Sahi-Bukhari | صحیح بخاری

موضوعات

شجرۂ موضوعات

ایمان (21673)

اقوام سابقہ (2922)

سیرت (18010)

قرآن (6272)

اخلاق و آداب (9761)

عبادات (51486)

کھانے پینے کے آداب و احکام (4155)

لباس اور زینت کے مسائل (3633)

نجی اور شخصی احوال ومعاملات (6547)

معاملات (9225)

عدالتی احکام و فیصلے (3431)

جرائم و عقوبات (5046)

جہاد (5356)

علم (9419)

قسم الحديث (القائل): مرفوع ، اتصال السند: متصل ، قسم الحديث: فعلی

‌صحيح البخاري: كِتَابُ الغُسْلِ (بَابُ إِذَا جَامَعَ ثُمَّ عَادَ، وَمَنْ دَارَ عَلَى نِسَائِهِ فِي غُسْلٍ وَاحِدٍ)

حکم : أحاديث صحيح البخاريّ كلّها صحيحة

259 . حَدَّثَنَا مُحَمَّدُ بْنُ بَشَّارٍ، قَالَ: حَدَّثَنَا ابْنُ أَبِي عَدِيٍّ، وَيَحْيَى بْنُ سَعِيدٍ، عَنْ شُعْبَةَ، عَنْ إِبْرَاهِيمَ بْنِ مُحَمَّدِ بْنِ المُنْتَشِرِ، عَنْ أَبِيهِ، قَالَ: ذَكَرْتُهُ لِعَائِشَةَ فَقَالَتْ: يَرْحَمُ اللَّهُ أَبَا عَبْدِ الرَّحْمَنِ «كُنْتُ أُطَيِّبُ رَسُولَ اللَّهِ صَلَّى اللهُ عَلَيْهِ وَسَلَّمَ فَيَطُوفُ عَلَى نِسَائِهِ، ثُمَّ يُصْبِحُ مُحْرِمًا يَنْضَخُ طِيبًا»

صحیح بخاری:

کتاب: غسل کے احکام و مسائل

(

باب: جس نے جماع کیا اور پھر دوبارہ کیا اور جس نے اپنی کئی بیویوں سے ہمبستر ہو کر ایک ہی غسل کیا اس کا بیان۔

)

مترجم: ١. شیخ الحدیث حافظ عبد الستار حماد (دار السلام)

259. حضرت ابراہیم بن محمد بن منتشر سے روایت ہے، وہ اپنے والد محمد بن منتشر سے بیان کرتے ہیں، انہوں نے کہا: میں نے حضرت عائشہ‬ ؓ ک‬ے سامنے اس (غسل احرام میں استعمال خوشبو) کا ذکر کیا تو انہوں نے فرمایا: اللہ تعالیٰ ابوعبدالرحمٰن (ابن عمر) پر رحم فرمائے (انہیں غلط فہمی ہوئی)، میں نے رسول اللہ ﷺ کو خوشبو لگائی، پھر آپ اپنی تمام ازواج مطہرات کے پاس گئے اور صبح کو احرام اس حالت میں باندھا کہ خوشبو سے آپ کا جسم مہک رہا تھا۔

تشریح:

