Sahi-Bukhari:
Invocations
(Chapter: To invoke Allah against Al-Mushrikun)
مترجم: ١. شیخ الحدیث حافظ عبد الستار حماد (دار السلام)
ترجمۃ الباب:
حضرت عبد اللہ بن مسعود ؓ نے بیان کیا کہ نبی کریم ﷺ نے کہا ، اے اللہ ! میری مدد کرایسے قحط کے ذریعہ جیسا یوسف ؑکے زمانہ میں پڑا تھا اورآپ نے بددعا کی ” اے اللہ ! ابو جہل کو پکڑلے “ اور حضرت عبد اللہ بن عمر ؓ نے بیان کیاکہ نبی کریمﷺنے نماز میں یہ دعا کی کہ ” اے للہ ! فلاں فلاں کو اپنی رحمت سے دور کردے “ یہاں تک کہ قرآن کی آیت لیس لک من الامر شی نازل ہوئی۔تشریح : انسانی زندگی میں بعض مواقع ایسے بھی آجاتے ہیں کہ انسان دشمنوں کے خلاف بددعا کرنے پر بھی مجبور ہوجاتا ہے۔ قریش مکہ کی متواتر شرارتوں کی بناپر آنحضرت ﷺ نے وقتی طور پر مجبوراًیہ بددعا فرمائی جو قبول ہوئی اور اشرار قریش سب تباہ وبرباد ہوگئے۔ سچ ہےبترس ازآہ مظلوماں کہ ہنگام دعا کردناجابت ازدرحق بہر استقبال می آید
6394.
حضرت انس ؓ سے روایت ہے کہ نبی ﷺ نے ایک چھوٹا سا لشکر روانہ کیا جس میں شریک لوگوں کو قراء کہا جاتا تھا۔ وہ تمام شہید کر دیے گئے تو میں نے نبی ﷺ کو نہیں دیکھا کہ آپ کسی چیز پر اس قدر غمناک ہوئے ہوں جس قدر ان کی شہادت پر غمناک ہوئے۔ آپ نماز فجر میں ایک مہینہ ان کے خلاف بددعا کرتے رہے۔ آپ فرماتے تھے: ”عصیہ قبیلے نے اللہ اور اس کے رسول کی نافرمانی کی ہے۔“
تشریح:
(1) کفار عرب نے متحد ہو کر اسلام کے خلاف زبردست یلغار کی تھی۔ ان اتحادیوں کو قرآن نے "الأحزاب" کہا ہے۔ رسول اللہ صلی اللہ علیہ وسلم نے غزوۂ خندق میں ان کے متعلق شکست و ہزیمت کی بددعا کی، چنانچہ اللہ تعالیٰ نے ان کی ایسی کمر توڑی کہ بعد میں جنگ کا سلسلہ ہی ختم ہو گیا۔ پہلی حدیث میں اسی بددعا کا ذکر ہے، پھر ہجرت کے بعد کچھ کمزور مسلمان مکہ میں کفار کے ہاتھوں تکالیف اٹھا رہے تھے تو رسول اللہ صلی اللہ علیہ وسلم نے ان کی نجات کے لیے اللہ تعالیٰ سے دعا کی جو قبول ہوئی اور مظلوم مسلمانوں کو کفار کے شر سے نجات ملی۔ ان دنوں آپ صلی اللہ علیہ وسلم نے مضر قبیلے کے متعلق بھی بددعا کی کیونکہ اہل مشرق کا یہ قبیلہ اس وقت رسول اللہ صلی اللہ علیہ وسلم کا بہت مخالف تھا جیسا کہ ایک روایت میں اس کی صراحت ہے۔ (صحیح البخاري، الأذان، حدیث: 804) (2) تیسری روایت میں بئر معونہ کے مقام پر قراء حضرات کی شہادت کا ذکر ہے۔ اہل نجد نے دھوکے سے انہیں شہید کیا تو رسول اللہ صلی اللہ علیہ وسلم نے چالیس دن تک رعل، ذکوان، بنو لحیان اور عصیہ قبائل پر بددعا فرمائی۔ (صحیح البخاري، الجھاد والسیر، حدیث: 2801) ان تمام احادیث میں مشرکین کے خلاف رسول اللہ صلی اللہ علیہ وسلم کی بددعا کا ذکر ہے، اس لیے امام بخاری رحمہ اللہ نے ان کا حوالہ دیا ہے۔ واللہ أعلم
