Sahi-Bukhari | صحیح بخاری

موضوعات

شجرۂ موضوعات

ایمان (21673)

اقوام سابقہ (2922)

سیرت (18010)

قرآن (6272)

اخلاق و آداب (9761)

عبادات (51486)

کھانے پینے کے آداب و احکام (4155)

لباس اور زینت کے مسائل (3633)

نجی اور شخصی احوال ومعاملات (6547)

معاملات (9225)

عدالتی احکام و فیصلے (3431)

جرائم و عقوبات (5046)

جہاد (5356)

علم (9419)

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ الفِتَنِ (بَابُ التَّعَوُّذِ مِنَ الفِتَنِ)

حکم : أحاديث صحيح البخاريّ كلّها صحيحة

7157 . وقَالَ لِي خَلِيفَةُ: حَدَّثَنَا يَزِيدُ بْنُ زُرَيْعٍ، حَدَّثَنَا سَعِيدٌ، وَمُعْتَمِرٌ، عَنْ أَبِيهِ، عَنْ قَتَادَةَ، أَنَّ أَنَسًا، حَدَّثَهُمْ، عَنِ النَّبِيِّ صَلَّى اللهُ عَلَيْهِ وَسَلَّمَ بِهَذَا. وَقَالَ: «عَائِذًا بِاللَّهِ مِنْ شَرِّ الفِتَنِ»

صحیح بخاری:

کتاب: فتنوں کے بیان میں

(

باب:فتنوں سے پناہ مانگنا

)

مترجم: ١. شیخ الحدیث حافظ عبد الستار حماد (دار السلام)

7157. حضرت انس ؓ ہی سے ایک اور روایت ہے انہوں نے نبی ﷺ سے یہی حدیث نقل کی، اس میں ”فتنوں کی برائی“ کے بجائے ”فتنوں کے شر“ کا لفظ ہے۔

Sharing Link: https://mohaddis.com/View/Sahi-Bukhari/T1/7157

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	7157
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	7091
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	6562.02
٤	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	7091.02
٥	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	6678.02
٦	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	6834
٧	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	7091
٨	ترقيم فؤاد عبد الباقي (دار السلام)	ترقیم فواد عبد الباقی (دار السلام)	7091
١٠	ترقيم فؤاد عبد الباقي (داود راز)	ترقیم فواد عبد الباقی (داؤد راز)	7091