1۔ امام بخاری رحمۃ اللہ علیہ کا مقصد یہ ہے کہ جماع کے بعد دوسرے جماع کی نوبت آئے تو اس کا کیا حکم ہے؟ یہ جماع خواہ اس بیوی سے ہو جس سے پہلی بارکیا گیا تھا یا دوسری کسی بیوی سے، عنوان کا دوسرا جزیہ ہے کہ چند بیویاں ہیں ان سب سے ہم بستر ہونے کے بعد آخری میں ایک ہی غسل کرے تو اس کا کیا حکم ہے؟ یہ دونوں جائز ہیں دوسرے مسئلے کے ثبوت سے پہلے مسئلہ خود بخود ثابت ہو جائے گا کیونکہ جب متعدد بیویوں سے فراغت کے بعد ایک ہی غسل درست ہوا تو دوبارہ جماع خود بخود ثابت ہو گیا۔
2۔ بحالت احرام خوشبو استعمال کرنے پر کفارہ ادا کرنا پڑتا ہے لیکن حضرت ابن عمر رضی اللہ تعالیٰ عنہ کا موقف تھا کہ اگر احرام سے پہلے خوشبو استعمال کی گئی اور احرام کے بعد اس کا اثر باقی رہا تو اس پر بھی کفارہ ادا کرنا ہو گا حضرت عائشہ رضی اللہ تعالیٰ عنہا کے سامنے جب یہ بات آئی تو آپ نے اس کی تردید فرمائی اور بطور ثبوت رسول اللہ صلی اللہ علیہ وسلم کا عمل پیش کر دیا جس کی تفصیل آگے آرہی ہے۔ حضرت امام مالک رحمۃ اللہ علیہ نے بھی حضرت ابن عمر رضی اللہ عنہما کا موقف اختیار کیا جبکہ جمہور علمائے امت احرام سے پہلے خوشبو کے استعمال میں کوئی مضائقہ نہیں سمجھتے خواہ اس کا اثراحرام کے بعد بھی باقی رہے
3۔ عنوان میں بیان شدہ مسئلہ اس طرح ثابت ہوتا ہے کہ رسول اللہ صلی اللہ علیہ وسلم خوشبو کے استعمال کے بعد تمام ازواج مطہرات رضوان اللہ عنھن اجمعین کے پاس تشریف لے جاتے صبح کو احرام باندھتے تو جسم اطہرسے خوشبو مہک رہی ہوتی تھی عنوان کا پہلا جز تو (يَطُوفُ عَلَى نِسَائِهِ) یعنی اپنی عورتوں سے ہم بسترہوئے اس سے ثابت ہو رہا ہےاور اس کا دوسراجز اس طرح ثابت ہوتا ہے کہ رسول اللہ صلی اللہ علیہ وسلم ہر بیوی سے فراغت کے بعد علیحدہ علیحدہ غسل کرتے تو یہ بات عادۃً ناممکن ہے کہ متعدد بار غسل کیا جائے اور خوشبو کے اثرات بھی باقی رہیں اس سے معلوم ہوتا ہے کہ آپ نے تمام ازواج سے فراغت کے بعد آخر میں ایک غسل فرمایا ہوگا۔
4۔ رسول اللہ صلی اللہ علیہ وسلم کے متعلق زیر بحث واقعہ صرف ایک مرتبہ حجۃ الوداع کے موقع پر احرام سے پہلے پیش آیا آپ نے چاہا کہ احرام سے پہلے سنت جماع کو بھی ادا فرمائیں اور چونکہ سب ازواج مطہرات رضوان اللہ علیہم اجمعین اس موقع پر آپ کے ساتھ تھیں اس لیے جمع کی صورت پیش آئی تاکہ فراغ خاطر اور اطمینان کے ساتھ مناسک حج میں یکسوئی حاصل ہو جو اس سنت کے ادا کرنے کا مقصد تھا۔

Sharing Link: https://mohaddis.com/View/Sahi-Bukhari/T3/259

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	272
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	267
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	259
٤	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	267
٥	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	264
٦	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	269
٧	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	267
٨	ترقيم فؤاد عبد الباقي (دار السلام)	ترقیم فواد عبد الباقی (دار السلام)	267
١٠	ترقيم فؤاد عبد الباقي (داود راز)	ترقیم فواد عبد الباقی (داؤد راز)	267