ترقیم حرف کمپنی (خادم الحرمین الشریفین حدیث ویب سائٹ)
6165
٧
ترقيم دار طوق النّجاة (جامع خادم الحرمين للسنة النبوية)
ترقیم دار طوق النجاۃ (خادم الحرمین الشریفین حدیث ویب سائٹ)
6394
٨
ترقيم فؤاد عبد الباقي (دار السلام)
ترقیم فواد عبد الباقی (دار السلام)
6394
١٠
ترقيم فؤاد عبد الباقي (داود راز)
ترقیم فواد عبد الباقی (داؤد راز)
6394
تمہید کتاب
لغوی طور پر الدعوات، دعوة کی جمع ہے جو مصدر اور اس سے مراد دعا ہے۔اس کے معنی طلب کرنا، درخواست کرنا اور ترغیب دینا ہیں۔حافظ ابن حجر رحمہ اللہ نے قرآن کریم کے حوالے سے دعا کے متعدد معنی بیان کیے ہیں: ٭ عبادت: ارشاد باری تعالیٰ ہے: (وَلَا تَدْعُ مِن دُونِ اللَّـهِ مَا لَا يَنفَعُكَ وَلَا يَضُرُّكَ) (یونس10: 106) " اللہ کو چھوڑ کر ایسی چیز کی عبادت نہ کرو جو تجھے نہ کوئی نفع دے سکے اور نہ نقصان ہی پہنچا سکے۔"٭مدد طلب کرنا: جیسے قرآن میں ہے:( وَادْعُوا شُهَدَاءَكُم مِّن دُونِ اللَّـهِ) (البقرہ2: 23) " اللہ کے سوا تم دوسرے مددگاروں کو بھی بلالو۔"٭سوال کرنا: فرمان الٰہی ہے: (ادْعُونِي أَسْتَجِبْ لَكُمْ) (المؤمن40: 60)" مجھ سے سوال کرو میں اسے شرف قبولیت سے نوازوں گا۔"٭قول: یعنی بات کرنا؛ اللہ تعالیٰ کا فرمان ہے: (دَعْوَاهُمْ فِيهَا سُبْحَانَكَ اللَّـهُمَّ) (یونس10: 10)" جنت میں ان کا قول، یعنی بات یہ ہوگی اے اللہ! تو پاک ہے۔"٭ نداء، یعنی پکارنا: ارشاد باری تعالیٰ ہے: (يَوْمَ يَدْعُوكُمْ فَتَسْتَجِيبُونَ بِحَمْدِهِ) (بنی اسرائیل17: 52) "جس دن وہ تمھیں آواز دے گا تو تم اس کی تعریف کرتے ہوئے تعمیل ارشاد کرو گے۔"٭ثناء، یعنی تعریف کرنا: قرآن مجید میں ہے: (قُلِ ادْعُوا اللَّـهَ أَوِ ادْعُوا الرَّحْمَـٰنَ) (بنی اسرائیل 17: 110) " تم اس کی تعریف اللہ کے نام سے کرو یا رحمٰن کے نام سے۔"(فتح الباری:11/113) اصطلاحی طور پر دعاکی تعریف یہ ہے: خیرو برکت کے حصول یا کسی شر سے بچاؤ کے لیے اللہ تعالیٰ کے حضور گڑا گڑانا اور اسے پکارنا، دعا کہلاتا ہے۔ رسول اللہ صلی اللہ علیہ وسلم نے دعا کو عبادت قرار دیا ہے، آپ فرماتے ہیں: "دعاہی عبادت ہے۔"(جامع الترمذی، تفسیر القرآن، حدیث:2969) جب دعا عبادت ہے اور انسان کا دنیا میں آنے کا مقصد بھی یہی ہے تو یقیناً اس سے قرب الٰہی بھی حاصل ہو گا۔ رسول اللہ صلی اللہ علیہ وسلم کے معمولات کا مطالعہ کرنے سے معلوم ہوتا ہے کہ آپ کی حیات طیبہ اس عبادت سے خوب منور تھی،صبح سے شام تک، شام سے صبح تک خوشی وغمی، صحت ومرض میں کھانے پینے کے بعد،مسرت وفرحت کے دلکش مواقع پر، آندھی اور طوفان میں، الغرض آپ کی زندگی کا ایک ایک لمحہ ہمیں اس عبادت کی ترغیب دیتا ہے۔