنتی کی طرف سے کھسک کر لحاف سے باہر ہو جاتی۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 514
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 508
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 478
٤ ترقيم فتح الباري (برنامج الكتب التسعة) ترقیم فتح الباری (کتب تسعہ پروگرام) 508
٥ ترقيم د. البغا (برنامج الكتب التسعة) ترقیم ڈاکٹر البغا (کتب تسعہ پروگرام) 486
٦ ترقيم شركة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 503
٧ ترقيم دار طوق النّجاة (جامع خادم الحرمين للسنة النبوية) ترقیم دار طوق النجاۃ (خادم الحرمین الشریفین حدیث ویب سائٹ) 508
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 508
١٠ ترقيم فؤاد عبد الباقي (داود راز) ترقیم فواد عبد الباقی (داؤد راز) 508
ترجمۃ الباب:


حدیث ترجمہ:

حضرت عائشہ‬ ؓ س‬ے روایت ہے، انھوں نے فرمایا: تم لوگوں نے ہمیں کتوں اور گدھوں کے برابر کر دیا، حالانکہ میں نے اپنے آپ کو دیکھا کہ چارپائی پر لپٹی ہوتی، رسول اللہ ﷺ تشریف لاتے اور چارپائی کو (اپنے اور قبلے کے) درمیان کر لیتے، پھر نماز پڑھ لیتے تھے۔ مجھے آپ کے سامنے ہونا برا معلوم ہوتا، اس لیے میں پائنتی کی طرف سے کھسک کر لحاف سے باہر ہو جاتی۔
حدیث حاشیہ:

1۔ امام بخاری ؒ  سترے کے متعلق مزید توسع بیان کرتے ہیں کہ گھر کے استعمال کی چیزوں کو بھی سترہ بنایا جا سکتا ہے، خواہ وہ زمین میں نصب ہوں یا زمین سے اٹھی ہوئی ہوں، جیسے چارپائی وغیرہ کو درمیان میں لے کر نماز پڑھنا۔ روایت میں (يَتَوَسَّطُ السَّرِيرَ) کے الفاظ ہیں جن کے معنی’’ چارپائی کے درمیان کھڑے ہونا‘‘ ہیں، چنانچہ علامہ اسماعیلی ؒ  نے اعتراض کیا کہ مذکورہ روایت قائم کردہ عنوان کے مطابق نہیں، کیونکہ عنوان یہ ہے کہ چار پائی کی طرف رخ کرکے نماز پڑھنا، لیکن اس کے متبادر معنی یہ ہیں کہ چارپائی کے وسط میں کھڑے ہوکر نماز پڑھنا، پھرخود ہی اس کا جواب دیا ہے کہ امام بخاری ؒ  نے خود اس سلسلے میں مسروق عن عائشہ ؓ  کی روایت آئندہ بیان کی ہے جو اس عنوان کے مطابق ہے۔ اس کے الفاظ ہیں:’’میں نے نبی کریم  ﷺ کو اس طرح نماز پڑھتے دیکھا ہے کہ میں آپ کے اور قبلے کے درمیان چارپائی پر تھی۔‘‘ (صحیح البخاري، الصلاة، حدیث:511) اس لیے امام بخاری ؒ  کو مسروق عن عائشة والی روایت یہاں بیان کرنی چاہیے تھی۔ علامہ کرمانی ؒ  نے اصل اعتراض کا جواب بایں الفاظ دیا ہے کہ حروف جرایک دوسرے کی جگہ استعمال ہوجاتے ہیں۔ لہذا امام بخاری ؒ  کے قائم کردہ عنوان میں (الصلاة إلى السرير)  کے معنی (الصلاة على السرير) ہیں۔ صحیح بخاری کے بعض نسخوں میں (الصلاة على السرير) کے الفاظ بھی موجود ہیں۔ (شرح الکرماني:160/2) حافظ ابن حجر ؒ  لکھتے ہیں کہ (يَتَوَسَّطُ) کے دو معنی ہیں۔ چارپائی پر اس کے وسط میں نماز پڑھنا اور چارپائی کو سامنے کرکے اس سے نیچے نماز پڑھنا۔ مسروق عن عائشة ؓ  کی روایت نے وضاحت کردی کہ اس مقام پر دوسرے معنی مراد ہیں۔ (فتح الباري:751/1)
2۔ دراصل جب تک کسی حدیث کے تمام طرق اور جملہ کلمات ماثورہ سامنے نہ ہوں، حدیث کا صحیح مفہوم متعین نہیں ہوسکتا۔ مذکورہ حدیث کے متعلق بھی راقم کافی دن تذبذب کا شکار رہا کیونکہ بعض روایات میں حضرت عائشہ ؓ  فرماتی ہیں کہ میں رسول اللہ ﷺ  کے سامنے جنازے کی طرح لیٹی ہوتی جبکہ بعض روایات میں ہے کہ رسول اللہ ﷺ  میرے پاؤں کو سجدے کے وقت ہاتھ لگاتے تو میں انھیں سمیٹ لیتی۔ چارپائی سے نیچے اترکر نماز پڑھنے کی صورت میں پاؤں کو ہاتھ لگانے اور پھر انھیں سمیٹنے کی قطعاً ضرورت نہیں، اس لیے جنازے کی طرح لیٹنا اور پاؤں سمیٹنا باہم متضاد ہیں۔ روایات کے تتبع سے معلوم ہوا کہ یہاں دوواقعات ہیں جن کی تفصیل حسب ذیل ہے: ©۔ ایک واقعہ یہ ہے کہ حضرت عائشہ ؓ  چارپائی پر ہوتیں اور رسول اللہ ﷺ  نیچے اتر کر نماز پڑھتے۔ اس صورت میں حضرت عائشہ ؓ  کا جنازے کی طرح لیٹنا صحیح ہے۔ اس میں پاؤں کو ہاتھ لگانے اور انھیں سمیٹنے کی ضرورت ہی نہیں رہتی، چنانچہ امام بخاری ؒ  نے اس صورت کو اپنی صحیح میں متعدد مقامات پر بیان کیا ہے اور اس صورت کو حضرت عائشہ ؓ  سے حضرت اسود ؓ ، حضرت مسروق ؒ  اور حضرت عروہ بیان کرتے ہیں۔ ملاحظہ ہو:383۔ 384۔ 508۔ 511۔512۔ 514۔ 519۔ 997اور 6276۔ ©۔ دوسرا واقعہ یہ ہے کہ رسول اللہ ﷺ  اسی بستر پر نماز پڑھتے جہاں سیدہ عائشہ ؓ  لیٹی ہوتی تھیں۔ اس صورت میں سجدے کے وقت آپ حضرت عائشہ ؓ  کے پاؤں کو ہاتھ لگاتے تو وہ انھیں سمیٹ لیتیں۔ اس صورت کو حضرت ابوسلمہ بن عبدالرحمان اور حضرت قاسم، حضرت عائشہ ؓ  سے بیان کرتے ہیں۔ نماز کی یہ کیفیت امام بخاری ؒ  نے مندرجہ ذیل احادیث میں بیان کی ہیں۔ ملاحظہ ہو حدیث:383۔513۔519۔اور1209۔ واضح رہے کہ حضرت عائشہ ؓ  کو اس حدیث جس میں ہے کہ عورت، گدھا اور کتا اگرنمازی کے آگے سے گزر جائیں تو نماز ٹوٹ جاتی ہے، کے اندازِ بیان اور طرز ادا کے متعلق شکایت ہے کہ اس اسلوب سے معلوم ہوتا ہے کہ عورت، گدھا اور کتا سب برابر ہیں۔ حالانکہ عورت اور دیگر دونوں چیزوں میں بہت فرق ہے۔ راوی کو بیان کرتے وقت اس فرق کی نزاکت کو ملحوظ رکھنا چاہیے تھا۔ ہم آئندہ اصل مقام پر اس کی وضاحت کریں گے۔ بإذن اللہ تعالیٰ۔
ترجمۃ الباب:


حدیث ترجمہ:

ہم سے عثمان بن ابی شیبہ نے بیان کیا، کہا ہم سے جریر بن عبدالحمید نے بیان کیا منصور بن معتمر سے، انھوں نے ابراہیم نخعی سے، انھوں نے اسود بن یزید سے، انھوں نے عائشہ‬ ؓ س‬ے آپ نے فرمایا تم لوگوں نے ہم عورتوں کو کتوں اور گدھوں کے برابر بنا دیا۔ حالانکہ میں چارپائی پر لیٹی رہتی تھی۔ اور نبی ﷺ تشریف لاتے اور چارپائی کے بیچ میں آ جاتے (یا چارپائی کو اپنے اور قبلے کے بیچ میں کر لیتے) پھر نماز پڑھتے۔ مجھے آپ کے سامنے پڑا رہنا برا معلوم ہوتا، اس لیے میں پائینتی کی طرف سے کھسک کے لحاف سے باہر نکل جاتی۔
حدیث حاشیہ:

حضرت امام بخاری ؒ  نے باب الاستیذان میں ایک حدیث روایت فرمائی ہے جس میں صاف مذکور ہے کہ آپ ﷺ  نماز پڑھتے اور چارپائی آپ کے اور قبلے کے بیچ میں ہوتی پس فیتوسط السریر کا ترجمہ یہ صحیح ہوگا کہ آپ ﷺ چارپائی کو اپنے اورقبلہ کے بیچ میں کرلیتے۔
ترجمۃ الباب:


حدیث ترجمہ:

Narrated 'Aishah (RA): Do you make us (women) equal to dogs and donkeys? While I used to lie in my bed, the Prophet (ﷺ) would come and pray facing the middle of the bed. I used to consider it not good to stand in front of him in his prayers. So I used to slip away slowly and quietly from the foot of the bed till I got out of my guilt.

الحكم على الحديث

اسم العالم الحكم
إجماع علماء المسلمين