امام بخاری رحمۃ اللہ علیہ نے طہارت صغریٰ(وضو)کا بیان ختم کر کے طہارت کبری (غسل)کا ذکر شروع فرمایا طہارت صغری کو اس لیے مقدم کیا ہے کہ طہارت کبریٰ کے مقابلے میں اس کی ضرورت زیادہ پیش آتی ہے واضح رہے کہ موجبات غسل کئی چیزیں ہیں مثلاًجنابت حیض نفاس اسلام، احرام ،تغسیل، میت ،نماز جمعہ اور نماز عیدین وغیرہ مؤخر الذکر چار تو استحباب کے درجے میں ہیں جبکہ پہلی چار فرض کی حیثیت رکھتی ہیں ان میں سے حیض و نفاس صرف عورتوں کے ساتھ خاص ہیں اور غسل اسلام زندگی میں صرف ایک مرتبہ کیا جاتا ہے اس بنا پر وہ کثیر الوقوع نہیں چونکہ غسل جنابت میں مردوعورت کو یکساں طور پر واسطہ پڑتا ہے اس بنا پر یہ کثیر الوقوع ہے۔ اس لیے امام بخاری رحمۃ اللہ علیہ نے پہلے اس کے احکام ومسائل بیان فرمائے ہیں۔ اس کے متعلق آپ نے45 چھوٹے بڑے عنادین قائم کیے ہیں، پھر ان کی تفصیل و تشریح کے لیے 75احادیث بیان کی ہیں۔ ان احادیث کی روشنی میں غسل جنابت کا وجوب علت وجوب شرائط وواجبات اور احکام وآداب کو ثابت کیا ہے امام بخاری رحمۃ اللہ علیہ نے آغاز میں دو قرآنی آیات کا حوالہ دے کر اس حقیقت سے آگاہ کیا ہے کہ غسل جنابت کے سلسلے میں ان آیات کو بنیاد اور اصل کی حیثیت حاصل ہے اور ان کے بعد آنے والی احادیث انھی آیات کی تبیین و تفصیل ہیں۔ امام بخاری رحمۃ اللہ علیہ کے قائم کردہ تراجم ابواب سے معلوم ہوتا ہے کہ کچھ احکام غسل جنابت سے تعلق رکھتے ہیں۔مثلاً غسل سے پہلے وضو کرنا غسل سے پہلے خوشبو کا استعمال جس کے اثرات غسل کے بعد باقی رہیں دوران غسل میں صابن وغیرہ کا استعمال غسل سے پہلے اعضائے مخصوصہ سے آلائش دور کرنے کے بعد ہاتھوں کو مٹی سے صاف کرنا، ہاتھوں کو دھونے سے پہلے برتن میں ڈالنا دوران غسل میں بالوں کا خلال کرنا، متعدد مرتبہ مباشرت کرنے کے بعد آخر میں ایک ہی غسل کر لینا غسل میں عدد کا لحاظ رکھا جائے یا صرف تمام بدن پر پانی بہا دیا جائے اور غسل کے لیے کم ازکم پانی کی مقدار وغیرہ اور کچھ احکام جنبی انسان کے بارے میں ہیں مثلاً وہ بحالت جنابت سو سکتا ہے یا نہیں ؟ اس کا بازار جانا یا گھر رہنا شرعاً کیسا ہے؟ اگر مسجد میں یہ حالت (احتلام وغیرہ )پیش آجائے تو کیا کرے؟اس کے پسینے کا کیا حکم ہے؟ بیوی خاوند کا اکٹھے غسل کرنا شرعاً کیا حیثیت رکھتا ہے؟ خلوت و جلوت میں غسل کرنے کے لوازمات کیا ہیں؟ عورت کو احتلام کا عارضہ لاحق ہو جائے تو وہ کیا کرے؟ اور خروج مذی کا حکم وغیرہ آخر میں مباشرت کے دوران میں اندام نہانی سے برآمد ہونے والی رطوبت کا شرعی حکم بیان کیا ہے۔ اس کے علاوہ امام بخاری رحمۃ اللہ علیہ نے بے شمار حقائق و دقائق سے پردہ اٹھایا ہے جو پڑھتے وقت غور و فکر سے تعلق رکھتے ہیں۔قارئین کرام سے التماس ہے کہ وہ دوران مطالعہ میں ہماری پیش کردہ گزارشات کو مدنظر رکھیں تاکہ امام بخاری رحمۃ اللہ علیہ کے علم کی گہرائی اور گیرائی کا عملی تجربہ ہو ۔(وَاللَّهُ الْمُسْتَعَانُ وَهُوَ يَهْدِي مَن يَشَاءُ إِلَىٰ سَوَاءَ السَّبِيلِ) ارشاد باری تعالیٰ ہے: "اور اگر تم بحالتِ جنات ہو تو غسل کر لو۔ اور اگر تم بیمار ہو یا سفر کی حالت میں ہو یا تم میں سے کوئی قضائے حاجت سے (فارغ ہو کر) آیا ہو یا تم نے عورتوں سے اختلاف کیا ہو اور تمہیں پانی نہ ملے تو تم پاک مٹی سے تیمم کرلو۔ اسے اپنے چہروں اور ہاتھوں پر ملو۔ اللہ تم پر کسی قسم کی تنگی نہیں ڈالنا چاہتا بلکہ اس کا ارادہ تمہیں پاک کرنے اور تمہیں بھرپور نعمت دینے کا ہے تاکہ تم شکر ادا کرتے رہو۔" نیز ارشاد باری تعالیٰ ہے: "اے ایمان والو! جب تم بحالت نشہ ہو تو نماز کے قریب بھی نہ جاؤ تا آنکہ تم اپنی بات کو سمجھنے لگو اور بحالت جنابت بھی، جب تک تم غسل نہ کر لو، ہاں اگر تم راہ چلتے گزر جانے والے ہو تو اور بات ہے۔ اور اگر تم بیمار ہو یا سفر میں ہو یا تم میں سے کوئی قضائے حاجت سے آیا ہو یا تم نے عورتوں سے مباشرت کی ہو اور تمہیں پانی نہ ملے تو پاک مٹی کا قصد کرو اور اسے اپنے منہ اور ہاتھوں پر مل لو۔ بےشک اللہ تعالیٰ بہت زیادہ معاف کرنے والا بے حد بخشنے والا ہے۔" امام بخاری رحمۃ اللہ علیہ نے ان ہر دو آیات سے غسل جنابت کے واجب ہونے پر استدلال کیا ہے پہلی آیت میں صیغہ مبالغہ (اِطَّهَّرُوا)استعمال کیا گیا ہے اس میں تنبیہ ہے کہ بحالت جنابت جہاں تک اثر جنابت پہنچ چکا ہو وہاں وہاں کوشش کرکے پانی پہنچا کر اس کے اثرات کو زائل کرنا ضروری ہے چونکہ غسل جنابت کا تعلق پورے جسم سے ہے اس سلسلے میں کسی عضو کا ذکر نہیں جیسا کہ وضو میں اعضائے اربعہ کا ذکر تھا اس لیے غسل جنابت میں معمولی طہارت کافی نہ ہو گی بلکہ کان ناک اور حلق کے اندر پانی پہنچانا ضروری ہے ہاں !جس عضو میں پانی پہنچانے سے کسی نقصان کا اندیشہ ہوگا وہاں معافی ہوگی مثلاً آنکھوں کے اندر کا معاملہ ہے۔ اگر وہاں پانی پہنچانے کی کوشش کریں گے تو بصارت کو نقصان پہنچنے کا اندیشہ ہے اس لیے اثرات جنابت دور کرنے کے لیے آنکھوں کے اندر پانی پہنچانے کا مکلف قرارنہیں دیا گیا۔ یہی وجہ ہے کہ امام بخاری رحمۃ اللہ علیہ نے سورہ مائدہ والی آیت کو پہلے بیان کیا ہے کیونکہ اس میں مبالغے کا صیغہ آیا ہے حالانکہ ترتیب کے لحاظ سے یہ سورت سورۃ النشاء کے بعد ہے حافظ ابن حجر رحمۃ اللہ علیہ نے ایک اور نکتہ بیان کیا ہے۔ فرماتے ہیں: امام بخاری رحمۃ اللہ علیہ نے سورہ مائدہ کی آیت کو سورہ نساء کی آیت پر اس لیے مقدم کیا ہے کہ سورہ مائدہ کی آیت میں (تَغْتَسِلُوا) کا لفظ ہے جس میں اجمال اور ابہام تھا اور سورہ نساء کی آیت میں(اِطَّهَّرُوا) کا لفظ ہے اس میں غسل کی تصریح آگئی گویا دوسری آیت پہلی آیت کے لیے تفسیر کاکام دیتی ہے پھر لکھتے ہیں کہ (اِغْتَسِلُوا)سے مراد لینے پر دلیل یہ ہے کہ یہی لفظ حائضہ کے سلسلے میں بھی وارد ہوا ہے وہاں (تَطَهَّرْنَ)سے بالاتفاق (اغتسلن) مراد لیا گیا ہے۔( فتح الباری1/468۔) لیکن علامہ عینی حافظ ابن حجر رحمۃ اللہ علیہ کی اس رائے سے متفق نہیں ہیں فرماتے ہیں: لفظ (اِطَّهَّرُوا) میں کوئی اجمال نہیں نہ لغوی اور نہ اصطلاحی کیونکہ اس کے معنی ہر لحاظ سے غسل بدن کے ہیں۔( عمدۃ القاری3/4۔)علامہ کرمانی لکھتے ہیں کہ ان آیات سے امام بخاری رحمۃ اللہ علیہ کا مقصود یہ ہے کہ غسل جنابت کا وجوب قرآن مجید سے مستفاد ہے۔( شرح الکرمانی1/111۔)