فتن،فتنة کی جمع ہے اس کے لغوی معنی سونے کو آگ میں تپانا ہیں تاکہ اس کا کھرا یا کھوٹا پن ظاہر ہوجائے۔کبھی فتنہ عذاب کے معنی میں آتا ہے۔ارشاد باری تعالیٰ ہے: (ذُوقُوا فِتْنَتَكُمْ) "تم اپنے عذاب کامزہ چکھو۔"(الذاریات:14/51)عذاب کے اسباب پر بھی فتنے کا لفظ بولاجاتا ہے۔قرآن میں ہے:(أَلَا فِي الْفِتْنَةِ سَقَطُوا)"خبردار!یہ تو پہلے ہی فتنے میں پڑے ہوئے ہیں۔"(التوبۃ 9/49)امتحان اور آزمائش کے لیے بھی یہ لفظ استعمال کیا جاتاہے جیسا کہ حضرت موسیٰ علیہ السلام کے متعلق ارشاد باری تعالیٰ ہے:( وَفَتَنَّـكَ فُتُوناً)"پھرہم نے تمھیں مختلف آزمائشوں سے گزارا۔"(طٰہ 20/40)بدحالی اور خوشحالی میں بطور آزمائش پڑجانا بی فتنہ ہے جیسا کہ ارشاد باری تعالیٰ ہے: (وَنَبْلُوكُمْ بِالشَّرِّ وَالْخَيْرِ فِتْنَةً ۖ) "ہم تمھیں فتنے کے طور پر اچھے اور بُرے دونوں حالات میں آزماتے ہیں۔"(الانبیاء 21/35)دینی یا دنیوی آفت کو بھی فتنہ کہتے ہیں۔اگر وہ آفت اللہ تعالیٰ کی طرف سے ہوتووہ حکمت سے خالی نہیں ہوتی اور بندوں کی طرف سے ہوتو وہ قابل مذمت ہے جیسا کہ اللہ تعالیٰ نے فرمایا:(وَالْفِتْنَةُ أَشَدُّ مِنَ الْقَتْلِ)"اور فتنہ ،قتل سے بھی زیادہ سنگین جرم ہے۔"(البقرہ 2/191) نیز فرمایا: (إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ)"جن لوگوں نے مومن مردوں اور مومن عورتوں پر ظلم وستم ڈھایا۔"(البروج 10/85)بہرحال فتنہ مشقت رسوائی اور عذاب کے معنی میں استعمال ہوا ہے اور اسے ہرمکروہ اورناپسندیدہ بات پر عمل پربولا جاتاہے۔ہمارامعاشرہ آج کل مختلف فتنوں کی لپیٹ میں ہے۔بہت سے ایسے وسائل ہیں جو ہمیں دین وایمان ،اخلاق وکردار،امانت ودیانت،عفت وپاکدامنی اور تقویٰ وپرہیز گاری کے راستے سے ہٹا کر کفر والحاد،بے غیرتی وبدچلنی اور بے حیائی وبے رہروی کی طرف لے جانے والے ہیں۔ان حالات میں ہمیں چاہیے کہ ایسے اسباب کو عمل میں لائیں جو ان فتنوں کو روک سکیں۔اب ہم چند اسباب اوراصول ذکر کرتے ہیں جن کے اختیار کرنے سے فتنوں سے بچاؤ ممکن ہے۔تقویٰ:۔فتنوں سے محفوظ رہنے کے لیے بنیادی اصول یہ ہے کہ ہم ہرحالت میں تقویٰ اختیار کریں۔اللہ تعالیٰ کی رحمت کی اُمید کرتے ہوئے،اس کے عذاب سے ڈرتے ہوئے ،وحی الٰہی کی روشنی میں اس کے احکام پرعمل کرنا اور گناہوں کوچھوڑدینا تقویٰ کہلاتا ہے۔اس سے معلوم ہوا کہ تقویٰ کسی زبانی دعوے کا نام نہیں بلکہ یہ ایک نفسیاتی تبدیلی ہے جس میں اللہ تعالیٰ کے ہاں پسندیدہ اعمال کے ذریعے سے اس کی اطاعت اور تقرب کے حصول کا شوق پیدا ہوتا ہے۔بہرحال فرائض وواجبات کو بجالانے والا اور معاصی ومنکرات سے بچنے والا فتنوں سے محفوظ رہتا ہے۔©۔قرآن وحدیث کی پابندی:۔