التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ الزَّكَاةِ (بَابُ خَرْصِ الثَّمَرِ)

حکم : أحاديث صحيح البخاريّ كلّها صحيحة

ترجمة الباب:

1482 .   وَقَالَ سُلَيْمَانُ بْنُ بِلاَلٍ: حَدَّثَنِي عَمْرٌو، «ثُمَّ دَارُ بَنِي الحَارِثِ، ثُمَّ بَنِي سَاعِدَةَ» وَقَالَ سُلَيْمَانُ: عَنْ سَعْدِ بْنِ سَعِيدٍ، عَنْ عُمَارَةَ بْنِ غَزِيَّةَ، عَنْ عَبَّاسٍ، عَنْ أَبِيهِ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: «أُحُدٌ جَبَلٌ يُحِبُّنَا وَنُحِبُّهُ

صحیح بخاری:

کتاب: زکوٰۃ کے مسائل کا بیان

 

تمہید کتاب  (

باب: کھجور کا درختوں پر اندازہ کرلینا درست ہے

)  

مترجم: ١. شیخ الحدیث حافظ عبد الستار حماد (دار السلام)

1482.   ایک روایت کے مطابق آپﷺ نے فرمایا:’’پھر بنوحارث کے گھرانے پھر بنو ساعدہ کے گھرانے بہتر ہیں۔‘‘ ایک روایت میں الفاظ یہ ہیں کہ نبی کریم ﷺ نے فرمایا:’’اُحد پہاڑ ہم سے محبت کرتا ہے اور ہم اس سے محبت کرتے ہیں۔‘‘ امام بخاری ؓ بیان کرتے ہیں کہ ہر باغ جس کی دیوار ہو وہ حدیقہ ہے اور جس کی دیوار نہ ہو اس کو حدیقہ نہیں کہا جاتا۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 1498
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 1482
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 1387.01
٤ ترقيم فتح الباري (برنامج الكتب التسعة) ترقیم فتح الباری (کتب تسعہ پروگرام) 1482.01
٥ ترقيم د. البغا (برنامج الكتب التسعة) ترقیم ڈاکٹر البغا (کتب تسعہ پروگرام) 1411.01
٦ ترقيم شركة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 1443.01
٧ ترقيم دار طوق النّجاة (جامع خادم الحرمين للسنة النبوية) ترقیم دار طوق النجاۃ (خادم الحرمین الشریفین حدیث ویب سائٹ) 1482
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 1482
١٠ ترقيم فؤاد عبد الباقي (داود راز) ترقیم فواد عبد الباقی (داؤد راز) 1482
ترجمۃ الباب:


حدیث ترجمہ:

ایک روایت کے مطابق آپﷺ نے فرمایا:’’پھر بنوحارث کے گھرانے پھر بنو ساعدہ کے گھرانے بہتر ہیں۔‘‘ ایک روایت میں الفاظ یہ ہیں کہ نبی کریم ﷺ نے فرمایا:’’اُحد پہاڑ ہم سے محبت کرتا ہے اور ہم اس سے محبت کرتے ہیں۔‘‘ امام بخاری ؓ بیان کرتے ہیں کہ ہر باغ جس کی دیوار ہو وہ حدیقہ ہے اور جس کی دیوار نہ ہو اس کو حدیقہ نہیں کہا جاتا۔
حدیث حاشیہ:

(1) درختوں پر لگے ہوئے پھلوں کا کسی تجربہ کار سے اندازہ لگوانا خرص کہلاتا ہے، کھجور یا انگور جب پک جائیں تو حاکم وقت کسی تجربہ کار اندازہ لگانے والے کو بھیجتا ہے کہ وہ باغ کو دیکھ کر اندازہ کرے کہ اس سے کتنا خشک پھل اترے گا، پھر اس اندازے کے مطابق اس پر عشر واجب ہوتا ہے، اندازہ کردہ مقدار سے اخراجات کو منہا کر دیا جاتا ہے۔ (2) جمہور علماء کے نزدیک کھجوروں اور انگوروں کا اندازہ لگانا صحیح ہے اور اس قاعدے کے مطابق عشر وصول کرنا جائز ہے لیکن احناف اسے نہیں مانتے۔ ان کے نزدیک مالک کے قبضے میں جو مقدار ہو گی وہ اس سے عشر ادا کرے، خواہ وہ اندازے سے کم ہو یا زیادہ، لیکن اسلامی نقطہ نظر کے مطابق زکاۃ وصول کرنے والوں کو درختوں پر موجود انگور اور تر کھجور کے تخمینے کے لیے بھیجنا مشروع ہے۔ رسول اللہ ﷺ نے فتح خیبر کے بعد حضرت عبداللہ بن رواحہ ؓ  کو اہل خیبر کی کھجوروں کا اندازہ لگانے کے لیے بھیجا تھا۔ (سنن ابن ماجة، الزکاة، حدیث:1820) حافظ ابن حجر ؒ  نے صحیح ابن حبان کے حوالے سے ایک مرفوع حدیث بیان کی ہے: رسول اللہ ﷺ نے فرمایا کہ جب تم درختوں پر پھل کا اندازہ کرو تو اس سے ایک تہائی منہا کرو، اگر ایک تہائی نہیں چھوڑ سکتے تو کم از کم ایک چوتھائی ضرور چھوڑ دو۔ (سنن أبي داود، الزکاة، حدیث:1605، وسنن النسائي، الزکاة، حدیث:2491) حضرت عتاب بن اسید ؓ  سے روایت ہے کہ رسول اللہ ﷺ  نے انگور کی زکاۃ اس طرح انداز لگا کر ادا کرنے کا حکم دیا جس طرح کھجوروں کی زکاۃ اندازہ لگا کر ادا کی جاتی ہے، نیز انگور کی زکاۃ منقے سے دی جائے جس طرح تازہ کھجوروں کی زکاۃ خشک کھجوروں سے دی جاتی ہے۔ (جامع الترمذي، الزکاة، حدیث:644) اس کا مطلب یہ ہے کہ زکاۃ کی مقدار کا تعیین اندازے سے ہو گا لیکن زکاۃ کی ادائیگی خشک پھل سے ہو گی، ان کے علاوہ دیگر غلوں کا اندازہ لگانا صحیح نہیں۔ واللہ أعلم
ترجمۃ الباب:


حدیث ترجمہ:

اور سلیمان بن بلال نے کہا کہ مجھ سے عمرو نے اس طرح بیان کیا کہ پھر بنی حارث بن خزرج کا خاندان اور پھر بنو ساعدہ کا خاندان۔ اور سلیمان نے سعد بن سعید سے بیان کیا ‘ ان سے عمارہ بن غزنیہ نے ‘ ان سے عباس نے ‘ ان سے ان کے باپ ( سہل ) نے کہ نبی کریم ﷺ نے فرمایا احد وہ پہاڑ ہے جو ہم سے محبت رکھتا ہے اور ہم اس سے محبت رکھتے ہیں۔
حدیث حاشیہ:

اس طویل حدیث میں جہاں کھجوروں کا اندازہ کرلینے کا ذکر ہے وہاں اور بھی بہت سے حقائق کا بیان ہے۔ غزوئہ تبوک 9 ھ میں ایسے وقت میں پیش آیا کہ موسم گرما اپنے پورے شباب پر تھا اور مدینہ میں کھجور کی فصل بالکل تیار تھی۔ پھر بھی صحابہ کرام نے بڑی جان نثاری کا ثبوت دیا اور ہر پریشانی کا مقابلہ کرتے ہوئے وہ اس طویل سفر میں شریک ہوئے۔ سرحد کا معاملہ تھا۔ آپ دشمن کے انتظار میں وہاں کافی ٹھہرے رہے مگر دشمن مقابلہ کے لیے نہ آیا۔ بلکہ قریب ہی ایلہ شہر کے عیسائی حاکم یوحنا بن روبہ نے آپ کو صلح کا پیغام دیا۔ آپ نے اس کی حکومت اس کے لیے برقرار رکھی۔ کیونکہ آپ کا منشاء ملک گیری کا ہرگز نہ تھا۔ واپسی میں آپ کو مدینہ کی محبت نے سفر میں عجلت پر آمادہ کردیا تو آپ نے مدینہ جلد سے جلد پہنچنے کا اعلان فرمادیا۔ جب یہ پاک شہر نظر آنے لگا تو آپ ﷺ اس قدر خوش ہوئے کہ آپ نے اس مقدس شہر کو لفظ طابہ سے موسوم فرمایا۔ جس کے معنے پاکیزہ اور عمدہ کے ہیں۔ احد پہاڑ کے حق میں بھی اپنی انتہائی محبت کا اظہار فرمایا پھر آپ ﷺ  نے قبائل انصار کی درجہ بدرجہ فضیلت بیان فرمائی جن میں اولین درجہ بنونجار کو دیا گیا۔ ان ہی لوگوں میں آپ کی ننہال تھی اور سب سے پہلے جب آپ مدینہ تشریف لائے یہ لوگ ہتھیار باندھ کر آپ کے استقبال کے لیے حاضر ہوئے تھے۔ پھر تمام ہی قبائل انصار تعریف کے قابل ہیں جنہوں نے دل وجان سے اسلام کی ایسی مدد کی کہ تاریخ میں ہمیشہ کے لیے یاد رہ گئے۔ رضي اللہ عنهم ورضوا عنه۔
ترجمۃ الباب:


حدیث ترجمہ:

الحكم على الحديث

اسم العالمالحكم
١. إجماع علماء المسلمينأحاديث صحيح البخاريّ كلّها صحيحة