جب دعا ایک عبادت ہے تو غیر اللہ سے دعا کرنا شرک ٹھہراتا ہے، لہٰذا زبان زد عام کلمات، مثلاً: یا رسول اللہ! یا علی! یا حسین اور یاغوث قسم کے انداز سے دعائیں کرنا، نعرے لگانا صریح شرک ہے۔ان سے بچنا ایک مسلمان کا اولین فرض ہے۔ ہمارے رجحان کے مطابق دعا، مومن کا ہتھیار ہے اور یہ ایک ایسا مؤثر ہتھیار ہے جسے آپ کسی بھی وقت کسی بھی موقع پر چلا سکتے ہیں،لیکن اس ہتھیار کے ذریعے سے بہترین نتائج کے حصول کے لیے چند آداب وشرائط ہیں جن کی تفصیل درج ذیل ہے:٭بوقت دعا انسان یہ اعتقاد رکھے کہ کمال صرف اللہ تعالیٰ کی ذات گرامی، اس کی رحمت اور اس کی قدرت ہی کو حاصل ہے،لہٰذا دعا صرف اور صرف مالک دوجہاں، خالق کائنات سے مانگی جائے۔٭قبولیت کی امید کے ساتھ دعا کی جائے۔اس طرح دعا نہ کرے کہ اسے شک ہوکہ نا معلوم یہ دعا قبول ہوگی یا نہیں بلکہ پوری دل جمعی،نہایت خشوع وخضوع اور اس یقین کے ساتھ کرے کہ اس کی دعا ضرور قبول ہوگی۔٭دعا میں حد سے نہ گزرے، یعنی اللہ تعالیٰ سے ایسی چیز کے متعلق دعا نہ کرے جو شرعاً جائز نہ ہو، مثلاً: کسی گناہ پر مبنی کسی کام یا قطع رحمی کے لیے دعا کی جائے، ایسا کرنا شرعاً حلال نہیں۔٭ دعا کرتے وقت یہ بھی اعتقاد ہونا چاہیے کہ وہ اپنے رب کا محتاج اور خالق کائنات بے نیاز ہے۔اللہ تعالیٰ کی مرضی اور اس کی مشیت کے بغیر وہ کسی بھی نفع یا نقصان کا سزا وار نہیں۔٭دعا کرنے والے کا کھانا، پینا اور لباس حرام کا نہ ہو بلکہ حلال اور طیب ہو کیونکہ مال حرام قبولیت میں رکاوٹ کا باعث ہے کیونکہ اللہ تعالیٰ خودبھی پاک ہے اور پاک ہی کو قبول کرتا ہے۔٭ دعا کے آغاز میں اللہ تعالیٰ کی حمدو ثنا اور اس خوب تعریف کرے، اس کے علاوہ رسول اللہ صلی اللہ علیہ وسلم پر بکثرت درود پڑھے، پھر اپنے گناہوں کا اعتراف کرتے ہوئے اس کے فضل وکرم کی درخواست کرے۔٭قبولیت دعا کے اوقات میں دعا کرے، مثلاً: رات کے آخری حصے میں،اذان اور اقامت کے درمیان وقفے میں،فرض نماز کے بعد، جمعہ کے دن عصر کے بعد، بحالت سجدہ اور بارش برسنے کے وقت دعا کرے۔٭ رسول اللہ صلی اللہ علیہ وسلم سے غیر ثابت شدہ دعاؤں، مثلاً: دعائے نور، دعائے حبیب، دعائے گنج عرش اور دعائے منزل وغیرہ سے پرہیز کیا جائے۔٭دعا کی قبولیت کی تاخیر میں دعا ترک نہ کرے کیونکہ قبولیت دعا کی تین صورتیں ہوتی ہیں: (1)دعاکے مطابق حاجت پوری ہوجاتی ہے۔ (2) دعا کے برابر کوئی ناگہانی بلا ٹال دی جاتی ہے۔(3) یا اس کی دعا کو آخرت کے لیے ذخیرہ بنا دیا جاتا ہے۔(مسند احمد:3/18)٭ آزمائشوں، سختیوں اور مصیبتوں میں تو سب لوگ ہی دعا کرتے ہیں کشادگی، بے فکری اور فارغ البالی کے اوقات میں دعاؤں میں مشغول رہنا کمال کی علامت ہے۔دعا کرنے سے پہلے اپنا جائزہ ضرور لینا چاہیے ایسا نہ ہو کہ اس پر کوئی سستی وغفلت کا دھبا ہو یا وہ شکوک وشبہات میں مبتلا ہو۔ بہرحال انسان مشکلات ومصائب میں گھر جائے،حالات وواقعات اس کے خلاف ہوجائیں،دشمن، بیماری یا پریشانی کا دباؤ شدید ہوجائے، اپنے بیگانے سب ساتھ چھوڑ جائیں، جب دنیاوی سہارے اور امید، دم توڑ جائیں تو اس وقت دعا کا ہتھیار اور اس کی کارکردگی بہت زیادہ بڑھ جاتی ہے۔ انسان کو چاہیے کہ درج بالا آداب کو ملحوظ رکھتے ہوئے اللہ تعالیٰ سے دعا کرے، ایسے حالات میں کامیابی یقینی اور پکی بات ہے۔امام بخاری رحمہ اللہ نے اس عنوان کے تحت دعا کے متعلق ایک مکمل ضابطہ امت کے حوالے کیا ہے، اس کے لیے انھوں نے اس بڑے عنوان کے تحت انہتر(69) چھوٹے چھوٹے عنوان قائم کیے ہیں پھر انھوں نے ان عنوانات کو ثابت کرنے کے لیے ایک سو پینتالیس(145) مرفوع احادیث کا انتخاب کیا ہے جن میں اکتالیس(41) معلق اور ایک سوچار (104) احادیث متصل سند سے بیان کی ہیں۔ان میں ایک سو اکیس(121)مکرر اور چوبیس (24) خالص ہیں۔امام مسلم رحمہ اللہ نے آٹھ(8) احادیث کے علاوہ باقی تمام احادیث پر اتفاق کیا ہے۔ مرفوع احادیث کے علاوہ مختلف صحابۂ کرام اور تابعین عظام کے (9) آثار بھی بیان کیے ہیں۔الغرض امام بخاری رحمہ اللہ نے احادیث وآثار کی روشنی میں دعا کی اہمیت وفضیلت اور آداب وشرائط پر قبولیت کے مقامات واوقات کے متعلق سیر حاصل بحث کی ہے۔ دعا ایک قسم" استعاذہ" یعنی اللہ کی پناہ طلب کرنا ہے۔اس کے متعلق بھی امام بخاری رحمہ اللہ نے چودہ(14) چھوٹے چھوٹے عنوان قائم کیے ہیں جن میں سے کچھ حسب ذیل ہیں:"فتنوں سے پناہ، انسانوں کے غلبے سے پناہ، عذاب قبر سے پناہ، زندگی اور موت کے فتنے سے پناہ، آگ کے فتنے سے پناہ، غنا اور فقر سے پناہ،گناہ اور تاوان سے پناہ، بزدلی اور سستی سے پناہ،گھٹیا عمر سے پناہ وغیرہ۔دعا کے علاوہ امام بخاری رحمہ اللہ نے تسبیح وتہلیل اور ذکر الٰہی کے فضائل بھی بیان کیے ہیں۔ قرآن وحدیث کی روشنی میں دعا کے متعلق بہت سی دیگر ہدایات سے بھی امت کو آگاہ کیا ہے۔ہمیں چاہیے کہ دل کی گہرائی سے آئندہ آنے والی احادیث کا مطالعہ کریں اور پورے عزم وجزم کے ساتھ ان کے مطابق عمل کرنے کو اپنی زندگی کا حصہ بنائیں کیونکہ حدیث میں ہے کہ جو شخص اللہ تعالیٰ سے دعا نہیں کرتا وہ گویا اللہ تعالیٰ کے غضب میں گرفتار ہے اور جس کے لیے بکثرت دعا کرنے کا دروازہ کھول دیا گیا اس کے لیے گویا رحمت الٰہی کے دروازے کھل جاتے ہیں۔اہل ایمان کا فرض ہے کہ وہ اللہ تعالیٰ سے مانگنے کے عمل کو اپنا لیں۔اللہ تعالیٰ ہمیں اس پر عمل کی توفیق دے۔ آمین۔۔اللہ تعالیٰ نے فرمایا مجھے پکارو! میں تمہاری پکار قبول کروں گا بلاشبہ جو لوگ میری عبادت سے تکبر کرتے ہیں وہ بہت جلد دوزخ میں ذلت کے ساتھ ہوں گے ۔ایک حدیث میں دعا کو عبادت کہا گیا ہے۔ (سنن ابی داود، الوتر، حدیث: 1479) بلکہ عبادت کا مغز قرار دیا گیا ہے۔ (جامع الترمذی، الدعوات، حدیث: 3371) آیت کی رو سے دعا نہ کرنے پر جہنم کی وعید ہے۔ امام بخاری رحمہ اللہ اس آیت کے ذریعے سے خشک زاہدوں کی تردید کرنا چاہتے ہیں جن کے نزدیک قضا کو تسلیم کرتے ہوئے ترک دعا افضل ہے۔ ہمارے رجحان کے مطابق امام بخاری رحمہ اللہ کا موقف بہت وزنی ہے، اس لیے تفویض کے بجائے دعا کے عمل کو اختیار کرنا ہی انسان کے شایان شان ہے۔ واللہ اعلم