امام بخاری رحمۃ اللہ علیہ اس عنوان میں دو مسئلے بیان کرنا چاہتے ہیں©ایک دفعہ جماع کے بعد اگر کوئی اسی رات یا دن کو دوبارہ جماع کرنا چاہتا ہے تو اس کے متعلق کیا حکم ہے؟©اگر کوئی رات میں تمام بیویوں سے ہم بستر ہونے کے بعد آخر میں غسل کرتا ہے تو کیا ایسا کرنا جائز ہے؟ متعدد جماع کے لیے ایک غسل کافی ہے چنانچہ علماء کا اس پر اجماع ہے البتہ ہرجماع کے لیے الگ الگ غسل کرنا مستحب ہے کیونکہ حدیث میں ہے کہ رسول اللہ صلی اللہ علیہ وسلم نے ایک دفعہ تمام بیویوں سے جماع کیا اور ہر جماع کے بعد مستقل طور پر غسل فرمایا:راوی حدیث حضرت ابو رافع رضی اللہ تعالیٰ عنہ نے عرض کیا یا رسول اللہ صلی اللہ علیہ وسلم ! آپ نے ایک غسل پر اکتفا کیوں نہیں فرمایا؟ تو آپ نے فرمایا:"یہ صورت زیادہ پاکیزہ اور ستھری ہے۔"( سنن ابی داود الطہارۃ حدیث 219۔) اس صحیح حدیث سے استحباب ثابت ہوا۔اگرچہ امام ابو داؤد رحمۃ اللہ علیہ نے دوسری حدیث انس بھی بیان کی ہے کہ رسول اللہ صلی اللہ علیہ وسلم نے متعدد جماع کے بعد صرف ایک بار غسل فرمایا اور حدیث انس کو حدیث ابی رافع سے زیادہ قرار دیا ہے اس طرح انھوں نے حدیث ابی رافع کی صحت کو بھی تسلیم کر لیا ہے گویا ایک اصح حدیث سے رسول اللہ صلی اللہ علیہ وسلم کا متعدد جماع کے بعد غسل واحد ثابت ہوا تو دوسری صحیح حدیث سے متعدد غسل کا ثبوت آپ کے ارشاد سے ہوا۔ اس سے وجوب کی نفی ہو کر استحباب کا درجہ رہ جاتا ہے متعدد جماع کے درمیان وضو کرنا بھی ضروری نہیں اگرچہ بعض حضرات نے حدیث مسلم کے پیش نظر وضو کو ضروری قراردیا ہے کہ تم میں سے جب کوئی اپنی بیوی سے ہم بستر ہو پھر دوبارہ جماع کا ارادہ ہو تو وضو کرے۔( صحیح مسلم الحیض حدیث707۔(308)) وضو کرنا ضرور اس لیے نہیں کہ رسول اللہ صلی اللہ علیہ وسلم جماع کے بعد اعادہ فرماتے تھے اور درمیان میں وضو نہ کرتے تھے(شرح معانی الاثار للطحاوی 1/77۔)وضو کرنا مستحب ہے ضروری نہیں کیونکہ ابن خزیمہ رحمۃ اللہ علیہ کی ایک روایت میں ہے کہ درمیان میں وضو کرنا دوبارہ جماع کے لیے زیادہ نشاط پیدا کرنے والا ہے۔( صحیح ابن خزیمہ1/110۔)