فتنوں سے محفوظ رہنے کے لیے دوسرا اصول یہ ہے کہ کتاب وسنت کو مضبوطی سے تھام لیا جائے اور بدعات وخرافات کو نفرت کی نگاہ سے دیکھا جائے،ایسے انسان کے لیے دنیا وآخرت کی کامیابی اس کا مقدر بن جاتی ہے،چنانچہ رسول اللہ صلی اللہ علیہ وسلم کا ارشاد گرامی ہے:"میرے بعد تم بہت زیادہ اختلافات دیکھو گے،ایسے حالات میں تم پر میری سنت اور میرے بعد راہ ہدایت اختیار کرنے والے خلفائے راشدین رضوان اللہ عنھم اجمعین کی سنت کو اختیار کرنالازم ہے۔اسے مضبوطی سے تھام لینا بلکہ جبڑوں میں دبالینا ،خبردارً دین کے معاملات میں نئے کام ایجاد نہ کرنا کیونکہ دین میں ہرنیا کام بدعت ہے اور ہربدعت گمراہی ہے۔(مسند احمد 4/126)اس حدیث سے معلوم ہوا کہ اختلافات اور فتنوں کے دور میں نجات کا صرف یہ راستہ ہے کہ کتاب وسنت کو مضبوطی سے تھاما جائے اور بدعات و خرافات سے ہر حال میں بچا جائے۔©۔جلدبازی سے پرہیز:۔فتنوں سے محفوظ رہنے کا تیسرا اصول یہ ہے کہ دینی معاملات میں سمجھ داری اور سوچ بچار کا رویہ اختیار کیا جائے۔کوئی بھی قدم اٹھاتے وقت اس کے انجام کو ملحوظ رکھاجائے کیونکہ سنجیدگی اور سمجھ داری خیروبرکت کا سبب ہوتی ہے۔اس کے برعکس جلد بازی سے احتراز کیا جائے کیونکہ معاملات میں جلد بازی کا مظاہرہ کرنے والا ہمیشہ ندامت وشرمساری سے دوچار ہوتا ہے۔رسول اللہ صلی اللہ علیہ وسلم کا ارشاد گرامی ہے:"معاملات کی سنجیدگی اللہ کی طرف سے اور جلد بازی شیطان کی طرف سے ہوتی ہے۔"(جامع الترمذی البر والصلۃ حدیث 2012)دینی معاملات میں جذباتی انداز اختیارکرنا فتنوں کو دعوت دینا ہے۔ایک صاحب عقل اور سلیم الفطرت انسان کو چاہیے کہ ہر کام کرنے سے پہلے اس کے انجام اور انتہا پر سنجیدگی سے غور کرے،جلد بازی سے کنارہ کش رہے کیونکہ اس کا انجام ہمیشہ بھیانک اور خطرناک ہی ہوا کرتا ہے۔©۔اجتماعیت:۔فتنوں سے محفوظ رہنے کا چوتھا اصول اجتماعیت کو اختیار کرنا ہے انسان کو چاہیے کہ وہ اختلاف وانتشار سے ہرممکن دور رہے کیونکہ اختلاف فساد اور اجتماعیت اللہ تعالیٰ کی رحمت ہے۔جماعت کی برکت سے باہمی رابطہ مضبوط ہوتا ہے اور فتنہ پھیلانے والے کو فتنہ وشر پھیلانے کاموقع نہیں ملتا بلکہ ایسی اجتماعیت کے نتیجے میں مخالفین پر دھاک اور ہیبت بیٹھ جاتی ہے ۔رسول اللہ صلی اللہ علیہ وسلم کا ارشاد گرامی ہے:"جماعت پراللہ کا ہاتھ ہے۔"(جامع الترمذی الفتن حدیث 2167 وصحیح الترغیب والترھیب الطعام حدیث 2131)بہرحال جماعت سے منسلک رہنا فتنوں سے محفوظ رہنے کا ایک مؤثر ذریعہ ہے۔©۔اہل علم سے تعلق:۔فتنوں سے محفوظ رہنے کا پانچواں اصول پختہ کار اہل علم سے رابطہ رکھناہے کیونکہ اہل علم حکمت ودانائی سے مسائل کو سلجھانے کی صلاحیت رکھتے ہیں اور انجام کار پر بھی ان کی گہری نظر ہوتی ہے کیونکہ علماء حضرات نے دینی علوم سیکھنے اور سکھانے میں عمر کا بیشتر حصہ صرف کیا ہوتا ہے۔خود اللہ تعالیٰ نے ہمیں اس امر کا پابند کیاہے:"جب انھیں امن یا خوف کی کوئی اطلاع ملتی ہے تو وہ اسے مشہور کردیتے ہیں اور اگروہ ایسی بات رسول اللہ صلی اللہ علیہ وسلم اور اصحاب امر کے حوالے سے کردیتے تو وہ اس کی حقیقت کو معلوم کرلیتے اور اس کی تہہ تک پہنچ جاتے۔