تمہید باب
انسانی زندگی میں بعض اوقات ایسے مواقع بھی آ جاتے ہیں کہ انسان تنگ آ کر اپنے دشمنوں کے خلاف بددعا کرنے پر مجبور ہو جاتا ہے۔ قریش مکہ کی مسلسل شرارتوں کی وجہ سے رسول اللہ صلی اللہ علیہ وسلم نے مجبور ہو کر بددعا فرمائی جو قبول ہوئی اور نتیجے کے طور پر سب کے سب تباہ و برباد ہو گئے، چنانچہ رسول اللہ صلی اللہ علیہ وسلم ایک دفعہ نماز پڑھ رہے تھے کہ عقبہ بن ابی معیط نے ابوجہل لعین کی تحریک پر اونٹ کی اوجھڑی آپ صلی اللہ علیہ وسلم کی کمر پر رکھ دی جبکہ آپ اس وقت سجدے کی حالت میں تھے۔ قحط کی بددعا متصل سند سے مذکور ہے۔ (صحیح البخاری، التفسیر، حدیث: 4774) ابوجہل پر بددعا کا ذکر بھی ایک متصل حدیث میں ہے۔ (صحیح البخاری، الوضوء، حدیث: 240) دوران نماز میں بددعا کرنا بھی متصل سند سے مروی ایک حدیث میں موجود ہے۔ (صحیح البخاری، التفسیر، حدیث: 4560)
حضرت عبد اللہ بن مسعود ؓ نے بیان کیا کہ نبی کریم ﷺ نے کہا ، اے اللہ ! میری مدد کرایسے قحط کے ذریعہ جیسا یوسف ؑکے زمانہ میں پڑا تھا اورآپ نے بددعا کی ” اے اللہ ! ابو جہل کو پکڑلے “ اور حضرت عبد اللہ بن عمر ؓ نے بیان کیاکہ نبی کریمﷺنے نماز میں یہ دعا کی کہ ” اے للہ ! فلاں فلاں کو اپنی رحمت سے دور کردے “ یہاں تک کہ قرآن کی آیت لیس لک من الامر شی نازل ہوئی۔تشریح : انسانی زندگی میں بعض مواقع ایسے بھی آجاتے ہیں کہ انسان دشمنوں کے خلاف بددعا کرنے پر بھی مجبور ہوجاتا ہے۔ قریش مکہ کی متواتر شرارتوں کی بناپر آنحضرت ﷺ نے وقتی طور پر مجبوراًیہ بددعا فرمائی جو قبول ہوئی اور اشرار قریش سب تباہ وبرباد ہوگئے۔ سچ ہےبترس ازآہ مظلوماں کہ ہنگام دعا کردناجابت ازدرحق بہر استقبال می آید
حدیث ترجمہ:
حضرت انس ؓ سے روایت ہے کہ نبی ﷺ نے ایک چھوٹا سا لشکر روانہ کیا جس میں شریک لوگوں کو قراء کہا جاتا تھا۔ وہ تمام شہید کر دیے گئے تو میں نے نبی ﷺ کو نہیں دیکھا کہ آپ کسی چیز پر اس قدر غمناک ہوئے ہوں جس قدر ان کی شہادت پر غمناک ہوئے۔ آپ نماز فجر میں ایک مہینہ ان کے خلاف بددعا کرتے رہے۔ آپ فرماتے تھے: ”عصیہ قبیلے نے اللہ اور اس کے رسول کی نافرمانی کی ہے۔“
حدیث حاشیہ:
(1) کفار عرب نے متحد ہو کر اسلام کے خلاف زبردست یلغار کی تھی۔ ان اتحادیوں کو قرآن نے "الأحزاب" کہا ہے۔ رسول اللہ صلی اللہ علیہ وسلم نے غزوۂ خندق میں ان کے متعلق شکست و ہزیمت کی بددعا کی، چنانچہ اللہ تعالیٰ نے ان کی ایسی کمر توڑی کہ بعد میں جنگ کا سلسلہ ہی ختم ہو گیا۔ پہلی حدیث میں اسی بددعا کا ذکر ہے، پھر ہجرت کے بعد کچھ کمزور مسلمان مکہ میں کفار کے ہاتھوں تکالیف اٹھا رہے تھے تو رسول اللہ صلی اللہ علیہ وسلم نے ان کی نجات کے لیے اللہ تعالیٰ سے دعا کی جو قبول ہوئی اور مظلوم مسلمانوں کو کفار کے شر سے نجات ملی۔ ان دنوں آپ صلی اللہ علیہ وسلم نے مضر قبیلے کے متعلق بھی بددعا کی کیونکہ اہل مشرق کا یہ قبیلہ اس وقت رسول اللہ صلی اللہ علیہ وسلم کا بہت مخالف تھا جیسا کہ ایک روایت میں اس کی صراحت ہے۔ (صحیح البخاري، الأذان، حدیث: 804) (2) تیسری روایت میں بئر معونہ کے مقام پر قراء حضرات کی شہادت کا ذکر ہے۔ اہل نجد نے دھوکے سے انہیں شہید کیا تو رسول اللہ صلی اللہ علیہ وسلم نے چالیس دن تک رعل، ذکوان، بنو لحیان اور عصیہ قبائل پر بددعا فرمائی۔ (صحیح البخاري، الجھاد والسیر، حدیث: 2801) ان تمام احادیث میں مشرکین کے خلاف رسول اللہ صلی اللہ علیہ وسلم کی بددعا کا ذکر ہے، اس لیے امام بخاری رحمہ اللہ نے ان کا حوالہ دیا ہے۔ واللہ أعلم
ترجمۃ الباب:
حضرت عبداللہ بن مسعود ؓ بیان کرتے ہیں کہ نبی ﷺنے یہ دعا مانگی: ”اے اللہ! میری ایسے قحط کے ذریعے سے مدد فرما جیسا کہ حضرت یوسف علیہ السلام کے زمانے میں پڑا تھا۔“ اور آپ نے یہ دعا بھی کی: ”اےاللہ! ابو جہل کو پکڑ کے۔“ حضرت عبداللہ بن عمرؓنے کہا کہ نبی ﷺ نے دوران نماز میں یہ دعا کی: ”اے اللہ! فلاں فلاں کواپنی رحمت دور رکھ۔“ حتیٰ کہ اللہ تعالٰی نے یہ آیت نازل فرمائی: ”آپ کو اس معاملے سے کوئی اختیار نہیں۔“
حدیث ترجمہ:
ہم سے حسن بن ربیع نے بیان کیا، کہا ہم سے ابو الاحوص نے بیان کیا، ان سے عاصم نے اور ان سے انس ؓ نے کہ نبی کریم ﷺ نے ایک مہم بھیجی، جس میں شریک لوگوں کو قراء (یعنی قرآن مجید کے قاری) کہا جاتا تھا۔ ان سب کو شہید کر دیا گیا۔ میں نے نہیں دیکھا کہ نبی کریم ﷺ کو کبھی کسی چیز کا اتنا غم ہوا ہو جتنا آپ کو ان کی شہادت کا غم ہوا تھا۔ چنانچہ آنحضرت ﷺ نے ایک مہینے تک فجر کی نماز میں ان کے لئے بد دعا کی ۔ آپ کہتے کہ عصیہ نے اللہ اور اس کے رسول کی نافرمانی کی۔“
حدیث حاشیہ:
ترجمۃ الباب:
حدیث ترجمہ:
Narrated Anas (RA) : The Prophet (ﷺ) sent a Sariya (an army detachment) consisting of men called Al-Qurra', and all of them were martyred. I had never seen the Prophet (ﷺ) so sad over anything as he was over them. So he said Qunut (invocation in the prayer) for one month in the Fajr prayer, invoking for Allah's wrath upon the tribe of 'Usaiya, and he used to say, "The people of 'Usaiya have disobeyed Allah and His Apostle."