حدیث ترجمہ:

حضرت ابراہیم بن محمد بن منتشر سے روایت ہے، وہ اپنے والد محمد بن منتشر سے بیان کرتے ہیں، انہوں نے کہا: میں نے حضرت عائشہ‬ ؓ ک‬ے سامنے اس (غسل احرام میں استعمال خوشبو) کا ذکر کیا تو انہوں نے فرمایا: اللہ تعالیٰ ابوعبدالرحمٰن (ابن عمر) پر رحم فرمائے (انہیں غلط فہمی ہوئی)، میں نے رسول اللہ ﷺ کو خوشبو لگائی، پھر آپ اپنی تمام ازواج مطہرات کے پاس گئے اور صبح کو احرام اس حالت میں باندھا کہ خوشبو سے آپ کا جسم مہک رہا تھا۔

حدیث حاشیہ:

حدیث ترجمہ:

ہم سے محمد بن بشار نے حدیث بیان کی، کہا ہم سے ابن ابی عدی اور یحییٰ بن سعید نے شعبہ سے، وہ ابراہیم بن محمد بن منتشر سے، وہ اپنے والد سے، انھوں نے کہا کہ میں نے عائشہ‬ ؓ ک‬ے سامنے اس مسئلہ کا ذکر کیا۔ تو آپ نے فرمایا، اللہ ابو عبدالرحمن پر رحم فرمائے میں نے تو رسول اللہ ﷺ کو خوشبو لگائی پھر آپ اپنی تمام ازواج (مطہرات) کے پاس تشریف لے گئے اور صبح کو احرام اس حالت میں باندھا کہ خوشبو سے بدن مہک رہا تھا۔

حدیث حاشیہ:

حدیث سے ترجمۃ الباب یوں ثابت ہوا کہ اگرآپ ہر بیوی کے پاس جا کر غسل فرماتے توآپ کے جسم مبارک پر خوشبو کا نشان باقی نہ رہتا۔ جمہور کے نزدیک احرام سے پہلے اس قدر خوشبو لگانا کہ احرام کے بعد بھی اس کا اثرباقی رہے جائز ہے۔ حضرت عبداللہ بن عمر رضی اللہ عنہما اسے جائز نہیں جانتے تھے۔ اسی پر حضرت عائشہ رضی اللہ عنہا نے ان کی اصلاح کے لیے ایسا فرمایا، ابوعبدالرحمن ان کی کنیت ہے۔امام مالک رحمۃ اللہ علیہ کا فتویٰ قول ابن عمر رضی اللہ عنہما پر ہی ہے۔ مگرجمہور اس کے خلاف ہیں۔

حدیث ترجمہ:

Narrated Muhammad bin Al-Muntathir (RA): On the authority of his father that he had asked 'Aisha (RA) (about the Hadith of Ibn 'Umar (RA)). She said, "May Allah be Merciful to Abu 'Abdur-Rahman. I used to put scent on Allah's Apostle (ﷺ) and he used to go round his wives, and in the morning he assumed the Ihram, and the fragrance of scent was still coming out from his body."

اسم العالم	الحكم
١. إجماع علماء المسلمين	أحاديث صحيح البخاريّ كلّها صحيحة

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

الحكم على الحديث