باب: اگر کسی کو جماعت سے عید کی نماز نہ ملے تو پھر دو رکعت پڑھ لے۔
)
Sahi-Bukhari:
The Two Festivals (Eids)
(Chapter: Whoever missed the Eid prayer should offer two Rak'a prayer)
مترجم: ١. شیخ الحدیث حافظ عبد الستار حماد (دار السلام)
ترجمۃ الباب:
اور عورتیں بھی ایسا ہی کریں اور وہ لوگ بھی جو گھروں اور دیہاتوں وغیرہ میں ہوں اور جماعت میں نہ آ سکیں (وہ بھی ایسا ہی کریں) کیونکہ نبی کریم ﷺکا فرمان ہے کہ اسلام والو! یہ ہماری عید ہے۔ انس بن مالک ؓکے غلام ابن ابی عتبہ زاویہ نامی گاؤں میں رہتے تھے۔ انہیں آپ نے حکم دیا تھا کہ وہ اپنے گھر والوں اور بچوں کو جمع کر کے شہر والوں کی طرح نماز عید پڑھیں اور تکبیر کہیں۔ عکرمہ نے شہر کے قرب و جوار میں آباد لوگوں کے لیے فرمایا کہ جس طرح امام کرتا ہے یہ لوگ بھی عید کے دن جمع ہو کر دو رکعت نماز پڑھیں۔ عطاء نے کہا کہ اگر کسی کی عید کی نماز (جماعت) چھوٹ جائے تو دو رکعت (تنہا) پڑھ لے۔
988.
حضرت عائشہ ؓ ہی سے روایت ہے، انہوں نے فرمایا کہ میں نے نبی ﷺ کو دیکھا کہ آپ نے مجھے چھپا رکھا تھا اور میں اہل حبشہ کی طرف دیکھ رہی تھی جبکہ وہ مسجد میں کھیل رہے تھے، انہیں حضرت عمر ؓ نے ڈانٹا تو نبی ﷺ نے فرمایا: ’’انہیں اپنی حالت پر رہنے دو، اے بنو ارفدہ! تم اطمینان سے اپنے کرتب جاری رکھو۔‘‘ حدیث میں لفظ امن کے معنی بلا خوف و خطر کے ہیں۔
تشریح:
(1) ان احادیث کی عنوان سے مطابقت کے متعلق ابن منیر نے لکھا ہے کہ امام بخاری ؒ نے ''إنها أيام عيد "’’یہ عید کے دن ہیں‘‘ سے استدلال کیا ہے کیونکہ ان الفاظ میں مطلق طور پر عید کی نسبت دنوں کی طرف ہے، اس لیے نماز عید کی اقامت کے لیے منفرد، جماعت، عورتیں اور مرد سب برابر ہیں۔ پھر ابن رشید نے ابن منیر کی بات کو آگے بڑھاتے ہوئے لکھا ہے کہ یہ ایام عید اہل اسلام کے لیے ہیں۔ جیسا کہ دوسری حدیث میں ہے کہ اے اہل اسلام! یہ ہماری عید کے دن ہیں۔ اہل اسلام کے الفاظ منفرد اور جماعت سب کو شامل ہیں، البتہ نماز عید کی قضا کے لیے امام بخاری کا استدلال، ایام منیٰ سب عید کے دن ہیں، سے ہے۔ جب ان ایام کو ایام عید کہا گیا ہے تو یہ دن نماز عید کی ادائیگی کے لیے محل قرار پاتے ہیں کیونکہ اس نماز کی مشروعیت یوم عید کی بنا پر ہے۔ اس سے معلوم ہوا کہ ایام منیٰ کے آخری دن تک نماز عید کو پڑھا جا سکتا ہے۔ (فتح الباري:612/2)واللہ أعلم۔ مختصر یہ کہ امام بخاری ؒ نے اس روایت کے عموم سے استدلال کیا ہے کہ جب عید سب کے لیے ہے تو نماز عید بھی سب کے لیے ہو گی، خواہ شہری ہوں یا دیہاتی، مرد ہوں یا عورتیں۔ (2) حدیث کے آخر میں لفظ أمنا کو امن سے ماخوذ بتایا گیا ہے۔ اس کا مطلب یہ ہے کہ امان سے ماخوذ نہیں کیونکہ لفظ امان کا اطلاق کفارومشرکین پر کیا جاتا ہے، اگر اسے امان سے ماخوذ کیا جائے تو عید کی خوشیاں سب کے لیے ہوں گی، خواہ وہ مشرک ہوں یا کافر۔ امن سے ماخوذ ہونے کا مقصد یہ ہے کہ حضرت عمر ؓ نے اہل حبشہ کو ڈانٹ ڈپٹ کر کے ہراساں کر دیا تھا، رسول اللہ ﷺ نے اس کا ازالہ کرتے ہوئے فرمایا کہ انہیں امن کی حالت میں رہنے دو، جو کچھ کرتے ہیں انہیں کرنے دو، یعنی اے بنی ارفدہ! امن و اطمینان کے ساتھ کھیلتے رہو۔
ترقیم حرف کمپنی (خادم الحرمین الشریفین حدیث ویب سائٹ)
974
٧
ترقيم دار طوق النّجاة (جامع خادم الحرمين للسنة النبوية)
ترقیم دار طوق النجاۃ (خادم الحرمین الشریفین حدیث ویب سائٹ)
988
٨
ترقيم فؤاد عبد الباقي (دار السلام)
ترقیم فواد عبد الباقی (دار السلام)
988
١٠
ترقيم فؤاد عبد الباقي (داود راز)
ترقیم فواد عبد الباقی (داؤد راز)
988
تمہید کتاب
لفظی طور پر عید کی بنیاد لفظ عود ہے جس کے معنی رجوع کرنا اور لوٹنا ہیں۔ چونکہ ان دنوں میں اللہ تعالیٰ کی بے پایان عنایات پلٹ پلٹ کر مسلمانوں پر نازل ہوتی ہیں، اس لیے انہیں ہم "عیدین" سے تعبیر کرتے ہیں۔ ان میں مخصوص طریقے سے پڑھی جانے والی نماز کو صلاة العيدين اور وعظ و نصیحت کے طور پر دیے جانے والے خطبے کو خطبة العيدين کہا جاتا ہے۔عرب لوگوں کی اصطلاح میں ہر وہ اجتماع جو خوشی و مسرت کے اظہار کے لیے ہو عید کہلاتا ہے۔ ہم اسے تہوار یا جشن سے تعبیر کرتے ہیں۔ اس عالم رنگ و بو میں کوئی قوم ایسی نہیں ہے جس کے ہاں تہوار یا جشن کے دن مقرر نہ ہوں جن میں وہ اپنی اندرونی خوشی کے اظہار کے لیے حیثیت کے مطابق اچھا لباس پہنتے ہیں اور عمدہ کھانا استعمال کرتے ہیں۔ رسول اللہ صلی اللہ علیہ وسلم جب مکہ مکرمہ سے ہجرت کر کے مدینہ منورہ تشریف لائے تو اہل مدینہ کے ہاں بھی اظہار مسرت کے لیے دو دن مقرر تھے۔ ان میں وہ اچھے کپڑے پہنتے اور کھیل تماشا کرتے تھے۔ رسول اللہ صلی اللہ علیہ وسلم نے ان سے دریافت کیا کہ ان دنوں کی حقیقت اور حیثیت کیا ہے؟ انہوں نے عرض کیا کہ ہم دور جاہلیت سے یہ تہوار اس طرح مناتے چلے آ رہے ہیں، وہی انداز جاہلی رواج کے مطابق اب تک قائم ہے۔ رسول اللہ صلی اللہ علیہ وسلم نے فرمایا کہ اللہ تعالیٰ نے تمہارے لیے ان تہواروں کے بدلے ان سے بہتر دو دن مقرر کر دیے ہیں: ان میں سے ایک عید الفطر اور دوسرا عید الاضحیٰ کا دن ہے۔ (سنن ابی داود،الصلاۃ،حدیث:1134)اور اصل قوموں کے تہوار ان کے عقائد و افکار اور ان کی تاریخی روایات کے آئینہ دار ہوتے ہیں، اس لیے اللہ تعالیٰ نے اس امت کے لیے جو تہوار مقرر فرمائے ہیں وہ اس کے توحیدی مزاج، تاریخی روایات اور ان کے عقائد و نظریات کے ترجمان ہیں۔ الغرض ہم مسلمانوں کے لیے یہی دو دن قومی تہوار کی حیثیت رکھتے ہیں۔ ان کے علاوہ ہمارے ہاں جو تہوار رواج پا چکے ہیں ان کی کوئی مذہبی حیثیت نہیں ہے بلکہ بنظر غائر ان کا مطالعہ کیا جائے تو ان میں بے شمار خرافات اور غیر اسلامی رسوم در آئی ہیں۔ ہمارے ہاں دو تہواروں میں ایک عید الفطر ہے جو ماہ رمضان کے اختتام پر یکم شوال کو منائی جاتی ہے کیونکہ ماہ مبارک کی تکمیل پر یہ دن ایمانی اور روحانی برکات کی وجہ سے اس قابل ہے کہ اسے امت مسلمہ کے لیے قومی تہوار کا درجہ دیا جائے جبکہ دوسرے تہوار عید الاضحیٰ کے لیے دس ذوالحجہ کا دن مقرر ہے کیونکہ اس دن حضرت ابراہیم علیہ السلام اللہ تعالیٰ کے ادنیٰ اشارے پر اپنے لخت جگر حضرت اسماعیل علیہ السلام کو ذبح کرنے کے لیے تیار ہو گئے اور اللہ کو راضی کرنے کے لیے ان کے گلے پر چھری رکھ کر انہوں نے اپنی سچی وفاداری کا ثبوت دیا تھا۔ ان خصوصیات کی وجہ سے انہیں یوم عید کہا جاتا ہے۔اسلامی طریقے کے مطابق ان دنوں میں خوشی منانے کا کیا انداز ہونا چاہیے؟ امام بخاری رحمہ اللہ نے اس کے متعلق امت مسلمہ کی رہنمائی کے لیے تقریبا بیالیس (42) احادیث کا انتخاب کیا ہے، پھر موقع محل کی مناسبت سے ان پر تقریبا چھبیس (26) چھوٹے چھوٹے عنوان قائم کیے ہیں جن میں نماز عید، خطبۂ عید اور ان کے متعلقات سے ہمیں مطلع کیا ہے۔ اس دن خوشی کے اظہار کے لیے ہمارے کپڑوں کی نوعیت کیا ہو؟ کھیل اور تماشے کی حدود کیا ہیں؟ سب سے پہلے کیا کام کیا جائے؟ کھانے پینے سے متعلق کیا ہدایات ہیں؟ عید گاہ کے لیے کس قسم کی جگہ کا انتخاب کیا جائے؟ وہاں جانے کا انداز اور طریقہ کیا ہو؟ وہاں پہنچ کر بطور شکر پہلے نماز ادا کی جائے یا لوگوں کی رہنمائی کے لیے خطبہ دیا جائے؟ صنف نازک، یعنی مستورات اس عظیم اسلامی تہوار میں کیونکر شرکت کریں؟ اس قسم کی خواتین کو وہاں جانا چاہیے؟ پھر خاص طور پر ان کی رشد و ہدایات کے لیے کیا طریق کار اختیار کیا جائے؟ اگر کوئی اس روحانی اجتماع میں شریک نہ ہو سکے تو اس کی تلافی کیسے ممکن ہے؟ فراغت کے بعد واپس آنے کے لیے کون سا راستہ اختیار کیا جائے؟ اور اس طرح دیگر بے شمار احکام و مسائل کو یکجا بیان فرمایا ہے۔واضح رہے کہ اس مقام پر صرف نماز عید اور خطبۂ عید سے متعلقہ ہدایات کا بیان ہے۔ صدقۂ فطر اور قربانی سے متعلق مکمل رہنمائی کے لیے امام بخاری نے آئندہ دو الگ الگ عنوان قائم کیے ہیں جن میں ایک باب فرض صدقة الفطر اور دوسرا كتاب الأضاحي ہے جن میں بے شمار فقہی احکام زیر بحث آئیں گے۔ باذن اللہ امام بخاری رحمہ اللہ نے کتاب العیدین میں 45 احادیث بیان کی ہیں جن میں چار معلق اور باقی متصل سند سے بیان کی ہیں۔ ان میں 26 مکرر اور 18 خالص ہیں۔ چھ (6) کے علاوہ امام مسلم رحمہ اللہ نے بھی ان احادیث کو اپنی صحیح میں بیان کیا ہے۔ ان مرفوع احادیث کے علاوہ صحابہ و تابعین سے مروی 23 آثار بھی بیان کیے ہیں۔ فقہی احکام کے علاوہ بے شمار فنی اور اسنادی مباحث کو بھی امام بخاری رحمہ اللہ نے ذکر کیا ہے جن سے آپ کی وسعت علم اور دقت نظر کا اندازہ ہوتا ہے۔ قارئین سے گزارش ہے کہ وہ ہماری معروضات کو سامنے رکھتے ہوئے کتاب العیدین کا مطالعہ کریں۔ اور اپنی عملی زندگی کو ان احادیث کی روشنی میں سنوارنے کی کوشش کریں۔ والله الموفق وهو يهدي من يشاء الی سواء السبيل
تمہید باب
اس عنوان اور اس میں پیش کردہ آثار و احادیث سے امام بخاری رحمہ اللہ عید سے متعلق وہ حکم ثابت کرنا چاہتے ہیں: ٭ اگر نماز عید کی جماعت اختیار و اضطرار کی بنا پر رہ جائے تو اس کی تلافی مشروع ہے۔ ٭ اسے تکبیرات سمیت بطور قضا پڑھنا ہو گا۔ بعض حضرات کا خیال ہے کہ اگر نماز عید کی جماعت رہ جائے تو وہ دو رکعت کی بجائے چار رکعت ادا کرے جیسا کہ حضرت ابن مسعود رضی اللہ عنہ سے مروی ہے، انہوں نے فرمایا: جس کی نماز عید باجماعت رہ جائے وہ چار رکعت پڑھے۔ ان حضرات نے نماز عید کو نماز جمعہ پر قیاس کیا ہے لیکن یہ قیاس اس لیے درست نہیں کہ اصل ظہر ہے اور جمعہ اس کا بدل ہے، اگر جمعہ رہ جائے تو اس کی جگہ اصل نماز پڑھنی چاہیے، لیکن نماز عید میں ایسا نہیں ہے، اس لیے فوت ہونے پر اسے جوں کا توں ادا کرنا ہو گا، یعنی امام بخاری رحمہ اللہ نے ثابت فرمایا ہے کہ نماز عید سب پڑھیں گے، خواہ خواتین یا مرد حضرات گاؤں میں ہوں یا شہر میں اور اس کے فوت ہو جانے پر قضا دینا بھی مشروع ہے اور قضا بھی تکبیرات کے ساتھ ادا کرنی ہو گی۔ اس سلسلے میں انہوں نے ایک حدیث کا حوالہ دیا ہے کہ آپ نے فرمایا: "اے اہل اسلام! یہ ہماری عید کا دن ہے۔" ان الفاظ کے ساتھ یہ حدیث کسی بھی کتاب میں مروی نہیں۔ شاید دو احادیث کو ملا کر مفہوم بیان کر دیا ہے کیونکہ حضرت عائشہ رضی اللہ عنہا سے مروی ایک حدیث میں ہے کہ رسول اللہ صلی اللہ علیہ وسلم نے حضرت ابوبکر رضی اللہ عنہ سے فرمایا تھا کہ ہر قوم کی عید ہوتی ہے جس میں وہ اظہار مسرت کرتے ہیں اور آج ہماری عید ہے، نیز عقبہ بن عامر رضی اللہ عنہ سے مروی ایک حدیث میں ہے کہ اے اہل اسلام! منیٰ کے ایام ہمارے لیے عید کی حیثیت رکھتے ہیں۔ امام بخاری رحمہ اللہ نے ضمناً ایک اور مسئلہ بھی بیان کیا ہے کہ دیہات میں بھی نماز عید جائز ہے جیسا کہ آپ نے لکھا ہے کہ جو لوگ دیہاتوں میں رہتے ہوں وہ بھی دو رکعت نماز عید پڑھیں کیونکہ عید کی نسبت دن کی طرف ہے، اس کا مطلب یہ ہے کہ جہاں عید ہو گی اس کے تقاضے پورے کرنا ہوں گے، خواہ وہ عید شہر میں ہو یا دیہات میں، آدمی اکیلا ہو یا جماعت کی شکل میں، مرد ہوں یا عورتیں تمام کو اسے ادا کرنا ہے۔ (فتح الباری:2/612،611)
اور عورتیں بھی ایسا ہی کریں اور وہ لوگ بھی جو گھروں اور دیہاتوں وغیرہ میں ہوں اور جماعت میں نہ آ سکیں (وہ بھی ایسا ہی کریں) کیونکہ نبی کریم ﷺکا فرمان ہے کہ اسلام والو! یہ ہماری عید ہے۔ انس بن مالک ؓکے غلام ابن ابی عتبہ زاویہ نامی گاؤں میں رہتے تھے۔ انہیں آپ نے حکم دیا تھا کہ وہ اپنے گھر والوں اور بچوں کو جمع کر کے شہر والوں کی طرح نماز عید پڑھیں اور تکبیر کہیں۔ عکرمہ نے شہر کے قرب و جوار میں آباد لوگوں کے لیے فرمایا کہ جس طرح امام کرتا ہے یہ لوگ بھی عید کے دن جمع ہو کر دو رکعت نماز پڑھیں۔ عطاء نے کہا کہ اگر کسی کی عید کی نماز (جماعت) چھوٹ جائے تو دو رکعت (تنہا) پڑھ لے۔
حدیث ترجمہ:
حضرت عائشہ ؓ ہی سے روایت ہے، انہوں نے فرمایا کہ میں نے نبی ﷺ کو دیکھا کہ آپ نے مجھے چھپا رکھا تھا اور میں اہل حبشہ کی طرف دیکھ رہی تھی جبکہ وہ مسجد میں کھیل رہے تھے، انہیں حضرت عمر ؓ نے ڈانٹا تو نبی ﷺ نے فرمایا: ’’انہیں اپنی حالت پر رہنے دو، اے بنو ارفدہ! تم اطمینان سے اپنے کرتب جاری رکھو۔‘‘ حدیث میں لفظ امن کے معنی بلا خوف و خطر کے ہیں۔
حدیث حاشیہ:
(1) ان احادیث کی عنوان سے مطابقت کے متعلق ابن منیر نے لکھا ہے کہ امام بخاری ؒ نے ''إنها أيام عيد "’’یہ عید کے دن ہیں‘‘ سے استدلال کیا ہے کیونکہ ان الفاظ میں مطلق طور پر عید کی نسبت دنوں کی طرف ہے، اس لیے نماز عید کی اقامت کے لیے منفرد، جماعت، عورتیں اور مرد سب برابر ہیں۔ پھر ابن رشید نے ابن منیر کی بات کو آگے بڑھاتے ہوئے لکھا ہے کہ یہ ایام عید اہل اسلام کے لیے ہیں۔ جیسا کہ دوسری حدیث میں ہے کہ اے اہل اسلام! یہ ہماری عید کے دن ہیں۔ اہل اسلام کے الفاظ منفرد اور جماعت سب کو شامل ہیں، البتہ نماز عید کی قضا کے لیے امام بخاری کا استدلال، ایام منیٰ سب عید کے دن ہیں، سے ہے۔ جب ان ایام کو ایام عید کہا گیا ہے تو یہ دن نماز عید کی ادائیگی کے لیے محل قرار پاتے ہیں کیونکہ اس نماز کی مشروعیت یوم عید کی بنا پر ہے۔ اس سے معلوم ہوا کہ ایام منیٰ کے آخری دن تک نماز عید کو پڑھا جا سکتا ہے۔ (فتح الباري:612/2)واللہ أعلم۔ مختصر یہ کہ امام بخاری ؒ نے اس روایت کے عموم سے استدلال کیا ہے کہ جب عید سب کے لیے ہے تو نماز عید بھی سب کے لیے ہو گی، خواہ شہری ہوں یا دیہاتی، مرد ہوں یا عورتیں۔ (2) حدیث کے آخر میں لفظ أمنا کو امن سے ماخوذ بتایا گیا ہے۔ اس کا مطلب یہ ہے کہ امان سے ماخوذ نہیں کیونکہ لفظ امان کا اطلاق کفارومشرکین پر کیا جاتا ہے، اگر اسے امان سے ماخوذ کیا جائے تو عید کی خوشیاں سب کے لیے ہوں گی، خواہ وہ مشرک ہوں یا کافر۔ امن سے ماخوذ ہونے کا مقصد یہ ہے کہ حضرت عمر ؓ نے اہل حبشہ کو ڈانٹ ڈپٹ کر کے ہراساں کر دیا تھا، رسول اللہ ﷺ نے اس کا ازالہ کرتے ہوئے فرمایا کہ انہیں امن کی حالت میں رہنے دو، جو کچھ کرتے ہیں انہیں کرنے دو، یعنی اے بنی ارفدہ! امن و اطمینان کے ساتھ کھیلتے رہو۔
ترجمۃ الباب:
اسی طرح خواتین اور وہ لوگ جو گھروں اور دیہاتوں میں رہتے ہیں وہ بھی دو رکعت پڑھیں کیونکہ نبی ﷺ کا ارشاد گرامی ہے: "اے اہل اسلام! یہ ہماری عید کا دن ہے۔"حضرت انس بن مالک ؓ ہ نے زاویہ میں اپنے غلام ابن ابی عتبہ کو حکم دیا تو اس نے ان کے گھر والوں اور بیٹوں کو جمع کیا پھر وہ شہر والوں کی طرح نماز پڑھتے اور ان جیسی تکبیرات کہتے تھے۔ حضرت عکرمہ نے کہا کہ دیہات کے لوگ عید میں جمع ہوں اور امام کی طرح دو رکعت پڑھیں۔حضرت عطاء نے کہا: جب کسی کی نماز عید فوت ہو جائے تو وہ دو رکعت پڑھ لے۔
حدیث ترجمہ:
اور حضرت عائشہ ؓ نے کہا میں نے (ایک دفعہ) نبی کریم ﷺ کو دیکھا کہ آپ نے مجھے چھپا رکھا تھا اور میں حبشہ کے لوگوں کو دیکھ رہی تھی جو مسجد میں تیروں سے کھیل رہے تھے۔ حضرت عمر ؓ نے انہیں ڈانٹا، لیکن نبی کریم ﷺ نے فرمایا کہ جانے دو اور ان سے فرمایا اے بنوارفدہ! تم بے فکر ہو کر کھیل دکھاؤ۔
حدیث حاشیہ:
شاید امام بخاری ؒ نے اس حدیث سے باب کا مطلب یوں نکالا کہ جب ہر ایک شخص کے لیے یہ دن خوشی کے ہوئے تو ہر ایک کو عید کی نماز بھی پڑھنی ہوگی۔ آنحضرت ﷺ نے عید الاضحی اور بعد کے ایام تشریق گیارہ، بارہ تیرہ سب کو عید کے ایام فرمایا اور ارشاد ہوا کہ ایک تو عید کے دن خودخوشی کے دن ہیں اور پھر منیٰ میں ہونے کی اور خوشی ہے کہ اللہ نے حج نصیب فرمایا۔
ترجمۃ الباب:
حدیث ترجمہ:
'Aisha (RA) further said, "Once the Prophet (ﷺ) was screening me and I was watching the display of black slaves in the Mosque and ('Umar) scolded them. The Prophet (ﷺ) said, 'Leave them. O Bani Arfida! (Carry on), you are safe (protected)'."