اگر تم پر اللہ کا فضل اور اس کی رحمت نہ ہوتی تو چند ایک کے سواتم سب شیطان کے پیروکار بن جاتے۔"(النساء:4/83)بہرحال فتنوں کے دور میں جو لوگ معاملات کو اپنے علماء کے حوالے کردیتے ہیں ،وہ فتنوں اوران کے نقصانات سے محفوظ رہتے ہیں۔©۔دعا کا اہتمام :۔فتنوں سے محفوظ رہنے کاچھٹا اور اہم ترین عمل اللہ تعالیٰ سے اپنے تعلق کو مضبوط کرنا ہے۔اللہ تعالیٰ کے حضور انتہائی عجز وانکسار سے دعا کی جائے کہ وہ ہمیں ظاہری اور باطنی فتنوں سے محفوظ رکھے۔ہر وقت فتنوں سے اللہ تعالیٰ کی پناہ مانگتے رہنا چاہیے۔جو انسان اللہ تعالیٰ سے فتنوں کی پناہ مانگتا ہے اللہ تعالیٰ اسے ضرور پناہ دیتا ہے۔ایسے آدمی کو اللہ تعالیٰ رسوا نہیں کرتا جو اللہ تعالیٰ سے اپنا تعلق گہراکرتا ہے اور اس سے دعا کرتا رہتاہے۔ارشاد باری تعالیٰ ہے:"اور جب میرے بندے آپ سے میرے بارے میں سوال کریں تو بلاشبہ میں ان کے بالکل قریب ہوں۔جب بھی کوئی پکارنے والا مجھے پکارتا ہے تو میں اس کی پکار کاجواب دیتا ہوں۔انھیں بھی چاہیے کہ وہ صرف مجھ سے فریاد کریں اور مجھ پر ایمان لائیں تاکہ وہ ہدایت پائیں۔"(البقرہ 186/2)رسول اللہ صلی اللہ علیہ وسلم نے ایسے موقع پر ہمیں ایک دعا پڑھنے کی تلقین کی ہے:(اللهم إني أَعُوذُ بِكَ مِنَ الْفِتَنِ مَا ظَهَرَ مِنْهَا وَمَا بَطَنَ)"اے اللہ! میں فتنوں سے تیری پناہ مانگتا ہوں،خواہ وہ ظاہر ہوں یا پوشیدہ۔"(مسند احمد 1/305)صحابہ کرام رضوان اللہ عنھم اجمعین بھی ایسے موقع پر اللہ کی پناہ مانگتے تھے،چنانچہ حضرت عمر رضی اللہ تعالیٰ عنہ کے متعلق بھی حدیث میں ہے کہ وہ بھی فتنوں سے اللہ تعالیٰ کی پناہ مانگتے تھے۔(صحیح البخاری الصلاۃ حدیث 447)امام بخاری رحمۃ اللہ علیہ نے امت مسلمہ کو فتنوں سے آگاہ کرنے کے لیے یہ عنوان قائم کیا ہے اور اس میں ایک سو ایک (101) احادیث کا انتخاب کیا ہے،جن میں اکاسی(81) موصول اورچودہ(14) معلق اور متابع کی حیثیت رکھتی ہیں۔ان میں اسی(80) احادیث مکرر اوراکیس(21) خالص ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین اورتابعین عظام رحمۃ اللہ علیہ سے پندرہ(15) آثار بھی پیش کیے ہیں۔آپ نے ان احادیث وآثار پر چھوٹے چھوٹے اٹھائیس(28) عنوان قائم کیے ہیں جن میں ان فتنوں کے اسباب اور ان سے بچاؤ کی تدابیر کو بیان کیا ہے۔ان احادیث سے پتہ چلتاہے کہ رسول اللہ صلی اللہ علیہ وسلم نے اس اُمت کو بہت سے فتنوں کے متعلق قبل از وقت آگاہ کردیاہے۔اپنے صحابہ کرام رضوان اللہ عنھم اجمعین کو صبر واستقامت کی تلقین کی ہے۔بہرحال امام بخاری رحمۃ اللہ علیہ کے عنوانات بہت اہم ہیں،ان کا اور ان کے تحت پیش کردہ احادیث کا بڑی باریک بینی اور دقت نظری سے مطالعہ کرنا چاہیے ان پر عمل کرنے سے ہم نہ صرف فتنوں سے محفوظ رہیں گے بلکہ اللہ تعالیٰ کے ہاں بڑے عظیم ثواب کے حقدار ہوں گے۔اللہ تعالیٰ سے دعا ہے کہ وہ ہمیں دورِحاضر کے تمام فتنوں سے اپنی حفاظت وپناہ میں رکھے ۔آمین

حدیث ترجمہ:

حضرت انس ؓ ہی سے ایک اور روایت ہے انہوں نے نبی ﷺ سے یہی حدیث نقل کی، اس میں ”فتنوں کی برائی“ کے بجائے ”فتنوں کے شر“ کا لفظ ہے۔

حدیث حاشیہ:

ابن بطال نے کہا کہ امام بخاری رحمۃ اللہ علیہ نے یہ احادیث اس شخص کی تردید میں پیش کی ہیں جو کہتا ہے کہ اللہ تعالیٰ سے فتنوں کا سوال کرنا چاہیے کیونکہ ان میں منافقین کی بیخ کنی ہوتی ہے۔ اس سلسلے میں ایک غیر مرفوع حدیث بھی پیش کی جاتی ہے جس کے الفاظ یہ ہیں: ’’آخر زمانے میں فتنوں کو بُرا خیال نہ کرو کیونکہ یہ منافقین کی تباہی کاباعث ہیں‘‘ لیکن اس کی سند کمزور اور اس کے راوی مجہول ہیں۔ (فتح الباري: 55/13) بہرحال فتنوں سے اللہ تعالیٰ کی پناہ مانگنی چاہیے کیونکہ ان سے انسان کے ایمان کو خطرہ رہتا ہے۔ واللہ أعلم۔

حدیث ترجمہ:

اور مجھ سے خلیفہ بن خیاط نے بیان کیا، ان سے یزید بن زریع نے بیان کیا، ان سے سعید و معتمر کے والد نے قتادہ سے اور ان سے انس ؓ نے بیان کیا، پھر یہی حدیث آنحضرت ﷺ سے نقل کی، اس میں بجائے سوء کے شر کا لفظ ہے۔

حدیث حاشیہ:

اس روایت کے لانے سے امام بخاری کا مطلب یہ ہے کہ سعید کی روایت میں خیر یا شر شک کے ساتھ مذکور ہے۔ جتنے صحابہ وہاں موجود تھے، سب رونے لگے کیوں کہ ان کو معلوم ہوگیا تھا کہ آنحضرت صلی اللہ علیہ وسلم بوجہ کثرت سوالات بالکل رنجیدہ ہوگئے ہیں اور آنحضرت صلی اللہ علیہ وسلم کا رنجیدہ ہونا خدا کے غضب کی نشانی ہے۔ جب کثرت سوالات سے آپ کو غصہ آیا تو خیال کرنا چاہئے کہ جو شخص آپ کے ارشادات کو سن کر اس پر عمل نہ کرے اور دوسرے چیلے چاٹروں کی بات سنے اس پر آپ صلی اللہ علیہ وسلم کا غصہ کس قدر ہوگا اور اس کو خدا کے غضب سے کتنا ڈرنا چاہئے۔ میں اوپر لکھ چکا ہوں کہ اہل ہند کی غفلت اور بے اعتنائی اور حدیث اور قرآن کو چھوڑ دینے کی سزا میں کئی سال سے ان پر طاعون کی بلا نازل ہوئی ہے، معلوم نہیں آئندہ اور کیا عذات اترتا ہے۔ ابھی یہ پارہ ختم نہیں ہوا تھا یعنی یعنی ماہ صفر سنہ 1323ہجری میں پنجاب سے خبر آئی کہ وہاں سخت زلزلہ ہوا اور ہزاروں لاکھوں مکانات تہ خاک ہوگئے اور جو بچ رہے ہیں ان کی بھی حالت تباہ ہے نہ رہنے کو گھر نہ بیٹھنے کا ٹھکانہ۔ غرض اہل ہند کسی طرح خواب غفلت سے بیدار نہیں ہوتے اور تعصب اور ناحق شناسی نہیں چھوڑتے، معلوم نہیں آئندہ اور کیا کیا عذاب آنے والے ہیں۔ یا اللہ! سچے مسلمانوں پر رحم کر اور ان کو ان عذابوں سے بچادے آمین یا رب العالمین۔ مولانا وحیدالزماں مرحوم آج سے 75 سال پہلے کی باتیں کر رہے ہیں مگر آج سنہ1398 ہجری میں بھی آندھرا پردیش اور علاقہ میوات میں پانی کے طوفان نے عذابوں کی یاد تازہ کر دی ہے۔

حدیث ترجمہ:

The above hadith is narrated on the authority of Anas thorugh another chain and he said (with the wording) "seeking refuge with Allah from the evil of afflictions."

اسم العالم	الحكم
إجماع علماء المسلمين

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

الحكم على الحديث